وسمانا أظلمت بعد إلتماعي ( (منقول))

[عذبة الإحساس]

بسم الله الرحمن الرحيم

حان الوقت لنعلن .. بداية الرحلة الجديدة

في سفينة ضخمة .. جديدة ..

ربانها الكاتبة " وردة بلادي "

اساسها الانسانية .. وقوامها شخصيات كثيرة .. حملت في طياتها معنى المفهوم الجميل ..

الانسانية .. مصطلح واسع .. عميق .. غزير

احتوته قصتي الجديدة ..

التحم الفكر والقلم ..

ليأتي مرة اخرى ..

ويضيف الى ملفي ..

قصة جديدة

بعنوان ..



(*•.¸(`•.¸ وسمانا أظلمت بعد التماعي¸.•)¸.•*)

ملاحظة :: بداية الاجزاء يمكن تكون قصيرة .. ويمكن تتخربطون بين شخصيات القصة .. لان في وايد شخصيات .. ويمكن ما تحسون بحلاوة القصة الا من الجزء الثالث وساير ... لان اول جزئين مواقف تعرف بكل شخصية وصفاتها ::




يا صحبة الخير شدونا النشيد .. شوقا لامجاد الوجيل الرشيد
نبني صروحا للعلا ونشيد .. بهمة عالية ورأي سديد

(*•.¸(`•.¸ الجزء الاول¸.•)¸.•*)

الباب مفتوح في أي وقت .. مفتوح لكل الناس ..

تدخل المكان تحس باحساس غريب .. تحس بالراحه ..

المكان كله نور .. والاشخاص اللي فالمكان الابتسامه ما تفارق ويوهم .. واذا فارقت الابتسامه ويوهم تدمع عيونهم .. لأجل واحد أحد ..

.............. السلام عليكم ورحمة الله ... السلام عليكم ورحمة الله ...

نش غانم .. وسار خذ له مصحف ... ومشى صوب اخوه حمد .. يلس حذاله و دزه من جتفه ..

حمد: بسم الله
غانم: راقد ؟؟!!
حمد: غانم والله فيه رقاد
غانم: ههههههه فضحتنا .. كل يوم تيي ترقد
حمد: لا عاد وين كل يوم ايي وارقد !!! الا بس يوم اكون سهران نص الليل
غانم: وجيه تسهر ؟؟
حمد: شسوي ما اييني رقاد
غانم: والحين ؟؟
حمد:الله يخليك نسير البيت
غانم: اممم بفكر
حمد: قم نسير ما اقدر افتح عيوني
غانم: بقرا لي كم آيه وعقب نسير
حمد: لين ما تقرا انا جد رقدت ييب لي اللحاف والمخده هني
غانم: انزين سر بروحك وانا عقب بلحقك
حمد: تبا ابويه يرقدني اليوم عالرصيف برع
غانم (شكله عصب) : انا ما فيه شي .. وادل طريج البيت .. وبرد روحي
حمد: خلاص خلاص .. اقرا وسو اللي تباه .. انا يالس هني لين ما تخلص
غانم: قم قم .. نرد البيت
حمد: لا والله .. عادي .. في سبيل الله
غانم: نش خلاص نرد البيت
حمد: زعلت ؟؟!!
غانم( ابتسم): ازعل من شوه ؟؟ والا من منوه ؟؟ قم نرد البيت ..
حمد ( مد ايده): شلني
غانم ( سحبه): يالدب هههههه

الساعه تقريبا 6 الصبح .. يالله فاتحه عينها بالزّووووور ويالسه .. والثانيه عادي عندها .. تعودت عالسهر .. ايام الاجازات ..

مريم ( تثاوب): مهاري خلاص .. ما اقدر اواصل
مهره: محد قالج تسهرين
مريم: بسير ارقد
مهره: تصبحين على خير هههههه
مريم: بتمين روحج ؟
مهره: عقب شوي بسير ارقد بتريا البيت الثاني متى يبندون ليتاتهم
مريم: متفيجه ..
مهره: الريم ما اتصلت ؟؟
مريم: للحين لا .. ما اتصلت ..
مهره: الله يعينها عاشه
مريم: جيه اول مره .. يايبه ما شاء الله ثلاثه وهالرابع .. الله يسهل عليها
مهره: آمين .. عيل انا بتريا لين الريم تتصل
مريم: واذا ما اتصلت
مهره :هاهاها بتصل فيها
مريم: مع السلامه

نشت مهره وسارت صوب الباب تعرف ان غانم وحمد واصلين .. ويمكن يدرون عن امهم .. فقالت بتسألهم .. شافت غانم يالس فالحديقه روحه .. لبست شيلة الصلاة وظهرت برع ..

مهره : واااااااااااي بررررررد
غانم: اهلا وسهلا
مهره: ومرحبا
غانم: واعيه للحين شوه تسوييييييين؟؟
مهره: ما فيه رقاد
غانم: قصدج ما راقده من امس ؟؟ مواصله ؟؟
مهره: هيه
غانم: حلفي
مهره: والله
غانم: ما شاء الله عليج
مهره: متعوده .. انزين الا اقول
غانم: هلا
مهره: وين حمد
غانم: هذا سؤال تسألينه ؟؟ يعني وين ؟؟ راقد
مهره: ما صدق رد من المسيد ورقد
غانم: اكيد سهرانين امس كلكم
مهره: هيه .. بس هم ساروا رقدوا اما انا وحمد ومريوم وريسه واصلنا .. والحين كلهم نقعوا خيانه فيه وساروا رقدوا هدوني بروحي اهئ اهئ ( وبرطمت)
غانم: حرام عليج .. ههههههه فيهم رقاد ..
مهره: انزين شحال امك ؟
غانم: والله امايه يابت اخو ثاني حقي
مهره: احلف
غانم: ههه والله
مهره: مبرووووووووك مبرووووووووك زين زين الحمدلله على سلامتها
غانم: الله يبارج في حياتج .. الله يسلمج
مهره: مدام اطمنا على عاشت ابوك
غانم: نعم نعم ؟؟ لحظه شوه قصدج .. لوسمحتي يعني
مهره: ما قصدنا شي .. بسم الله ..
غانم: لا قلتي عاشت ابوك .. يعني حاطه على ابويه وامايه
مهره: لا اله الا الله منكم يا عيال مبارك .. حشى ما نقدر نرمس جدامكم عن مبارك والعاش


نزل من السياره ... وساعده السايق الخاص به .. يلس عالكرسي .. وتحرك متجه صوب الباب ..

دخل المستشفى بكل هيبته .. ورافع راسه ... نظرات الناس له صارت شي متوقع وطبيعي .. اللي يشوفه .. واللي يأشر عليه .. واللي يرمس ربيعه والنظرات موجهه له ..

كبس زر المصعد .. واتريا لين يوصل ..

وصل المصعد وكبس على زر موجود فالكرسي اللي هو يالس عليه .. ودخل المصعد ..

بنت صغيره .. تطالعه باستغراب .. ويوم انتبه عليها رد عليها بابتسامه ..

وقف المصعد عالطابق اللي هو قاصدنه .. وتحرك ساير صوب الحجره اللي يبغيها ..
الحجره من برع كلها بالونات زرق .. وشرايط زرقه .. وبطاقه عوده عالباب مكتوب عليها
a Boy” “It’s

سلطان: وصل ..
الريم: فديته والله ..
سلطان: سيري قولي لهم

دخلت الريم الحجره .. وسلطان كان واقف برع ..

مبارك: السلام عليك ..
سلطان: مرحبا .. وعليك السلام والرحمه .. شحالك ؟
مبارك: الحمدلله ..
سلطان: مبروك عليك الياهل .. ويتربى فعزك ..
مبارك: الله يبارك في حياتك .. منوه داخل ؟؟
سلطان: ما في حد غير امايه وعمتك .. وخواتك .. تفضل ادخل ..

دخل مبارك .. والكل وقف .... وتم يطالع الحجره والابتسامه على ويهه .. كلها بالونات زرق اكثر من البالونات اللي برع .. وورود .. وبطايق عاليدار ..

مبارك: السلام عليكم ..
ام مبارك: هلا بالغالي .. مرحبا حبيبي اقرب فديتك ..
مبارك: الحمدلله عالسلامه يالعاش .. ومبروك عليج
عاشه: الله يسلمك .. وعليك ..
ام عاشه: مبروك ما ياك فديتك
مبارك: الله يبارك فيج عمتيه ..
ريسه: مبارك
مبارك: هلا
ريسه: شوه بتسميه ؟؟
مبارك: انتي شوه تبغين ؟؟
ريسه: لا انا ما يخصني انتوا سموه بكيفكم .. انته ابوه وهاي امه ..
مبارك: هاي ما لها اسم
ريسه: بلى .. يعني لازم الحين اقول عاااااااشه .. مب لازم
مبارك: بسميه محمد
ريسه: حلو .. حمد ومحمد وساره .. كشخه
مبارك: وغانم

من طرا مبارك اسم غانم .. وعاشه ظهر على ويها الحزن .. ظهر مبارك من الحجره ..

سلطان: وين ساير ؟؟
مبارك: بسير البيت اخلص شغلي ..
سلطان: الله يهديك لاحق عالشغل ..
مبارك: ما عليه عقب ان شاء الله برد ..
سلطان: انزين ما تبغي تشوفه ؟؟
مبارك: وانا طالع بسير صوبه ..
سلطان: خلاص عيل الله وياك
مبارك: اذا يبغن شي الحريم اتصلوا بي .. وانا بطرش السايق يخلص مشاويرهن
سلطان: افا عليك انا هني يالس .. وبسوي لهن اي شي يبغن .. ولو بغيت اسير .. بخلي السايق الثاني ايي .. مب لازم سايقك ..
مبارك: مع السلامه ..
سلطان: الله يحفظك ..

في منطقه حلوه .. وفريج يكون العصر هادي نوعاً ما .. بس حشرة الصغاريه هي اللي تقول لنا انه الحين بدا وقت اللعب يعني وقت اليهال .. وعقب المغرب تبتدأ الحياة فيه من جهة الكبار لان الكل تقريبا يكون خلاص رجع من دوامه .. والناس اللي ساكنين فيه كلهم من نفس الطبقه .. و كلهم يزاورون ويعرفون بعض .. واكثر بيت يلفت الانتباه .. او بالاحرى بيتين في نفس الحوش .. والفاصل بينهم حديقه مزينه بالورود والعشب الاخضر .. وفيها كراسي وطاوله فزاويه .. وألعاب في زاويه ثانيه..

مهره: ساره لا تلعبين بالماي
ساره: لالالا ما نبا
مهره: شوه لالا ما نبا ع كيفج هو ؟؟ بخبر عليج امج بس خل ترد بالسلامه
ساره: جيه ما وديتوني صوبها .. بلعب بالماي
مهره: ط هاي اونها تهدد .. تعالي هني
ساره: بسير عند عمي عبدالله
مهره: عبود فالفله ؟؟
ساره: هيه .. بسير صوبه واقوله يوديني عند امايه
مهره: لا تجذبين هالكثر وانا بعد وياها .. عبدالله فالجامعه .. سيري الحين حاطين رسوم حلو في سبيس تون
ساره: ما ابا تقصين عليه .. وعموه الريم سارت بعد .. وعموه ريسوه
مهره: عيب .. لا تقولين ريسوه ..
ساره: جيه كله تحرج علينا ...
مهره: هن سايرات عند امج
ساره: انزين ليش ما ودوني
مهره: امج بترد عقب يومين ان شاء الله .. هي والبيبي
ساره: هيه .. وبعد ما خلوني اشوف البيبي
مهره: انزين سيري .. هذو ابوج رد ..


ركظت ساره صوب ابوها .. اللي توه واصل .. وهي اللي فتحت له الباب ..

مبارك: هلا والله
ساره: وين سرت
مبارك: عند ماما
ساره: والله بصيح .. ليش ما وديتني
مبارك: اممممم آسف .. هي بترد البيت ان شاء الله وبتشوفينها هي والياهل
ساره: ما ابا .. كلكم سرتوا المستشفى وانا هني بروحي
مبارك: وين روحج ؟؟ كلهم هني فالبيت
ساره: عمي سلطان .. وعموه الريم .. وعموه ريسوه
مبارك: ساره انا شوه قايل لج
ساره: آسفه آسفه .. ريسه ريسه .. انزين كلكم محد
مبارك: وبيت يدج محمد كلهم بعد محد ؟؟
ساره: هيه حتى بيت يدي محمد .. بس عموه مهره ومريم .. والباقين ظهروا
مبارك: خلاص وعد اذا عقب سرت من وقت بوديج .. وين حمد ؟؟
ساره: ظهر برع ..
مبارك: استأذن من منوه ؟؟
ساره: من عموه مريم
مبارك: انزين قومي الحين عسب انزل

نزل مبارك وساعده السايق .. ودخل الفله وسار صوب مكتبه ويلس يجلب فالملفات اللي عالطاوله والاوراق ..

مبارك .. اكبر اخوانه .. محامي .. متزوج من عاشه .. عنده 3 عيال واليوم استووا 4 .. اكبرهم غانم .. وعقبه حمد .. ساره .. ومحمد .. غانم عمره 16 سنه .. حمد عمره 14 سنه و ساره عمرها 10 سنوات ومحمد يوم واحد .. عقب ما ياب غانم تعرض لحادث .. وهالحادث سبب له شلل .. منعه من انه يمشي على ريله مره ثانيه .. وهالاعاقه خلت افكاره تتلخبط ... ونفسيته تتعب .. وودر شغله لفتره .. وصار انطوائي ما يحب الناس يشوفونه بنظرة اشفاق .. ولين وصل للحل اللي اعتقده مناسب .. وقال انه بيطلق حرمته لانها صغيره .. وبيخليها تعيش حياتها .. بس طبعا عاشه ما وافقت .. ووقفت وياه في مواقف كثيره .. وهو ما قدر يتقبل فكرة انه يودرها ويتخلى عنها بكل سهوله .. عقبها قدرت تقنعه ان هو مب اول واحد ولا آخر واحد فالدنيا ييلس على كرسي متحرك .. وفي ناس مكملين حياتهم بهالطريقه .. وشغله اللي كان يحبه لازم يستمر فيه .. فــ رد لشغله مره ثانيه .. وكمل حياته.. فالبدايه نظرات الناس له كانت تخليه يستحي وينزل راسه .. اما الحين عادي ..


عقب صلاة المغرب ..

البنات كانن يالسات فالحديقه .. ويسولفن ..

مريم: يشبه منوه ؟؟
ريسه: يشبهج
مريم: والله يا بخته جانه يشبهني
الريم: يشبه امه
مهره: الا حمد وين ؟؟
ريسه: هيه صدق حمد وين ؟؟
الريم: داخل الفله
مريم: ذاكرتوا ويا عيال اخوكن انتن الهنتين ؟؟
ريسه: وانتي شوه خانتج ؟؟
مريم: والله ما احيد مبارك اخويه .. اخوج .. وما احيد محمد اخويه عرس وياب عيال
ريسه: نحن والله كنا مشغولين ويا حرمت اخويه
مريم: لا والله ؟؟ مشكلتج هاي هههههههه
ريسه: اظني عيال اخويه ذاكروا وخلصوا والحين يتعشون وبيرقدون بعد
مهره: اقص ايدي جانهم رقدوا الحين
الريم: لا بيرقدون لان ابوهم هني ..
مريم: وانتن ليش ما تسيرن تتعشن وترقدن ؟؟ بسكن سهر
ريسه: اقولج انتي .. سيري كملي رقادج احسن
الريم: وين مطره؟
مريم: خليها هالزلمه افففف تقهر .. قبل ما كان عندها غير الكتب والحين اللاب توب وما ادري شوه .. متفيجه وايد
مهره: البنيه تطور عمرها فالانجليزي انتي شدخلج
ريسه: وابوي انا .. اللي يسمع يقول هي ابد ما تعرف انجليزي ..
مريم: انا ادري ههههههه زلمه والله زلمه .. شاكه انها عقب هالتعب كله بتكتشف الذره
ريسه: حبيبتي الذره اكتشفوها وخلصوا خلق الله
مريم: بتكتشف شي ثاني
ريسه: والله انج اليوم ماكله شي عالصبح والا ماكله شي قبل ما تيين تيلسين ويانا .. ما ادري

أليس: Reem come baba mubark want u
الريم: وي وي .. ظهر اسمي
مهره: مسجله اسكان زايد الاخت هههه
الريم: اقول بسير وبرد عقب شوي ..

سارت الريم صوب الفله .. دخلتها وسارت الصاله ..

الريم: نعم مبارك .. زقرتني ؟؟
مبارك: هيه ..
الريم: نعم ؟؟ خير؟
مبارك: ساره رقدت ؟؟
الريم: لا يالسه تتعشى
مبارك: وحمد؟؟
الريم: وياها ..
مبارك: انزين انا بسير المستشفى الحين
الريم: الحيييييييييين؟؟؟!!!
مبارك: هيه ليش؟؟ فيها شي ؟
الريم: لا على راحتك
مبارك: عالعموم انا بسير عند غانم وعقب بمر على العاش شوي وبرجع .. فشوفي ساره وحمد يوم يخلصون عشاهم خلهم يرقدون
الريم: فالك طيب .. ان شاء الله ..
مبارك: وساره خاصة لانها عنيده .. خليها ترقد وما تترياني لا انا ولا امها
الريم: هاي صعبه عاد .. تعرف بها سارونه .. ما ترقد الا يوم تشوفك وتشوف امها جدامها
مبارك: تعالي الحين ويايه نسير صوبهم واخبرهم جدامج ..
الريم: يالله ..

سارت الريم ويا مبارك .. صوب ساره وحمد .. وهم يتعشون ..

حمد: سرتي عند امايه؟؟
ساره: لا ما ودوني
مبارك: حمد
حمد: نعم
مبارك: تخلص عشاك وتسير ترقد ..
حمد: توها الساعه 7
مبارك: ما عليه
حمد: ابويه ما ابغي ارقد الحين .. ما بييني رقاد
مبارك: انا قلت تسير ترقد
حمد: ان شاء الله خلاص
مبارك: سارونه
ساره: انا ما برقد .. ما برقد
مبارك: ساره .. تسمعين رمسة عمتج الريم .. ومتى ما قالت لج سيري رقدي بتسيرين
ساره: هي يوم حمد بيسير يرقد .. بتقولي سيري رقدي انا ما ابغي
مبارك: مب بكيفج .. سمعي الرمسه ..
ساره: والله شوه هذا .. ما وديتوني عند امايه والحين بعد يبغوني ارقد غصب

ونشت ساره من عالسفره ..

مبارك: ساره وقفي
ساره: نعم
مبارك: ردي كملي عشاج بالزين .. ويوم بتخلصين تسيرين ترقدين .. وما ابغي حد يتصل بي ويقول ساره ما كلت .. والا مب طايعه ترقد .. تسمعين .. ردي مكانج بسرعه وتعشي ..

ريسه: سيري زقري اختج
مريم:مب متفيجه
ريسه: مهره سيري
مهره: انا مالي خلق
ريسه: والله حاله .. انا بسير ازقرها
مريم: خليها يوم بتخلص بتنزل
ريسه: لا بسير ... تعرفين ابغي اخرب عليها ..
مهره: ههههههه صدق انج متفيجه
ريسه: في حد فبيتكم ؟؟
مريم: اللي يقول مب ساكنه ويانا من ميت سنه .. تسأل حد فالبيت .. يعني ما حفظتي جدول كل واحد فيهم ؟؟
ريسه: بلى بس استهبل
مريم: هاهاهاها سخيفه
ريسه: قومي عني بسير
مهره:سلمي عليها
ريسه:افا عليج .. بيرها هني وبسلم عليها جدامج ..

سارت ريسه صوب الفله .. ودخلت .. ضغطت ع زر اللفت وانفتح الباب .. دخلت ودقت الطابق الثاني .. ظهرت منه ومشت .. قاصده الحجره اللي بتيي على ايدها اليمين ..

دخلت مره وحده ..

ريسه: بووووووووووو
مطره: سخيفه طيحتي قلبي
ريسه: والله وينه ما اشوفه
مطره: حد يدخل عالاوادم جذه
ريسه: هيه
مطره: هيه اللي شراتج ..
ريسه: بلاج انتي يالزلمه تعالي تحت ..
مطره: عليه امتحان باجر
ريسه: اي امتحان اي خرابيط الله يخليج
مطره: تعرفين به جون بعد
ريسه: خليه عنج انزين .. هذا زين منه يسبح وايي الجامعه .. ما ظنتي يسبح بعد .. طول الاسبوع لبس واحد بس عفانا الله
مطره: ههههههههه حليله .. طيب بس وايد ضاغط علينا
ريسه: جنه اهبل
مطره: عالأقل احسن عن مستكم
ريسه: خليها هاي بعد .. الله ياخذها ان شاء الله
مطره: ايه بس بس ..
ريسه: انزين تعالي تحت
مطره: بنزل عقب شوي
ريسه: ماشي الحين تنزلين ويايه
مطره: والله نزلي ولاحقتنج
ريسه: مطاريييييييي يالله عاد
مطره: انزين .. الا اقول .. شخبار حرمت اخوج
ريسه: تو الناس .. حرمت اخويه ربت ويابت
مطره (قاطعتها): ادري ادري .. يابت ولد وسميتوه محمد
ريسه: اوه ما شاء الله تعرفين اول مره فالتاريخ .. بوزع بارد فالفريج
مطره: جب يالسخيفه شوه تتحسبيني ..
ريسه: احيدج حابسه روحج في هالحجره وين تعرفين اخبار خلق الله
مطره: بعد ربج ..
ريسه: انزين نزلي يالله
مطره: يايه .. ما تخلين الواحد يذاكر
ريسه: فريه هاللاب توب العله هناك ونزليييييييييي

في العاصمه .. بوظبي ..

في حجرة فهد ..
فهد: العنود يالله سيري حجرتج
العنود: تو الناااااااااس
فهد: لا والله .. وايي ابويه ويهزبني انا .. يقول جيه تخليها للحين واعيه
العنود: اووووونه .. اونه .. يالعود
فهد: احم احم
العنود: انزين
فهد: قومي بسرعه .. سيري رقدي قوميييييي
العنود: هذي امايه وصلت .. بنزل تحت عندها
فهد: سيري رقدي اقولج .. ابويه الحين بييييي ..
العنود: ما اريد ..

وظهرت العنود بسرعه من حجرة فهد وونزلت تحت وفهد وراها ..

فهد: اقولج سيري رقديييييييييييي
العنود: ما اريد الحييييين ..


وانفتح الباب .. بس لسوء حظ العنود .. ما كانت امها .. كان ابوها

العنود: ستووووووب ويييييييت ..
فهد (وقف مكانه): قلت لج ..
العنود: بسير ارقد

وركظت سارت حجرتها ..

سهيل: هاي للحين مب راقده ؟؟
فهد: قلت لها ما طاعت .. تقول انها بتتريا اامايه .. وحاشرتني من الصبح .. ما تخليني اذاكر
سهيل: وامك وين؟
فهد: ما ادري .. ظهرت وبترد عقب شويه ان شاء الله
سهيل: وانته شوه تسوي ؟
فهد: قلت لك اذاكر
سهيل: عندك امتحان ؟
فهد: هيه
سهيل: اللي يقول ثانويه عامه
فهد:هههههههه تدري به فهودي يوم عنده امتحان ما يرقد الا وهو صام الكتاب
سهيل: لا تقول فهودي تذكرني بعمتك آل مهره
فهد:هههههه
سهيل: مهره .. تزقرك فهودي .. افففف
فهد: هههههه انحب والله انحب
سهيل (وهو ساير فوق ): وانا قلت ما تنحب؟؟ ولد سهييييييييييل اكيد كل البنات بتحبه هههه
فهد:هههه وينج يا امااااايه تيين تسمعين بو فهد
سهيل: امك خل ترد الحين .. ما ادري وين سارت .. ولا اتصلت فيه
فهد: لا لا .. لا تظلمها .. اتصلت بك جدامي بعد .. اكيد انته ما رديت
سهيل: يمكن اتصلت على تيلفون السياره ..
فهد: وعالمبايل بعد
سهيل (رفع مبايله يطالع الشاشه): هيه والله عندي مس كول واحد منها ..
فهد: شفت
سهيل: هيييييه شفت .. فهد قول حق الخدامه تزهب لي العشا ..
فهد: افا علييييييك .. بس انته اصعد فوق وتغسل وبدل ثيابك .. وانزل وبتلقى العشا زاهب ..
سهيل: مشكوووور
فهد: كم سهيل عندنا ؟؟ الا هو واحد

قربت الساعه 12 تقريبا ..

