المساعد الشخصي الرقمي

مشاهدة النسخة كاملة : بنتي ماانقبلت لا في الجامعة ولا الكلية اش أعمل ؟؟؟


المهاجرة1
23-07-2007, 03:04 AM
بنتي اتخرجت هذه السنة من ثالث ثانوي قسم أدبي نسبتها 79 % ولاانقبلت في الجامعة ولا في كلية التربية ماذا أفعل ؟؟؟؟فين أوديها الله يوفقكم ساعدوني ....أنا من جدة ....اش في أشياء تانية ممكنة ...الله يوفقها اللي بترد علي
وجن
23-07-2007, 03:17 AM
اختي المهاجرة1 خلي بنتك تأخذ دبلوم حاسب
ودورة معارف ودورة انجليزي كثرتهاا عليك بس معليش
عشااان توظف والله يوفقهااا وبناات المسلمين
ملكة حبي
23-07-2007, 03:55 AM
دخليها جامعه الملك عبد العزيز انتساب انا داخله فيها

وهي السنه بسته الاف والترم بثلاثه الاف

واي تفاصيل انا حاضره بس ع الخاص اذا احتجتي شيء

والله يوفقها
متفائلة بالخير
23-07-2007, 03:11 PM
انا اختي دخلت انتساب جامعى الملك عبد الهزيز انتساب

ماشاء الله بس اول سنه انتساب بعد كذا انتظمت

ترى اول سنه مو تعجيزيه سهله بس يبغيلها مذاكره


او ممكن تدخل منابر السعداء معهد قران وسنه اعتقد الدراسه سنتين ماشاء الله

دراسه روعه والله

خلف قاعة نوف
المهاجرة1
23-07-2007, 06:00 PM
جزاكم الله خيرا على ردكم ومساعدتكم لي ......تصدقوا بنتي أخاف عليها وأحس أن الجامعة وانه الباب مفتوح على طول صعب علي والله لانها بنتي عقلها صغير وممكن أي بنت تأثر فيها ....وأحس لو في طريقة حتى لو دفع فلوس بس كلية التربية أو كلية للبنات تانية ياريت ....وبالنسبة للأخت متفائلة بالخير الله يسعدك اوصفي لي منابر السعداء (معهد القرآن ) كيف الدراسة فيه حلوة أنا نفسي بنتي تتعلم قرآن ويكون في أشياء تانية في المعهد مشجعة زي كمبيوتر ياريت الله يوفقكم تساعدوني ,,,,اذا كلية أو معهد قرآن حلو ....أو معهد انجليزي أسعاره معقولة .....الله يوفقكم يارب
اشراقة الغد
24-07-2007, 10:27 PM
شوفي حبيبتي
نصحيتي لك وهذا انا جربتها بنفسي دخليها تحفيظ القران صراحة بتتعلم اشياء كثيرة وبستفيد ويكفي انها تحمل في قلبها علم القران الكريم والحديث الشريف و لاتنسي الراحة والسعادة اللي بتحصلها ان شاء الله
المهاجرة1
13-08-2007, 06:16 PM
جزاك الله خيرا ياأختي ...........بس نفسي الله يوفق اللي تدلني على معاهد معتمدة وحلوة وعلى مستوى عال تتخرج بنتي منها وتشتغل ان شاءالله ....وتلبي احتياج أي بنت يعني تعليم قرآن وكمبيوتر وأشياء ثانية ,,,,,الله يسعدكم ويوفق كل اللي بتساعدني يااااااااااااااااارب ......الله يخليكم أنا ماااااااااااااااااأخرج من البيت وماعندي تليفون .....والجوال فاتورته مرتفعة عندي من كثر ماسألته وبدون أي نتيجة ........الله يسعدكم ......أنا ساكنة في جدة
ام ملاك2007
15-08-2007, 12:04 PM
ما اقول الا يا زين البيت
ريم سدير
17-08-2007, 04:00 AM
انا اقول زوجيها احسن
الدلوعه2009
21-08-2007, 03:58 AM
غاليتي وانا مع اشراقة الغد
دخليها دار القران وخليها
تبدء بحفظ القران لانه راح ينفعها في دنياها واخرتها
اما الجامعه والكليه ياكثر المتخرجات ولكن بدون فائده
وبإذن الله ان تمكنت من حفظ القران سوف تلبسك انتي ووالدها التاج يوم القيامه