المساعد الشخصي الرقمي

مشاهدة النسخة كاملة : وش غداكم اليوم



كلي عطاء
13-11-2006, 10:41 AM
صباح الجوري للحلوات النشيطات اللي صاحيات بدري

ابي كل وحده متقولي وش ناويه تطبخ اليوم على الغداءانا ناويه اطبخ محشششي نكم بس ماشاءلله علي المحشي يطلع معي جناااان
:15:

نسيم الهدى
13-11-2006, 10:56 AM
{" أنا صايمة بس زوجي فاطر بأسوي له مضغوط دجاج هو يحبه مرة ويقول لي مضغوطك أحلى من مضغوط المطاعم
وانت حفزتيني أعمل محشي لكن اليوم انا مكسلة بالمرة

كلي عطاء
13-11-2006, 11:05 AM
الله يتقبل صيامك يا الغاليه

اوعديني بكرا غداكم محشي وعلميني طريقة المضغوط وعلمك على المحشي

بشاير الطيف
13-11-2006, 07:21 PM
دوبني اشوف الموضوع ولو انو متاخر انا عملت لازانيا ومسقعه لانو عندي في البيت احزاب

نسيم الهدى
14-11-2006, 01:50 PM
{" أختي كلي عطاء ماعليش ماشفت موضوعك غير اليوم وابشري أقول لك على طريقة مضغوطي
تحمرين البصل بالزيت على نار هادية شوية وبعدين تحطين عليه فصين ثوم مبشورة وهذا سر الطعم وتتركينه يتحمر مع البصل وكلما كان البصل كثير كانت الطبخة أطعم ولما يتحمر حطي ملعقة صغيرة صلصة وبعدين عليها حبتين طماطم مبشورة تخليها شوية تتسبك مع بعض وتحطين عليها كزبرة ناشفة وكمون وملعقة صغيرة كركم يعطي لون رهيب مع الطماطم والصلصة وشوية بهار مشكل بعدين تحطين الدجاجة مقطعه أرباع وتحطين الموية ماتكثرين وكم حبة هيل وحبة ليمون ناشف وورق غار تخلينة يغلى عشر دقايق وبعدين تجيبين الرز مغسل ومنقوع ومصفى وتحطينه عليه وعلشان تعرفين كمية الموية تلاحظين أول ماتحطين ملعقة الطبخ جوة القدر وتبدأين تحركينها يبان معاك الرز علشان كذا انتبهي لاتكثرين موية مع الدجاج وأقفلي قدر الضغط والنار ماتكون عالية ولا واطية وسط يعني وأول مايصفر أحسبي له عشر دقايق ووأفضل رز هو بنجابي المهيدب بس مشكلته يبغى له حرص شديد والا ينعجن وأنا بأستعمل رز الشعلان ورز أبو سيوف كتشكيلة لنوعين من الرز وملحوظة صغيرة وهي سر من أسرار نجاح الرز وهي كمية الزيت تكون زايدة شوية بس مو مرة
ان شاء الله راح أصور الطريقة وأنزلها بركن الأطباق الرئيسية بمشيئة الله تعالى

كلي عطاء
14-11-2006, 11:14 PM
الله يعطيك العافيه تسلم الايادي يانسيم الهدى

بالنسبة للمحشي نزلته بعنوان محشي جنان ولا في الاحلام