ريسه: وصلوا وصلوا ..
مطره: شوه هالازعاج
مهره: هيه والله حتى انا اصمخت منه
ريسه: والله تقدرين ترمسين .. قولي حق سلطان
مريم: هذا سلطان ودي ازخه واظربه ..
ريسه: ههههههههههه جانج حرمه سويها
مريم: ما ابغي اوصخ ايدي ..

3 دراجات دخلت الحوي ..

مهره: الله كشخه .. والله خاطريه اركب
ريسه: قلتها قبلج .. بس ما تعرفين انهم قحط ما يعطونا نركب..
مطره: والله انتن .. اولاد مب بنات ..
مريم: وين اختج وين سارت .. كل هذا ترقد سارونه بس
ريسه: شدراني فيها ..

وصلوا الشباب الثلاثه ..

سلطان: وعععععع الناس يردون البيت عسب يرتاحون ويشوفون ويوه حلوه .. ونحن نرد نشوف ............. ما ابغي اكمل
مريم: لا كمل الله يخليك
مهره: بدينا
ريسه: سلطان
سلطان: شوه
ريسه: خلني اركب دراجتك شويه
سلطان: اقولج قومي من عالكرسي قومي بسرعه دخلي داخل ..
ريسه: لا خلاص بسكت
سلطان: قومي اقولج .. ( وتجدم ساير صوبها )

[عذبة الإحساس]

نشت ريسه بسرعه ركظت بتسير صوب الفله تشرد عن سلطان ..

سلطان: ههههههه سوّالها .. شكرا عالكرسي .. ( ويلس)
مريم: مشكله اليهال
سلطان: شوه قلتي ؟؟
مريم: ما قلت شي
سلطان: اقول انتي بعد جلبي ويهج
مريم: والله انته اجلبه .. نحن يالسات هني قبلك
سلطان: بيت ابوج هو
مريم: هيه والله بيت ابويه .. وعلى فكره الحديقه نصها حقكم والنص الثاني حقنا لا تنسى
عبدالله: يا بويه ذليتينا على هالنص .. خذي الحديقه كلها ما نبغيها
مطره: انته مب كنت فالجامعه ؟
سلطان: رمست الرقاد .. يا بابا . .اليوم الاربعا .. رد العصر
مريم: وع طول ما صدق ظهر من البيت
مهره: ههههههههههههههههه
سلطان: ظحكت الساحره ..
مهره: والله انتوا تظحكون
سلطان: في وحده ناقصه في هاليلسه ..
محمد: الريم ..
مريم: ما شاء الله على اخويه .. الله اكبر
سلطان: ما ادري .. اكتشف الذره اخوج ..
مريم: تغاااااااااااااار
سلطان: من منوه ؟؟ من هذا اخوج .. لا ما اغار .. من زينه الحين
محمد: ههههههه عالأقل اتريا يوم بسير ..
سلطان: ههههههه لا نحن نعطي كاش
عبدالله: عيل انا ابغي شيييييييك
مهره: هههههههههه بس سكتوا والله ميانين
سلطان: تعالي انتي معاقبينج هناك واقفه
ريسه: اخاف ايي وانته تستلمني
سلطان: لا ما بسوي شي
ريسه: جذاب
سلطان: فعييييييينج جذاب .. سيري سيري داخل .. ما كنت بسوي بج شي .. اما الحين لو ييتي شوفي شوه بسوي بج
محمد:حرام عليك .. خلها
سلطان: ليش تقولي جذاب
عبدالله: انا بسير ارقد ..
ريسه: سر سر احسن والله
عبدالله: ما بترياج .. ساره وحمد وينهم ؟؟
ريسه: راد الساعه 12 يسأل عن ساره وحمد .. اقولك سر ارقد قلنا لك
عبدالله: والله مدوخ ..يالله باااااااااااااي
مطره: يقولون مع السلامه
سلطان: اوووووه نسينا ان المطوعه يالسه هني ويانا
مطره:شو تقصد
محمد: عاد كله ولا مطاري ..
سلطان: هذا موكلينه محامي الدفاع عنكن انتن الهنتين (وهو يقصد مهره ومطره)
مهره:شفت عاد .. شوه نسوي يوم الناس تحبنا بسرعه
سلطان: لا تسوين شي يالساحره انتي ..

سلطان .. الريم .. عبدالله .. ريسه .. اخوان .. فارق السن بينهم مب وايد كبير .. سلطان حبوب وفرفوش يحب السوالف والظحك .. الريم هاديه وطيبه زياده عن اللزوم وبما انها الاخت العوده فكل شي على راسها يوم امها ما تكون موجوده فالبيت .. عبدالله بحكم انه اصغر ولد فأي شي يبغيه يحصله وهو يدرس في جامعة العين .. ريسه لسانها طويل وما تحب حد يفرض رايه عليها ..

محمد .. موزة .. مريم .. مهره .. مطره .. اخوان .. محمد دارس برع ، وهو الولد الوحيد بين 4 بنات يحب خواته مهره ومطره بدرجة فظيعه وهن شراته بس مهره تحبه بزياده شويه وتبين في طريقتها وياه واسلوبها ورمستها .. مريم شرات ريسه بس بعد بزياده لانها اكبر .. واكثر واحد يظارب وياها سلطان يحب ينكد عليها وهي ما تقصر وتموت عالطلعه .. مهره دلوعه بس دلعها حلو ، تحب اذا اخوها قال هيه هيه اذا لا لا وامها وابوها نفس الشي بعد .. وفيها عزة نفس وشي من الغرور .. مطره واااااااايد هاديه وتحب لو تيلس فــ مكان تسكت بس وتسمع .. و اكثر وحده متمسكه صدق بعاداتهم فالبيت وبرع البيت .. وفالفتره الاخيره التحقت بمركز تحفيظ قرآن .. ويرت ريسه وياها .. اما موزه اكبر خواتها واكبر من محمد بعد .. متزوجة وساكنه في بوظبي .. وعندها ولد اسمه فهد .. وهو في مثل عمر حمد يعني 14 سنة .. والعنود كبر ساره 10 سنوات .. وعندها الحشرة مزنه ومزون اللي توهن داخلات الروضه


في بيت سالم

غيث وسيف يدخلون البيت بهدوء من غير ما حد يحس .. وكل واحد منهم يتسحب شرا الحرامي .. وسيف شوي ويتخرطف بالطاوله اللي مغيرين مكانها وهو ما منتبه لها..

غيث(بصوت واطي) : سيفوووه شوف جدامك عدل عن اتطيح وتفضحنا
سيف: ما شفت هالطاوله اكيد روضووه الدبه هي اللي مغيره مكانها اونها عاد
غيث : انزين بس قصر حسك عن حد يسمعنا

ويفتح باب الصاله في هالوقت اخوهم خليفه شافهم وهم داخلين البيت بس هو كان في سيارته المخفيه بمخفي شامل.. فهم ما انتبهوا له .. دخل خليفه وراهم وشوي شوي يفتح باب الصاله وهم مب منتبهين له

ويقرب منهم شوي ويقول بصوت عالي: من وين يايين حضرتكم ؟؟!!

ينقزون غيث وسيف من صوت خليفه وكل واحد يدز الثاني عسب يرمس

سيف : هااا ؟؟ ولا مكان كنا عند الباب وتونا داخلين صح غيث
غيث : هي صح
خليفه: ما شاء الله عليكم .. اونكم عاد كل واحد يقص عالثاني ..
غيث : خليفه والله لا تخبر حد تونا رادين من السينما ..
خليفه: وليش رادين الحين البيت .. مب انتوا باجر عندكم دوام ليش ظاهرين من البيت اساسا يا عيال سنه اولى جامعه ؟؟
سيف : خلوووف ..تراكم ذليتونا والله ما يسوى علينا
غيث (وهو يقرص سيف): لا ما يقصد خليفه .. خله هذا اهبل
خليفه: هيه قص عليه انته بعد ..تغطي عليه (ويبتسم .. يعرف مهما يكون غيث ما يتنازل ولا يخلي اي واحد منهم يعصب على اخوه وتوأم روحه سيف صح ان لسانه متبري منه بس بعد هو ما يقصد)
سيف: ثرنا ما بنحضر عرسك اذا خبرت ابوي
خليفه (وهو يمثل يسوي عمره يصيح): لا ارجوك اخوي تعال عرسي ثرك اذا ما حضرت ما بعرس
غيث (يظحك): خلاص خلاص لا تصيح سيف حرام بنحظر عرسه كسر بخاطريه
سيف: بفكر فالموضوع
خليفه: اقول اجلبوا ويوهكم.. ولا تحظرون عرسي احسن عسب ما تفشلونا
غيث: والله تتمنى نحظر اصلا اذا ما حظرنا العرس ما بيكون فيه شي مميز
خليفه : شي مميز!! مثل شو مثلا؟؟
سيف(وهو ساير يوقف عدال غيث وكل واحد منهم يأشر بصبعه عالثاني ويقولون): شراتنااا !!

خليفه فهم قصدهم ان هم توم وبيكونون مميزين فالعرس

خليفه: وايد عليكم كل واحد اخسف عن الثاني
سيف: هااااااااااا .. لا تجذب اصلا نتشابه وما شي فرق بينا بعد كيف كل واحد اخسف عن الثاني
خليفه: لا شي فرق طالع انته شامتك عاليسار وهو عاليمين
غيث: وهذا اكثر شي مميز فينا لو مب هالشامه جان ما فرقتوا بينا ..
خليفه: انزين بسكم صدعتوني سيروا ارقدوا باجر عندكم دوام
غيث وسيف: انزين (ويصعدون الدري سايرين حجرتهم )

يصعد خليفه وراهم بعد ما سكر الليتات .. ويسير حجرته يرقد..

خليفه .. ولد خالة محمد وخواته .. واقرب واحد له من هم صغار ويا بعض .. بس افترقوا عقب ما سافر محمد للدراسه .. خاطب بنت عمته حمده عمرها 22 سنه .. وعرسه قريب.. وهو يشتغل في شركة ابوه ..

غيث وسيف .. توأم .. عمرهم 20 سنه.. غيث اكبر من سيف بـ ربع ساعه .. تفكيرهم اكبر من سنهم .. وبما انهم توم فكل واحد يحس بالثاني يعني اذا الاول زعل الثاني يزعل اكثر منه .. واذا كان فرحان .. الثاني يفرح اكثر منه.. يتشابهون ومحد يقدر يفرق بينهم الا اخوانهم من الشامه الموجوده على خد كل واحد ..غيث عنده عاليمين .. وسيف عاليسار..يعني يوم يوقفون جدام بعض ..كل واحد فيهم يكون صورة مرآه للثاني.. والفرق الثاني ان غيث اهدا بشوي عن سيف وسيف هو صاحب الخطط والمقالب

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)


مالي ارى الكون بالاعلام مزدانا .. ومالي نور الصفا قد بات يغشانا
ارى السعادة قد فاضت جداولها .. تروي بماء المنى من كان ظمآنا


(*•.¸(`•.¸ الجزء الثاني¸.•)¸.•*)


في المستشفى .. في غرفه موقعها عالزاوية ..

دخلت السستر ..

.......: Good morning

ولد صغير فالسن .. كان يالس عالسرير .. رفع راسه .. وابتسم لها ..

غانم: Good morning
.......: how are you today?
غانم: would you open the curtain please ? .. good
......: sure ,OH
غانم: thanX

ظهرت السستر .. ودخل واحد طول وعرض .. وسيم .. الابتسامه على ويهه ..

مايد: لا لا .. ولد اخوي اليوم حالته تمام
غانم: هلا عمييي
مايد: شحالك اليوم ؟
غانم: بخير الحمدلله .. شحال ابويه ؟؟ وشحال امايه ؟؟
مايد: كلهم بخير
غانم: امس على صلاة العشا .. ابويه كان ه
ني
مايد: والله ؟؟ ما زقرتوني عيل
غانم: جيه نزقرك ؟؟ جنك ما تشوفه فالبيت
مايد:ههههه لا يعني نتخقق شوي .. اخونا العود ياي اونه اونه يزورنا فالمستشفى
غانم: ههههه حلوه هاي .. عمي منصور ما وصل ؟؟

وفي نفس الوقت دخل منصور .. اللي من غانم يشوفه ينشرح صدره .. ومن منصور يشوفه يحس ان كل الدنيا ملكه ..

مايد: الطيب عند ذكره
غانم: والله توني اطريك
منصور: شحالك اليوم ؟؟
غانم: الحمدلله .. احسن
مايد: اقول لهم اييبون لكم الريوق الحين ؟؟
منصور: قايل لكم يوم انا اتاخر دقيقه وحده بس .. ييبوا له الريوق ولا تتريوني
مايد :هو ما ياكل من دونك
غانم: يالله عاد عمي .. الا هي دقيقه اترياك والا 5 دقاق .. حتى لو ساعه او 10 ساعات بترياك
مايد: شفت .. انته لا تتأخر عليه عسب ما يترياك
منصور: ييبوا الريوق بسرعه
مايد: 5 دقايق ويكون الريوق هني ..

غانم .. ولد مبارك العود ... مريض بالثلاسيميا .. وبين فتره وفتره يرقد فالمستشفى .. واذا تعب عليهم فالبيت على طول اييبونه المستشفى .. يحب عمه منصور واااايد .. بس يحس مرات بالاحراج .. لان الكل تعبان وياه .. وخصوصا ابوه .. دوم يسير ويرد عليه .. ويحس انه مثقل عليهم كلهم .. ولان ابوه ميلس عالكرسي .. فيشفق عليه ..

منصور.. يطلع من البيت وااااايد .. بس وين يسير ؟؟ ايي هني المستشفى .. عند غانم .. واذا كان فالبيت .. كله فحجرته .. يحب ييلس بروحه .. اقرب واحد له مايد .. واذا كان يبغي يستشير حد عود يستشير اخوه العود مبارك .. اللي يحس ان له خبره اكثر من ابوه فالحياة .. لانه شاب و فارق السن بينهم قليل .. يمكن اللي حافظ ملامحه بس اخوانه .. حتى عيال عمه اللي وياه في نفس الفريج ونفس الحوش .. بس باختلاف البيوت .. ما يشوفونه الا ايام المناسبات او بالصدفه .. وهو من النوع الهادي وما يخصه في حد ولا يحب يدخل في اي شي.. يعني يطبق المثل اللي يقول (رزة الفيس من طبايع ......... ) وهو ما يحب يكون ............ ومسوي لهم فيلم رعب فالبيت لان الكل يحترمه ويخاف منه ..

مايد ... الدكتور مايد .. محترم .. وطيب .. ويحب الخير للكل .. يحترم اخوه منصور مع انه اصغر منه بس يحس ان في هالانسان حب كبيييييييير لو يوزعه على كل الناس كفاهم وزاد .. بس ما يدري ليش اخوه للحين مب مستوعب اللي استوى !!!!!!
ليش ما يبغي ينسى الماضي .. ويعيش حياته .. وحكم على نفسه بالسجن المؤبد ..
من يتلاقى ويا اخوه سلطان يجلبون المكان ظحك .. بقصد والا من دون قصد هالاثنين حلوين ويا بعض .. والكل يشهد لهم ..


كانت نازله من فوق بسرعه مستعيله ..

ريسه: صباح الخير امايه
ام مبارك: اي صباح الخير ؟؟ انتي توج واعيه ؟؟
ريسه: هيه .. دوامي اليوم الساعه 10
ام مبارك: كلهن راحن الجامعه
ريسه: ادري انزين .. انا ومطروه دوامنا اليوم الساعه 10
ام مبارك: عيل سيري اطاعي بنت عمج جانها زاهبه تسيرن
ريسه: ان شاااااااء الله .. السايق موجود ؟
ام مبارك: سايقنا نحن لا ..
ريسه: خلاص عيل .. بقول حق سايق بيت عمي يودينا
ام مبارك: باجي نص ساعه وين بتوصلن الحين ؟؟
ريسه: امايه جيه شوه .. الا هني الجامعه .. جريييييييبه ..
ام مبارك: انزين بسج هذربان وسيري بسرعه


ظهرت ريسه من عند امها .. بتسير بيت عمها .. شافت اخوها مبارك فالحوش ..

ريسه: مبارك

مبارك لف صوبها ..

ريسه: صباح الخير
مبارك: صباح النور
ريسه: شحالك ؟؟
مبارك: الحمدلله .. انتي للحين ما سرتي الجامعه ؟
ريسه: دوامي 10
مبارك: اها
ريسه: وانته اليوم مب مداوم؟؟
مبارك: لا ما سرت المكتب .. بمر على العاش اليوم بيظهرونها
ريسه: والله؟؟
مبارك: هيه وبمر على غانم بعد اليوم بيرد البيت
ريسه: حلاااااااااته .. بس للأسف .. بيخلص دوامي 4
مبارك: هههههه شفتي الحظ .. فرحانه بتداومين متأخر .. بس بتردين آخر وحده
ريسه: لااااااااا ..لا تردهم البيت الا يوم انا اوصل
مبارك: يا سلام واخلي حرمتيه في صوب وولديه فصوب .. ويوم يسألوني ليش اقولهم عشان خاطر ريسه
ريسه: هيه شوه فيها .. عمتهم اناااااا
مبارك: آسف .. جانج عمت غانم نوافق .. وما نقدر نقول لا لانها حقيقه .. اما عمت العاش لا .. هي شيختج عاد
ريسه: وييييييه قفطوني
مبارك: ههههه سيري سيري .. بيبدأ كلاسج
ريسه: بسير صوب مطره اشوفها
مبارك: صح السايق ظهر
ريسه: بنسير ويا سايقهم .. يالله فمان الله
مبارك: مع السلامه ..

محمد كان ظاهر من الصبح ويا ربيعه .. وحبيب قلبه وولد خالته خليفه ..

خليفه: اليوم ماخذ اجازه عشان خاطرك
محمد: غصبا عنك تاخذ اجازه
خليفه: والله مب مكلف انا .. يايبنك وناسنك
محمد:ههههه الحين لا اتم تتحرطم على راسي
خليفه: بعدكم على هالطلعات ما تبتوا .. كبرتوا بسكم
محمد:آآآآآآآه فديييييييتها
خليفه: منوه؟؟
محمد: وحده ماخذه قلبي وعقلي
خليفه: اوووووه زين زين عيل .. اييك شور سر اخطب ويكون عرسي وعرسك في نفس اليوم
محمد:انا خطبتها وتزوجت وخلاااااااص
خليفه: حمووووووود من صدقك ..
محمد:ههههههه اقصد دراجتيه
خليفه: سخيف .. والله شاك انك يوم تعرس وتييب عيال بعد ... بتم على ما انته على نفس الحال .. تعابل هالدراجه
محمد:شسوي .. احب احب هالشي .. تعرف يعني يوم تحب الشي تضحي بكل شي عسبه
خليفه: انته شوه قلت الحين .. بس سمعت شي شي شي
محمد:احسن شي
خليفه: ههههه اسكت اسكت ... يالله خلصنا
محمد: اصبر خلني اختار شي يليق بمقامها
خليفه: كشخه لو تخترب
محمد: خلييييييفه لا تقووووول .. والله بموت
خليفه: خيبه مب دراجه هاي
محمد: حرام عليك والله ما اشوفها الا كل اربع شهور
خليفه: الحين بتم تجابلها طول عمرك .. خلصت دراستك
محمد: ورايه دوام بعد
خليفه: صدق متى بتبدأ تداوم
محمد: ما اعرف .. ما اتصلوا بي .. احسن .. خل نرتاح شويه
خليفه: ارتااااااح ارتاااااااح .. بس خلصناااااااا
محمد: ههههههه انزييييين


في بيت سالم..

غيث وسيف خليفه اخوهم معاقبنهم وما مخلنهم يطلعون من البيت رغم انه يوم الاربعا ..تأديبا لهم .. مع انهم كبار .. بس كلام خليفه هو اللي يمشي عليهم .. عسب مره ثانية اذا بغوا يظهرون من البيت لازم يستأذنون..

سيف : والله جنا يهال يعاقبونا ويلسونا في البيت
غيث(وهو مب مهتم وياكل مكسرات):اصلا كله منك .. يا صاحب الافكار التعبانه شراتك
سيف : انا افكاري تعبانه .. انزين غيوووث مره ثانيه لو قلت لك شي لا تسويه اوكيه
غيث : احسن بعد .. عالاقل بعفي نفسي من هالعقاب البايخ

وتموا كل واحد يحط اللوم عالثاني ليش انه هو السبب في اصدار خليفه لمثل هذا القرار .. ويرن التلفون.. كل واحد تم يطالع الثاني ويتلفت يمين ويسار .. غيث يبا سيف يرد .. والعكس.. لان ولا واحد فيهم يحب يرد على تلفون البيت .. آخر شي قرروا اثنينتهم انهم ما يردون .. واللي متصل شكله مل وسكر الخط

سيف : احسن بعد
غيث : فكه يوم يعرفون ان الشيوخ بس يالسين المفروض ما يتصلون

ويظحكون اثنينتهم .. ويقطع عليهم صوت التلفون مره ثانيه .. كل واحد تم يعطي الثاني النظرات نفسها..

غيث : سيف رد على التلفون يمكن حد متصل ضروري
سيف(ويهز راسه كأنه يقول لا):ما يخصني ..قلبك على اللي متصل انته رد
غيث : حرام عليك رد ما بيستوي فيك شي
سيف: اخاف قنبله تنفجر لو رديت
غيث : عن السخافه سوااااف
ويسكتون..تم التلفون يرن ويرن .. لين ما قام غيث بيرد عالتلفون وسيف كان له نفس التفكير ..قاموا الاثنين بيردون .. سيف يبا يسبق غيث عسب يرد عاللي متصل.. فركض وركض غيث وراه الاثنين وصلوا له في نفس الوقت سيف رفع السماعه وغيث ماسكنها معاه بعد..

سيف : اقولك ودرها انا وصلت قبلك خلاص
غيث : ما ابا من الصبح اترجاك شوي وابوس ريلك ...لكنك ما طعت
سيف: انزين الحين طعت وقمت.. يالله خووز
غيث: آسف جدا ما ابا
سيف: انزين خذ السماعه بس قوم عني ذبحتني
غيث(وهو يظحك كأنه غلب سيف العنيد):ييبها
مريم: الو السلام عليكم
غيث: وعليكم السلام..(قفط ويهه يوم سمع صوت بنت وهو وسيف يتظاربون عسب يردون عليها)
مريم: اقول هذا بيت سالم
غيث: هيه نعم امنو بغيتي
مريم: انت امنو؟؟
غيث(وهو مستغرب): انتي متصله .. انتي امنو؟؟
مريم: مب لازم تعرف .. وين فطيم؟؟
غيث.. (يقول فخاطره هاي الهبله امنو .. تسأل انا امنو وعقب تقول وين فطيم .. على كيفها)
غيث: اقولها امنو
مريم: اربيعتها
غيث: ان شاء الله (ويحيس ثمه )
غيث: فطيم فطيييييم تعالي بسرعه تلفون
سيف: امنو ؟؟
غيث: شدراني
سيف: من الصبح ترمس .. والحين شدراني
غيث: وحده هبله متصله في اختك .. ثرك ما سمعت المثل اللي يقول (الاهبل ما يرابع الا الاهبل اللي شراته)
سيف: يا سلاااااام مثل وايد حلووو منو قايلنه
غيث: تطنز حضرتك
سيف: لا اتطنز .. مثلك خله حق عمرك
فطيم تنزل من فوق وتيي صوب التلفون ترفع السماعه
مريم: السلام عليكم
فطيم: مرحبا.. وعليكم السلام .. هلا والله بمريووومه
مريم: اقول فطيم امنو اللي رد علي
فطيم: ما ادري (وتلتفت حوليها ما تلقى غير غيث وسيف) واحد من هالثنائي اللي عندنا
مريم: منو ثنائي بعد
فطيم: غيث وسيف لان محد يالس غيرهم
مريم: قولي حق اللي رد اهبل محد غيرك .. ويوم بتعرف ترمس عدل عقب رد عالتلفون
فطيم: ههههه ..ليش؟؟
مريم: سأليهم يقولون عني هبله
فطيم: ما عليج منهم .. هذيل كل خبال الدنيا فيهم


وتمت مريم ترمس فطيم عن الجامعة وعن البنات .. وعن تخصص كل وحده منهن .. لين ما تذكرت مريم عرس ولد خالتها..خليفه..



