المساعد الشخصي الرقمي

مشاهدة النسخة كاملة : رحلة بالصور لا تفوتك كذا السياحة ولا بلاش



الطرف الحنون
13-06-2007, 03:01 AM
السلام عليكم ورحمة الله وبركاتهـ

الموضوع بينزل على شكل أجزاء لأنه مدعوم بالصور فلذلك حبة حبة علي
واللي عندها إستفسار بخصوص أي شي تسأل فديتها والله اللي بتسأل وتناقش
والصيفية ذي إذا سافرت بيكون هنا التفصيل الممل وبالصور لكل يومياتي في الرحلة

تابعونا وشعارنا (( منتديات عالم حواء عالم من إختيارك :15: ))


====================================

راح اذكر لكم رحلتي من الرياض الى القاهره بسياره .. وبما فيها من مشاكل وتعب وعقبات ’(
كانت الرحله مرتب لها وكانت على النحو التالى الرياض _ القاهره _ ومن ثم بطياره ماربيا وباريس
وكانت الرحله على سياره BMW 745 Li الانطلاقه كانت بعد صلاه المغرب وكان خط السير من :
الرياض _ القصيم _ حائل _ تبوك _ ضبأ .. طبعا مرينا على اسماء اول مره اشوفها واسمع عنها في حياتي
وانا اقصد اسماء قرى وهجر مسكنا الخط وكانت السياره مظلله جميع جوانبها حتى الاماميه .. وكل نقطه تفتيش حنا وياهم مطاقات فك التظليل وما تفك المهم كل نقاط التفتيش بعد الكلام ووو يفكونا الا نقطه تفتيش الغاط ،)،
قالوا فكوها ولا مخالفه قال الباشا عطونا ثلاث بس مساله افك التظليل انسوا خخخخخخخخخخ عطونا مخالفه وفكونا وكملنا الطريق الى ان وصلنا الى حائل وقتها كانت الساعه تقريبا 1:30 اعتقد او 2
ما اتذكر وقتها اول مادخلنا لقينا ماكدونالدز وقفنا واكلنا فيه

صوره من داخل السياره

http://www.m5zn.com/uploads/782ea76466.jpg


طلعنا واتجهنا الى تبوك بل تبوك فيه مسافه تقريبا 180 كيلو او 200 كيلو عذاب
طريق ( محفر ) يعنى اللى بيروح مع الطريق هذاك يبغاله همر ولا شاص ولا جيب
بصراحه معاناةالطريق .. وغير كذا طريق جبال ولفات ومنحنيات .. الزفلت متقشر وضع سئ
المهم بعد كل التعب هذا وصلنا لى تبوك ومن ثم الى ضبأ .. كان الوقت 6 صباح

وهذي صورة برضه ما تنحرموش منها ’( السرعة وقتها 200 كيلو مهابيل حنا صح :15: بس وناسة


http://www.m5zn.com/uploads/8468c52a1d.jpg


صورة لحظة وصول ضبا وكذلك الجمرك وكل حاقهـ ’(


http://www.m5zn.com/uploads/4c45071ff0.jpg

وصلنا محطه الركوب وكنا قاصين التذاكر من الرياض والتربتك وكل شي تمام اوكي
وكان حجزنا على اللنش السريع وكان خط سيره من مينا ضبا الى مينا الغردقه خلال 3 ساعات
وكان سعر التذكره لشخص الواحد 410 و قيمة شحن السيارة 1035 ريال للسيارة
ودفتر التربتك كان سعره 300 ريال ورخصه قياده دوليه 100 تقدر تاخذها وتخلصها من مكتب
السفر يعنى مثلا انا اخذتها من الرياض .. افضل انك تاخذها من ضبأ ..
كان موعد الرحله الساعه 8 الصباح ووصلنا الساعه 6 مع السرعه وللحرص علشان مانتأخر
دخلنا المحطه الخاصه بشحن وتفاجنا في كل شي شوفوا الصوره على فكرة قالوا الرحلة تبدا الساعة 11 الصباح اوف


