انا سوف أذهب لماليزيا بعد شهرين اللي يعرف يساعدنا

[رايموا]

أنا سوف أذهب مع زوجي ومعي طفلين أرغب المساعدة في مكان للسكن وقيمته ومستوى المعيشعة كم يكفي لطفلين وزوجي وأنا طبعاً مصاريف يفضل أن يكون قريباً من جامعة ملايا أرجو الرد سريعاً لكي نستعد لها:35: :35:

[شمس الدجى]

اختي انا سايره ماليزيا في الصيف وكان عندهم تنزيلات في كل المراكز والاسعار كانت وايد منخفضه

بس حتى احين ما اعتقد اسعارهم وايد مرتفعه وانصحج اذا تستعملين شي من بودي شوب تاخذينه من اهناك لان انا اتفاجئت بالاسعار برخص التراب وايد ارخص من عنى وبعد شو تبين اتعرفين عشان انساعدج

[رايموا]

شكرك اختي شمس الدجى على هالمعلومة انا سمعت ان ماليزيا فيهاالرخص والحمد الله تاكدت منك الله يسعدك وان كان عندك معلومات اكثر ساعدينا عن اي شي تعرفينه عنها اسواق منتزهات اشيا مميزة بماليزيا...*)

[شمس الدجى]

اختي انا سرت توين تاور وبعد لو تن و بيبي و في مراكز في شارع العرب بس مب مذكره اساميهم

سيري سان ويوى لاكون مثل حديقه مائيه ومركز كشخه اليهال بيستانسون اهناك الجسر المعلق

وبعد سيري جنتنك وايد حلوه بعد العاب ومركز والجو خبال في الصيف الغيم نازل عندهم وفي فنادق اذا حابه اتمين كم يوم اهناك

و انصحج ماركة guees وايد رخيصه عندهم وينزلون التشكيلات اليديده

والمطاعم : مطعم ناب ايراني حلو وعندهم بيتزا هت وايد حلو وبعد عندهم مطاعم عربيه

وشو بعد تبين اتعرفين انا تحت امرج

[رايموا]

الله يجزاك خير فعلا اسم على مسمى افديني بشكل كبير وحطيت لي مفكرة اكتب فيها معلوماتك عشان يصير عند شي ارجعله في ماليزيا لاني راح اقعد فيه سنتين احس اني كثرت عليك بس ترانا طماعين نبي زيادة :35:

[شمس الدجى]

هلا فيج اختي لاطماعه ولا شي

عادي شو تبين اتعرفين بعد خبريني عشان افيدج