مريم: هيه صح تذكرت.. متى عرس خليفه
فطيم: والله قريب ان شاء الله .. امممم قولي عقب شهر
مريم: يعني ما في وقت انفصل للأسف
فطيم: هيه ما اعتقد.. والله نحن قايلين لكن من فتره.. انتن تأخرتن
مريم: والله ما شي وقت .. تعرفين الدراسه وبلاويها
فطيم: هيه طلعي حجج وقولي ما بيي العرس بعد
مريم: هيييه يستوي ما احظر
فطيم:هيه تصدقين لا تيين ..بذبحج مريوم لو ما ييتي
مريم (وهي تظحك) : هههههههه فديتج والله ان شاء الله بنيي لا تخافين
فطيم:هيه اتحريت بعد
مريم: انزين عيل اسمحي لي الغاليه بسكر عنج الحين.. ما ابا اطول عليج
فطيم:لا مسموحه الغاليه .. افا عليج خذي راحتج
مريم: مع السلامه
فطيم:مع السلامه
سكرت فطيم عن مريم وسارت فطيم تيلس مع اخوانها غيث وسيف شوي.. وتسمع سوالفهم اللي ما تخلص وكيف علقوا على هذا وكيف سوو مقلب في هذا

مهره توها راده من الجامعه ومنهد حيلها.. وصعدت على طول حجرتها وانسدحت عالشبريه من دون ما تبدل ثيابها .. مريم دخلت عليها

مريم: مهاري قومي بدلي
مهره: مب متفيجه
مريم: قومي بسرعه
مهره: مطره وصلت ؟؟
مريم: لا بعدها .. قومييييييييييي
مهره: على شوه مستعيله انتي؟؟
مريم: قومي بنسير فلة عمي
مهره: ليش؟
مريم: عاشه ويا ولدها وصلوا قبل شويه
مهره :حلفييييييييي
مريم: والله
مهره: انزين ببدل وبيي
مريم: ما بتتغدين ؟؟
مهره: بسير بيتهم اتغدى
مريم: احسن بعد يالله ..


في فلة بو مبارك ..

مبارك: حمد يوز عن اخوك ..
حمد: شوه هالبيييييييييت .. خلونا نستانس
غانم: خله ابويه شكله مب مصدق
ساره: ايده صغيره
حمد: عيل تبغينها كبر ايدج
ساره: والله ايدي حلوه بعد
حمد: انزين بس هو احلى
ساره: عادي يشبهني

نش غانم بيظهر ..

مبارك: وين ساير؟؟
غانم: بسير اشرب ماي وبرجع
ساره: وين امايه
مبارك: برع
ساره: بسير اشوفها
مبارك: توج تذكرتيها ..
ساره: هيه شسوي ؟؟ من شفت حمودي تخبلت .. حلوووووووو

وركظت ساره برع ..

غانم كان يتمشى فالحوي .. عقب الكبت اللي كان فالمستشفى .. اللي يكرها .. ويكره سيرتها .. يحس انها اخس من السجون اللي يرمسون عنها الناس .. اتعس ايامه يقضيها في هالمستشفى بين ريحة الادويا والأطبا والسسترات ويحس انه ضعيف يوم يشوف ان في بعض الاوقات يكون محتاج فيه للي حوله ..

مهره: احم احم
مريم: هلا والله
غانم (ابتسم): اهلين .. شحالكن ؟؟
مهره: تمام .. انته شحالك؟؟ عساك بخير
غانم:الحمدلله ..
مريم: ويييييييينك ؟؟ الحمدلله عالسلامه
غانم: الله يسلمج
مريم: هديتك وصلت فالمستشفى مب تقول ما طرشتها لي مريوم
غانم:ههههههه وصلت وعمي مايد كلها
مريم: احلف
غانم:والله .. شل السله كلها بيوزعها عالاطبا عسب امايه ربت .. بس تعالي انتي جيه مطرشه اصلا ؟؟ متعبه عمرج .. الا هي كم ساعه رقدت فيها .. من الصبح وتوني العصر ظهرت
مريم: كيفيييييييييييي .. بس والله حلوه هاي انا اخسر بيزاتي واشتري لك هديه لانك طالبنها مني .. وهالمايد يشلها عالجاااااااااهز
غانم:بسم الله .. هههههه .. حلال عليه
مريم: لا مب حلال منوه قال
غانم:ههههههههههه انزين هي هديتي خلاص انا حللتها
مريم: انا اللي شارتنها .. خل يرد والله اخليه يسير يشتري لك سله باتشي وايييبها
مهره: زين يوم سلطان ما شلها والا كانت بتلقى عقاب اكبر ويفشل اكثر
غانم : منوه قالج ؟؟ عمي سلطان بعد شل منها .. بس حقه مب حق ربعه
مريم: انا برويهم .. خل بس يوصلون
غانم: ههههه عندج اياهم استلميهم
مهره: لا تقويها انته بعد .. والله فضيحه مريوم خلاص غانم حلله عليهم
مريم: ما يخصني .. وعاد خاصة هذا سلطان بطلعه من جبده .. لانه امس تم يحط عليه ..
غانم: افاااااااااا يعني فاتتني اليلسه
مهره: يوم واحد بس دخلت المستشفى .. تفوتك يلسه ولا ااحلى ..
غانم: ما عليه اليوم بيكون احلى

مشت مهره ووياها مريم .. دخلن الصاله ..

مريم (بصوت عالي ): السلااااااااااااام عليكم
الكل: وعليكم السلام
سلطان: مول ما صدعتينا بصوتج
مهره: اوه انته هني ههههههههه ..
سلطان: لا هناك؟؟ ليش ؟؟
مريم: انته يالدب .. جيه تاكل من الباتشي اللي طرشته حق غانم؟؟
سلطان: اي باتشي؟؟
مريم: شوه اي باتشي بعد ؟؟ انكر انكر .. متعودين على جذبك
سلطان: والله ما اذكر
مهره: ليكون مريومه انتي ما مطرشه
مريم: والله اني طرشت والله
مهره: عيل سلطان انته تذكر
سلطان: هيييييييييييه اليوم الصبح تقصدين ..
مريم: هيييييييييه زين يوم تذكرت
سلطان: والله مال ولد اخويه كيفي
مريم: فعينك .. انا شارتنه له
سلطان: روحج قلتيها .. شارتنه حق غانم .. يعني استوى ماله .. وهو عطاني كم حبه بعد .. يالزطيه

وتوها عاشه نازله من فوق ..

مريم: هلا .. هلا والله هلا بأم غانم هلا
عاشه: اوه شوه في اليوم ؟؟ الترحيب قوي
سلطان: اونها تغايظ .. مالت
مريم: عليييييييييك
مهره: شحالج عاشه
عاشه: بخير الحمدلله .. انتن شحالكن
مهره: تمام .. مبروك عليج محمد الصغيروني
عاشه: الله يبارج في حياتج ..
مريم: وينه ؟؟
عاشه: فالحجره ..
مريم: سيري ييبيه
سلطان: لااااااااااااااا عن يحسدونه بعض الناس
عاشه: منوه بيحسده
سلطان: في ناس عيونهم حاااااااره
مهره: هاي نغزه .. يا حقي او حق مريوم
سلطان: الثانيه صح
مريم: اقول بسير بيتنا .. يوم الضيوف اللي عندكم بيسيرون زقروني
سلطان:هههههههههههه حلوه .. ان شاء الله هالضيوف بيلسون هني على طول ولا بيظهرون ... عنادا فيييييييج

وظهرت مريم وعاشه تزقرها .. ويلست مهره ..

عاشه: سلطان حرام عليك
مهره: خليها عادي مب شي يديد
غانم:هههههه كسرت خاطريه
مهره: مب انته كنت تبغي تشوف من هالمواقف
غانم: هيه بس مب انها تطلع من هني
مهره: الحين بترد .. عقب 5 دقايق بتشوف .. يالله وين حمود؟؟
عاشه: دقيقه بسير اييبه .. لو خلوني حمد وساره الحين
سلطان: شليه غصب .. هالاثنين بيذبحونه اليوم

فطيم: اقولج ظهري برع
روضه :انزين بس ابغي اشوف هذا
فطيم: رويض ظهري برع .. الحييييييين وبسرعه
روضه: اوهووووووو
فطيم: والله بزقر لج خليفه
روضه: زقريه
فطيم: خلييييييييييييييفه
روضه: الله ياخذ عدوج .. ايه كنت اتغشمر
فطيم: انزين انا برويج .. خليييييييييييييييييييفه

ووصل خليفه ..

خليفه: شبلاكن ؟؟
روضه: ما شي
فطيم: قول لها تظهر برع .. لعوزتني
خليفه: روضه شوه تسوين انتي هني ؟؟ ما وراج مذاكره ؟؟
روضه: توها بداية السنه ..
خليفه: انزين واجبات ..
روضه: مال اول واجبات .. نحن الحين ثانويه عامه
خليفه: انزين روحج قلتيها ثانويه عامه .. نشي بسرعه ظهري ..
روضه: خلاص بسير تحت عند امايه
خليفه: امايه قبل شوي ظاهره ..
روضه: وانته كاشخ وين بتسير؟؟
خليفه: ما يخصج
روضه: انزين ما يستوي جذه .. اتم روحي يالسه
خليفه: نزلي تحت .. غيث وسيف يالسين اسولفي وياهم
روضه: اوه .. ما طالعين من البيت ؟؟ غريييييييييبه.. ليش؟
خليفه: سيري سأليهم ..
روضه: اكيد بسير .. جاو

ظهرت روضه من الحجره ووصلت لين الدري ووقفت فوق .. وقامت تصارخ ..

روضه: غييييييييييييييييييييث
غيث: نعم
روضه: انتوا هني
سيف: والله سؤال سخيف .. لا ترد عليها
غيث:هههههههههه هييييييييه
روضه: اوكي

ونزلت تحت ..

سيف: ليش ييتي
روضه: كيفي
سيف: سيري فوق
روضه: I don’t want
سيف: الحين بنظهر
روضه: why you are here still now??
سيف: ما لج خص
روضه: I didn’t ask you
سيف: غيث معطني تصريح
غيث: شوه تبين الحين ؟؟
روضه: ليش مب ظاهرين ؟؟
غيث: خليفه ما مخلنا
روضه: حلفواا هههههههههههههه مساكين
غيث: لين الساعه 6 بس .. وعقب بنظهر .. بتخلص مدة العقاب
روضه: يعني عندي فرصة لين 6 ايلس وياكم
سيف: لا ما عندج .. ما نبغيج تيلسين معانا
روضه: مب بكيفك .. بيلس ويا غيث مب وياك
سيف: اوه اخويه كيفي
روضه: واخويه بعد
سيف: توأمي .. يالله رمسي قولي شي .. ما ترومين .. خلاص جب
روضه: don’t talk to me
سيف: الحين يوم ما عرفت شوه تقول .. قالت لا ترمسني ..
غيث: خلاص اسكتوا انتوا الاثنين
سيف: اختك تقهر
روضه: انته اكثر ..
غيث: وينها فطيم عنج ؟
روضه: فوق طردتني من الحجره .. وزقرت خليفه بعد
سيف: ههاااااااي زين سوت فيج
روضه: عالاقل من الحجره طردتني .. مب حابسيني فالبييييييييت
سيف: رويض ان ما سكتي عني بقوم لج
روضه: OH no I afraid
غيث: رديتوا بعد
سيف: جيه متى خلصنا عسب نرد ؟؟ هاي اذا ما نشت من هني ما بنخلص
روضه: اووووووه قلت لكم ملانه ابغي ايلس ويا حد ابغي ارمس اسولف .. شوه هالحاله
غيث: انزين رمسي رمسي
سيف: من زين رمستج والا سوالفج عاد



سلطان: ايه بس خلاص سيري بيتكم
مهره: ههههههه انته شلك ؟؟ بيت عمي
سلطان: ذبحتي ولد اخونا
مهره: هاهاها ما يظحك .. تغار ساكت فديته عندي
سلطان: الحين مايد بيي .. سيري ازقري اختج ..
مهره: هههههه الضيوف بعدهم ما ساروا .. تستحي تيي
سلطان: عداااااااااال
مهره: وبعدين مايد بيي .. انزين وخير ؟؟ ليش ازقر مريوم ؟
سلطان: جيه بس انا كلت من الباتشي اللي يايبتنه اختج الزطيه ؟؟ مايد شل السله كلها ..
مهره: ويعنيييييييييي ؟؟ تبغيني ازقر مريومه عسب تبهدل مايد فضيحه
سلطان : وانا ليش خليتيها تبهدلني
مهره: انته عادي
سلطان: هيه طوفه عبيطه انا
مهره:ههههههههههههه محد قال عنك شي .. روحك ترمس عن عمرك
سلطان: ييبي ولد اخويه
مهره: تعال شله بسير بيتنا انا الحين
عاشه: وين سايره ؟؟ تمي
مهره: لا شوه ؟؟ الحين كلهم بيوون ..
عاشه: منوه كلهم ؟؟ مايد ومنصور بس ..
مهره: منصوركم كفايه .. بسير بيتنا مع السلامه
سلطان: ايه اخويه ما ياكل
مهره: ما استبعد هالشي ..
غانم: احم احم
سلطان (ورفع راسه فوق يستعبط): اوه نسينا محامي الدفاع يالس هني
غانم: بلاه عمي منصور؟؟
مهره: ما بلاه شي .. خليناه حقك .. سلم عليه انزين
غانم: افااااااا علييييييييييييييييج يبلغ ..
مهره: ويه صدق .. لا تسلم عليه ولا شي ..
غانم:ليش؟؟
مهره: على مايد سلم من اليوم لين باجر اما منصور .. لا شكرا لخدماتك لا توصل له السلام
غانم:حرام عليكم .. والله طيب
مهره: طيب وياك مب ويانا
سلطان: ابغي اعرف شوه مسولج ؟؟
مهره: ما مسوي لي شي .. ولا ابغيه يسوي .. ولا يقدر يسوي اصلا
سلطان: دامج تعرفين انه ما يقدر بس يقول شي حق آل مهره و تزعل .. جيه تخافين منه
مهره: تبغي الصراحه .. اخوك هذا فلم رعب متنقل .. يالله سلام

وتم سلطان يظحك من الخاطر على رمسة مهره .. وغانم مبتسم ..

جريب المغرب ..

العنود: ملل متى ايي يوم الاربعااااا
موزه: باجر
العنود: امايه شرايج باجر ما اداوم
موزه: وليش ان شاء الله ؟؟
العنود: بس .. تعبت من الدرااااااااسه
موزه: والله ؟؟ سيري قولي حق ابوج هالرمسه
العنود: لا لا خلاص بندااااااوم
موزه ( ابتسمت): زين عيل
العنود: وين مزنه ومزون ؟
موزه: راقدات
العنود: افففف كله يرقدن
موزه: شوه تبغين بهن ؟
العنود: اريد العب وياهن والعوزهن
موزه: لا الله يخليج يا عنّوده خليهن رقوووووود ما فيه عالحشره
العنود: بس شويه
موزه: ما توعينهن
العنود: شوييييييه انزييييين ملانه
موزه: اذا وعيتيهن بزقر لج ابوج من تحت
العنود: امااااااااااايه .. شوه تزقرين ابويه
موزه: عيل هديهن
العنود: ملاااااااانه ملاااااااااااااانه
موزه: سيري عند فهد
العنود: فهد يذاكر
موزه: سيري عيل عند ابوج
العنود: ابويه تعرفينه .. لو شافني للحين مب متسبحه ولا لابسه بجامتيه .. بيهزبني
موزه: زين يوم ذكرتيني .. نشي بسرعه عيل سيري تسبحي .. يالله بيأذن العشا تعشي وعقب عالفراش
العنود : انزييييييييين

تحت فالصاله ..
سهيل: سيرة دبي الغوها باجر انزين
فهد: لا .. كله ولا سيرة دبي .. تريدون ودونا يوم ثاني والا هب ياي وياكم بسير دبي انا
سهيل: خييييييبه شوه مسوين بك هل دبي .. ساحرينك ؟
فهد: من متى ما شايفينهم
سهيل: لا في هاي معاك حق .. من اسبوعين ما وديتكم صوب دبي .. خلاص الطلعه تتأجل عيل بس مواعد العنود
فهد: عادي لا تقول لها انك كنت ناوي باجر تودينا
سهيل: امك وين ؟
فهد: اكيد ترقد مزنه ومزون
سهيل: آه ويا مزنه ومزون .. هالهنتين .. ظهروا لي قرون
فهد: الا العنود غريبه ما نزلت للحين ..

وتوها العنود نازله من فوق ..

العنود: انا هني .. سمعت اسمي ..
فهد: وصلت الحشره
سهيل: شوه تسوين فوق ؟؟
العنود: كنت يالسه ويا امايه .. ملانه شسوي
سهيل: وامج وين الحين ؟؟
العنود: ترتب وتسوي اللي خربوه بناااتك
فهد: وينهن ؟؟
العنود: رقوووووود
سهيل: الله يعينا على حشرة الليله عيل
العنود: احسن عسب تحسون يوم ان نحن نسهر حليلنا ما نسوي هالحشره .. اما المخربات الهنتين .. يدمرن الدنيا ولا تقولون لهن شي
سهيل: اريد اعرف .. من وين متعلمه طولت اللسان هاي ؟؟
العنود: بسيطه من خالوه مريوم
سهيل: عييييب يا بنت عييييييييب ترمسين جذه عن خالتج
فهد: هههههه لو تسمعج خالو مريم جان بهدلتج
العنود: انزين باجر بسير وخل تبهدلني

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)


سألت الله أيامي باحسان على الجيران
وحسن القول والعمل وأفضال على الخلان

(*•.¸(`•.¸ الجزء الثالث¸.•)¸.•*)


فدبي ..
مطره .. بندت اللاب توب .. وفصخت نظارتها الطبيه .. وانسدحت عالشبريه ..

مهره (دخلت عليها) : مطرووووووه
مطره :بسم الله .. انتن ايه شوه هالحشره
مهره ( صدت يمين ويسار): منوه تقصدين بأنتن ؟؟
مطره: انتي وبنت عمج .. ريسه
مهره: بلانا؟؟
مطره: ما تعرفن تدخلن الحجره بهدوء ؟؟
مهره: اوووه الحين تعالي
مطره: وين
مهره: تحت
مطره: ليش؟؟
مهره: اخويه الحبيب .. وولد عمج الكريم .. عازمينا عالعشا
مطره: يعني بتظهرون .. مب يايه
مهره :ياريييييييييت لو بنظهر .. مينونه انتي .. تبغين محمد وسلطان يظهرونا ..
مطره: هيه انا استغربت .. عيل كيف بيعشونكم
مهره :شوه بعد كيف ؟؟ هذا سؤال تسألينه .. بيسيرون يشترون عشا من برع وبيردون
مطره: انزين وانا ليش انزل ؟؟
مهره: تعالي اختاري من وين تبغين ؟؟ لان انا وريسه ناوين نخسرهم صدق
مطره: اختاروا من اي مكان .. بس يكون حلو
مهره: نزلي انزييييييين سلطان معاند السخيف .. اونه خل مطره تنزل وتختار وياكن ما يستوي ما تختار .. اوووووونه الحبيب يخاف عن يظلمج ويكون هو الظالم
مطره: ههههههه والله انه سوالف
مهره: الا قولي سخيف .. يالله لا تذليني بتنزلين والا ؟؟
مطره :يايه سبقيني تحت
مهره: اوكيييييك

سلطان: يالله يالله شمعنى يعني تشيليز ؟؟
مريم: يا تطلب لنا من مكان عدل او ما تطلب
سلطان: احسن ..
ريسه: نحن نبغي
الريم: طلبوا من مطعم الدار وخلاص
ريسه: مطعم الدار .. حلو تاكلين هناك مب فالبيت ..
سلطان: وتشيليز حلو تاكلينه هني ؟؟
ريسه: هيه
محمد: بسرعه طلبن وخلصونا
سلطان: يوم اقولك محد يعطيهن ويه .. بس انته لا حرام ونحن كل يوم نظهر وخل نطلب لهن هالمره .. شفت كيف
محمد: هههههه والله انا قلت حليلهن كاسرات خاطريه .. مهره امس قالت لي
سلطان: هيه انا قلت .. مب من الله بعد محمد بيخسر عمره وبيخسرني .. هذي وصلت آل مهره
مهره: بلاك انته محتشر علينا
سلطان: ولا شي .. بس شوه تبغن ؟ من وين ؟
ريسه: مهاري .. يقولج اخترنا تشيليز
مطره: لا ما احبه تشيليييييز
سلطان: خلااااااااص مطره قالت ما تبغي تشيليز ..
مهره :مب بكيفكم .. تشيليز اوكي .. طلبوا لنا من تشيليز ومطره من مطعم ثاني
سلطان: شوه تتمصخرين انتي ؟؟ على حسابكن نحن
مطره: ما يعيبني انزين
محمد:عيل من وين تبغين ؟؟
مطره: اي مكان
الريم: والله انا قلت لكم مطعم الدار
ريسه: انتي اييييييه .. ذليتينا على مطعم الدار مالج
مريم: هههههه شوه الاخت حلمانه في اكل الدار؟؟
الريم: لاااا .. بس احسن .. حلو ويعيب الكل
مريم: طلبوا من اي مكان .. ما تفرق عندي بس المهم ناكل

وتوها عاشه حرمت مبارك وصلت وهي شاله ولدها ..

الريم: حراااام عليج .. جيه يبتيه
عاشه: شسوي هذيلاك رقدوا ملل .. وانتوا متيمعين هني شوه عندكم ؟؟
ريسه: عبود فالبيت ؟؟
عاشه: هيه ويوم شافني بظهر بيي هني .. قالي اقول حق سلطان ومحمد بسرعه ..شوه السالفه ؟؟
مريم: اخو ريلج وولد عمه عازمينا عالعشا
عاشه: يالخونه .. جيه ما عزمتوني عيل
سلطان: افا علييييييييييييج كله ولا عاشه كم حرمت اخو عندنا الا وحده
مطره: ههههههههههه حلوه هاي
عاشه: لااااااا .. الحين عاد تذكرت
سلطان: هالحشره نسّوني والله
محمد: يالله عاشه بتختار من وين تبغين ؟؟
عاشه: ليش من وين اخترتن ؟؟
سلطان: انتي من وين تبغين ؟؟
عاشه: عادي اي مكان .. المهم آكل
الريم: هاي ظهرت شرات مريوم
مريم: قلت لكم اهم شي البطن ينترس .. مب مهم بشوه المهم ينترس
سلطان: سيري سوي لج سندويج جبن عيل
مريم: لا عاد مب جذه .. وبعدين انا ما طلبت منك انته تدفع اخويه بيدفع
محمد: بسسسسسس خلاص .. .سلطان نش
مهره :من وين بتطلبون لنا ؟؟
محمد: من تشيليز .. وحق مطروه والريم من الدار ..
سلطان: متفيج والله
محمد: نش .. عن يقولن بعد طلبنا وما ادري شوه وذلونا عالأكل .. وما طلبوا اللي نبغيه
مطره: افا انا اقول جذه
الريم: والا انا ؟؟
محمد: انتن ما تقولن .. بس اللي وياكن يقولن .. يالله سرينا ..