http://www.m5zn.com/uploads/755f83ec15.jpg


واخذنا ندور في الشوارع وكانت عموما المنطقه صغيره جدا
رجعنا لصاله ومع الكلام ونسمع الناس وتسمع صراخ اطفال وووو يجيك صداع من الصاله
وجميع اللى يشتغلون في الصاله والميناء بشكل عام من الاخوان المصريين والاداره ..
من كلام الناس التضح لنا ان فيه ناس من امس نايمين في ضبا لانهم ماحصلوا حجز وان الحجوزات
فيها لعب والناس متضايقه جدا وتعبانين وناس تسب وتشتم شي مؤسف جدا
رحنا وكلمنا واحد شغال في الحجز وقلنا له معنا حجز من الرياض و اوكي وش الوضع الان
قال الرحله تأخرت الى الساعه 2 الظهر اوووووووووووووووووووف ـ2
جانا واحد شاب سعودي وقال السلام عليكم .. وعليكم السلام
قال ياشباب الوضع هذا مايصير وانا من امس وانا هنا ولازم نقابل المدير او اي احد مسؤل هنا
حنا انهبلنا قلنا اجل الموضوع من جد فيه ناس نايمه هنا من امس
قلنا يلا نروح نقابل المدير سالنا عنه ودخلنا عليه في غرفه خاصه فيه رحب فينا وجلسنا عنده
قال وش موضوعكم وليه زعلانين قالنا له من الصباح وحنا هنا والى الان
كل شوي تقولون لنا بعد شوي نطلع للنش ؟؟ وخوينا الجديد
قال انا من امس وانا هنا ؟؟
سال المدير عن اسماءنا وقال وين اوراقكم ؟ قلنا له عند الكونتر الاول ..
وعرف المدير انى انه حنا لحالنا وان الثالث اللى جا معنا مانعرفه .. فقلنا وراح له عند الطاوله
وقلنا له انا فلان بن فلان ومن الكلام ولازم تخلصني طبعا كلها بأسلوب
بصراحه المدير ( صرف الولد اللى جا معنا من مكتبه وقال له بساعدك بس خلك عند الكاونتر وبجي الحين
جلسنا حنا لحالنا وطلب اوراقنا وخلصها وحنا عنده وقال لنا المصيبه الثالثه
اللنش بيمشي الساعه 6 المغرب وحنا تونا في اول الظهر
وقتها تحطمنا وتكلمنا وووو الى اخر .. معنا حق بصراحه جايين من 6 الصباح
ومكتب الرياض يقول بيمشي الساعه 8 ؟؟ مافيه دقه في المواعيد ولا مصداقيه ولا تنظيم ابدا
قلنا يلا نروح نتمشى وسط المدينة ذي الين نشوف اخرتها


وهذي صورة اثناء وقوفنا ونزولنا نتمشى شوي على الشارع نطلق رجولنا من كثرة الجلوس


http://www.m5zn.com/uploads/1101354474.jpg


هذي صوره المطعم اللى افطرنا فيه اسمه البلاغه بلاغه ولا نحو خخخخخخخخخ "R:

الصورة حقت المطعم تصلح لناس في بالي حياتهم كلها بلاغة ونحو ههههههههههههههههههههههههههههههه

http://www.m5zn.com/uploads/dff4f23f9d.jpg


المهم بعد هذا كله طفشنا وجانا النوم والتعب قررنا اننا ناخذ لنا نومه سريعه الى العصر
ولكن مافيه مكان زين ونظيف نسكن فيه الى العصر .. الاماكن الموجوده كلها ما تاهل لدخول
قلنا مافيه الا حبيبتنا السياره الـ BMW ننام فيها
وقفنا في محطه بنزين تحت مظله كبيره والمكيف شغال حق السياره وخذ يا نومه


وهذي صورة احد الضحايا بعد ضبطه متبلسا وهو نائم هههههههههههههههههههههه


http://www.m5zn.com/uploads/7755e390dc.jpg


بعد ما صحينا العصر وحنا جوعانين نبي غدااااااااااااااااااااء نبي كبسسسسسسسسسسة شوفوا صورة المطعم

http://www.m5zn.com/uploads/842b2aa987.jpg


مطعم المسعودي يمي يمي يمي يمي كبسسسسسسسسسسسسسسة ولا أروع مع الببسي {"


