المساعد الشخصي الرقمي

مشاهدة النسخة كاملة : مسجات متنوعة{{حب/شوق/وداع/إعتذار/وعتاب}}



*الشهد*
20-01-2007, 07:38 PM
السلام عليكم ورحمة الله وبركاته

مسجات حب
يا أجمل الناس في قلبي وفي عيني
"يا احلى طيف يمر العين ويشقيها"
انا أشهد إن لك غلا مبطي وهو فيني
"قصة غريبة ولا أدري ويش اسميها"
لو قلت أعزك قليلة ماتكفيني
"شعوري أكبر من الدنيا وما فيها"



كنت اظن الحب في وسط القلوب
اثر حبك مالي الدنيا علي
دايم مشرق ولايعرف غروب
منور ونوره تعدى كل ضي
كان حبك غلطتي ماراح اتوب
راح احبك لو كواني الحب كي
لي فواد في هواك دايم يذوب
من عرفتك وانت عندي كل شي




لو يصير البحر أحلى من الغدير
ولو تعتم صبحنا وأصبح ظلام
ولو تبدل طبعنا وأصبح ذميم
ولو غدى الشاهين زوج للحمام
ولو يصير ولو يصير ما يصير
لك محبة مايفسرها الكلام




فيك لايمكن اغير موقفي
انت محبوبي على كل الظروف
ثابت رايي ومهما تختفي
لك مكانه فايقه كل الوصوف
ترجمي يادمعتي له واوصفي
حالتي في الحب مكسور الكفوف




للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب



مالوم قلبي لي رسى في موانيك
او سالت الدمعه لوصلك تنادي
الطيب ورد منبعه في اراضيك
والسعد شوفك يا بعد هالعبادي
ادعي عسى المولى يحفظك ويبقيك
يا أغلى مخلوق سكن في فؤادي

*****************************
مسجات الشوق

وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب




وش يقول اللي تعود يلتقيك
بوم عمره مالقى عقبك غلا
ماقدر في بعدك إلا يحتريك
وماعرف في غبيتك غير الوله
كم تمنى بالوفا لو يحتويك
في خفوق باصدق الود امتلا
لوبيدينه بس يقدريجيك
مايحول الوقت والملا




ذكرتك والدروب اللي تعانق خطوتك بسكات
انا مازلت اسافربين نظراتك وكلماتك
وانطفا جمر السلام وذابت الشمعات
ذكرتك واستفزيت من شوق بسماتك
انت في راحة وانا اقولك هيهات
انا لاجيت ابرتاح تطاردني بنظراتك..





وين أودي شوق قلبي والوله
لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
هاك قلبي ..
هاك ليتك تقبله
خذ سنين العمر أوخذني معك
انت تالي العمر وانت أوله
من يقول اني نسيتك يخدعك...




لوالرسالة تقتل ابعاد و فراق ،
لأرسلت لك في كل لحظة عبارة ..
حبك جريمة والجزا سجن الأشواق ،
سجني مؤبد بس صوتك زيارة ..
لكن لي قلب للأحباب تواق ،
لو غاب محبوبه بقى في انتظاره ..





يا مبعدن عن شوف عيني مسافات
لاتحسب انه يخلف البعد ظني
حبك بقلبي شامخ مابعد مات
زما هزته بعدالمسافات
عني لو نبتعد روحي وروحك قريبات
الغلا جمعهم غصب عنك وعني



******************
مسجات وداع

الناس في بسمة المجروح منخدعه !!
كم بسمه من وراها النار بأنفاسي ؟؟
بعض المواجع لها ما تنفع الفزعه !!
وبعض المواجع وجعها من وجع ناسي !!
عودت نفسي على الصدمات و الفجعه !!
ولو دست جمر الزمن ما ينحني رأسي !!!




جا يطيب خاطـــــــــري بكلمتين
يحسب ان رضاي مضمون وسهل
عذره إالي رجعه شوق وحنين
يحسب ان رضاي بشوية غزل
مادرى اني حالف وحالف يمين
ما ارد بكلمتي مهما عمل
ما يلين القلب والله ما يلين
وان زعل يزعل ما يهمني لو زعل !!





لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك





الـوداع..اخر حروف في خفوقي شلتها
..ياتموت بوسط قلبي يااموت ان قلتها.
. يالي حبك في حياتي كان حلم وانتهى..:





أنتهينا مابقى شيٍ نقوله
لايضيع الوقت في كثر الكلام
كل منّا بان للثاني ميوله
الصراحه ما اعتقد فيها ملام
ساعة الفرقى على اللقيا عجوله
أنتهينا وانتهى ذاك الغرام
فرحتي من خلقت الدنيا خجوله
الامل فيها تلاشى في السلام
خلّ يبقى حبنا باجمل فصوله
الفراق المنتظر مسك الختام






ابتعد في صمت وارحل في هدوء
واترك جروحي تنام وتلتئم..
وان حصل عني العواذل وانشدوا
قل لهم خان المبادىء والقيم..
سمني غدار او سمني عدو
وانت سمي نفسك ب"سيد الشيم"
اترك احزاني وارحل
يمكن جروحي تطيب وتلتئم]


************************
مسجات اعتذار

تلف هالدنيا على الناس وتدور..
والزمن عندك توقف ولا دار..!
أدري مقصر بس لاصرت مجبور..
ودي تسامحني على حكم الاقدار..
كني بدونك..عقد لاصار منثور..
وش يجمع المنثور دام الزمن جار..!!"