محمد وسلطان وهم ظاهرين .. شافوا مبارك ومايد ..

مبارك: على وين العزم؟؟
محمد: بنسير نشتري عشا حق البنات
مايد : اكيد على حسابهن .. هههههه ما احيدك لا انته ولا اللي وياك كرما
محمد: افاااااااااااااااا .. انا مب كريم
مبارك: لا محمد كريم تطلع منه .. اما سلطان ما اظن
سلطان: اوهوووو يعني شوه شايفيني ؟؟
مايد: ما ادري اسأل روحك
سلطان:محمد نسير نسير .. والا بغير رايي
محمد: عصب اونه .. ههههه يالله نسير
مبارك: لحظه .. العاش عندكم
محمد: هيه داخل
مبارك: مشتركه في هالمؤامره وياهن والا
سلطان: عيل عاشه ما بتشترك في مؤامره فيها خساره و أكل
مبارك: انته يالزطي ... عن توقف اللقمه هني حقها .. ما تبغي انزيييييين روحي بسير اشتري لها
محمد: ليييييييش ؟؟ ليييييييش؟؟
مبارك: ما تشترون لها ..
سلطان: ط هذاااااااا
مبارك: هيه عيل
محمد: عن هالحركات .. بشتري لها
مبارك: اصبروا بعطيكم ثمن اكلها
محمد: لا تسخف .. والله ما عطيت .. جيه شوووووه
مبارك: لا عقب تعايروني انكم اشتريتوا لها
سلطان: بقولك .. هي طلبت مني مب منك .. يوم بتطلب منك سر اشتر لها .. يالله يالله محمد نسير ..
مايد:ههههههههه انزين اشتروا لي انا بعد .. على حسابك سلطان
سلطان ( اطالعه بنظره): ان شاء الله
محمد: هههه انا بدفع .. الحساب كله عليه .. مبارك مب تسير فلتكم .. اتريانا تعشى ويانا
مبارك: اذا على حسابك انته اوكي .. اما على حساب هذا لا
محمد: على حسابي على حسابييييييييي
سلطان: فضحونا والله
مايد: ههه روحك فضحت عمرك
سلطان: بسير ازقر عبود وبيي
محمد:اترياك فالسياره ..
مبارك: اتصل له رنه
مايد: يخاف عالرصيد
سلطان: مب متفيج لكم .. بسير الحين .. يوم برد بتشوفون كيف بقطعكم ..
مبارك: سر سر انزين .. عن المطاعم كلها تبند

مايد : بتسير بيت عمي والا بيتنا ؟
مبارك: لحظه قبل ما توديني هني والا هناك
مايد: شوه ؟
مبارك: غانم
مايد: قلت لك ما عليه شر ان شاء الله
مبارك: انته شفت ملفه ؟؟
مايد: هيه اكيد
مبارك: بس هالمره طيحته كانت قويه
مايد: مبارك الله يهدااك .. اي قويه مثل كل مره .. بس انته تحس انه تعب زياده .. لانك لاهي كنت ويا حرمتك هي من صوب وغانم من صوب
مبارك: لا ما اعتقد
مايد: بلى .. ولو كان في شي .. انا كنت بقولك .. ما بدسه عنك ..
مبارك: متأكد
مايد ( ابتسم): متأكد .. المهم سويتوا فحص لآخر العنقود ؟؟
مبارك: هيه اكيد .. الحمدلله ما فيه شي
مايد: الحمدلله .. يالله اي فله تبغي ؟؟
مبارك: نختار بعد عكيفنا
مايد: تبغي تيلس هني .. والا هناك والا ففلة عمي كيفك هههههههه
مبارك: ودنا صوب البنات .. خل نشوفهن ونسألهن عن اخبارهن
مايد: يالله عيل ..

في فلة بو مبارك .. تحديدا في حجرة غانم ..
غانم كان يالس ويسولف ويا عمه منصور ..

منصور: وين تبغي تظهر باجر ؟؟
غانم: ما ابغي اظهر
منصور: ليش؟؟
غانم: باجر بيرتبشون لان اللي عقبه اجازه .. فبيلس وياهم احلى
منصور: انزين باجر الصبح عندك موعد فالمستشفى
غانم : ما بسير
منصور ( عقد حياته): عكيفك هو
غانم:هيه ما بسير
منصور: غانم انته مب ياهل تعاند
غانم: باجر انا مواعد ابويه بظهر وياه الصبح
منصور ( ابتسم): هيه مدام بتظهر ويا ابوك خلاص ..
غانم: ليش ابتسمت ؟
منصور: ما شي
غانم: والله تقول
منصور: لان ابوك ما بيوديك مكتبه من دون ما يوديك المستشفى
غانم: اكييييييد انته قلت له
منصور: انا ما قلت له شي . يعني ولده وعنده موعد .. ما بيذكره .
غانم :اففففففففف
منصور: هههههههه تضايج بس هذا كله عسب مصلحتك
غانم: انزين انزين
منصور: بلاك جلبت عليه
غانم: ما فيني شي .. بس ابغي ارقد
منصور: يعني طرده
غانم: لا .. مب طرده .. بترقد هني ارقد .. ما عندي اي مشكله
منصور: خلاص برقد هني
غانم: حياك



في بيت بو خليفه ..
روضه كانت يالسه ويا امها فالصاله وتجلب في هالقنوات .. وسيف من صوب منسدح وغيث يالس حذاله ويلعبون بمبايلاتهم ورنات وما ادري شوه .. وخالد يالس يطالعهم ..

غيث: سمعت الرنه اللي كانت عند حمّود
سيف: هيه خذتها منه
غيث: حلوه طرشها لي
سيف: اصبر ..
خالد: بسكم من هالمبايلات
روضه: ما يشبعوووووووون
ام خليفه: رويض قومي سيري رقدي
روضه: اماااايه توها 10
ام خليفه: انزين وباجر وراج مدرسه
خالد: ثانويه عااااااامه يقولون
سيف: هالياهل بعد وصلت ثانويه عامه
روضه: محد رمسك انته
خالد: سيري رقدي انزين
غيث: طرش الرنه
سيف: انزييييييييييين ما فيك صبر
غيث: انته طرشها وعقب سولف
ام خليفه: ونتوا بعد سيروا رقدوا
سيف: من الحييين؟؟
ام خليفه: هيه تيلسون شوه تسوون ؟؟
سيف: نتريا خليفه
خالد: ليش؟
غيث: فطيم وين ؟؟
روضه: In her room
خالد: بسير اشوفها لاني اليوم ما شفتها .. وعقب بسير ارقد
ام خليفه: وانا بعد بسير حجرتيه
سيف: شلي بنتج وياج
روضه: يا ربييييييي .. انا مب يالسه عجبدك
سيف: قلتيها روحج .. الا يالسه على جبديييييييييي
غيث: سيييييييييف
سيف: هااااااااااا هههههههه انزين بطرشها الحين والله خلاص
غيث: ما ترمس اذا رمست يا ويلك طرشها قبل
سيف: انزين خلاص بسكت .. ( وحط ايده على ثمه )

مهره وريسه يسولفون عن الجامعه وبلاويها .. اما مريم ويا الريم يالسات ويحشن في هاي وهذيج .. ومطره شاله محمد الصغير وتلعبه وعاشه ومبارك ومايد يسولفون حذالها ..

مريم: وععععععععع هاي عاد موووول ما ادانيها
الريم: طيبه
مريم: طيبه اونه .. وايد شايفه عمرها
الريم: انتي ما جربتي تيلسين وياها
مريم: ولا بجرب
الريم: انتي الخسرانه
مريم: شووووووه بخسر .. مالت عليها
مهره: وينهم تأخروا
ريسه: واااااااايد
مايد: هالهنتين .. لو يوم واحد ما كلن .. ظنكم شوه بيستوي بهن ؟
مطره: لا تقووووووول .. بيجلبون البيت فوق تحت
مريم: الا بياكلونا نحن
مايد: ما استبعد
مهره :انزين يواعه
ريسه: خليهم هذيل كل شي عندهم حرام .. تيوعين حرام تعطشين حرام .. كل شي حرام في حرام
مبارك: تتريون العشا اللي بالذل سايرين اييبونه لكن
مهره: لا والله ..اخويه من قلبه اما اخوكم بالذل
مبارك: ههههههه في هاي صدقتي .. سلطان بيذلكن عالعشا من باجر بيبدأ المعاير
مريم: بشتري له بيبسي من الدكان وخلاص
مايد: ههههه وايد كريمه بنت عمي
مريم: بعد شوه يبغي
مهره: انا بقولج ..ما بيوقف المعاير الا يوم تسوين له غوزي
مريم :آسفه .. انا مب مال مطابخ
مايد: هيييييييهأ يا بنات اليوم .. كاس ماي ما تعرفن تحطنه فالصينيه وتقدمنه بعد غوزي
ريسه: لو سمحت
مهره: مب جنه غلط وايد
مريم: جنه
مبارك: تآمرن علييييييك
مايد: اقول فيه رقاد .. خلاص ما ابغي العشا
مطره: هههههه حليلك يالدكتور
مهره :هيه صح على طاري الدكتور .. مايد كيف انته استويت دكتور
مايد ( تم يطالعها بنص عين): نعم ؟؟
مريم: لا لا انا عندي سؤال .. يعني ما تلوع جبدك يوم اييبون واحد توه مسوي حادث وكله دم وما ادري شوه
مايد :لا ما تلوع جبدي .. كم يسوى يوم انج تساعدين شخص وتنقذينه من الموت .. وتفرح عايله بكبرها ..
مهره: هيه صح
مريم: بس لوعة جبد بعد
مايد: شوه لوعة جبده ؟؟ بالعكس حلو
مريم: حلو اييك واحد مصارينه طالعه وواحد ما ادري شوه ويييييييي وعععععع
ريسه: ههههههه يبالج يوم واحد تحضرين عملية من عمليات مايد ..
الريم: هيه مايد شلها ودها وياك يوم واحد .. دخلها غرفة العمليات
مريم: وععععععع لو الموووووووت ..
مايد: هههههه عاد اللي يقول بوديج انا .. يغمى عليج .. اجابل اللي يايبينه والا اجابلج ؟
مهره: حلوه مهنة الطب .. حليلنااااااااا نحن .. بغينا نكمل ما خلونا
مايد: هيه سمعت انج كنتي تبغين تدرسين طب .. ويييييين تبيييييييييييين؟؟
مهره: نعم نعم ؟؟ شوه وين ابا ؟؟ يعني حلال عليكم وحرام علينا ؟؟
مبارك: انا اشجع ان الحرمه تدرس طب
مهره: قول والله ؟؟ عيل ليش ما رمست يوم بغيت ادرس
مبارك: ما كنت اعرف
مايد: وانته بعد وياها ؟؟ ليش ان شاء الله تشجع ان البنات يدرسن طب
مبارك: ترضى اذا حرمتك والا اختك مسويه حادث والا فيها مرض .. ودكتور يسوي لها العمليه ؟؟ شفت .. ما يستوي ..
مريم: والله في نصهن ما يسون العمليات لان ريال
مايد: بس بعد .. مب حلوه تدرس طب .. الطب يا يكون هني فالبلاد او برع احسن الدراسه .. ومستحيل طبعا البنت تدرس برع .. وعقب يوم تيي تشتغل خلط
مبارك: كل وحده محترمه محد بيي صوبها
مهره: عاااااش ولد عميييييي عاش بو غانم .. والله لو كنت اعرف جان ييتك توقف وياي يا ربييييييي لا تخليني اندم ( وبرطمت)
مايد: هههه زين يوم ما عرفتي عيل .. هاللي ناقص .. يالله يالله ما عندنا بنات يدرسن طب
مهره: والله جان ابغي لا تخليني اسويها .. واطلع من الجامعه واسير ادرس طب
مايد: والله حلفي ؟؟
ريسه: هيييييه انته .. الله يخليك اسكت تسويها هاي
مريم: لا تخربها علينا ..
مطره: لا تتحداها ..
الريم: خلها للحين عقلها فراسها ..
مايد: خييييييييييييييييييييييبه .. كل هذا .. يعني تسوينها ؟؟
مهره :اسويها وانا بنت محمد واخت محمد ..
مبارك: بل علييييييج ..
مريم: مايد بليز بليز لو سمحت
مايد :خلاص ابويه لا نتحدى ولا شي ..
مريم: الا على طاري بو غانم .. غانم وينه ؟؟
عاشه: صدق غانم وينه ؟؟
مايد: كان منصور يالس وياه يوم نحن يايين
الريم: اسير ازقره
مريم: هيه .. زقريه خل ايي ويانا سوالف
مهره: لا الله يخليج لا تزقرينه .. اخافه فلم الرعب المتنقل ايي وياه
مايد: منوه فلم رعب متنقل ؟؟
ريسه: منصوووووور
مايد: ايييييي انتييييييي تغلطين على اخويه بعد عيني عينك اثنين خوانه هني وهنتين خواته
مهره: والله بتزقرونه بسير حجرتيه ..
عاشه: ههههههه والله تظحكين .. حليله منصور ..


الصبح .. الساعه 11.30 .. فالمستشفى ..

مبارك: خلصت ؟
غانم: هيه
مبارك: شوه قالك ؟؟
غانم: ولا شي .. مثل كل مره
مبارك: انزين بدخل عند الدكتور وبرد لك
غانم: ابويه .. الدكتور ما قال شي يديد .. مب لازم تدخل
مبارك: ابغي اطمن ( وحرك كرسيه وسار صوب حجرة الدكتور)

ووصل مايد ..

مايد: ها .. شوه الاخبار ؟؟
غانم: مثل كل مره
مايد :وبلاك تقولها وانته مبوز
غانم: ماشي
مايد: وابوك وينه ؟
غانم: عند الدكتور
مايد: شفييييييييك
غانم: قلت لك ما فيني شي

ووصل حمد ..
حمد ربيع مايد .. وهو يداوم ويا مايد في نفس المستشفى .. سوالف وظحك .. صح ان شغلته متعبه .. بس هو يحبها ..

حمد: اهلييييييييييييين
مايد: هالاهلين لي والا لغانم ؟؟
حمد: طبعا حق غانم .. عيل انته شبا بك .. بس شبعنا من ويهك فالمستشفى 24 ساعه مجابلنا بعد تبغينا نقولك اهلين
غانم: ههههههه عاد اللي يقول انا مب 24 ساعه مداوم عندكم
حمد: انته غير .. شحالك اليوم ؟؟
غانم: الحمدلله ما نشكي باس
حمد: عند اي دكتور دخلت ؟؟
مايد: تستعبط ... يعني عند منوه ؟؟
حمد: لا تقول هشام
مايد: هيه
حمد:هالهشام وايد يتفلسف كيف مستحملنه ما ادري
مايد: اسكت عن حد يسمعك
حمد: خل يسمعون
مايد: انته وين رايح ؟؟
حمد: اوه ذكرتوني .. شرايكم تييون ويايه ؟؟
مايد: وين ؟
حمد: يايبين هالصغاريه يدربون عندنا ..
مايد: وطبعا زقروك انته تعرفهم بالاقسام وكل واحد وين وما ادري شوه
حمد:شفت عاد .. قاصين عليه
مايد: تستاهل .. لان يوم يقولون لك في حاله خطيره والا شي عقيتها عليه
حمد: تعرفون ما احب الدم .. ولا احب اشوفه ..
مايد: والللللللله ؟؟ احلف.. عيل كيف تسوي عملياتك انته
حمد: مضطر .. شسوي ..
مايد: محد قالك تدخل الطب
حمد: احب هالمهنه بس ما احب الدم
مايد: ما ادري كييييييييف صبرت هالسنوات كلها لين تخرجت
غانم:ههههههههه انا بعد اسأل نفس السؤال
حمد:يالله قوموا نسير لهم .. انته شوه عندك
مايد: الحين بريكي
حمد:عيل تعال
مايد: غانم بتيي
حمد ( قبل ما يرمس غانم): عيل ما بييي .. مب بكيفه انزين ( ويره من ايده )

في قاعة الاجتماعات في المستشفى .. مجموعة شباب وبنات .. تقريبا 4 شباب و بنتين ..

محمد: ياخي شوه هذا قاصين علينا يايبينا وللحين محد شرف
علي: اصبر الحين بييون
محمد ع : ابويه نحن مال تدريب وايد ما يعبرونا يخلصون شغلهم عقب يفضون لنا ..
علي: ابغي اعرف على شوه مستعيلين .. شوه وراكم
سالم: وراهم سناتر هههههه
محمد: هيه والله اليوم انا ناوي اتغدى فالستي وادخل السينما عقب
علي: صدق متفيج ..
محمد ع : اقول سكتوا سكتوا وصلوا الدكاتره ..

حمد:السلام عليكم ..
وعليكم السلام ..
حمد: شحالكم
بخير الحمدلله .. تمام .. زينين
حمد: اسمحوا لي تاخرت عليكم .. انا اسمي الدكتور حمد
محمد: عاشت الاسامي
حمد ( اطالعه ): عاشت ايامك
محمد ع: اقول دكتور لو سمحت .. عطشانين
حمد: هههههه الحين قلت لهم اييبون لكم بااااااارد آسفين ما ضيفناكم للحين
علي: لا ما عليه ..
حمد: انزين .. انا اسمي الدكتور حمد .. والمسؤول عنكم .. بقولكم شوه بنسوي اول شي بنبدأ نعرفكم بالاقسام .. وكل قسم منوه المسؤول عنه .. وعقب بعرفكم باهم الاشخاص يعني اذا ما لقيتوا هالدكتور وين تسيرون ؟؟ ومن وين تظهرون المعلومات اللي يطلبونها منكم وكل هذا .. وعقب بخليكم تحضرون الجلسات .. بداية من الحالات البسيطه كسور و ضيق تنفس وجذه .. لين نوصل للحالات الخطيره .. حوادث و عمليات .. و وفاة لا سمح الله ..
محمد ع : احلى شي الحوادث
مايد ( ابتسم): تتحسب الحوادث شي حلو .. يوم بتعيش فالجو .. بتعرف شوه الحلو ..
محمد ع : لااااااااااا دكتور اقصد ان حلو يوم تساعد واحد يايبينه ومسوي حادث ..
مايد: هيه اذا جذه .. حلو
محمد : ما تعرفنا عالدكتور الثاني
حمد: هذا الدكتور مايد .. الحين ممكن اتعرف على اسم كل واحد فيكم ..

محمد: انا اسمي محمد ..
علي: علي
محمد: انا محمد عبدالله ..
سالم: اسمي سالم ..
حمد: كملوا
محمد: خلصنا
حمد: باجي اثنين .. اقصد هنتين ..

........: انا حصه ..
حمد: اللي عقبها ..
.........: وجدان
حمد: نعم؟؟
وجدان : اسمي وجدان .. وجدان عبدالرحمن
حمد: مرحبا بكن .. وحياكن الله ..


روضه توها راده من المدرسه .. وخالد وياها راد من الدوام ..

روضه: وينهم اليوم ؟؟
خالد: سيري انتي تغسلي وبدلي ثيابج عقب سألي وينهم
روضه: البيت مهجور .. وينها فطيم ؟
خالد: ما ادري
روضه: ملل
خالد : شوووووووه؟؟ انتي فيج عقل والا ؟؟ سيري بدلي وريحي عقب قولي ملل .. صدق متفيجه ..
روضه: وين امايه
خالد :اقول انا بسير حجرتيه لاني لو تميت وياج هني بتخبل ..

وتمت روضه روحها يالسه فالحجره .. وفطيم نزلت من فوق

فطيم: رويض شوه تسوين هني ؟
روضه: مب متفيجه اسير ابدل
فطيم :قومي .. الحين امايه بترد وبنتغدا
روضه: اتصل المصمم
فطيم: هيه وقال ان اليوم البروفا الاخيره
روضه: اففففف ما بغينا
فطيم: انزين قومي سيري بدلي ..
روضه: انزييييييييييييييييييييين

خليفه: السلام عليكم
فطيم: وعليكم لاسلام
روضه: اقول خليفه
خليفه :شوه ؟
روضه: عيسى ولد عموه بيدخل العرس
خليفه: والله ما سألته للأسف الشديد يوم بشوفه مره ثانيه بسأله
روضه: لاااااااااا يدخل
خليفه: وليش ما تبغينه يدخل ؟
روضه: ما ابغي البس عباتيه وشيلتيه .. عرس اخويه اوه
خليفه: وهو العروس اخته
روضه: هو ولد
خليفه: وانتي بنيه
روضه: اوهووووووووووو
خليفه: انتي وايد تتحرطمين .. وانا توني راد من الدوام .. ما فيه على حشرتج
روضه: خلاص انزين
خليفه: وانتي ليش يالسه بعباتج وشيلتج هني
فطيم: حضرتها مب متفيجه تسير تبدل
خليفه: نشي لان سيف وغيث بييون الحين .. وبتحشرون الدنيا انتي وسيف .. فـ شلّي بعمرج من الحين وسيري حجرتج ريحي وردي عقب انزلي واظاربي
روضه: صدقك والله .. عاد هالسيف I don’t know what to do with him
فطيم: نشي انزين
روضه: OK .. I will go now but when mame will come tell me
فطيم: ان شاء الله ..

وسارت روضه

خليفه: بنت انجليز ..
فطيم: ههههههه الله يخلي المدارس الخاصه
خليفه: والله قولي حق ابوج
فطيم: انا اقوله ليش ؟؟ انته ولده العود وعقبه ايي خالد وعققققب انا
خليفه: وانتي بنته العوده
فطيم: والله يعني انا من كبرييييييي
خليفه ( رن مبايله): افففففف اتصل الحشره حمّود .. هلا

محمد: خليييييييييفه
خليفه: خير ؟؟ حد قالك ان اسمي مب خليفه
محمد: وين دارك ؟
خليفه: فالبيت
محمد: تعال تغدا عندنا
خليفه: انته بقولك ما شي شغل .. متى ما بغيتني اييك ومتى لا ما اييك
محمد: هههههه بلاك عصبت يا خلوووووف
خليفه: خلوف فعينك بعرس الحين
محمد:ذليتنا على هالعرس
خليفه: هيه عيل تغاروووووون
محمد: من شووووووه ؟؟ انزين لا تغير السالفه تعال
خليفه: لا ما بيي الحين تعبان روحي .. بسير ابدل واتغدا هني ويا الاهل وبرقد وعقب المغرب جان تبغي بنتلاقى
محمد: خيييييييييبه الحين الساعه 2 الظهر اتريا لين الساعه 6 ما ادري 7
خليفه: والله كيفك .. انته بطالي لا شغله ولا مشغله
محمد: ويا ويهك .. من كثر ما تقولون لي اتصلوا .. قالوا من باجر اداوم
خليفه: مبرووووك
محمد: على شوه .. بتبدأ لوعة الجبد باجر
خليفه: والله حاله .. يوم انكم ما تبغون تشتغلون .. جيه سرتوا وخسرتوا عماركم ودرستوا برع
محمد: والله عسب يقولون ولد فلان دارس برع .. وعسب نتخقق شويه بالشهاده
خليفه: شكلكم جذه والله
محمد:ههههه جيه شوه .. لا يعني درسنا خلصنا .. خل يريحونا شوي وعقب سنه نداوم
خليفه: يا سلام على كيفكم بعد
محمد: هيه عيل ..

[عذبة الإحساس]

دخل عبدالله الصاله .. ريسه من صوب منسدحه .. و حمد ولد مبارك وياها .. وساره اخته يالسه عصوب وحاطه ايدها على خدها .. والريم سرحانه ..