تخيلوا الوقت الطويل من 6 الصباح الى الساعة 6 المغرب وتغير الحجز عليك وكل حاجة
ومنطقة صغيرة ما تعرف احد فيها بتاتا ومالك لا قرايب ولا اصدقاء وش بتسوووووووون لو مكاني ؟؟؟؟؟؟؟؟؟؟؟؟؟؟


=======================================

الطرف الحنون
13-06-2007, 03:02 AM
وهنا جاء دور الإنتقام هههههههههههههههههههههههههه شوفوا أحد ردود أفراد العائلة الموقرة


فعلااااااااااااااااااااااا الفاضي يعمل قاضي والمووووووووووضة فووووووووووضة "R: عدة صور لردود أفعال مضحكة


http://www.m5zn.com/uploads/a81b4a5d47.jpg


الصورة الثانية بعد ما نوى تخريب الونشات الواقفة على الخطوط السريعة


http://www.m5zn.com/uploads/f6d2911b9f.jpg



كل واحد من افراد المجموعة قام يخرب وسط المنطقة ههههههههههههههههههههههههههههههههههههههههه

شوفوا المفتاح موجود والقلاب او الشيول او البلدوزر حسب التسميات شغلوه وش بيصير من زود الانتقام والفضاوة


http://www.m5zn.com/uploads/0c6131498c.jpg


وهنا وقد بدا تحريك الوووووووووووووووووووونش ههههههههههههههههههههههههههههههههههههههههه


http://www.m5zn.com/uploads/4be4854f98.jpg




ولما قرب وقت انه الباخرة بتمشي للقاهرة روحنا بسرعة وخلينا الونش شغال بعد ما اخذنا عليه كلنا لفة وسقناه

هههههههههههههههههههههههههههههههههههههههههههههههههه ههههههههههههههههههههههههههههه




الجزء الثاني راح يكون عن لحظة دخولنا لمصر

الجزء الثالث راح يكون عن لحظة طلوعنا من مصر الى ماريبا في أسبانيا :454:

الجزء الرابع يكون عن لحظة طلوعنا إلى باريس ثم العودة إلى السعودية




أنتظروناااااااااااااااااااااااااا فللحديث بقية والسفر ذو شجون وخاصة السفرية ذي ما انساها بسبب مواقفها المضحكة


منقــــــــــــول

السندرلا
13-06-2007, 04:58 AM
ههههههههههههههههههههههه "R: "R: "R: "R:

ياحليلك انتي والعائلة الموقرة

رحلة متعبة بس مواقفها صدق

مضحكة ننتظر باقي اجزاء الرحلة

ورحلة سعيدة ان شاء الله 9::

باسكن روبنز
13-06-2007, 05:05 AM
يالله وناااااااااااااسه

كمليها بسرعه
شوقتيني

تصدقين والله انك فاضيه تصورين وانت في سفر لا وبعد سفر الى تبوك
انا مره رحت تبوك بغيت انجن

الطرف الحنون
13-06-2007, 05:24 AM
الثندرلا مثكورة حبيبتي وأعذريني معليث ثنوني متكثرة من أكل العثكريم

بث من ذد مثكووووووووووووورة على المرور يا قمر وفيه موقف أخليك تفطسين ضحك

لما قابلنا عائلة سعودية في أسبانيا ووش صار هناك معاهم وسوالف يحبها قلب قلب قلبكـ "R:

الطرف الحنون
13-06-2007, 05:27 AM
صديقتي المصرقعة أم الإيسكريم وينك ذاك اليوم أنتظر منك إيسكريم وماجاني
وكم مرة قلت لك الولد ذا إن شفته يعسل بقطع خدودهـ "R:
ههههههههههههههههههههههههههههههههه وربي ذكرني بهايدي وخدودها الحمر
وأبشررررررررررررررررررري من عيوووووووووووووني الحين بكملك السالوووووووووفة الحين
بس فززززززززززززززعتك معاي أنا بكتب وأنتي أرفعي الصور على مركز التحميل
وربعن تعاونوا ما ذلوووووووووووووووووووااااااااااااااااااااااااااااا اااااااااااااااا

