:: خطأ يقع فيه مصممي الفلاشات ::

[غريبة الروح]

السلام عليكم ورحمة الله وبركاته

هلا ....

حياكم الله جميعا ...

حبيت بس أذكر بعض الأخطاء اللي يقع فيها الكثير من مصممي الفلاش ...

أكبر خطأ يقع فيه المصمم ....هو زيادة حجم ملف الفلاش !!

بعض الملفات يتجاوز حجمها .. واحد ميقا

مو معقول ..

و تنتظر ...... وتنتظر و تمر الدقائق و الساعات ..<=== قبل ظهور ال DSL

آخر شيء يطلع لك فلاش ..... يكرهك في برنامج اسمه فلاش !!

طيب وش السبب؟

تكون المشكلة مشكلة صور ..

الصور حجمها كبير ..!!

فيه عدة طرق لتصغيرها ...... أبسط طريقة هي عن طريق الفوتوشوب و بالتحديد عن طريق خيار Save For Web ......

و بعدين فيه خطأ شائع جدا ......(( ياليت تركزوا معي في هالنقطة ))

نفترض إنك تحتاج صورة بالأبعاد التالية ( 250 × 250 ) ب**ل طبعا !!!

بس مالقيت إلا صورة أبعادها ( 600 × 600 ) .... وش الحل ؟

أمامك طريقتين ...

تأخذ الصورة مثل ماهي و تعمل Import لداخل الفلاش ...ok ؟
و من خلال برنامج الفلاش تصغرها إلى (250 × 250 ) ...... صح؟


لا خطأ ......
خطأ كبييييييييير

طيب ليش؟

لأن الفلاش راح يصغر الأبعاد بس .... لكن حجم الصورة بالبايتات يبقى كما هو ......
يعني لو أخذت صورة حجمها 60 كيلو بايت و أبعادها ( 600 × 800 )
و دخلتها للفلاش و صغرتها من خلال الفلاش إلى ( 10 × 10 ) ... سيبقى حجمها 60 كيلو بايت كما هو !!!

شفتوا الخطأ قد إيش كبير و فادح !!

طيب وش الصح؟

خليكم معاي ...

قلنا نبي صورة (250 × 250) .....

بينما الصورة اللي عندنا ( 600 × 600)

الحل ... تروح لبرنامج الفوتوشوب و تفتح الصورة هناك ..
و تختار Image Size ....... و هناك تصغر الصورة ل (250 × 250)
و بعدين تختار Save for web .......... والأفضل امتداد JPG ....

هذا بالنسبة للصور ......


شو رايكم؟ انفع محاضره؟;)

أكيد مو منى لأنى مبتدئة :)

[روائع]

غروووووبة :confused:





روعة الموضوع 00 ومفيد جداً 00 أنا كنت ما أعرف إن الصور تزيد الحجم الإ من فترة بسيطة 00 وكنت ما اعرف اقلل حجمها الا لما أدخلها الفوتو واخليها بامتداد JPG
بس ما ادري إذا كانت تصغر أول لا :o


تسلمين على المعلومة والموضوع الروعة ;)

[الشهد]

يعطيك العافية غروبة بس مشكلة الصور هينة وتاثيرهاماهو بهديك ادرجة المشكلة في رايي هو كبر حجم الملف الصوتي وهذي هي مشكلتنا الاساسية

لكن اش نسوي بتلقينا نحارب ونضارب حتى نقلل حجمه لكن بيظل كبير في بعض الاحيان واذا نقصنا زيادة بيصير الصوت غيرواضح ومزعج:(

[غريبة الروح]

هلا رورو..بالفعل بالفوتو تصغر..
واظن هناك برامج تضغط الصوره وتحافظ على جودتها بعد ..لكنى ما جربتها :)

[غريبة الروح]

هلا شوشو:
برامج وايد تضغط الصوتيه..
وانا حصلت برنامج خفيف رائع لهالشغله..
باذن الله أضعه لكم للافاده هنا :)

[الشهد]

مشكورة غروبة بس احنا بنضغطها وعندنا عدة برامج لكن مثل ماقلت لك اما انه ما يصغر حجمه تمام

او يؤثر على جودة الصوت:(

[طـــيـــــف]

معلومااات عرفتها قرييييب جدا :D

تسلمين يغروبه ;)

ويليتج دوم تيبي لنا مواضيع سويشيه وتنسي الفوتوشوب شوي http://smilies.sofrayt.com/%5E/r/biggrininvert.gif

[روائع]

طيوف 00 عليك نور ;)

[ليدي الامورة]

يعطيك العافية