عبدالله: الحمدلله والشكر ..
ريسه: الناس يسلمون يوم يدخلون
عبدالله: انتوا قلتوا حق حد يصوركم ؟؟
ريسه: ليش شوه شايفنا ؟؟
عبدالله: الله يخليكم بصوركم بالمبايل وشوفوا اشكالكم لا تغيرون الوضع ها اصبروا (وظهر مبايله)
الريم: عبود لا تصور .. تدري ان الصور ما تنحذف
عبدالله: يا بويه كنت اتغشمر
ساره: عميييييييي عبدالله
عبدالله: شوه تبيييييييين ؟؟
ساره: متى بطلعنا ؟؟
عبدالله: جيه شوه قالوا لج حبيبتيه ساره ؟؟ انا ابوج والا امج
ساره: انته عمي
عبدالله: زين يوم دريتي
ساره: والله ملل
عبدالله: اليوم الاربعا .. موزه وبناتها الحشره بييون
ساره :هيييييييه والله نسيييييييت .. يعني عنوده بتييييي آآآه واخيرا
عبدالله: شي جميل
حمد: يوعان
ريسه: توك متغدي
حمد: الغدا ما كان حلو
ريسه :والله انتوا .. ياكلون ويترسون بطونهم عقب يقولون الغدا ما كان حلو ..
عبدالله: شي جميل

منصور ( دخل الصاله ويلس) : وين غانم
حمد: في حجرته
منصور: سر ازقره
حمد: ساروه سيري ازقريه
ساره: ما ابي .. قالوا لك انته
حمد: سيري انزين ما بيستوي بج شي
ساره: ما ابي ما ابي آه
حمد: انزين اصبري انتي
منصور: حمد سر ازقر اخوك
حمد : ان شاء الله ( ونش من مكانه وسار)
الريم: منصور تبغي نحط لك الغدا ؟
منصور: لا متغدي ويا الربع فالدوام
ريسه: شوه تغديت
منصور: ليش؟؟
ريسه: انتوا دوم تتغدون من برع
منصور: جيه ما تتغدين فالجامعه
ريسه: وعععععع مب حلو اكلهم ..
منصور: خلاص عيل

حمد: غانم مب طايع ينزل
منصور (عقد حياته): ليش؟
حمد: ما ادري
ريسه: اصلا هو ما تغدا ويانا بعد
الريم: اول ما رد من المستشفى على طول دخل حجرته ولا نزل

نش منصور بسرعه .. وسار صوب حجرة غانم .. وشافه يالس يذاكر

منصور: متى الاستاذ بييك ؟
غانم: عقب شويه
منصور: ليش ما تغديت
غانم: مب مشتهي .. انته تغديت ؟
منصور: فالدوام
غانم: زين
منصور: قم تغدا
غانم: مابا مب يوعان لو يوعان كنت بنزل اتغدا
منصور: اقولهم اييبون لك الغدا هني
غانم:لا لا .. امايه ما قصرت يابته وكل شي .. ومثل ما هو نزلوه
منصور: الله يهديك
غانم ( ابتسم): يهدي الجميع
منصور: شوه قصدك
غانم: ههههه ولا شي ..
منصور: يوم بتكون في مكاني بتحس ..
غانم: حسيت .. من دون ما اكون مكانك
منصور: زين عيل

وظهر منصور من حجرة غانم وهو مضايج .. وغانم اضايج اكثر يوم شافه مضايج جذه ..


عقب ما خلصت .. وغسلت الصحون .. ردت حجرتها الصغيره .. اللي على قدها .. سمعت صوت الحشره اللي برع قالت بتسير تشوف شوه السالفه ؟؟ اكيد عيال اخوها يظاربون ..

وجدان: ايه انته وياه
علي: عموه شوفيه
وجدان: شوه فيكم
فيصل: دوري الحييييييييين
علي: لا دوري انا
وجدان: ابوكم ما سوى خير يوم انه اشترى هالبلاي ستيشن
فيصل: دورييييييييييييييي
وجدان: فيصل وعلي لو ما يزتوا الحين .. والله لأسير اخبر ابوكم .. واقوله يشله عنكم
علي: لا لا الله يخليج لا تقولين له
وجدان: حشرتوا الدنيا
فيصل: خلاص بنسكت
وجدان: انزين بنشوف ..

ويلست وجدان ع صوب .. رن التيلفون ..

وجدان: الو مرحبا ..
هند: مرحبتيييييييين.. ويييينج انتي يالدبه
وجدان: هههههه انا فالبيت يعني وين بكون
هند:اقصد ويينج ما تنشافين
وجدان: شسوي بدينا الشغل فالمستشفى
هند: قلت لج لا تدرسين تمريض .. شوفي كيف الشغل ماخذ كل وقتج
وجدان: والله لو بايدي جان درست طب مب تمريض .. لكن انتي ادرى بالظروف
هند: هيه يختي .. انزين اقولج اليوم بتسيرين مكان ؟؟
وجدان: اليوم لازم اكون فالمستشفى الساعه 5
هند: لين متى ؟؟
وجدان: الله اعلم
هند:عيل مشكلتج بيفوتج
وجدان :شوه ؟
هند: اليوم بنات الجامعه بييونا .. قلت تيييييين تشوفينهن .. يبغن يتعرفن على الممرضه اقصد سوري على الدكتوره وجدان
وجدان: تطنزيييييييين حضرتج
هند:لا اطنز
وجدان: آسفه ما اعتقد بقدر ايي ..
هند:وجدااااااان حاولي
وجدان: لو خلصت تقريبا الساعه 10.30 .. وبرد هلكااااانه .. ايي عندكم بعد .. وبعدين تدريبه جاسم ما بيخليني
هند: افففففففف اخوج ما ينطاق .. كيف حرمته مستحملتنه
وجدان: ههههههه عرس الريال وعنده عيال .. والله للأسف ما يا خذج عسب تعرفين كيف حرمته تستحمله
هند:لا الله يخليج .. خلي اخوج حقج
وجدان: هههههههه انزين
هند: حاولي انتي ..
وجدان:ان شاء الله
هند: يالله باي
وجدان: فمان الله ..

وجدان .. بنيه حلوه وهاديه .. ساكنه في بيت اخوها الوحيد جاسم .. عقب ما توفت امها وتوفى ابوها .. وهو المسؤول عنها .. اخوها متزوج وعنده ولدين .. فيصل وعلي .. اقرب وحده لها بنت خالتها هند .. وما عندها حد ثاني غيرها .. وحرمة اخوها حامل وجريب بتربي ..

[عذبة الإحساس]

وبس

بنتظر ردودكم الزينه

إذا شفتكم تفاعلتوا معي

راح أنزل الأجزاء الجايه

أوكي


أنتظركم

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

يشهد الوجد المصفى بالزلال .. ان راعي الخير هو دايم سعيد
وان الي يسعى الى الحب الحنان .. هو عللى ميثاق من ربه اكيد

(*•.¸(`•.¸ الجزء الرابع¸.•)¸.•*)



مطره كانت يالسه في حجرتها بهدوء وطمأنينه .. مره وحده تفاجأت باقتحام على حجرتها ..
مهره وريسه ركظن على طول ووقفن جدام دريشتها ..

مطره: انا ما اعرف ما اعرف .. انتن متى بتتأدبن .. وبتعرفن ان هاي الحجره فيها انسانه رقيقه ما تحب هالاقتحامات ..
مهره: مطروووووووه والله تعالي .. بسرعه
ريسه: يا ويل حالي انا
مطره: شوه السالفه ؟؟
مهره: تعالي شوفي
ريسه: مطاري .. تعالي قبل ما يفوتج ..
مطره: شوه انزين
مهره :تعالييييييييييي وبتعرفين

نشت مطره وسارت صوبهن ..

مطره: نعم خير ..
ريسه: شوفي
مطره :شو اشوف ؟؟ ما اشوف شي
ريسه ( اطالعتها): نظارتج لابستنها .. يمكن مب نظيفه نظفيها ولبسيها مره ثانيه
مهره: لا يمكن العدسات احسن في هالمواقف
مطره :لا نظارتيه نظيفه .. وما يباله عدسات بس شوه في ؟؟
ريسه: كل هذا وتقولين ما اشوف وشوه في؟؟
مهره :يوم اقولج هاي مب ويه هالاشيا
مطره :اووووووه مهروه وريسوه قولن شوه السالفه وفكوني

مهره ورييسه مسكن مطره من راسها ولصقوه فالزجاج ..

مهره: شفتي الحين
مطره: الله ياخذ العدو .. ذبحتوني ولا شفت شي انزين
ريسه: هالهمر العجيييييييييييييبه.. ما جذبتج
مطره ( رفعت حياتها): الحين كل هذا عسب همر
مهره: مطاري الله يخليج .. سكتي سكتي لا تخربين علينا
مطره: وبعدين هالبيت من متى اهله مب موجودين .. اجروووووه؟؟
ريسه: اللي عرفته من امايه .. ان اهله بيردون يسكنون فيه
مهره: اوووووووونه اطالعي الهمر
ريسه: راعيييييييه راعيه هذو
مطره: ايه انتي وياها .. قومن قومن .. بندن الستاره .. عيب والله عيب
مهره :ما يشووف
ريسه :جيه يبين ؟؟
مهره :لا
مطره: والله تبينن
مهره: لا لا .. عاد هو ما بيرفع راسه بيشوف هني
مطره :يمكن
ريسه: ما اعتقد

ومره وحده يدخل محمد .. وهن يلتفتن صوبه ..

محمد: مطـ

يوم شافهن مصطفات صوب الدريشه .. محترمات مؤدبات واقفات مجابلينه .. شوه السالفه ؟؟

محمد: شوه عندكن ؟؟
مهره: نحن ؟؟ شوه عندنا ؟؟ ما شي
ريسه: شوه عندنا يا محمد يعني .. ملانين نبغي نشوف الشمس ..
محمد : والله ؟؟
مهره :هيه
محمد:وانتي بلاج ساكته( وهو يشوف مطره)
مهره :بلاها يعني ؟؟ ما بلاها شي .. مطاري فيج شي ؟؟ لا ما فيها شي
محمد: انا سألت مطره
ريسه: لا يعني نحن نجاوب .. يعني
محمد: اها .. انزين .. ولو اني احس انكن تقصن عليه .. بس يالله .. مطره
مطره :هلا
محمد: وين كتابج هذاك ..
مطره: اي واحد
محمد: اللي هاك اليوم كنتي تقرينه ..
مطره: هيه هني
محمد: ممكن لو سمحتي اتسلفه منج
مطره: هيه اكيد .. لحظه
محمد: وانتن بعدكن واقفات .. معاقبينكن ؟؟
مهره: لا ..
محمد: صدقه سلطان يوم يقول العقل زينه
مهره: سلطان يقهر
ريسه: وايد
مهره: ما يشوف عمره ..
محمد: خلاص خلاص هدّن
مطره: تفضل
محمد: شكرا .. برده لج يوم بخلص منه
مطره: على راحتك .. متى ما خلصت رده .. مب مستعيله .. لاني اقرا كتاب ثاني
محمد: مشكوووووووووووره ..
مطره: العفو

وظهر محمد ..

مطره: مالت عليييييييييييييييييييييكن صدق ما تستحن يوم قلت لكن
ريسه: سكتي قلبي قلبيييييييييي
مهره: بلاكن متروعات
مطره: محمد دخل علينا وما تبغينا نتروع
مهره: عادي.. ما ارتكبنا جريمه
مطره: الا جريمه ونص .. وطلعن من حجرتيه آسفه ..
ريسه: خلاص .. آخر مره .. تأدبت
مطره: ط منوه يرمس .. انتي ومهره آخر هنتين ترمسن انكن ما بتسون شي مره ثانيه
مهره: ذليتينا الحيييين
مطره: هيه بذلكن .. ومره ثانيه ما تين حجرتيه عسب جذه
ريسه: بس تصدقين حجرتج موقعها اوكي .. نحن عندنا منصور ماخذ هالحجره
مطره: عيل سيري عند اخوج
ريسه: لا حجرتج انتي مطله على بيت الهمر
مطره: سويتيه بيت الهمر بعد ؟؟ وجتلتي اصحاب البيت كلهم
مهره: بسير اشوف مريووووووووم
ريسه: صدق .. نسير عندها نسولف .. وانتي خلج ويا كتبج وبروجكتاتج
مطره: زين احسن بعد ..

ميثا: حمداان
ظبيه: خالي حمدان فوق
ميثا: سيري ازقريه

سارت ظبيه فوق .. صوب حجرة حمدان .. دخلت وشافته بعده ما فصخ نظارته الشمسيه .. وواقف يطالع اللون والاثاث ويفكر ..

ظبيه: خالييييييييييييييييي
حمدان: نعم؟
ظبيه: ماما تبغييييييك
حمدان: الحين ياي
ظبيه: تقول الحيييييييين
حمدان: ياي
ظبيه: الحين الحين
حمدان :ظبوووووووووي

من صرخ حمدان ركظت ظبيه تحت ..

ميثا: ها .. زقرتيه ؟؟
ظبيه: عصب عليه
ميثا: اكيد تسخفتي عليه
حمدان: شوه؟
ميثا: يالله بعد في اغراض فالبيت
حمدان: بعععععد؟؟!! تعبت حرام عليكن
ميثا: يالله بس هاي آخر مره تسير وترد وخلاص
حمدان: ياللللللللللله .. خل احمد يمر واييب باجي الاغراض
ميثا: احمد من اسبوع وهو ويانا انته الا اليوم ومرتين سرت ورديت .. والحين ثالث مره وآخر مره قلت لك
حمدان: موتري يديد
ميثا: هههههههههه زايغ ع موترك.. لا تخاف هالدبابه ما بيستوي بها شي
حمدان: آسف ما اقدر اتعب حبيبتيه
ميثا: قم قم بسرعه .. يالله حمدانيييييي آخر مره
حمدان: وامايه وين ؟
ميثا: وين يعني ؟؟ فالمطبخ ويا البشاكير ..
حمدان: آخر مره
ميثا: شوه آخر مره ؟
حمدان: آخر مره اسير وارد
ميثا: هيه آخر مره
حمدان: يالله
ظبيه: خالي انا بيييييييييييييييي
حمدان: مسكي بنتج .. ما بوديها
ظبيه: الله يخليك
حمدان: انتي حشره
ظبيه: لا ما بسوي حشره
حمدان: طوفي جدامي عالأقل تونسيني فالسياره .. بس مب تحتشرين عليه
ظبيه: اوكيييييييييك


الساعه تقريبا 5 .. وصلت موزه بيت اهلها .. ووياها فهد والعنود والثنائي المرح .. مزنه ومزون .. وطبعا لازم يخربن كل شي قبل ما يردن بوظبي ...

مريم: اييييييييييييييييييييييييييييييييييييييييييييييييي يييه .. بس خلاص ..

وقفن مزنه ومزون في مكانهن .. من عقب صرخة مريم ..


مهره: موووووول ما اصمخنا
مريم ( وهي ترمس موزه): اقولج شلي بناتج وردي بيتج .. شلييييييييهن
موزه: والله اتصلي في ابوهن والا خالهن خل يوديهن
مريم: حشره حشره .. مره ثانيه ما تييبينهن .. خليهن عند عمتهن هناك
العنود: زين سويتي فيهن ..
مزنه: ماما
مريم: شوه خير نعم ؟؟ ماما بعد ليش؟؟
مزون: بنسير برع
مريم: ما في برع
مزنه:انزين نحن نريد
مريم: ما شي قلت .. يالله يلسن يالله
مطره: حرام علييييييج
مريم: وحووووووووش وحووووووش
العنود: وين ساره ؟
مهره: في بيتهم
العنود: امايه بسير هناك .. بيت يدي حمد
موزه: لا ..
العنود: اماااااااايه ليييييييش؟
موزه: بروحج بتسيرين
مهره: اللي يقول ما ادري وين بيتهم .. تسخفين انتي
موزه: لا ما تسيرين روحج
العنود: فهد هناك
موزه: ليش ما سرتي ويا فهد مساعه
العنود: ما قالي
مطره: تعالي انا بوديج
العنود: اسيييييييييير
موزه:جانها مطره بتوديج سيري
مطره: هيه بوديها .. تعالي
مهره: بيي وياكن

ظهرن مطره ومهره ووياها العنود سايرات صوب بيت عمها .. ورزن فيسهن مزنه ومزون ..

مزنه: عمييييييي منصووووووووور
مهره: تعالي تعالي وين وين .. اذا سرتي يا ويلج
مزون: بنسير عنده
مهره: يالله يالله .. امشن جدامي صوب الباب ومن غير رمسه
مطره: ههههههه خوافه
مهره: ما اخاف .. بس ما اداني ارمسه .. ولا اسير صوبه .. تدرين اني من اسبوعين ما شايفتنه ..
مطره: خيبه
مهره: هيه عيل ..
العنود: ط سااااااااااااارن
مهره: الله ياخذ ابلييييييييييسكن ان شاء الله قولن آمين .. يعل
مطره: بس بس . لا ادعين عليهن هالكثر
العنود: يوم نحن نقلدهم عقب يقولون من وين متعلمين ..
مهره: بس انتي سكتي

منصور: ههههههه وينكن انتن ؟؟
مزنه: نحن ؟؟
منصور:هيه وينكن .. من زماااااااان ما شفناكن
مزون : انا اقول حق بابا ودنا بيت يدي ودنا بيت يدي بس هو يقول بعدين بعدين بعدين
منصور: هههه ما شاء الله عليكن .. انزين وين سايرات الحين ؟؟
مزنه:بنسير عند سارونه
منصور: ساروووووونه هيييييه .. منوه بيوديكن ؟
مزون: خالوه مهره وخالوه مطره وعنوده
منصور: انزين عيل سيرن يالله
مزون:لا خلاص ما بنسير
منصور: ليش؟
مزنه:بنيلس هني عندك
منصور: فدييييتكن والله .. انزين انتن سيرن داخل .. وانا ياي وراكن .. بسير اييب سويج السياره وبظهركن اوكييييي
مزون: اوكييييييييي

دخلن الفله .. سلطان كان يالس ويا مايد .. وعبدالله منسدح من صوب .. والريم يالسه وياه ..

سلطان: هلا هلا .. هلا والللللللله
مايد: مرحبا مرحبا .. حيالله هل بوظبي ..
العنود: السلام عليكم والرحمه .. شحالكم
الريم:ههههههه بخير .. انتي شحالج ؟
العنود: الحمدلله
عبدالله: اونه اونه ما نروووووم ..
مايد: عداااال لا يطيح نصج وانتي ترمسين .. جنها حرمه عيوز يوم تسلم ههههه
سلطان: ظبيانيه بحأ وحئيئ
مهره: لو سمحتوا عن الغلط على بنت ااختيه
مطره: وين ساره ؟؟
الريم: ساره في حجرتها .. سيري لها
مايد: هالثنائي بعد ليش رازات بويوهن عندنا
مزون: آآه آآآه يايين عند سارونه
سلطان: لا ارجووووووج انتي ام لسان .. ساره كبرج جنه
مزنه: بنسير ويا عمي منصور الحين
سلطان: وين ؟؟
مزون:ما بقولك
سلطان: لا قولييييي ..
مزون: ما بقول
سلطان: الله يخليييييييج
مزون: ما بقول ما بقول ما بقول
مايد: ههههه ما تروم عليها
سلطان: لا تقولين مزنه بتقولي صح مزنه
مزنه: لا
مهره: هههههه اقولك لا ترمسهن والا اليوم صدق بيحطمونك هالهنتين
سلطان: هيه اشوفهن
الريم: حياكن تعالن تفضلن يلسن
مطره: وين ريسه؟؟
سلطان: ريسه .. هههههههههه سيري حجرتها بتشوفينها
مطره: وليش تظحك
الريم: ما عليج منه يالسه تحفظ ..
سلطان: خربتي علينا اختنا
مطره: الحين بدال ما تقولي يزاج الله خير .. زين سويتي مشكوره .. تقولي خربتها عليكم ..
سلطان: هيه .. الحين فالحجره جنها خبله .. ومغمضه عينها ولافه شيلتها على راسها ومتربعه عالشبريه وتسير ورا وترد جدام وتقرا بصوت عالي .. جنه يني فيها
مطره: الله يساااااامحك
مايد: جان وديتي هالهنتين وياكن زين
مطره: والله قلت لهن كلهن .. بس ولا وحده طاعت
سلطان: لو وديتي مريوم اختج بس زين كفايه .. يمكن الله يهديها
عبدالله: ودي سلطان بعد .. اكيد في مال رياييل صح
مطره: هيه والله سيروا ليش ما تسيرون ؟؟
سلطان: نحن عندنا شغل
مطره: شوه شغله .. الا هي كم ساعه .. والله بترتاحون نفسيا
مايد: لو انا شغلي كان يسمح جان سرت صدق
مطره: يسمح ..
عبدالله: شوه يسمح .. دكتووووووور .. ساير راد للمستشفى بعد يسير مركز تحفيظ ..
سلطان: بعدين صدق ما يليق عليك ههههههه يالشيبه
مهره: جيه حفظ القرآن .. عالشباب والشياب لا ..
مايد: يعني تقصدين اني صدق شيبه
مهره :لالا انا ماقلت .. بس اوضح الفكره حق هذا اللي ما يفهم
مايد: يالله مع السلامه .. اسمحوا لي ..
مهره: وين ؟؟
الريم: بيسير المستشفى بعد وين
مهره: الله يعينك والله .. سلم سلم عليهم
مايد ( اطالعها بنظره): على منوه اسلم
مهره: على ربيعاتك فالدوام
سلطان: هههههه صادوه
مايد: مب فاضي حق سوالف اليهال .. باي
مهره: باي يالشيبه

غيث وسيف يالسين في الصاله عقب صلاة المغرب .. نزلت روضه من حجرتها..
روضه: عيل وينها فطيم
سيف: ما ادري
غيث: يمكن في حجرتها .. سيري شوفيها؟؟
روضه: لا مالي بارظ
سيف: اقول غيث .. ذاكرت حق امتحان الانجليزي
غيث: هيه ذاكرت . انته؟؟
سيف : هيه ذاكرت عيل شو
روضه: تباني اعلمك
سيف: لا مشكوره ما ابا .. جيه شو شايفتني
روضه: لا قلت يمكن طلعوك من المدرسه الخاصه فنسيت كل شي
سيف : هههه ما يظحك ويكون في علمج نحن روحنا طلعنا محد طلعنا بالغصب
غيث: انا شوه ميلسني بينكم انتوا الخبايل

ويروح فوق .. عقب ما خلصوا سيف وروضه من قرضهم لبعض صعد سيف فوق عسب يرقد.. دخل الحجره شاف غيث منسدح عالسرير ..

سيف: اقول غيث (وهو يسير ينسدح على سريره بعد) شو رايك باجر ما نداوم
غيث: روح سكر الليت وبلا هالافكار .. شووو مستحيل
سيف: عادي ما بنسير .. بنقول لهم انك تعبان
سيف: استح على ويهك بدال ما تقول ان انته اللي تعبان تقول انا
سيف: لا اذا انا قلت لهم تعبان ما بيصدقون ..اذا انته بيصدقون
غيث: ما ابا امرض عمريه بزوور .. يالله بالغصب داخلين التقنيه بعد تبا تغيب
سيف: اف حتى انته تذلنا.. (ويلعب بشعره)
غيث: هيه لازم حد يذكرك

سيف ينش من عالسرير ويروح جدام المنظره ويسوي بشعره تساريح ويخربط ..

غيث: شو تسوي انته ؟؟!!
سيف: ابا اغير تسريحة شعري
غيث: ما يستوي .. شعرك سايح
سيف: شرايك نقرع
غيث: اتخسي .. اذا تبا بروحك قرع.. عقب شكلك يوم بيطلع صدق خسف لا تيي عندي انته مب اخويه ... تفشلني
سيف: عادي نقرع شو فيها .. نغير شكلنا
غيث: تغير شكلك !!
renovation: هيه نغير شكلنا .. سيف
غيث: اقول سكر الليت وتعال ارقد بلا تجديد بلا خرابيط ما بقرع سير بروحك قلت لك .. ولا تصدعني..

