قمة الأحرااااج .. أن صديق زوجي يشوفني وجهاً لوجه

[بنت الرمال]

السلام عليكم ورحمة الله وبركاته


قمة الأحرااااج .. أن صديق زوجي يشوفني وجهاً لوجه


اليكن هذا المنقووول من السااااحات


ذكرت لنا احد الزميلات قصتها اللي صارت مع صديق زوجها .. وبصراحه متنا عليها من الضحك .. موقف لاتحسد عليه ..

زميلتي هذي ساكنه بشقه وكان زوجها عازم صديقه على قهوة وشاي بعد العشاء ..

تقول زميلتي ..

كنت بالصاله اناظر التلفزيون ولاحظت الوقت تأخر وانا فيني النوم ودايخة ..

وكان زوجي وصديقه بالمجلس .. وشووي الا وأسمع باب الشقه ينفتح وكأن أحد طلع ..

قلت بنفسي أكيييييييييد هذا صديق زوجي طلع .. خلني اروح اضف البيالات والفناجين علشان يمديني اغسلها

وأنا عاد راسي مصدع ومدروخه .. وعلطول ادخل المجلس ..

واشووووف هالرجال اللي جالس .. وأفتح عيووني زين .. اثاري الرجال هو صديق زوجي ..

عاد انا تبوني بهالوقت ماتلقوني .. كن موية حارة منكبة على وجهي ..

الرجال ضعيف نزل شماغة ... وقااام يتنحنح <<< وشو عقبه يالاخو

ومن حلاتي كنت لابسة بجامة البيت قصيره .. يعني شاف الوجة والعصاقيل ..



وبعدها رحت للصاله وانا انتفض وشوي بصيح ..

وماسمعت الا صكة الباب واثاري زوجي اللي كان طالع ..

وبعد نص ساعة أو أقل الا زوجي يدخل ويقول تعالي ضفي مواعينتس

وشكل صديقه ماقاله عن هالموقف .. وأول ماشفته قعدت أصيح .. وهو مستغرب ويسألني وشفيني ..

ويوم علمته بالقصه .. الا وهو يمسك راسه ويمعط شعره ..و يسب ويشتم فيني ..

يالمصرقعه يالمطفووووقه ماتنتظرين الين ادخل عليتس .. كلها ثواني رحت اجيب المفاتيح ناسيهن بالسياره ... مير ياسرعتس بهالدخله كنتس ضب ..

كل هذا عجلة بغسل البيالات جعلتس تغلسين ميتة .. ماتصبرين يمال الضعفه .. لا وطالعتن هالعصاقيل من زينهن ..

وانا أقول وش بلا الرجال يوم رجعت له كان مرتبك ويتعلثم بالحكي .. من الفشيلة ماقدر يحكي لي .. ياجعلتس.... و ...

وانا أقووله ..

اجل تطلع ولاتقولي انه فيه رجال غريب بالبيت على الاقل دق جوال قل بطلع دقيقة وبرجع .. انا على بالي يوم سمعت صكة الباب ان صديقك طلع ..

المهم

كلمة مني وكلمة منه وطقاااق وهواش .. ونمت ذيك الليلة وانا دمعتي على خدي ..

طبعا .. احنا ضحكنا على موقفها من جد محرررج بقووه ..

والمسكينه تقول لنا .. تهقون شاف شيء .. ولا وحده تقولها .. عاد يمه من الرجال نظره وحده تفصفصك من فوقك لتحتك .. والثانية تقولها .. لا أن شاء الله يمكن من الروعه بدخلتك مامداه يشوف شيء ..



طبعا انا أستئذنتها بنشر هالموقف .. قالت بس بشرط تحطين هالنصيحه فيه ..

ان الوحده تتركد قبل تدخل المجلس وتسمع اذا فيه صوت رجال او لا .. ولاتصير مطفوقه مثلي ..

والمفروض على الزوج اذا بيطلع يدخل ويقول لزوجته أو يدق عليها جوال .. ترا بطلع برا أجيب حاجة أو بدخل دورة المياة الله يكرمكم ..