الطرف الحنون
13-06-2007, 05:48 AM
رحلة القاهرة فيه أوامر عليا بعدم كتابة شي فلذلك لما وصلنا أمر المقام السامي بتاريخ طعشر تقسيم خمسطعشر
قلت أدخل دغرررررررررررررررررررري في سالوووووووووووفة ماربيا كلووووووووووووووووووووليش حتى ما تتعب إيدياتي


رحلتي الى اسبانيا وتحديداً الى ماربيا

سوف اذكر لكم رحلتي من الألف الى الياء وبكتب لكم بالعاميه علشان اخذ راحتي في طرح الموضوع
رحلتي كانت 40 يوم ابتداء وكانت شامله لدول التالية :
مصر ( القاهره ) و أسبانيا ( ماربيا ) و فرنسا ( باريس ) وان شاء الله راح احط صور وكل شي صار معي في رحلتي



التأشيرة ومتطلباتها

1_عدد صورتين ملونه بدون شماغ والحرمة صورتين وهي محجبة
2_ تعريف عمل أنجليزي
3_ كشف حساب لمدة ست شهور أنجليزي
4_ تذكرة طيران ذهاب وعودة مؤكده
5_ حجز فندق ( سكن )
6_ تأمين طبي
7_ مبلغ 160 ريال لسفارة الايطاليه
8_ نموذج طلب التأشيرة الخاص بسفارة
اخذت التأشيرة عشر أيام وبعدين خلصت من السفارة



اول رحلتي كنا في القاهره وكنا رايحين لها بسيارة وكانت رحلة موفقه بس فيها بعض القلق بذكرها
بعدين المهم كنا راجعين من القاهره الى الغردقة ( خط ) بسيارة BMW 745 ومن الغردقة الى ضبا عن طريق
العبارة المهم كنا حاجزين من تبوك الى الرياض الساعة 10 صباحاً ورحلتنا من الرياض
الى أسباينا ( ملقا ) في نفس اليوم الساعة 10 مساء على الخطوط السعودية

اللى صار تأخرنا حنا على رحلة تبوك اللى رايحه لرياض وفاتتنا الرحلة وقالوا لي ان فيه رحلة ثانية
الساعة 1 الظهر والساعة 12 الليل بس كلها ( فول "R: فول ولا عدس)
المهم حنا وياهم هواش وصياح ونفوسهم مشاء الله زينه قلنا لهم نبغى حجز ولازم نروح الرياض عندنا رحلة الى ملقا اليوم المساء يقولون المقاعد ( فول ) فول ولا تميس دبرنا يا ابن الحلال يقول انتظروا وعلى فكره السياحي مافيه مجال واضطرينا نحجز على الاولى وندفع الفرق وكان الفرق 500 ريال دفعناها وكان انتظار "R: برضه
وبعد نص ساعة الحمدلله تأكد وقلت اخيراً اودعهم يوم جت الساعة 1 الظهر موعد الرحلة اذاعوا ان الرحلة بتتأخر الى 4 العصر وشذا الحظ الشين وزيدكم من الشعر بيت الرحلة كانت من تبوك الى حائل ومن حائل الى الرياض من زين الرحلة وكنت شايله هم سفرتي اللى في المساء لا اتأخر عليها

وكل شوي اشرب شاهي ومره كوفي من الطفش وجوالى بدا ينتهي شحنه يعنى الاخلاق مدحدرة "R:
اللى صار جت الساعة 4 والحمدلله مشينا وركبت الطيارة ورحنا الى حائل وانتظرنا في المطار نص ساعة ثم
مشينا لرياض واول مره اشتاق لرياض في حياتي مهوب حب فيها بس علشان اروح لرحلة الثانية
وصلت المطار الساعة 6 ونص ونركب مع تاكسي ابو هنود وقلنا له نبغاك مثل ( قرانديزر ) تودينا بسرعة لمطعم ناكل فيه ولما اكلنا خليناه يوصلنا مطار الرياض وركبنا الطيارة اللى متجهة الى مطار أسبانيا ( ملقا ) وكان خط السير :