يرد سيف المشط مكانه .. ومره ثانيه ينسدح عالسرير

سيف: غيث ما فيني رقاد
غيث: اففففف.. اطلع برع
سيف: ما في حد برع
غيث: سيفان ذبحتني عاد .. ابا ارقد .. لا تحشرني .. اففففف
سيف: انزين خلاص آسف
غيث: جب .. وارقد

ورقد غيث وتم سيف يتقلب يمين ويسار لين ما رقد ..


فالمستشفى ..
Excuse me doctor majed
What :مايد
Tareq yusuf want you
Who is tareq yusuf : مايد
The pationt who came to the hospital yesterday
Ok .. I will come now : مايد

ظهرت الممرضه .. وحط مايد اللي فايده وسار صوب المريض .. دق الباب ودخل ..

مايد ( مبتسم): مرحبا
طارق: هلا دكتور مايد
مايد: شحالك اليوم ؟
طارق: تمام الحمدلله
مايد: زقرتني الممرضه قالت انك تبغيني
طارق: هيه .. لو سمحت دكتور سو اجراءات الخروج خلاص
مايد ( مستغرب): شوه؟؟ اجراءات الخروج ؟؟
طارق: هيه
مايد: بس انته بعدك لازم تكون تحت رعايتنا
طارق: انا احس اني تحسنت خلاص
مايد: لالا .. صح انك تحسنت الحمدلله .. بس بعد
طارق: ظهرني الله يخليك
مايد: ما يستوي .. ما اقدر اوقع لك عالاوراق واظهرك
طارق: على مسؤوليتي
مايد: لا آسف .. ما اظهر انا حد على مسؤوليته الا لو كان عوقه بسيط
طارق: يعني شوه دكتور
مايد: يعني ما في ظهره من المستشفى
طارق: كم يوم يبالي بعد ؟
مايد: والله على حسب ..
طارق: تقريبا
مايد: اسبوع غير انك لازم اتم عقب زياده
طارق: خييييييييبه
مايد: شوه وراك ..
طارق: شوه شوه ورايه .. دوامات
مايد: لاحق عالدوام .. يالله يالشباب يتعلثون بالدوامات .. ومن هناك الدوام ولا يدري وين دارهم ..
طارق: هههههه شوه قصدك يعني دكتور مايد نحن ما نداوم
مايد: بنعطيك ورقه من المستشفى .. فيها شرح مفصل عن حالتك .. عقب ما تظهر ودها الدوام .. وخلاص ..
طارق: الله يعيييييينااااااا اسبوع زياده
مايد: ههههه يالله تآمرني على شي
طارق: لا سلامتك مشكور
مايد: الله يسلمك .. العفو .. فمان الله ..

[عذبة الإحساس]

ظهر مايد وهو ساير صوب مكتبه .. شاف حمد فويهه ..

مايد: بلاك بلاك ؟؟
حمد: زين لقيتك
مايد: شوه كنت ادورني ؟؟
حمد: يس
مايد: خير
حمد: طلبتك
مايد: شوه ؟
حمد: قول تم
مايد: ما اقول تم الا يوم اعرف شوه الطلب
حمد:يعني تردني
مايد: انا اردك ؟؟ جد طلبت مني شي وما سويته ؟؟
حمد: الصراحه لا .. بس ادري انك هالمره بتردني
مايد: انزين شوه ؟؟
حمد: يهال التدريب ؟؟
مايد: شوه ؟؟ شوه تخربط .. منوه يهال التدريب ؟؟ !!
حمد: اقصد .. الطلبه اللي يايين يدربون عندنا ..
مايد: بلاهم ؟؟
حمد: انته ادربهم
مايد: شووووووووووه؟؟ آآآآآآآآسف .. آآآآآآسف جدا .. هاي مهمتك مب مهمتي .. اسمح لي
حمد: خيبه خيبه .. انزين مب كلهم .. بس بعطيك اثنين منهم
مايد: ليش يعني ؟؟؟ بلاهم الاثنين اللي بتعطيني اياهم
حمد: لا هم مب اثنين هن هنتين
مايد ( فتح عيونه عالآخر ): بعععععععد ؟؟ يا سلام .. ليكون تبا تفر عليه البنات وانته تدرب الشبااااااب
حمد: بالضبط .. حبيبي والله يا مايد .. فهمتها وهي طايره ..
مايد: انزين .. شكرا .. وسر مكتبك .. اقصد سر كمل تدريب الشباب ووياهن البنات .. ما يخصني
حمد: مااااااااااااايد الله يخليك
مايد: اسمح لي حمد .. تدري بي .. ما احب ادرب .. وهالدور بنات بعد .. آسف ما اقدر
حمد: والله هاديات
مايد: مابا
حمد: لا يهشن ولا ينشن ..
مايد: آسف
حمد: ما يرمسن
مايد: يوم انهن جذه .. ليش تبا تعقهن عليه
حمد: عسب جذه انزين .. الشباب وايد حشره .. وشغلهم اسرع .. اما البنات لا .. فنظطر نترياهن يخلصن عسب نكمل
مايد: تريوهن شوه يعني
حمد: جذه باخذ وقت وايد .. جيه بس هذيل اللي يدربون بييبون غيرهم
مايد: حمد لا تعور لي راسي ما ابا ادرب حد
حمد: والله اقولك .. ما يسون شي .. كل وحده محترمه عمرها .. بنات ناس ..
مايد :انزين . وانا قلت شي .. بس ما بدرب
حمد: اهون عليك .. والله تعبت يا مايد
مايد: قول حق الدكتور طلال .. بياخذهن عنده
حمد: طلال عنده 3 متدربين
مايد: دور انزين غير طلال
حمد: ما في الا انته
مايد: افففففففف
Help me , please : حمد
مايد: حمد انته طلباتك .. يعنيييي
حمد: خذهن عندك بالزين .. قبل ما اخبر المسؤول .. واخليك جدام الامر الواقع .. واذا جذه .. بيقولك خذ ويا هالبنتين زياده دربهم
مايد: لاااااااااااا والله هذا يزاي
حمد: والله انته قلت ما تبغي
مايد: انزين عطني عيل الشباب وخذ البنات
حمد:لا انا ابا الشباب اسرع .. بخلصهم بسرعه .. اما البنات بطيئات .. ووياك احسن .. لانك انته ساير راد عالمرضى .. وتسوي عمليات اكثر مني .. فأنته تسوي العمليه وهن برع يكملن شغلهن على راحتهن
مايد: مرتب كل شي بعد
حمد: شوه قلت
مايد: انزييييييييييييين
حمد: من اليوم
مايد: لا عاد مب من اليوم ..
حمد: متى تبغي
مايد: باجر زين .. لاني لو خذتهن الحين بتم لين الساعه 10.30 وانا ما اباااااا .. برد البيت بريح وبرد دوامي الساعه 12 بعد منتصف الليل
حمد: نعم نعم .. شكرا لك يا دكتور مايد
مايد: عفوا .. كل يوم لا تييييييي
حمد: هههههههههه ان شاء الله ..


مريم توها كانت ظاهره من فلتهم بتسير فلة عمها .. شافت الريم فويها ..

مريم: توني كنت يايه عندج
الريم: وانا يايه اشوف موزه
مريم: مواز ويا امايه وامج .. خليهن سوالف عيايز
الريم: ههههههه انزين بسير اسلم عليهن وبرد
مريم: لا لا تسيرين الحين .. عقب عقب .. تعالي ويايه بيتكم .. منوه هناك ؟؟
الريم: خواتج وريسه وسلطان وعبدالله
مريم: لا مدام سلطان هناك مب سايره
الريم: وين محمد ؟؟
مريم: طللللللللع
الريم: وهذا اخوج ما يقر فالبيت
مريم: وانتي ليش ؟؟؟
الريم: لا يعني من زمان ما شايفينه
مريم: عليناااااااا
الريم: سخيفه .. انزين شوه اخباره
مريم: اخباره عند مهروه سيري سأليها
الريم: مريووووم .. لا تذليني الحين
مريم: والله ولا كأنه هو ويانا كل يوم وكل يوم تشوفينه .. افففف
الريم: انزين انزين خلاص
مريم: وين عاشه
الريم: ترقد ولدها .. اظني رقدته ونزلت الحين
مريم: ما اظن لو رقدته جان يت هني عندنا
الريم: لا ما بتيي الحين .. لان مهره ومطره عندنا فبتم يالسه هناك شويه وتسمع السوالف والربشه اللي هناك بتستوي وبتظحك وعقب بتيي عند العيايز
مريم: عيل نسير عندهم
الريم: نسير ..

سارن مريم والريم صوب فلة بو مبارك .. ودخلوا شافوا الصاله فوق تحت .. ومخدات طايحه عالارض ومخدات الصاله الاولى فالثانيه والعكس ..

الريم: 5 دقايق بس سرت ورديت شوه هذا ؟؟
مريم ( شافت سلطان ): هيه دام انه سلطان وياكم ما الومكم
سلطان: ايه انتي مب تحطين عليه قولي حق بنات اختج
مريم: مزنه ومزوووووووووووون شوه هذا
مزون: هذا ( وفرت عبدالله بالمخده) .. فر عليه مخده اول
سلطان: هههههه ولا تتادب بعد تفرك بمخده
عبدالله ( وفرها بمخده): انتي فريتي قبل
مزنه: لا تجذب انته اول ( وفرته )

وردت الحرب مره ثانيه .. وحشروا الدنيا ويراكظون ومهره ومطره وريسه نشن وياهم لان المخدات قامت تييهن .. ويت مخده ع ويه سلطان .. فـ شافها فرصه وفرها ع ويه مريم .. ومريم تمت تدور منوه فر عليها .. وفرت عبدالله .. وعبدالله رد فرها بمخده بس يت ع ويه الريم .. والصاله انعفست فوق تحت من اول ويديد واخس عن قبل ..

سلطان: يالدبه مب انا اللي فريتج
مريم: جذااااااااب
الريم: عبود بس .. لعوزتني
عبدالله: مب انا هاي مطره
مطره: انا ما فريت على حـ ( ويتها مخده)
مهره: ايه ايه بس بس
ريسه: عبوووووووود يالسخيييييف
عبدالله: هاي مزنه
مزنه: مب انا مب انا .. ( وفرته)
مزون : 1 2 3 ( وفرت عبدالله بمخده)

عاشه كانت نازله من فوق .. وشافت الحشره .. وقفت عالدري ..

عاشه: شوه عندكم انتواااااااااا
سلطان: الحرب العالميه .. تعالي
عاشه: لا ما بييي .. بسير حجرتيه يوم بتخلصون زقروني

وفهد وحمد كانوا يايين من برع كل واحد فيهم حصل مخده ع ويهه .. ودخلوا فالحرب هم الاثنين بعد ..

حمد: الظربة الصاعقة ( وفر مخده ع ويه منوه ؟؟!! الله اعلم)
سلطان: منوه فرني الحين ؟؟ انا اعرف هاي مريوم الدبه
مريم :والله مب اناااااااااااااااا
فهد: ههههههه خالوه مهره
مهره : نعـ ( ومخده)
فهد: هههههههههههههههههه شكلج يظحك
مهره :فهووووووود انا بروييييك
حمد: لا تفريييينييييي
مطره :اوه سوري سوري .. كنت بفرها ع سلطان
سلطان: ما شاء الله كلكم متآمرين عليه

ومزنه ومزون عقب ما يأسن ويا عبدالله اللي كل ما فرن عليه مخده رد عليهن .. سارن لين عنده وقامن يظربونه بالمخدات ..

وتستمر الحرب ...........................

لين ما يت مخده ع ويه .......

منصور ..

وكانت المخده من ...........

مهره ..

يلست مهره مكانها ولا تحركت .. وكل واحد يلس عقبها .. وغانم كاتم ظحكته ..شوه مسوين هذيل .. للأسف فاتنييييييييييييييي .. ولا ما لقوا الا عمي منصور يفرونه بمخده هههههه ..

منصور: شوه هذا ؟؟
سلطان ( يستعبط) : شوه ؟؟
منصور: شوه هذا كله ؟؟
غانم: شكلهم كانوا يلعبون .. الللللله فاتني
عبدالله: شوه هذا يعني ؟؟ مخدات ..
منصور: انتوا يهال ؟؟
ريسه: تشوف هالهنتين هن اللي مسويات هذا كله
مزنه :لاااااااااااااااااا
مزون :جذاب والله هذا ( وتأشر على عبدالله)
عبدالله: ذليتي اخلاقيييييييي مب مخده وفريتها عليج
غانم: ومنوه المحترم اللي تجرأ وفر عمي بمخده
سلطان: انا شفت ان المخده طاااااااااارت من هناك ( ويأشر على مهره ومطره ومريم والريم)
مريم: لا ابويه مب انا .. ما يخصني
الريم: ولا انا

مهره ومطره اللي ميتات من الزياغ .. لان المخده من صوبهن .. ومطره عادي بترمس بس بتفضح مهره اللي ترتجف من تحت لانها فرت المخده على الفلم الرعب المتنقل !! بس بالغلط !!

غانم: يالله اعترفن .. بسرعه بسرعه
سلطان: ما اعتقد مطره .. مطروه هاديه .. هاي هاي اللي حذالها ..
عبدالله :اقولكم .. هالهنتين ذبحونيييييييييييييي شلوووووووهن .. بموت
مزون ( وهي يالسه على بطنه ): احسن احسن
مزنه: تستاهل
سلطان: ههههههههههه شوفوا هذيييييييل
عبدالله: احسن هااا انزين جان ما خبرت عليج ابوج
مزون:خبر
مزنه:شوه يعني
عبدالله: ما يخافن والله
مريم: ما يخافن من حد ..
غانم: لا تغيرون السالفه ..
سلطان: آل مهره بلاج ساكته

قفطت مهره من الخاطر .. وتعرف ان حركة سلطان مقصوده .. وفي داخلها تتحلف له .. بس خل تخلص المصيبه اللي طاحت فيها ..

منصور: ما ابغي اعرف منوه .. بس قوموا رتبوا الصاله ..
ريسه: انا عندي فكره .. لان حمد وفهد آخر ناس يايين هم يرتبون
حمد: شوه شوه .. ما يخصني
فهد: ما برتب انا .. توني ياي
سلطان: يالله انا اكبر واحد .. لازم تسمعون رمستيه .. رتبوا يالله بسرعه
منصور: انته اول واحد تنش
مريم: ويه قفطوه ههههههههه
سلطان: ما يظحك
مريم: يظحكني انا
الريم: يالله قوموا قوموا .. صدق والله لو دخل علينا حد الحين والصاله جذه ..
عبدالله: محد بيدخل
منصور: قوموا كلكم رتبوا .. مزنه ومزون يالله ما بتسيرن
عبدالله: اول هنتييييين لازم يرتبن .. والحين بتوديهن .. ما شي
مزنه: ما يخصني ما يخصني
مزون:يالله يالله
عبدالله: يالله يالله انتي .. رتبي رتبي
مزون: ما با
منصور: ههههه خلاص انته رتب بدالهن
عبدالله: صدق انكن مب هينات .. ما عليه يالظبيانيات .. انزين
فهد: احم احم .. بلاااااااااااااااااهن الظبيانيات ؟؟ هب عايبينك
عبدالله: اسمح لنا الشيخ .. ما قلنا شي
فهد:اتحسب بعد

وقاموا كلهم يرتبون الصاله .. وفالترتيب طبعا لازم كفخه بالمخده من سلطان ع راس مريم .. والا من ريسه حق مطره .. اللي حليلها ما تسوي شي كفايه انها قفطت .. ومهره رتبت وخلصت .. وعلى طووووووووول فلتهم .. عقب القفطه القويه هاي ..

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

انما الــدنيا سراب والسراب لا يطول
انما العمر سيفنى هكذا الدهر يقول

(*•.¸(`•.¸ الجزء الخامس¸.•)¸.•*)


الخميس ..
ام محمد يالسه وتشرب حليب ووياها بو محمد ... محمد توه ظاهر من حجرته ..

محمد: صبّحج الله بالخير امايه
ام محمد: صباح النور حبيبي
محمد: شحالك ابويه
بو محمد: بخير الحمدلله ..
ام محمد: اصب لك حليب ؟
محمد: هيه الغاليه
بو محمد: محمد
محمد: نعم بويه
بو محمد: في اوراق ابغيك تخلص لي اياهن .. لازم تسير البنك
محمد: متى تبغيهن يكونن جاهزات ؟؟
بو محمد: يوم السبت .. اباهن عندي
محمد: خلاص .. ان شاء الله ..
بو محمد: بارك الله فيك
محمد: الا وين مريم ومهره ومطره ؟؟
ام محمد: رقوووووود .. الا مطره فديتها سايره التحفيظ
محمد: للحين ؟؟ الحين الساعه 11
ام محمد: شفت عاد .. يسهرن نص الليل والصبح ما ينشن الا الظهر
محمد: افا وانتي اتمين يالسه روحج يا ام محمد
بو محمد: شوه يعني انا ما اكفيها ؟؟
محمد: ههههههه اوه الشيبه قام يغار عليج .. لا قلنا يعني يونسونكن شوي
ام محمد: امس طول الليل وانا اقولهن نشن ارقدن .. وما شي .. يالسات فالحديقه الا سلطان ولد عمهن قاص عليهن امس مسهرنهن
محمد: ههههه امايه جيه بس سلطان ؟؟ عبدالله وياهن وريسه والريم
ام محمد: انا اخبر عليهن بو مبارك زين ..
محمد: افاااااا وابويه ؟؟
ام محمد: لا ابوك .. ما يحرج عليهن ..
بو محمد: انا طيب .. حنون
ام محمد: قاصين عليك وانته مصدق .. ادلعهن عليه
محمد: هههههه انزين بسير اقومهن عسب خاطرج
بو محمد :ما تقوم مهره
محمد: عيل اقوم منوه ؟؟ اول وحده بقومها مهره
بو محمد: لا خل بنتي ترقد تشبع رقاد
ام محمد: قومها قومها .. قومهن كلهن
محمد: ههههه انزين بقوم مريم وعقب مهره .. ما تهون عليه انا بعد
ام محمد: محد مدلع هالمهره غيركم انتوا الاثنين
محمد: شوه نسوي يا ام محمد .. تدخل القلب
ام محمد: الا دلوعه بزياده بعد ..
بو محمد: ومطره ؟؟
ام محمد: لا انا ما مدلعه حد لا مهره ولا مطره ولا مريم بعد .. انتوا مدلعين مهره اكثر .. وحليلها مطره هي الصغيره

برد برد برد .. و ظلاااااااااااام ... ودافن عمره تحت اللحاف .. يسمع فوق راسه حشره .. وصريخ ..

ميثا: حمدان .. حمداااااااااااااااااااان حمدااااااااااااااان قم بسك رقاد
حمدان ( بصوت ثجيل) : هاااااااااااا
ميثا: قم بسك رقاد .. امايه تباك تحت ..
حمدان: فيه رقااااااد
ميثا: قم قم .. وبعدين احمد يسأل عنك بعد

من طروا احمد .. .فز حمدان من مكانه

حمدان: احمد ؟؟!!
ميثا: هيه
حمدان: شوه يايبنه صباح الله خير
ميثا: شوه شوه يايبنه ؟؟ امايه اتصلت فيه وقالت له عنك .. وانك امس متأخر
حمدان: هاي امج الصراحه
ميثا: قم قم انزين
حمدان: والله شوه هالحركات
ميثا: محد قالك تتأخر
حمدان: انا فاضي الحين حق محاظرات احمد
ميثا: يا حبه حق التحرطيم

ظبيه: اماااااااااااااااااااايه .. خالييييي حمدااااااااااني يدوه تزقركم

حمدان ( وهو يطالع ميثا): يا حبج انتي وبنتج الوحش حق الحشره
ميثا: ههههه نش انزين
حمدان: بقوم بقوم .. بس صفّي لي الجو تحت
ميثا: ما يخصني
حمدان: ميثا اهون عليج .. اوديج كل مكان .. السوق .. واظهر بنتج .. الحين اهون عليج ما تصفي لي الجو
ميثا: الجو شوي متعكر .. شوه تباني اسوي ..
حمدان: انزين ما عليه .. اوكي ..
ميثا ( وهي ظاهره من الحجره): ههههه انزين قم الحين وتعال وبصفّي لك الجو
حمدان: اختيه حبيبتييييييييييه اموت فييييييييج
ميثا: يالبايخ قم انزين
حمدان: الحين بقووم

ونش حمدان ودخل الحمام .. وسارت ميثا وبندت المكيف .. وفتحت الستاره .. والدريشه .. عسب تتهوى الحجره شويه .. وردت نزلت تحت ..

ام احمد: ها وين خالج ؟؟
ظبيه: يدووووه قلت لج الحين بينزل ويا امايه
احمد: ظبيه
ظبيه: شوه ؟
احمد: يالشاطره انتي سيري ييبي لي كاس ماي
ظبيه: بقول حق ميشيل تييب
ام احمد: الله ياخذ ابليسج .. يقولج خالج سيري ييبي ماي تقولين حق البشكاره
ظبيه: يدوووووه انا ما اعرف
ام احمد: الا تعرفين بس هيازه
ظبيه: انزين بسير اييييييب
احمد: هههههه سيري .. شاطره انتي ..

وصل حمدان .. ويشوف من بعيد بس امه واخوه .. وين ميثا ؟؟؟ ما عليه يا ميثا انزين برويج انتي وبنتج الوحش .. هاللي يعتمد عليج .. ويت من وراه ..

حمدان: وينج انتيييييي
ميثا: هني هني بلاك
حمدان: شوه بلاني ؟؟ ووينج هني ؟؟ هذا وانا قايل لج سيري وصفّي لي الجو
ميثا: سمعت مبايلي يرن .. سرت رديت عليه كانت ربيعتيه ..
حمدان: وربيعتج ما عرفت تتصل الا الحين
ميثا: هيه ما عرفت تتصل الا الحين
حمدان: طوفي جدامي ..

ام احمد: هذو وصل ..
حمدان: هلااااااا .. هلا والله .. هلا وغلا .. باخويه العود اخويه حبيبي وينك يا ريال من زمان ما شايفينك .. صباح الخيييييير يا احلى ام فالدنيا .. شحالج اليوم ..
ظبيه: اونه اونه اسمعوا خالي حمداني هههههه
حمدان ( وهو ييلس حذال ظبيه ويقرصها): ظبوي حبيبتيه سيري لعبي سيري
ظبيه: آآآآآآآآآآآآي .. بلاك
حمدان: ما بلاني شي
احمد: مرحبا .. شحالك ؟؟
حمدان: بخير الحمدلله .. انته شحالك ؟؟ وشحال الدوام ؟؟
احمد: انا زين .. بخير وسهاله
حمدان( يصاصر ميثا): بنتج هاي طرشيها اي مكان لانها بتخرب عليه
ميثا: انته قول لها تسير حجرتها
حمدان: ما تسمع رمستيه الا عقب عناد وطلعة روح وتهديدات
ميثا: ما يخصني عيل
احمد: ها حمدان .. شحالك انته
حمدان: تمام .. ( خمسين مره يسأل عن حالي .. ادخل فالموضوع بسرعه)
احمد: يالله انا اترخص عنكم
ام احمد: وين يالس فديتك
احمد: لا بعد ورايه كم شغله بسير اخلصهن .. زين اليوم اجازه محصل فرصه
ام احمد: بحفظ الله .. الله يرعاك ..
احمد: فمان الله
ام احمد: فداعت الله ..
احمد: حمدان تعال اباك شويه
حمدان: ان شاء الله

نش حمدان وساير ورا احمد .. ويصد ورا ويشوف ميثا وبنتها يظحكون عليه .. وهو يأشر لهن ان يصبرن بيرويهن كيف يظحكن عليه ...