"الحب"يصدر عن شعور
‎ ‎وأحاسيس
والبعد مايخلف من الحب
‎ ‎حاجة
البعد يتعبنا ‎بكثر
‎ ‎الهواجيس
لكن نبي نرتاح يوم
‎ انتواجه
إرتاح ياعمري تعوذ من
‎ ‎إبليس
راسي ما احد غيرك‎
"يكيــف مــزاجـــه‏‎"






"ابعتذر"
وارسل مع الشوق عذري!
ياللي مكانك بين عيني و قلبي ؟ انا مقصر و الظروف اجبرتني !
وابيك تقبل اعتذاري وظرفي؟ والله ماني مهملك في حياتي
"لكن حياتي كلها اتعبتني"





اعتذرلك مابقى مني شي من جروح ..
أعتذرلك وقلبي لك سايق روحه لك بالهوى سوق ..
واعتذرلك لو اني بحبك قسيت وان كنت مطروح ..
واعتذرلك لو قصر وصلي وانت صرت بحياتي عوق . .




انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي




لك ثلاث ايام في عيونك عتب
ليتك تسولف قبل دمعك يسيل
ليه مختار السكوت بلاسبب
انتظرتك والظاهران صمتك طويل
سولف ماكل صمت من ذهب
كم عزيز راح من صمته ذليل
*********************
]مسجات عتاب
ماجيت جنبك اطلب اليوم تبرير
ولاجيت ابشكي لك زمان الهواني
شفت الاذى منك من دون تقصير
زدت الجروح اللي سببها حناني
النفس طابت ماتبي منك تفسير
لاتحسب ارتجي من نساني




احبك يلي عني ماسألت
ولافكرت فيني ولادريت
احبك يلي عني تغليت
ولاعرفت شنوفيني ولاحسيت
يادنياتعبت من الي انافيه
تعبت من الي حبيته موت
ماأغليت حدعليه ولاحبيت
ولاأحدمثله بعيني شافيت
لو وين اروح مثله مالقيت
ولامثل ريحته شميت
أحبه وأحبه وأحبه
وبيقى قلبي له مثل البيت





أهدي لك بذكرى الحب بطاقة عتابي ،
فيها ألومك على البعد و شوقي و عذابي ..
بين السطور بتشوف كل جفا السنين ،
وليلة فقدت فيها صوتك يم بابي ..





صرت مهمـــــــوم ياخلي من الدنــــيا
والآه في صـدري قوت تعلى مراتــــــــب
والجرح الاكبر صار في القلب مرتبة عليا
حتى انت صرت والامي من القرايــــــــب





من امس وقلبي خفقته ماهي بخير
من يوم غابت عن سمايا بروقـــك
يومين وهمومي بقلبي طوابيــــر
وانت الوله ما يبلل عروقــــــــــك
كانه بخــــــــــــــــل ؟؟؟
حول علي الفواتير !!!!
وكانه ثقـــــــــــــل ؟؟؟
الله يلين خفوقك !!!!




تذكر صاحبك وإرجع
تقرب له ولول بالصوت
على آخر نفس واقف
تجيه والا يجيه الموت
وأشوف إنك تبيه يموت
وأخاف إنك بعد موته
تحن وتفتح التابوت
وأخاف من القهر تزعل
وتبكي يوم يفوت الفوت00

أتمنى تعجبكم

منقووووووووول


*ومن عنده زيادة فليفيدنا*

المجـــــــاهدة
20-01-2007, 07:50 PM
15

مسجاات حلووووووه سيتم كتابتها ف الجوال

بارك الله فيكِ غاليتي الشهد

فراشة الشرقية
20-01-2007, 07:56 PM
وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب


الشهد تسلمين مسجات مثلك روعه كلها

*الشهد*
21-01-2007, 02:36 PM
وين انت يا ملهم قصيدي اناديك!!!
الصدر ضايق وخاطري منك ما طاب
اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب


الشهد تسلمين مسجات مثلك روعه كلها

شكرا لك على المرور00وأنت أروع


الشكر موصول للأخت المجاهدة

احلى مروج
21-01-2007, 04:58 PM
روووووووووووووووووووووووعة

يسلموووووووووو يالغلاااااااااااااااا :)

محبة الشوق
21-01-2007, 06:49 PM
مرحبا أختي الشهد...مسجات روعة وحلوة جدا مثل أسمك
ومزيدا من العطاء بارك الله فيك

رياح الحنين
21-01-2007, 08:44 PM
وعليكم السلام ورحمة الله وبركاته

تم اضافتها للمفضلة تمهيدا لنقلها للجوال

مشكورة أختي الشهد

الله يعطيك العافية

هنـــد
21-01-2007, 10:01 PM
مسجات حلوة تسلمين :)

الغامضة
31-01-2007, 10:52 PM
حلووووة اختي

نيسو100
31-01-2007, 11:07 PM
مسجات رااااااااااااااااااااائعه

شكرا لكي اختي

ريناااد
01-02-2007, 07:08 PM
تذكر صاحبك وإرجع
تقرب له ولول بالصوت
على آخر نفس واقف
تجيه والا يجيه الموت
وأشوف إنك تبيه يموت
وأخاف إنك بعد موته
تحن وتفتح التابوت
وأخاف من القهر تزعل
وتبكي يوم يفوت الفوت00



مسجااااااااات ذوووووق