قد تكون تفاصيل تافهه بس كثير مواقف تحصل معها ... ]



بما أنكم قريتم هالقصه ياليت بالمررررره تتحفوونا بمواقف محرجة مثل هالموقف

[شـqqqqق]

هههههههههه روووعه مسكينه والله الله يكوون بعونهاا

لا انا تقريبا حصلي زي موقفها 0000

كان ولد عمتي عندنا وفي المجلس 0000وحنا تغدينا وسمعت العيال يقولللون راح للبقاله

يشتري كوكوا0000المهم انا ابي اطلع من نفس المجلس لانه مكان مختصر ابي ارووح بسرعه

لان العزيمه في بيت اخووي والمجلس له بابين 000وقريب لباب صالتنا 0000000

المهم طبعن كان ايام صيف وحر مره وكانت ايام اختبارات 0000000

والاخت رافعه شعرها فووق زي السيده ملعقه 00000

ولابسه رروب بس والله خفيف يعني السيقان والبطن طالع 0000خبركم حر

وبعد ماتغديت 00قلت يالله بروح اذاكر وافتح باب المجلس بدخل منه واطلع مع الثاني

المهم ودخلت وانا في نص المجلس الا شفت واحد 000متكي ويتفرج في التلفزيوون

وعيني بعيده انا ماني مستعووبه على بالي اخوووي 000000

طبعن هو لحاله اخووي عنده شغل وطالع 0000تخيلو يمكن خمس دقايق تجبست في مكاني

المهم سحبت نفسي وطلعت 0000وبعدها بفتره وصل كلام لابنت اخته يقوول يالله انجنييت يووم

شفتهااا 000تخيلو كان متحمس يبي يخطبني 000هههه بس مصار نصيب رفضت

بس يقوول لاخواته والله مانسى دخلتها علي لو اتزووج كذا وحده 00000000

[بنت الرمال]

هههههههههه روووعه مسكينه والله الله يكوون بعونهاا

لا انا تقريبا حصلي زي موقفها 0000

كان ولد عمتي عندنا وفي المجلس 0000وحنا تغدينا وسمعت العيال يقولللون راح للبقاله

يشتري كوكوا0000المهم انا ابي اطلع من نفس المجلس لانه مكان مختصر ابي ارووح بسرعه

لان العزيمه في بيت اخووي والمجلس له بابين 000وقريب لباب صالتنا 0000000

المهم طبعن كان ايام صيف وحر مره وكانت ايام اختبارات 0000000

والاخت رافعه شعرها فووق زي السيده ملعقه 00000

ولابسه رروب بس والله خفيف يعني السيقان والبطن طالع 0000خبركم حر

وبعد ماتغديت 00قلت يالله بروح اذاكر وافتح باب المجلس بدخل منه واطلع مع الثاني

المهم ودخلت وانا في نص المجلس الا شفت واحد 000متكي ويتفرج في التلفزيوون

وعيني بعيده انا ماني مستعووبه على بالي اخوووي 000000

طبعن هو لحاله اخووي عنده شغل وطالع 0000تخيلو يمكن خمس دقايق تجبست في مكاني

المهم سحبت نفسي وطلعت 0000وبعدها بفتره وصل كلام لابنت اخته يقوول يالله انجنييت يووم

شفتهااا 000تخيلو كان متحمس يبي يخطبني 000هههه بس مصار نصيب رفضت

بس يقوول لاخواته والله مانسى دخلتها علي لو اتزووج كذا وحده 00000000


غاليتي شووووق

شاكره لك هذه الاضافه الرائعه من شخصك الكريم

وطبعا النظره الاولى واللقاء الاول احيان لاينسى

لاحرمنا الله المزيد منك ومن غيرك ممن مرو بهذه التجاااارب

[زهور الكاميليا]

هههههههههههههه

من جد احراج
بس مااذكر الحين مواقف

[سريتا]

هههههههههههههههههههههههههههههه
عنجد احراج

[*BTOOL*]

وااااااااااااااااي من جد أحراج حده


مشكوووووووووورين

أكيد الوحده تصير لها مثل ذي المواقف
لكن لازم بعد تكون حريصه

ودمتم بخيييييييير

[بنت الرمال]

هههههههههههههه

من جد احراج
بس مااذكر الحين مواقف

زهور الكاميليا

اسعد الله قلبك

ولاحرمنا من اضافتك ومزيدك

[بنت الرمال]

هههههههههههههههههههههههههههههه
عنجد احراج

فعلا احرااااااج

لكن احيان تكون بعض المواقف خارج عن الاراده

شكرا لمرورك وفقك الله

[بنت الرمال]

وااااااااااااااااي من جد أحراج حده


مشكوووووووووورين

أكيد الوحده تصير لها مثل ذي المواقف
لكن لازم بعد تكون حريصه

ودمتم بخيييييييير

فعلا ياختااااه

لازم من الحرص لكن احيان تكوني حريصه ويحصل موقف لم يكن بالحسبااااان

شكرا لمرورك اكرمك الله

[miss Saboo7a]

مشكوووووووووووووورة يالغالية عالموضوع

[بنت الرمال]

مشكوووووووووووووورة يالغالية عالموضوع

ومشكوره لمروركم وردك وفقك الله

وستر علينا وعليك في الدارين