ام احمد: الحين بيرد وبيحتشر عليه
ميثا: محد قاله يتأخر
ظبيه: ويه حليله خالي حمداني
ام احمد: بس احمد بعد شديد شويه وياه
ميثا: امايه ما عرفنا لج .. تخبرين عليه وعقب يكسر بخاطرج .. وبعدين جيه تخبرين احمد .. الصراحه فضيحه .. حمدان ريال ويشتغل الحين و انتي تسيرين تخبرين عليه مب اول ولا آخر واحد يسهر برع لين نص الليل
ام احمد: اي نص الليل يا ميثا .. راد لي قبل ما يأذن الفير بـ 5 دقايق ..
ميثا: والله كيفكم

برع ..

احمد: يعني لين متى انته بتم جذه ..
حمدان: احمد كل الشباب يسهرون مب بس انا ..
احمد: وامك اتم تحاتيك لين الفير
حمدان: انا قايل لها ما تترياني ..
احمد: كيف يعني ما تترياك .. تملي عليها اوامرك حضرتك
حمدان: لا مب جذه .. بس ريال بلحيتي ... هي اتم تترياني شحقه ؟؟
احمد: امك هاي لازم تخاف عليك .. ما تقدر انته تمنعها
حمدان: انزين ما قلنا شي .. امايه حاطنها على راسي وفعيوني والله ..بس انته تشوفها عدله يعني كل الشباب يسهرون ويوم يت عليه انا .. كل يوم محاظرات وانهزب
احمد: منوه هزبك الحين ؟؟
حمدان: انته هذو يالس تهزبني
احمد: انا ما اهزبك .. انا انصحك
حمدان: انزين
احمد: شحال الدوام وياك ؟؟
حمدان: توني بادي اشتغل .. تمام زين الحمدلله .. بس وايد يتعبونا
احمد: انته كل شي تباه عالجاهز .. هذا الشغل بعد شوه.. الا عندك شهادة من التقنيه .. وين تبا تشتغل بعد والا شوه يحطونك ؟؟ مدير عام
حمدان: هيه احم احم يعني ما يليق عليه
احمد: لا ما يليق عليك
حمدان: افااااااااا
احمد: يرقد لين الظهر وما يرد الا ويه الفير ويبا يكون مدير عام .. ياخي وين استوت
حمدان: عندنا هههههه
احمد ( ابتسم): يالله ساير تبغي شي ؟؟
حمدان: سلامتك ..
احمد: الله يسلمك .. يالله فمان الله .. وهالله هالله فالوالده وميثا وبنتها
حمدان: الوالده فعيني .. وميثا على راسي .. اما بنتها الوحش خل تولي
احمد: حرام عليك ..
حمدان: دفشه وايد ماخذه من اهل ابوها
احمد: الله يرحمه
حمدان: آمين .. بااااااااااااااي

سار احمد وسار حمدان صوب حبيبة قلبه وروحه سيارته .. الهمر ..

الساعه 10.30 .. المسا

ريسه تتريا مطره تخلص عسب ينزلون تحت ..

ريسه: ما خلصتي ..
مطره: بس الحين بطرش الايميل
ريسه: وييييه اليوم سمعت خرابيط فالتحفيظ
مطره: لا زين كان حفظج
ريسه: وين زين كان .. المهم ... متى الامتحان ؟؟
مطره: يوم الاربعا
ريسه: زين عسب نراجع اللي حفظناه قبل
مطره: سهل ..
ريسه: هو زين ( وسارت صوب الدريشه) .. ياعيني يا عيني
مطره: شوه ؟؟
ريسه: تعالي شوفي اللي تحت مسوين جو رومانسي
مطره: هههههه منوه ؟؟
ريسه: لا يروح فكرج بعيد .. مريوم ومهاري والريم
مطره: قومي اشوف
ريسه: بطلي بطلي الدريشه ..
مطره: اصبري (وفتحت الدريشه )
ريسه: اييييييييييه انتن

مهره: هااااااااااا
مريم: نزلن شوه تسون فووووووووق
ريسه: مطره بعدها
مطره: لالا الحين بخلص وبننزل
مريم: يالله بسرعه
ريسه: الله عالجو الرومانسي
مريم: بتفوتج اشيا يا ريسوه نزلي والله
ريسه: يايه يايه لا تكملن
مطره :يالخاينه
ريسه: وقفي هني وسمعي السوالف .. ويوم بيطرّش الايميل نزلي
مطره: الله يخليج عاد شوه اسمع وانا هني الا جانكن بتصرخن وتسمعن الفريج كله
ريسه: بنفكر
مطره: ههههه سيري سيري ..

وسارت ريسه ..

مهره: مطروووووه نزلي
مطره: اتريا الايميل
مريم: عنبوه مب ايميل
مطره: هالنت ما ادري شبلاه
الريم: من متى مطرشتنه ؟؟
مطره: توني
الريم: اتريي شويه الحين بيطرش ونزلي
مطره: انزين .. ثرني اتريا الحين

فالطرف الثاني .. حمدان كان يسبح بالعطر .. وكاشخ .. وهو طالع من الحجره بند الليت ..

حمدان: الله ياخذ ابليسج يا ظبوي .. فتحت الدريشه وسارت ..

سار صوب الدريشه .. وبندها .. انتبه في وحده واقفه وهي تسوي حركات بلاها مينونه؟؟ ترمس منوه هاي ؟؟ لا بنات هالايام صدق مخبل .. والله ط شوه تسوي .. هههههه تظحك .. ورن مبايله .. كان المتصل ربيعه مانع .. فقال له انه الحين ظاهر من البيت .. صكر منه .. ولبس نظارته ..

انتبهت مطره ان حد واقف هناك فالبيت اللي مجابلنهم .. اول ما انتبهت بسرعه بندت الدريشه والستاره ..

مطره .. يا ويلي .. نسيت عمريه .. نسيت ان هالبيت هله ردوا له .. لا اكيد كان يطالع مكان ثاني ما كان يطالع هني .. ان شاء الله هيه .. يا رب .. ان شاء الله ما كان يطالعني ..

حمدان.. شكلها انتبهت عليه .. احم احم اكيد شافت هالجمال كله اغمى عليها .. ههههه خلني اسير .. عن صدق يهوّن منّوع النحس ويخرب عليه ..

حمدان .. شكله جميل .. بمعنى الكلمه .. وسيم .. وعيونه العسليه .. وخاصة يوم يكشخ فيكون واحد غير غير غير .. الكشخه تزيده جمال فوق الجمال اللي فيه .. راعي حركات وسوالف .. هياته ... وطلعه ويا الربع .. هذي حياته .. اخوه العود احمد ساكن في شقه روحه في بوظبي ..بحكم دوامه .. وما معرس .. اما ميثا فعندها بنيه وحده بس وهي ظبيه .. بو ظبيه توفى في حادث سياره قبل 3 سنوات .. فانتقلت ميثا وبنتها عند اهلها .. وهي تشتغل مدرسه ..


نيسان .. لكزس .. مرسيدس .. BM .. اودي .. شوه السالفه ؟؟ عرض عندهم اليوم والا شوه ؟؟ اوه نسيت نحن في شارع الضيافه .. صوب كافتيريا خفايف ..

محمد: والله انك متفيج
صالح: انا متفيج والا انته .. وعيال عمك
محمد: بلانا ؟؟
صالح: الناس اييون هني بمواترهم
محمد: نحن نيي بدراجاتنا
صالح: لان ما عندكم سالفه
محمد: ههههههه بلاك محتر الحين
صالح: ما شي .. بس اشكالكم فنتك يوم اتون هني
محمد:هيه عيل مميزين .. جيه محد عنده موتر غيركم ؟؟ اول مره ما مصدقين
صالح: اسكت الله يخليك .. قول حق عمرك قبل هالرمسه ..

كل انواع المواتر .. هناك .. موتر ساير موتر راد .. اذا يبون من الكافتيريا والا ما يبون .. بس اعرض موترك هناك ..

محمد: الساعه كم ؟؟
سلطان: الساعه الحين 11.30 تقريبا
محمد: يالله عيل .. سرينا
عبدالله: اصبروا شويه
صالح: وين بتسيرون ؟؟
سلطان: بنسير بحر جميرا
صالح: كشخه
محمد:كشخه تعال
صالح: بس ما في حد هناك
محمد: لا تعرف قوم بدر
صالح: هيه
محمد: كلهم هناك
صالح: احلف
محمد:والله ...قالوا لنا تعالوا
صالح: اسبقوني ولاحقنكم
محمد: انزين .. نحن سايرين
سلطان: عبدالله يالله
عبدالله: انزين .. بس شوفوا هالهمر مب غريبه عليه
محمد:هيه هاي الهمر شايفنها فالفله اللي مجابلتنا مره
سلطان: هيييييييييه اللي توهم يايين
محمد: هيه
عبدالله :عجيبه ..
محمد: الا قول تخبل .. روعه..
سلطان: يبالنا شراتها
عبدالله: الله يخليك منوه بيدفع جيمتها ؟؟
محمد: انا عادي لو ابا بشتري
سلطان: هيه انته كل شي تحت ايدك .. قاص عليهم
محمد: هههههههه مشكله اللي يغارون
سلطان: من شوه عاد ؟؟
محمد: الهمر حلوه بس حق الشباب ..
صالح: وانته شوه ؟؟
محمد: شوه الفايده يوم تعرس لازم بتبيعها
سلطان: ليش ؟؟ عادي
محمد: تخيل عاد تركب حرمتك همر وتحوط وياها
سلطان: ههههههه عادييييي
محمد:عادي فعينك .. يالله يالله نسير .. صالح نحن سايرين
صالح: انزين بس مب تردون بسرعه انا ياينكم
محمد: الساعه 1.30 كل حد بيرد بيته
صالح: انزين .. عقب نص ساعه بييكم
محمد:خلاص نشوفك هناك ...

يوم السبت .. طلعت الشمس وفطيم وروضه واعيات من وقت ما باقي غير اسبوع و يكون عرس اخوهم .. فعقب حشرة امس يقنعن امهن انهن ما يداومن ..روضه في المدرسه.. وفطيم في الجامعه
روضه(وهي تشرب حليب) :ياااااااااااي وناسه ما داومت اليوم
فطيم:يعني وايد فرحانه
روضه: هيه والله ما بدرس اليوم اجازه
ينزل سيف من فوق وهو شكله توه قايم ويشوف خواته
سيف: انتي للحين ما متلبسه بنسير عنج (ويأشر على روضه.. ويلف على فطيم)وانتي بعد !!
روضه:ما بنداوم اليوم
سيف:ليش ان شاء الله
فطيم:عقب اسبوع عرس اخويه .. نبا نخلص التجهيزات
سيف:يا سلام تجهيزاتكن على حساب المدرسه والجامعه
روضه: كيفنا انته شو يعورك؟؟
غيث: يا سلام رويض قومي اتلبسي بسرعه (وهو توه نازل من فوق ووقف جدام المنظره اللي فالممر يعدل سفرته)
سيف: اونهن ما بيداومن اليوم
غيث: ليش؟
روضه: افففف عرس اخونا نبا نتزهب
وغيث وسيف يتطالعون في ويوه بعض ويظحكون على خواتهن اللي جنه اول مره يستوي عندهن عرس
غيث: هذا كله عشان عرس خليفه .. عيل لو انا عرست شو بتسون
فطيم: يا الهييييييييي
سيف: يا الهي يا الهي يا مجيب الدعوات هههههههه
روضه: الحين انتوا ليش معورين راسكم سيروا قلنا لكم ما بنداوم
سيف: اقول فطيم شرايج نقرع (وهو يلس بيشرب جاي )
فطيم وروضه ينفجرون من الظحك عقب ما سمعن رمست سيف
غيث: والله شوف خواتك يظحكن بعد ما تبا الشباب خوز عن ويهي
سيف: ابا اغير التسريحه شو هذا
روضه : قرع انا ما اعرفك
سيف: جب انتي محد طلب رايج.. اصلا انا اللي ما اعرفج ويا شعرج الاشقر ولا جنج اختنا اصلا ولا شي فيج يدل على انج اختنا
روضه عيونها عسليات.. عسلي فاااااتح.. وبشرتها فااااتحه ..وشعرها اشقر وقصير يعني تقريبا يوصل لين جتفها.. يعني كلها على بعضها حلوه
روضه: تتمنى شعري والله
سيف: شو اتمنى شعرج جنج بنت الانجليز لاقطينج من برع
روضه: جب جب
غيث: اقول سيف انته لو تميت يالس ما بتخلص ظرابتك مع رويض .. انا بسير عنك
سيف (وهو ينش يلحق غيث وصل لباب الصاله): ثرني ما نسيت ظربت ذاك اليوم بردها لج

[عذبة الإحساس]

روضه: where we will go first
فطيم: ما ادري .. نسير انا اقول سوق الذهب
روضه: OH , I don’t like that place
فطيم: امايه بتيي ويانا ..
روضه: انزين حتى ولو
فطيم: عيل وين تبين تسيرين الساعه 10 ؟؟
روضه: any where اما سوق الذهب nup
فطيم: يا غبيه احسن الصبح نسير .. الحين مب زحمه
روضه: افففففف فطيم مب لازم ذهب
فطيم :لا لاااازم.. شوه مب لازم
روضه: مب متفيجه
فطيم: قولي من الحين مب تلعوزينا فالسياره عقب
روضه: خلاص بسيييييييير وامري لله بعد شسوي
فطيم: خلاص بسير اقول حق امايه

خليفه (نازل من فوق ويرمس فالمبايل): انته تتمصخر
محمد: شوه ؟؟
خليفه: شوه ما بتحضر ؟؟
محمد: مب متفيج
خليفه: مب بكيفك والله
محمد: عيال عمك بيون كفااااااااايه
خليفه: لا تستعبط .. حمّود عن الحركات
محمد: بفكر فالموضوع

روضه: فطيم .. when will we go ??
فطيم: ما ادري اتريي امايه

محمد: انته وين ؟؟
خليفه :فالبيت
محمد: انا اسمع صوت انجليز
خليفه: فالبيت والله
محمد: عيل منوه يرمس انجليزي
خليفه: يعني ما تدري بها .. روضه
محمد: هههههه اوه اوه .. نسيت والله ان عندكم وحده ترطن انجليزي .. اسمح لي
خليفه: خلنا من رويض الحين .. شوه قلت
محمد:بفكر
خليفه: تدري انك سخيف ومحد يعطيك ويه يالله يالله مع السلامه
محمد: خلوووووووف ههههههههه عن السخافه
خليفه: باي

وبند خليفه ..

روضه: OH , no كيف تبند فويهه
خليفه: يستاهل
روضه: حرام
خليفه: انتن ليش مب مداومات ؟؟
فطيم: بنسير السوق
خليفه: انزين ويعني ؟؟ تسيرن السوق بعدين شحقه ؟؟
روضه: If you don’t want we come to your wedding ثر عادي وايد عادي .. بس لا تخلينا نسير السوق ونحن ما بنيي
خليفه :يعني الحين انتن غايبات عسب تسيرن السوق تشرن حق العرس
فطيم: هيه ..
خليفه: انزين اليوم السبت .. جدامكن اسبوع بطوله
روضه: مب اسبوع .. 5 ايام بس .. ويوم الخميس عرسك
فطيم: عاد خليفه ما لقيت تسويه الا ايام المدارس
خليفه: والله هي اختارت
روضه: هاي حمدوه يبالها ظرب
خليفه: اييييييييه انتي .. استحي ع ويهج
روضه: اوه اوه آسفه نسيت انك هني
خليفه: والله ؟؟ يعني لو مب هني بترمسين
روضه: لا لا ما برمس .. آسفه خلاص ..


فالمستشفى ..
مايد: خلصتن ؟؟ لان عندي عمليه عقب ساعه
حصه: والله صدق ؟؟
مايد: هيه
حصه: ييييييي كيف تقدر تشوف الدم

مايد .. عيل ليش دارسه شي يخص الطب دامج ما تحبين تشوفين الدم والله ذكرتيني بـ حمد .. هههههه الله يذكره بالخير الحين بيعفد عليه هني ..

مايد: عادي .. شغلتي
حصه: ما اتخيل عمريه الصراحه
مايد: عيل كيف تبين تكملين الشغل ؟؟
حصه: لا اي شي فيه دم وخربطان بخلي وجدان تسويه
مايد :لازم روحج تسوينه عسب تتعودين ... يبالي اخليكن تحضرن ويايه عمليه من العمليات
وجدان: هيه يستوي ؟؟
مايد ( استغرب مايد من تحمسها): والله جان تبغن بحاول
وجدان: هيه ...
حصه: لا لا انا ما ابغي
وجدان: بالعكس .. حلو .. نبغي نتعلم .. خاطريه احضر عمليه من العمليات ..
مايد: وعادي عندج ؟؟
وجدان: هيه .. ليش مب عادي ؟؟
مايد: لا يعني .. عفوا بس انا اول مره ادرب ... من اللي سمعته من الدكاتره ان البنات ما يدخلن العمليات الا لو كانت دارسه طب طب .. تدخل .. اما تمريض لا .. يخافن وايد
وجدان: انا كنت ابغي ادرس طب طب .. بس يالله رضينا بالنصيب
مايد ( ابتسم): الله يوفقكن .. الحين اسمحن لي .. خذوا بريك لين اخلص من عمليتي ..

ووصل حمد ...

حمد: صباح الخير ..
مايد :هلا .. وينك انته ؟؟ ليكون توك ياي
حمد: هيه والله
مايد: انته دكتور فاشل
حمد: خليت النجاح حقك .. خبروني ان عندك عمليه الحين
مايد: هيه
حمد: الله يعينك
مايد: ما بتحضرها ويايه
حمد:لا آسف.. بسير اتريق .. قبل ما تلوع جبدي
مايد: والله حاله
حمد: بلاك تتحرطم
مايد: ماشي ..
حمد: الشباب وينهم ؟؟
مايد: والله ما ادري .. بس اكيد تلقاهم في مكتبك ..
حمد: الا قول القاهم للحين ما واصلين .. دومهم جذه متاخرين
مايد: طالعين على مدربهم
حمد:هيه اشوف البنات ما شاء الله مداومات من وقت .. طالعين على مدربهن بعد
مايد: شي اكيييييييد
حمد: بنشوف آخر شي منوه يطلع احسن .. اللي دربتهم والا اللي دربتهم انته اقصد دربتهن انته
مايد: تتحدى ؟؟
حمد: طبعا
مايد: انزين .. بنشوف
حمد: نهاية الشهر ..
مايد: خلاص نهاية الشهر .. وقم عني الحين بسير اتزهب
حمد:خيبه من الحين ؟؟
مايد: بسير امر عالمريض بعد .. واهله اكيد هني .. وبيسألون
حمد:افففف يا كرهي حق الاسئله اللي قبل العمليه تكون
مايد: طمن قلب هله ريحهم
حمد:انزين .. اغسل عيونك عدل والبس عدساتك .. مب تنسى مقص في بطن المريض
مايد: ههههههه لك بارض تسولف .. مع السلامه انا ساير ادعي لي ..
حمد: فمان الله .. الله وياك .. الله يوفقك ..

عاشه: بتسير المكتب ؟؟
مبارك: هيه
عاشه: اليوم لا تسير
مبارك: عيل شوه اسوي ؟؟
عاشه: تم هني يالس ويانا
مبارك ( مستغرب) :ليش؟؟
عاشه: ساره وحمد كل يوم يظهرون ويا عمامهم والا يطلعون برع .. غانم مل من البيت
مبارك: غانم عمه منصور يظهره
عاشه: منصور مب مقصر .. بس ابغي اظهر وياك ووياه اليوم
مبارك: بس جذه
عاشه: هيه
مبارك: وحمود الصغير؟
عاشه: بنوديه
مبارك : يا ويلي لو سارونه درت .. بتحتشر عليه
عاشه: ما عليك منها .. محد بيخبرها ولو درت انا بقص عليهاا
مبارك: خلاص فالج طيب يالعاش
عاشه: مشكوووووووووووووور
مبارك: تزهبي لين اسير اخبر غانم
عاشه: لا انا بخبره ..
مبارك: على راحتج .. عيل انا بتلبس لين تردين ..
عاشه: انزين ..

ظهرت عاشه من الحجره وسارت صوب حجرة غانم .. دقت الباب ودخلت ..

عاشه: ما شاء الله واعي
غانم: هلا امايه .. حياج تعالي .. هيه واعي .. ما ياني رقاد .. كلهم ساروا دواماتهم
عاشه: انزين حبيبي .. قم بدل ثيابك بنظهر
غانم:وين ؟؟
عاشه: ابوك بيظهرنا
غانم ( مستغرب): ابويه ما سار الدوام ؟
عاشه: لا
غانم:ليش؟؟ شوه فيه ؟
عاشه: ما فيه شي .. بس جذه .. يبا يظهرنا
غانم: يظهر منوه؟؟
عاشه: انا وانته .. والصغيروني
غانم: لا ما عليه .. انتي سيري وياه وودي محمد .. انا مب ياي
عاشه: لييييييش؟؟ الطلعه اصلا عسبك وانا رازه فيسي
غانم: علييييييييه امااااااايه ..
عاشه: هيه والله .. اقول الصدق
غانم: لا لا .. سيري انتي وياه ..
عاشه: مب بكيفك .. نش الحين .. وبدل ثيابك .. وانزل تحت لين ما اخلص ازهب وازهب محمد وبنسير وما ابا اسمع ولا كلمه منك بعد
غانم:خيبه خيبه خيبه ههههههههه كلتينا يالعاش (وغمز لها)
عاشه: حقوق الطبع محفوظه لمبارك حمد ..
غانم: ههه ما عليه انا غانم مبارك حمد
عاشه: حلو .. يالله قم
غانم: ان شاء الله

بو مبارك وام مبارك يالسين ومبارك توه ظاهر من حجرته ..

ام مبارك: مرحبا ..
مبارك: صباح الخير
ام مبارك: صباح النور .. اقرب فديتك .. اصب لك حليب؟
مبارك: لالا مشكووووووره
بو مبارك: شحالك اليوم
مبارك: الحمدلله انته شحالك
بو مبارك: بخير
ام مبارك: وين ما سرت الدوام للحين ؟؟
مبارك: لا مب ساير اليوم
ام مبارك: احسن .. عن التعب
مبارك: امايه شوه تعبه ؟؟
ام مبارك: تسير وترد .. وايد تعب عليك .. اتم فالبيت احسن
مبارك: شرايج مول ما اسير الدوام
ام مبارك: احسن
مبارك: تسمع عيوزك يا بو مبارك
بو مبارك: اسمعها .. امك الود ودها لو انته وانا و خوانك كلهم ما نسير الدوام
مبارك :ههههه حلوه هاي

وعاشه نزلت من فوق ..

مبارك: شوه ؟؟
عاشه: يتلبس
مبارك: يالله عيل .. بسرعه
عاشه: بس البس حمّود والبس انا ونسير
ام مبارك: بتظهرون ما شاء الله
مبارك: هيه نبا نظهر غانم
بو مبارك: زين تسوون ..
ام مبارك: الا هالولد كاسر خاطريه
مبارك ( اضايج): امايه الله يخليج .. بندي السالفه
ام مبارك: والله قلبي يحترق عليه
مبارك: شوه قلت انا
بو مبارك: يا حرمه .. خلاص ..
مبارك: بسير انا برع .. يوم العاش تخلص قولوا لها اني فالموتر ..
بو مبارك: منوه بيوديكم؟؟
مبارك: سايقي
بو مبارك: خلاص .. توكل على الله

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

أمـل يوقــظ هـمتنا .. عــمل يــرجع نهضتنا.. معنا نحو الغد
هيا لنعيد الفجر .. نمضي لنغير مجرى .. نرقى قمم المجد


(*•.¸(`•.¸ الجزء السادس¸.•)¸.•*)


فالكليه .. فالكلاس .. بريييييك .. غيث وسيف وربعهم جالبين الكلاس فوق تحت ..