من الرياض _ جدة _ نيس _ ملقا


مع ملاحظة انى تعبانه من امس مانمت ورحلة تبوك وحائل هذاك اليوم حفظت
كل تعليمات الطيارة وحركات المضيفين من كثر ما اهبط واقلع "R:



صورة للطائرة اللي شالتنا مع قراشيعنا وخششنا هونااااااااااااااك لأسبانيا "R:


http://www.m5zn.com/uploads/8121129a8a.jpg


طلعنا من المطار وعطينا صاحب تاكسي عنوان الفندق اللى في ماربيا وكان اسمه


Hotel Plaza Suites


صاحب التاكسي قال لنا فيه طريقين الى ماربيا فيه الطريق السريع ( مثل الدائري )
عندنا سعره بـ 70 يورو .. ولا فيه طريق مثل خريص "R: اقل بـ 55 يورو بس يقول زحمة وبطئ
حنا رحنا مع السريع احسن وافضل لنا "R:



واتفقنا انه يوصلنا 70 يورو وهذي صورة للشنطة وهي راكبة جنبه يا حوووووووووووليلها شنطتي العزيزة "R:


http://www.m5zn.com/uploads/dbc357188f.jpg

الطرف الحنون
13-06-2007, 06:10 AM
وهذي صورة من الطريق وحنا في اتجاه ماربيا


http://www.m5zn.com/uploads/df4439a64d.jpg


تذاكر الرحلة كانت على النحو التالى :


من الرياض الى ملقا ومن باريس الى الرياض على الخطوط السعودية ومن ملقا الى باريس كانت على الخطوط
الفرنسيه درجة أولى وكانت فعلاً ممتازه والسعر الاجمالى لتذاكر 6300 ريال من مكتب الفرسان
موقعه في الرياض على طريق الملك فهــد قبل ( المملكة )
كانت الرحلة ترانزيت من الرياض الى جده وكان وقت الانتظار فيها ساعة بس والله راحت بسرعة مع
السواليف والضحك والنصب على بعضنا كل واحد ينصب على الثاني بعدين رحنا
الى نيس وكان وقت الانتظار فيها نصف ساعة وقتها كان الجو في نيس غيم ورايق بعدين رحنا الى ملقا


ذي صورة من الفندق اللي سكناه


http://www.m5zn.com/uploads/a99c3b8256.jpg


وهذي صورة ثانية للفندق


http://www.m5zn.com/uploads/7497b0aac3.jpg


وهذي صورة ارسبشن واللي عليها سهوم وحده شنطة امي ههههههههههه والثانية علبة مياه الهنا للحين محتفظين فيها من السعودية لنه يمكن مويتهم تختلف عن مويتنا ههههههههههههههههههههههههه ولا مويتهم فيها سكر وحنا مو ناقصين سكر خلااااااااااااص الحلااااااااااا واصل حدهـ فينا هههههههههههههههههههههههههههههههه


http://www.m5zn.com/uploads/e0e4bc77a0.jpg



الصورة ذي قدام باب الفندق

http://www.m5zn.com/uploads/f46f773ec0.jpg



صورة جانبيه


http://www.m5zn.com/uploads/56a766c988.jpg

الطرف الحنون
13-06-2007, 06:13 AM
برووووووووووووح أناااااااااااااااااااام الله يزوجكم ويزوجني معاكم هههههههههههههههه

ولما أصحىىىىىىىىىىىىى من النوم وقتها أكون فضيت أكمل باقي بربرتي هنا

ههههههههههههههههههههههههههههههههههههههههههههههههه

السندرلا
13-06-2007, 07:06 AM
اميييييييييييين يزوجك انتي

بربرتك كثير لكن حلوة

ننتظر باقي المثلثل

تثبحين على خير

بلوح انااااااام :26:

