المساعد الشخصي الرقمي

مشاهدة النسخة كاملة : الفزعة يابنات



منتهى
31-03-2004, 11:25 PM
ابغى فقرات للحفل الختامي لصف ثالث ثانوي ابغى فقرات بمواضيعها مسكته تكفوووووووووووووون اول مرة يحملوني ها المسؤلية واريدها بدون فلاشات الله يعافيكم لاااااا تفشلوووووووووني :cry:

غنادير
02-04-2004, 12:42 AM
ماوضحتى ماهي الفقرات او المواضيع اللي تبيها؟؟

اختي بثالث ثانوي حفل ختامهم عن قضية الأمة الاسلامية من ضمنها مثلا قضية فلسطين ومقتل الشيخ احمد ياسين اناشيد مقاطع مسرحية ...الخ كلها تتعلق بالأمة الاسلامية..


بس مدرستك ايش اهتماماتها مجرد حفل وناسة وبس .... ولى فقرات هادفة؟؟

وضحي لي اكثر وابشري باللي تبينه يالغالية..

منتهى
02-04-2004, 02:37 PM
:D الله يعطيك العافيه ياغنادير يام الفزعات ايوه ابغى فقرات هادفه ويستفيد منها الجميع وطبعا يتخللها بعض من المتعه والمرح

الشهد
02-04-2004, 05:39 PM
المواضيع كثييرة اختي

انت حددي اللي تبيه واحنا بنعينك باذن الله;)

غنادير
02-04-2004, 05:57 PM
هلا حبيبتي..

1/ عندك مثلا: فقرة تخصص لقضية فلسطين وهذي بنفسي طبقتها على الطالبات وكان التأثير واضح وكبير.. وهي مقتل محمد الدرة وان كانت قديمة شوي لكن قصص قتل الأطفال في عمر محمد شبه يوميولك فقرة مشابه لقصة محمد لكن فيه تغيير :
الفقرة هي: طالبتان يمثلان ام وبنت جالسين في البيت تقوم البنت تستأذن من امها تبي اغراض من المكتبة فالأم ترفض من خوفها على بنتها..
وتقول الام: حنا في حرب واتني بدك (بالفسطيني) اقلام ودفاتر ؟؟؟ لاتروحي ..
تقول البنت:حرب.. ليه يامى من شان فلسطين بدي ادرس واتخرج من شان اعالج المرضي واعالج الأطفال...(انتي عاد سوي حوار وساخن)
تروح البنت للمكتبة وتصيبها رصاصة من المحتلين(مسدس من ابو ريالين تمسكة طالبه على قرب من المايك حتى يعمل صوت كبير)
تطلع الأم وتركض تلم بنتها في احضانها..في هذي اللحظة تكون طالبة ثانية جالسة في موقع مميز على المسرح وتنشد(موال) عن القضية الفلسطينية(انصحك تاخذين النشيدة من شريط لعيون القدس...اعتقد انه هو لاني من زمان عنه)

2/اسئلة متنوعة والطالبات يجاوبون عليها..

3/تسوين عدة صناديق وكل صندوق فيه طلب : تختارين طالبة من الحضور وتخلينها تختار صندوق تدخل يدها وتقرا الورقة والمطلوب تنفذه..مثلا:
تنشد..
تقول موقف طريف ..
تكرر جملة صعبة..
تحل لغز..
تعد من واحد الى عشرة وهي تبكي او العكس........الخ
(انتي نوعي)

4/تاخذين طالبتين (مسابقة) وفيه عندك حاجة معينه تخلين الطالبة توصلها من بداية المسرح مثلا توديها الى نهايته لكن قبل تبتدئ لازم تدور عشر مرات حول نفسها لين تدوخ ثم يطلب منها تجيب الحاجة بسرعة ونفس الطريقة مع طالبة ثانية والأسرع لها جائزة(طبعا لما تدور بتكون مشيتها مضحكة وشوفي عاد ضحك البنات)

5/فقرة : نشيد عن تحشم الطالبة مثلا او الرفقة الطيبة..من اداء طالبة..

6/عمل لقاء مع الطالبات على المسرح ويسئلن مثلا:مااحب مادة عندك ولماذا
كم ساعة تذاكرين في اليوم
ماذا تتنمين ان تكوني في المستقبل..
مالذي يحزنك..
مالذي يفرحك.. الخ

7/ لعبة الكراسي (قديمة) لكن حلوة ومسلية (اللي يدورون مجموعة حول الكراسي...اكيد انك عارفته..)

منتهى
02-04-2004, 07:22 PM
جزاك الله خير يا شهوووودة ياحبوبه ماتقصرين والله عاطينا الي عندك من افكار اسلاميه اجتماعيه فكاهيه :o

منتهى
02-04-2004, 07:41 PM
جزاك الله خير ياغندووووره يابعد عمري نبغى منك اكثر انت ام الجود والكرم وخجلتينا بكرمك الله يهنيكي ويبارك فيكي :)

منتهى
04-04-2004, 11:46 PM
وينكم يابنات ماتبغون تفزعولي وينكم ياهووووووووووووه ابغى منكم اكثر:( :cool: :cry: :cry: :cry:

الشهد
05-04-2004, 07:44 PM
عذرا اختي على التاخير لكن اليومين اللي راحت كنت تعبانة شوي

اعتقد انه فقرات الاخت غنادير حلوة

ممكن تختاري وتحددي اش بغيت حتى نكمل معاك بالاناشيد والمقاطع


وعلى فكرة ليش ما تبي فلاشت تراها تحلى الحفلة اكثر وتشد الانتباه;)

منتهى
05-04-2004, 08:15 PM
سلا مات يانور المنتدى :eek:
فقرات الاخت غنادير حلوه بس فقره قضيه فلسطين مكرره نبغى اجد منها ..........وابغى اناشيد ومقالات ومسابقات والفلاشات مابغاه لان مدرستنا صغيره وفي قرية كمان!! لايتوفر فيها بعض الاجهزة ولكم تحياتي وقبلاتي:o

الشهد
05-04-2004, 08:29 PM
طيب بحك راسنا شويه

والله يجزاك خير اختي على كلماتك الطيبة

لكن بالنسبة للاجهزة

ترى ممكن توفروها من مكتب التوجيه

منتهى
05-04-2004, 08:46 PM
اخذي راحتك حك راسك وحك جسمك بس لاطولين في الحك هذا رجاء وليس بامر;) ومكتب التوجيه بعيد عن القرية
الله يعطيك الصحة والعافية:)