المساعد الشخصي الرقمي

مشاهدة النسخة كاملة : ساعدووووووووني مشكلتي بطى تعلم !!!!



مسك المحبه
14-03-2007, 11:20 PM
السلام عليكم ورحمة الله وبركاته


هلا فيكم خواتي اليوم محتاجه مساعدتكم

انا عندي طفل لديه بطى تعلم واعاني من طريقه تدريسه خصوصا ان مناهجنا غير مناسبه لحالته فهي كثيره عليه

واستيعابه قليل ومحتاره معه ابغاه ينجح , عنده مشكله بالقراءه والكتابه اللي تعرف موقع تدلني عليها

والله يجزاكم خير

wispy girl
14-03-2007, 11:31 PM
حبيبتي الموقع ممكن مايفيدج ولدج بعمره..................وفيه في حالات مثل حالته ولدج وارد واتحسنت بفضل الله ثم تشجيعج انتي على القراءه............وحاولي تشتريه قصص تكون فيها أشكال بارزه اتشده وسهله انها يقراها.................وخليه يقص عليييييييييييج ويسولف معاج عنها..................وكذا يصير يحب القصص واتشده....................والكتابه بعد مايخلص القصه حاولي تبحثين عن كلمات سهله منها وقوليله يكنبها بمساعدتج..................زمره ومرتين وثلاث وبعدين راح يتحسن بالكتابه.....................حاولي اتملينه ككثير من كتاب العربي ايضا...............:)

وانا بنت اخوي فيها ارنبه داخليه وكانت صعب تنطق................يعني ولدج اهون................وسولها عدة عمليات
وامها كانت تعلماه مثلا الأحرف بالغتين والاعداد..................زوتشتريلها قصص................وفيه في التعليم المبكر العاب تنطق حروف وكلمات ولدج اعيد وراها..................بس انتي شجعيه................وارفع معنوياته عشان يتشجع ويزيد نشاطه:)

مسك المحبه
14-03-2007, 11:47 PM
لا حرمني الله من هذا المرور الرائع ردك يبرد القلب وخاصه اني كاتبه الموضوع بحرقه

بس اكو شي ما بينته لكم السموحه ولدي كبير عمره 12 سنه ومعاناتي معه من الصغر ولحد الان ما يعرف يقراء ولا

يكتب زيننننننننننن بالمره محطمني بس قاعده احاول معه وخاصه انه اهو اصبح عنده عقده من الدراسه والمدرسه


كله متضايق منها بسبب تاخره عن البقيه والمدرسين مو مقصرين هادمين شخصيته بهذا الموضوع مو راضين

يستوعبون حالته حتى بالمدارس الخاصه مالــــــــــــــت عليهم

^*ديم المحبة*^
17-03-2007, 07:32 AM
بسم الله الرحمن الرحيم



السلام عليكم ورحمة الله وبركاته




أختي مسك المحبة.....


مثل ما قالت الأخت جيبيله قصص ومجلات ...

أعرف قريب لنا مثل حالتكم ....وعنده أرنبة بالانف ...

بس ما شاء الله تبارك الله...

الولد شد حيله بنفس الأسلوب اللي قالت عليه الأخت وبتشجيع من أهله...

وألحين قريب يتخرج من الكلية....

وحطي في بالك ان المواقع مراح تفيد للي مثل ولدك....

(أختي إذا عندك أسئلة عادي أسئلي...وصدورنا واسعة لكم)

أسأل الله لنا ولكم التوفيق والسداد...

مسك المحبه
17-03-2007, 01:28 PM
شاكره لك تفضلك بالتعقيب

يعطيك العاااااافيه

^*ديم المحبة*^
17-03-2007, 03:17 PM
العفوووو (إذا حبيتي تستشيرين لا تترددين عندك منتدى الإستشارات الخاصة)...

وردة السياج
28-12-2008, 01:24 AM
أختي لا تخافين على ولدك وان شاء الله انها حاله طبيعية وشيلي كل الوساويس اللي براسك
وحبيت أقولك ان مهارات أي شخص تبدأمن الطفولة إلى سن المراهقة
فعند وصول أي شخص إلى سن المراهقة تبدأمهاراته في الظهور وهذه دراسة مؤكدة