بنت كول
13-06-2007, 01:37 PM
مشااالله عليكم شكلكم وسعين صدر والله اللي ماسافرت هالمسافه بسياره لو انها مايباخ ياختي احسه تعب وارهاق



مشالله عليكم اذا بالطياره انزل تعبانه وراسي صاكني وشلون هالمسافه بالسياره


ننتظر البقيه حمستيني




كوني بخير\لنـــــــــــكن

الطرف الحنون
13-06-2007, 03:02 PM
الثندرلا ثكلي أعديتك وخليتك ثرماء ذي أنا هههههههههههههههههه وخري عني شوي

خليني أكمل باقي بربرررررررررررررتي وعقبال ما ترقصين في عرسي وتهديني طقم ألماس ولا بفجر فيك "R:


صديقتي الجديدة بنت كوووووووووول تعالي معاي وأنا أخليك مجنونة سفريات أصج رأسك من جد بسواليفي

أبي أنصب عليك وأنتي أنصبي علي إلين نوصل المكان اللي مسافرين له ووقته ما بيجيك الصداع

شكلك تسافرين على ددسن هههههههههههههههههه "R: عشان كذا تصدعين ياختي شختك بختك ياني حبيتك "R:


لكن لو كانت السيارة مريحة وتحسين المرتبة يعني (( السيت )) يعني مقعد السيارة مريحة كنك في بيتك

وما لها صجة ولجة وهادية من داخل والتكييف حلو وصوت المسجل زين كان ما حسيتي بالتعب

وفيه نصيحة ثانية قبل لا تسافرين أشتري لك ما لا يقل عن 7 مجلات وأقريهم في الطريق

وبرضه أخذي جهازك الاب توب وشغلي عليه النت من جوالك ولا الماسنجر وضيعي وقت "R:

*قمر المحبة *
13-06-2007, 03:24 PM
يااااااااااااااااااااااااااااااااااااااااااااي


ماشاء الله ونااااااااااااااااااااااااااسة


ومواقف ولا احلى .................


كذا الرحلات ولا بلاش ............



هع



لي عودة مرة اخرى بعد ان اكمل قرأة الموضوع كااااااااااااااااااااااااااااملا .............



الله يسعدك يا الطرف الحنون ويوفقك قولي امين


محبتكِ في الله

قمر المحبة ....

الطرف الحنون
13-06-2007, 04:38 PM
صديقتي قمر المحبة "R:

صبرررررررررررررررررررررررررررررررر ما خلصت السالووووووووووووووفة للحين وراك مستعجله

ماني مخليتك وراك وراك "R: بجلس على قلبك وماني قايمهـ "R:

غربة مشاعر
13-06-2007, 05:50 PM
السلام عليكم ورحمة الله وبركاته


جهد جميل اختي

بس الاجمل لو انك تاركه الصور مثل ما حاطها العضو الخبير في منتدى العرب المسافرون وذاكره المصدر لان هذا

الموضوع باذل عليه جهد الرجال

وما اعرف ليه مسحتي اسم العضو من على الصور ومحملتهم ?

وهذه عينه من صور العضو


http://www.travel4arab.com/photo/data/778/medium/Image_047_.gif


http://www.travel4arab.com/photo/data/778/medium/Image_051_.gif

http://www.travel4arab.com/photo/data/778/medium/Image_029_.gif

واللي ينتبه للمقال مبين اللي كاتبه رجال وهذا اللي لفت انتباهي وخلاني ابحث

الطرف الحنون
13-06-2007, 06:13 PM
ذاك اخوي خيتي

بامكانك الرجوع للمصدر

هــــــــــــــع

الطرف الحنون
13-06-2007, 06:14 PM
مو الخبير هو صعب المنال يالحلوة

جوهرة العطاء
13-06-2007, 06:26 PM
بما انه منقول

لماذا لم تكتبي منقول

وقد نبهنا أكثر من مرة بعدم نقل المواضيع بدون ذكر منقول


ولماذا لم تذكري انه اخاك في البداااية

!!!!!!!!!!!

على العموم رحلة سعيدة