بنات مكة المكرمة والمدينة المنورة لو سمحتو

[سابنا]

السلام عليكم ورحمة الله وبركاته
بنات نويت باذن الله العمرة وأبغي منكم يابنات
معرفة الفنادق النظيفة
والأسواق والمولات الحلوة اللي بضاعتها حلوة وأسعارها معقولة
شيء يختلف عن اللي عندنا
وادري ما بتقصرون ومشكورين مقدما

[*أسيرة الحب*]

وعليكم السلام ورحمه الله وبركاته
أهلا بكي أختي
سابنا
في مكه المكرمه والمدينه النبويه الشريفه
أنا من المدينه
إن شاالله أفيك في الشي إلي تبغي تعرفي
بنسبه للفنادق أختي
ألحرم مغطي من جميع الجهات
تقريباً بلفنادق الفخمه والنظيفه
ممكن تاخدو في الفنادق الاقرب إلي الحرم
لانها هيا الانظف
رغم إني أنا أعرف أنه الفنادق كلها نظيفه
وطبعاً كل مازاد السعر كل ماكان أحسن وأنظف
الفنادق أنا ماني حافظه أساميها
لكن أذكر فندق موفنبيك الفنادق ماشاالله مره كثيره
إنتي لارحتي عند الحرم حتلاقيها
أما بلنسبه للاسواق
فهاذي أعرفها تماما
لكن أنتي ماذا تريدي
ملابس ماركات تلبسيها في المناسبات
ولا تبغي أسواق كبيره تلاقي فيها كل شي للكبار والصغار
وبسعر معقول مو غالي
لانه في الغالي والرخيص
ممكن سؤال إنتي من فين أختي
علشان بتقولي مو زي إلي عندنا
علشان أعرف أقلك شي مختلف
أتمني أكون أفدتك بشي مما تريدين
تقبل الله منا ومنكم صالح الاعمال
لا تنسي تدعيلي ....
وشكراً....

[سابنا]

[
ولا تبغي أسواق كبيره تلاقي فيها كل شي للكبار والصغار
وبسعر معقول مو غالي
لانه في الغالي والرخيص
ممكن سؤال إنتي من فين أختي
علشان بتقولي مو زي إلي عندنا
علشان أعرف أقلك شي مختلف
أتمني أكون أفدتك بشي مما تريدين
تقبل الله منا ومنكم صالح الاعمال
لا تنسي تدعيلي ....
وشكراً....[/align][/size][/color][/color][/QUOTE]

شكر1 للرد
وهذ1 1لمطلوب
1ن1 من 1لبحرين
1لكي بورد خرب1ن

[أم أوس المدَنِيَّة]

تبغي فنادق خمسة نجوم في المدينة
عندك دار التقوى بينها وبين الحرم الساحة فقط ، وجنبها عمائر طيبة فيها نظام شقق ونظام فنادق ( زي ما تحبي )
وعندك دار الإيمان إنتركنتنيتال .
وعندك كمان القصر الأخضر .
عموما زي ما قالت لك الأخت رهوووومه الفنادق جنب الحرم كثيرة
وبأسعار مختلفة حسب قربها وبعدها عن الحرم .
وإذا تبغي معلومات أكثر تقدري تسوي بحث في قوقل عن فنادق المدينة ومكة .
السلام عليكم ورحمة الله وبركاته

[ام غادة]

ياهلا بك مقدماً

الفنادق يا كثرها عند الحرم بس بصراحه ما اعرفها إذا كانت نظيفه ولا لا

بس اكيد إنها على مستوى راقي

اما الأسواق اعرفها تمام المعرفة تبين اسواق فخمة روحي الحجاز او اسواق شارع الستين

وعندك بعد سوق العزيزية وذي المجاز والضيافة وإذا تبين اسواق شعبيه

انصحكي بسوق العتيبية تلقين فيه الغالي والرخيص اتمنى إني افدتك بشئ

[أخر العنقود]

مثل ما قالت أختي ام غادة سوق العتيبية أسعاروا حلوة وملابسوا جدا جميلة

وعندك كمان سوق شارع منصور أقدر أقولك أقل رقي من العتيبية ولكن الأسعار حلوة و بضائعوا حلوة ومتجددة
وفي سوق وقف الملك عبد العزيز

[عازفه نازفه]

وعليكم السلام ورحمه الله وبركااته
اهلا فيكي اختي
انا من المدينه
بالنسبه للفناادق
زي ماقالت اختي اسيره الحب
كلها تقريباا جنب الحرررم
اما للاسواااق اعرفهااا مررره
لاتوصين بالحريم اهم شي الاسوااق
سوق النووور من افضل الاسوااق بالمدينه
هدا ماركاات كله
بس ليدا تبغي مجمعااات عاديه رخيصه
عندها اشياء حلووووه
مجمع القمه
انا صراااحه ولامره دخلته بس اسمع عنه
انه مررره حلووووو واسعاار بلاش
موماركاات
وشكرراااا
هدا الي اقدر اقولك عليه قلبووو

[حفيدة الزهرى]

البنات ماشاء الله ماخلو شي
دعواتك لنا
واذا رحتي عمره ادعي لاختي نبض قلب اختي قولي الله يفرج همها تراها محتاجه الدعاء

[طالبة الحياة]

اعتقد الاخوات ام غاده واخر العنقدو فادوكي عن مكه والباقيات كللللللللهم فادوكي عن المدينه

الفنادق زي ما قالو البنات كلها مسورة الحرم سواء مكه ولا المدينه وكل ما قربتي كل ما زاد السعر


بالنسبه للمدينه انا منها
الاسواق الي عند الحرم عندك في ابراج فندق طيبه فيه اسواق دورين او 3
واعتقد باقي الفنادق كمان
في عند فندق موفنبيك في سيتي بلازا

المول الي كلو ماركات عندك النور

المولات الممتازة كمان ...الراشد ميغا مول ....و الحسن مول كمان ماركات تقريبا


المجمعات الي اسعارها حلوه ومليااااااااااااااانه كل الخيارات لكل الاعمار
مجمع القمه - الساحه - الهرم - الشرق


وزيارة سعيده ان شاء الله

[محتاجةواسطةقوية]

ياهلا والله فيك بالمدينه
عقبال ماارجع لهاااا
هذي مجمعات مو ماركه وراقيه
شوفي يالغلا عندك مزايا مووول رروعه
وعندك البدر كماااان رروعه
وعندك القوافي تقليد ماركااات خطيرررر بجنب البدررر
والساحه كماااان حلو اسعارها
وعندك اسوااااااااق قباء
ومووفقه يالغلا
اعيلي ان الله يرزقني تؤم اولاد هالشهررر فديييتك