هزاع: والله لو هالاصلع ايي ويشوف اللي مسوينه الحين
سيف: علّوووووووه
علي: شوه؟
سيف: عطني الاوراق اللي جدامك
علي: خذهن ( وفرهن)
سيف: الله ياخذ عدوك .. ايه شوه سويت ؟؟ نثرتهن عالارض
علي: ههههههههه انته قلت لي فرهن
سيف: ههههه سخيف والله قم قم لقطهن يالله
علي: اشتغل عند ابوك انا
غيث: ايه رتبوا الكلاس شوه هذا
هزاع: جنه في زريبه ههههههههههههههه
غيث: هيه والله قوموا قوموا
سيف: بس نحن الاربعه هني بيجكّونا صدقوني
علي: خل يولّون عاد خفنا منهم
هزاع: الحين بريك وعادي نسوي اي شي نباه كيفنا
غيث: يا سلام وتخرب الكلاس بعد عادي ... جنه الا ابوك باني الكليه
هزاع: والله هو ابويه تبرع لهم يعني بنى الكليه وعقب تواضعاً منه قال لا تذكروني ولا تذكرون اسمي وياكم
سيف: هييه .. بلى
علي: اسكت اسكت الله يخليك ما فينا حاطين كاميرات والا شي
هزاع: ههههههه يالجبان .. شوه كاميرات ما كاميرات وين يالسين نحن


...........: OH my god .. what is these
هزاع: جكتنا العيوز
سيف: these is nothing nothing miss
.............: saif you did these all
علي: هههههههه علقت على سيف ههههههههه
سيف: بعطيها عويها الحين
.......: till me you did these
سيف: no miss I’m not crazzy to do these
هزاع: miss miss
.......: what
هزاع: الفوضى I will tell you .. ebrahim and msabeh did these
علي: ارمس عدل هههههههه
غيث: حرام عليكم حطيتوا على ابراهيم ومصبح الحين
هزاع: عادي عادي
........: I will tell mester mohamed to see what to do with them
علي: ايه يالعيووووووز .. هههههههههههه والله سارت تخبر عليهم
غيث: حرام والله تعرفون ان هذا محمد زفت
هزاع: يعني شوه بيسوي بهم ؟؟
سيف: ههههههه الله ياخذها .. حطت عليه وسارت
هزاع: اونك ترطن وياها بالانجليزي استلمتك
سيف: خل توليييييييييي
غيث: ابراهيم ومصبح الحين
علي: ولا يدرووووووون بشي ..
سيف: عادي اذا يا محمد .. ينقول له ما ندري منوه .. وهاي حاطه دوبها ودوبنا
هزاع: الجذب خيبه يا سيفان
غيث: لا وانته ما جذبت ابد
هزاع:ههههههههه شوه نسوي .. كانت بتحتشر علينا
سيف: خلاص بنقوله ما ندري وبنحط عليها
علي: والله تستاهل احسن .. اصبروا ما اكون علي لو ما طردوها قبل ما اتخرج
غيث: الله يخليك .. اتخرج عقب ارمس انزين ..
هزاع: هاي وايد حاطه علينا جان ما ترسبنا
سيف: فعينها ترسبنا .. من جيبها الدرجات .. وهالبروجكتات كلها
علي: عندهم هم ولا شي .. وايد عادي اسهر طول الليل واتعب .. ولا ترقد .. وتعال قدمه خاصة هالاصلع ابدا ما يعيبه ولا بروجكت
سيف: حاط لي B
غيث: احمد ربك
هزاع: هيه منوه قدك غيث ماخذ A
غيث :والله تعرفون يوم الواحد يكون مبدع فـ
علي: بس بس بس .. خلاص عرفنا
غيث: خلني اكمل انزين
علي: ههههه مب لازم ..

حمد وساره رادين من الدوام .. وهم رادين شافوا موتر سايق ابوهم دخلت عقبهم ..

ساره: شوف شوف
حمد:شوه اشوف؟
ساره: طالعيييييييييييييييييييييين
حمد:انزين وخير .. اللي يقول حابسينج انتي فالبيت ومول ما تطلعين
ساره: والله بصيح .. منوه قالهم يطلعون

ونزلت من الموتر على طول عالموتر الثاني .. وهي اللي فتحت الباب حق ابوها

مبارك كان مسند راسه ومغمض عينه .. لان يعرف اسئلة ساره وما بتهده لين يظهرها مكان هي الثانيه ..

مبارك: يت يت
عاشه: ساره سيري داخل بدلي ثيابج و تغسلي وتغدي وعقب طبعا تحلين واجباتج
ساره: وين سرتوا ؟؟
غانم: مكااااااااااااااااااااان
ساره: ما ارمسك انته زعلانه
غانم: زعلانه مني انا ليش؟؟
ساره: كله منك .. جيه ظهرتوا من البيت ؟
غانم: مره ثانيه ما بظهر انزين لين تردين .. جيه زين
ساره: هيه .. بس جيه ظهرتوا الحييييييين .. ما يخصني.. بابااااااااااااا
مبارك: شووووه؟؟
ساره: والله بصيح ليش طلعتهم
عاشه: ساره شوه قلت لج
ساره: ما اكلمج
مبارك (عصب عليها): ساره ..
ساره: خلاص ما ابا شي انزين ..

وركظت داخل ومبارك تم يزقرها ما عبرته ..

مبارك: ما عليه انا برويها عقب
غانم: ليش ظهرت انا
عاشه: ما عليك منها جيه هي كل يوم ما تظهر
غانم: تعكّر مزاجي ..

وسار غانم ..

حمد: غنّوووووووووم

ولا رد عليه

حمد: غااااااااااانم
غانم:شوه ؟
حمد: بلاك ؟؟
غانم: ما فيني شي .. شوه تبا؟
حمد: تعال بقولك شي
غانم: حمد مب فاضي انا
حمد: خلاص خلاص سر حجرتك .. عقب انا بييك وبقولك
غانم( اطالعه بنظره): حتى انته ..
حمد: شوه حتى انا ؟؟

ومشى غانم ولا عبره ..

عاشه: حمد تعال نزل شنطة اخوك
حمد: امايه شال ملف فايدي
مبارك: ييبي انا بشلها
عاشه: لا هو بييي
مبارك: ييبي انزين
حمد: خلاص .. ابويه انته شل الملف .. وانا بشل الشنطه
عاشه: وانته ما تقدر تشل الملف والشنطه ؟
حمد: ابويه يبا يشل ملفي .. انتي ليش محتره
مبارك ( ابتسم): بو لسان طويل .. انته واختك .. امش يالله
حمد: ههههههههه انزين


في بيت بو خليفه ..

روضه(تدق الباب): ممكن ادخل
خالد: ادخلي رويض

روضه تيلس عالكرسي الهزّاز حذال الدريشه في حجره خالد .. وتقوم تسير تيلس عالمكتب تفتح هالسده وهالسده وتظهر اوراق وتقرا وكتب ودفاتر

خالد: مب جنج مصختيها تفتشين في اغراضي
its okay .. its okayروضه :
خالد: شو عادي بندي السده اقولج
خطير .. وما تباني اعرفه secret روضه : يعني لهالدرجه الـ
خالد: اي سر اي خرابيط ما عندي اسرار بس عيب نفتش في اغراض الناس
aha .. okaikروضه :
خالد: ارمسي عربي شو هذا من اول ما دخلتي وانتي ترمسيني انجليزي
روضه: ما اقدر خلاص تعودت
خالد: انتي مب بنت انجليز .. بنت عرب.. شو تبينها هالرمسه الماصخه
روضه: انا ما اعرف ارمس عربي اكثر من دقيقتين لازم عالاقل كلمه انجليزيه
خالد: ما سوينا خير يوم دخلناج مدرسه خاصه
روضه: ههههههه .. (وتنش من عالمكتب تسير صوب المنظره تشوف العطورات)
خالد: لا اله الا الله .. رويض ردي كل شي مكانه واظهري برع
روضه: حطمتنيييي .. عيني عينك تقولي اظهري من الحجره .. يعني طرده
خالد : مشكلتج افهميها مثل ما تبين بس ردي كل شي مكانه بسرعه
روضه: وانا اقول اخويه خالد الوحيد اللي يفهمني
خالد: انزين افهمج سالفه .. وانج تخربين وتفتشين في حجرتي سالفه ثانيه
OK tell me روضه:
خالد: شوه اقولج ؟؟
mmm .. nothing روضه : (وهي تفتح ثمها جدام المنظره وتشوف ترتيب ظروسها)
خالد: شوه تسوين انتي؟؟
روضه: ابا اروح العياده
خالد:العياده .. ليش؟؟
روضه: في ضرس طالع عوي .. بيخرب شكلي .. بتوديني؟؟
خالد: وااااابووووويه عليج ..
I'm not jocking with you روضه: والله صدق
خالد: انزين ويعني شو بيسوي فيج الدكتور ..ضرس وطالع عوي هو شو يسوي
روضه: انته قول بتوديني لا تتزطط عالبترول بصب لك
خالد: مب خايف عالبترول .. بس شروطج وطلباتج وايد
روضه: يالله انزين قول هيه بوديج
خالد: انزين سيري تلبسي ويوم بتخلصين تعالي قولي لي
روضه: نص ساعه وبكون جاهزه
خالد: خيبه نص ساعه شو تسوين
روضه: اختار لي بدله .. واختار لي شيله تناسب البدله واكويها واجهز عباتي واعطرها
خالد: عرس مب مستشفى
روضه: واسحي شعري بعد
خالد: اللي يسمعج يقول شعرج يزحف عالارض.. من طوله الحين؟؟
روضه: يعني اسير بكشتي
خالد: كيفج سوي اللي تبينه بس بسرعه
Okaikروضه:

تظهر روضه من عند اخوها خالد وتسير تزهب لانها بتروح العياده .. وخالد من الجهه الثانيه يروح يتلبس ..

فطيم يالسه مع سيف وغيث يشوفون صورهم يوم هم صغار..

فطيم: هههههه شوفوا صورتكم
غيث: وين يبون كل شي مصورينه
سيف: اخ عليهم .. والله ما يستحون شوه هذا حد يصور عياله وهم مفاصيخ
فطيم: وين مفاصيخ هههههه
غيث: وايد عليهم ملبسينا فانيله وشورت
سيف: اطالعوا غيث بعد فرحان ههههه
غيث: كانك مب وياي
فطيم: هالصور زين لو نراويهن حريمكم عقب
غيث: اتخسين والله بحرقهن
سيف: لاااا حرام حلوه الصور اتظحك ههههه
غيث: اذا انت تبا كيفك انا بحرق الصور فضيحه ريال بلحيتي ومعرس عيالي يشوفوني بفانيله وشورت
سيف: ههههه عسب يعرفون ابوهم على حقيقته
فطيم: شوفوا صورة خليفه عجييييبه
غيث: خليفه من بونه عجيب .. حتى يوم صغير
سيف: مب نحن قاصين علينا
غيث: شوف مع انه مولود قبلنا يعني في العصر الحجري وشو ملبسينه ونحن ...
سيف: خلها مستوره
فطيم :هههههه الصور اتظحك من وين طلعتوهن
غيث (وهو يغمز لسيف): اسألي بعض الناس
فطيم: سيف من وين يبتهن
سيف: سرت حجرة خليفه شفت صندوق صغير في الكبت يوم فتحته لقيت هالصور فيه فـ يبته
فطيم: اوييييه.. وانته كيف تسير حجرة خليفه لا وبعد مفتش ومظهر الصور
سيف: عادي هو محد.. ولا بيعرف الا جان انتوا بتخبرونه..و بنرد الصندوق مكانه عقب ما نخلص
غيث: تحيدني فتّان عسب اخبره
فطيم: لاااا يعني انا الحين اللي بخبره ما يخصني
سيف: خلاص عيل
غيث: غريبه روضه للحين ما بينت
سيف: افففف لاتييييب طاريها ارجوووووك الحين بتشوفها داخله علينا
فطيم:روضه طلعت مع خالد
سيف + غيث:ويييين؟؟
غيث: وين راحت وياه
فطيم : ما ادري
سيف: هالسخيفه .. خالد وايد معبرنها كل شي تباه يسوي لها
غيث: هيه قهر والله.. ونحن حابسينا هني
سيف: خليها تيي بطلع حرتي فيها
فطيم: هذا كله عسب ظهره ما يسوى عليها
سيف: لان مب اول مره تسويها فينا


مهره: وينه ابويه مب جنه تأخر
مريم: هيه والله يووووعانه
مهره: اقولج ترا عرس خليفه باقي عليه غير 3 ايام بس ..
مطره: قولي والله ؟؟ ما فصلنااااااا
مريم: ما يخصني والله انا من متى ارمس محد عبرني
مهره: يعني ما شي غير نلبس جاهز
مريم: عاد دوري لج حد يوديج
مهره: اففففففف شو هالحظ
مريم: هيه والله شو هالحظ انا ابا اكشخ من زمان ما استوى عندنا عرس .. والحين يوم استوى ما نكشخ والله حرام الا اكشخ واطلع احلى من العروس بعد
مهره: وايد لا تصدقين عمرج
مطره: عادي مب لازم نسير العرس
مريم: مب لازم نسير اونه .. تعرفين شوه يعني فطيم حاشرتني ..
مطره: اعتذري لها
مريم:هيه هي ربيعتيه اعتذر لها اونه
مهره: لا والله انا بسير .. كيفهم يشترون لي جاهز بأي سعر ما يخصني
مريم: شرايكن نسير ناخذ لنا من بوظبي
مطره(وهي فاتحه عيونها): بوظبي مره وحده!!
مريم: هيه شو فيها نسير عند موااز الاسبوع الياي .. ومن هناك نسير السوق
مطره: تقوليج باقي 3 ايام وتقولين الاسبوع الياي ..
مريم: اووه نسيت
مهره: خلي عنج اهل بوظبي رواحهم اييون عندنا يتشرون
مريم: انزين ونحن بنسير نتشرى من عندهم
مهره: تبين روحج سيري انا ما ابا من بوظبي.. شحلاتهن القطع عندنا والموديلات والتفصيل بعد
مطره: بعدين ما في وقت ..
مريم: انزين .. خلاص هونا ما نبا بوظبي.. كيف الحين بنقنع الوالده تسير ويانا السوق نتشرى
مهره: بنقول لها فطيم قالت بزعل اذا ما ييتوا
مريم: اقول انا وايد مكبره السالفه.. اللي يسمعني يقول عرسي .. والله
مهره: هيه والله ياريت لو خليفه ماخذنج ومفتكين منج
مطره:ههههههههه ويه مريم ما بترقد اذا السالفه جذه ..
مريم: والله مب ميته عليه .. وكيفه الريال منو ياخذ.. وقومن نسير نتغدى جنه ابويه وصل
وصل بو محمد وعلى طول حطوا الغدا واهل البيت كلهم يلسوا يتغدون
يلسوا كلهم عالطاوله ومهره تقرص مريم عسب ترمس
مريم: احم احم
ام محمد: بدت
مطره: ههههههه كاشفينج وكاشفين حركاتج من زمان
مهره ومطره يظحكن على مريم واسلوبها المكشوف
مريم: والله بعدني ما رمست انزين
ام محمد: ادريبج بترمسين الحين .. عندج شي
مريم: هيه عندي اشيا مب شي واحد
بو محمد : شو عندج بعد ؟
مريم: عرس ولد خالتيه خليفه قريب
مطره: مب الا قريب ..
مهره: باقي عليه 3 ايام بس
محمد: ما شاء الله حاسبين عدل
مهره:لازم مب ولد خالتنا
مريم: المهم العرس جريب ..
ام محمد: يعني؟؟
مريم: يعني نحن ما فصلنا ولا سوينا شي .. لازم من الحين نبدا ما باقي شي
بو محمد: انزين اي شي تبنه خبروني وانا بعطيكن فالكن طيب
ام محمد: انا مب ظاهره معاكن السوق ما يخصني
محمد:ولا انا ما يخصنييييييييي
مهره :يا سلام .. حلوه هاي
مطره: قلت لكم مب لازم نسير
مهره :مطرووووه اسكتي لو سمحتي
مطره :خلاص ما يخصني
مريم: امايه يعني امنو بيودينا غيرج ويا السايق او غير محمد
ام محمد: انا بروحي عندي مشاوير وما تخلص وركابي تعورني ما فيه اطلع السوق بعد
مريم: والله مب عرسي عسب الح عليكم هالكثر .. عرس ولد اختج .. جان ما تبينا نسير قولي
بو محمد (وهو يظحك على كلام مريم): هههههه مقوات عينج يا بنت محمد
مطره: قلتها روحك بنت محمد
بو محمد : شوه قصدج مطاري .. طول لسانج اشوف
مطره: آسفه آسفه .. والله اسمح لي الغالي
محمد: ما الومج مجابله مهره ومريم وريسه
مهره: شوه قصدك ... وبعدين والريم ويانا
محمد:لا الريم هاديه حليلها
بو محمد: يعني تهددين يا مريومه ..
مريم: هيه بعد شو ما بذبح عمري .. واذا ما خذت لي اللي اباه مب سايره العرس
ام محمد: هيه كبر راسها علي
مريم: ما كبر راسي ولا شي .. اذا تبينا نسير عرسه ودينا السوق
مهره: امايه حرام عليكم صدق.. ترضين يقولون مهره بنت محمد مب حلوه وفستانها يلوع بالجبد
مطره: ما ادري منوه مهره عاد
محمد: ملكة جمال ما تدرين
مهره: هيه عيل .. ترضى ابويه ؟؟
بو محمد: اقص لسانه اللي يقول جيه .. اصلا انتي شيخة البنات
مهره: عيل قول حق امايه تودينا
ام محمد: خلاص بوديكن فكوني من حشرتكن
مريم ومهره يظحكن على امهن ..ومطره تقول الحمدلله والشكر .. ونعم الخوات.. عقب الغدا كل واحد سار حجرته يريح شوي ..

بيت بو مبارك ..
غانم ما تغدا فالسنتر قال بيرد يبتغدا ويا اخوانه وعمومته .. رد .. نكدوا عليه .. وقال ما يبغي غدا خير شر .. وعاشه محتشره عليه ..

عاشه ( ظاهره من حجرة غانم): شوه هالحركات .. مب ياهل انته .. والله اصبر انزين .. جان ما خبرت ابوك الحين ..

سلطان: شوه السالفه؟؟
عاشه: والله يا غانم جانك ما نزلت الحين تغدا .. بخبره .. قم بسرعه
سلطان: عاااااااااااااااااشه
عاشه: شوه ؟
سلطان: بسم الله .. بلاج ؟؟
عاشه: هذا روحه مريض .. وبعد ما ياكل ..
سلطان: منوه ؟؟ غانم
عاشه: هيه
سلطان: ما عليه ما عليه
عاشه: شوه ماعليه ..
سلطان: يابوج كلتيناااااااااااا خليه انا برمسه ..
عاشه: ما شي بسير اخبر ابوه .. انا الحين
سلطان: عدااااااااال ابوه يعني شوه بيسوي
عاشه: اونك .. ما تعرف مبارك يوم يدق فراسه
سلطان: لا لا .. لا تخبرينه .. خلاص .. انا بسير له الحين .. سيري ولدج يصييييييح عند امايه

مشى سلطان ووقف جدام حجرة غانم .. يدريبه عنيد بس بيحاول وياه .. فتح الباب ودخل ..

سلطان: كييييف الحال
غانم: بخير
سلطان: والاحوال
غانم:تمام .. ادري امايه مطرشتنك
سلطان: لا .. غلط .. انا روحي ياي
غانم: ما ابا اتغدا ..و خلاص
سلطان: ليش انزين شوه فيك ؟؟ شوه تبا ؟؟
غانم: ما ابا شي
سلطان: تبا غدا من برع ؟؟ اي مطعم ؟؟
غانم: ما ابا غدااااااا ما اباااااااااااا
سلطان: ليييييييييييش
غانم: بس جذه ..
سلطان: غانم .. امك سارت تخبر ابووك
غانم:خل تخبره
سلطان: وتدري به ابوك يوم يعصب
غانم: انزين ما ابا .. غصب !! مب مشتهييييي مب مشتهييييي

وسار انسدح على شبريته .. وصد الصوب الثاني ..

وصل منصور ..

سلطان: اكملت
منصور: تحت حاشرين الدنيا وهني الوضع مب طبيعي
سلطان: ما فينا شي
منصور: لا قول ..
سلطان: بس غانم ما متغدي .. وامه معصبه
منصور: ليش مب متغدي
سلطان: شدراني
منصور: غانم ..
سلطان: عنيد
منصور: غانم رد عليه .. ارمسك
غانم: شوه شوه ؟؟ افففف قلت ما ابا غدا خلاص ..

ويوصل الصوت من تحت ... كان مبارك .. ويزقر غانم ..

حمد وصل الحجره ..

حمد: غانم انزل تحت بسرعه ابويه يبغيك ..
سلطان: ط شوه سوت عاشه الله يهديها
منصور: قم ابوك يباك
حمد: قم والله انه معصب .. يقولك تيي الحجره بسرعه

نش غانم وفر اللحاف .. نزل تحت وسار حجرة ابوه ..

[عذبة الإحساس]

سلطان: حمد شوه استوى انته كنت هني
حمد: ما شي .. بس ساره السخيفه .. اونها زعلت يوم درت ان ابويه وامايه ظهروا غانم اليوم
سلطان: انزين وعقب
حمد: بس .. يمكن غانم تضايج من جيه ..
منصور: هاي ساره يبالها ظرب
سلطان: اللي يقول هي ابد ما تطلع ..
حمد: شفت عاد

في حجرة مبارك ..

مبارك: امك ما تقولك سر تغدا ؟
غانم: مب مشتهي
مبارك: مب بكيفك
غانم: ابويه
مبارك: اسكت .. يوم انا ارمس تسكت وتسمع
غانم: ان شاء الله
مبارك: انته روحك تعرف بوضعك وحالتك .. مب لازم نحن نقولك .. وتعرف اللي عليك .. ليش تعبنا زياده ؟؟ ليش تحب تستهمنا عليك
غانم ( رمس غانم ونبرته حزينه): ابويه بس والله حرام عليكم .. كلكم تنظرون لي نظرة اشفاق .. ما احب جذه ما احب
مبارك: منوه ينظر لك نظرة اشفاق
غانم: الكل .. انته من صوب وامايه من صوب ويدي ويدتيه اكثر اثنين .. عمي منصور حمد اخويه مع انه اصغر مني .. بس احس به اكبر .. ما يحب يضايج بي .. ما يظارب ويايه .. ما يتناقش ويايه وايد عسب ما يكدرني والا ما يخليني ارمس .. جيه انا شوووه
مبارك: حمد يحترمك .. ولو ما يحبك جان ما عاملك جذه
غانم: هذا مب احترام هاي شفقه ..
مبارك: شوف يا غانم .. انا اعرف واحد قبل 15 سنه .. تعرض لحادث .. وهالحادث منعه من انه يمشي على ريله .. وفالبدايه كان يظن ان الناس ينظرون له نظرات الاشفاق اللي انته ترمس عنها .. وكره الدنيا .. وكره اللي حوله .. وكره كل شي .. بس فالنهايه تحدى نفسه وتحدى اللي هو فيه .. وكمل دربه .. وما وقف .. وللحين وهو يكافح .. ورفع اسمه فوق .. فوق .. فوق ..

غانم سكت ولا رد على ابوه .. يدري ان ابوه يرمس عن عمره .. فهم المقصود .. لكن لا يزال يحس انه هو عاله على هالعايله ..

مبارك: والكل يحترمه مب يشفق عليه
غانم: فهمت قصدك
مبارك: دامك فهمت .. قم الحين .. سر تغدا
غانم: مب مشتهي
مبارك: تونا معطينك محاظرة
غانم: والله ما ابا .. لو ابا بسير آكل
مبارك: عسب خاطر امك سر تغدا .. لا تحرق قلبها زياده
غانم: ان شاء الله


حمدان كان يالس يجلب فالقنوات .. وميثا تذاكر حق بنتها من صوب .. وتصلح الاوراق اللي فايدها من صوب ثاني ..

ميثا: كتبي عدل
ظبيه: كتبببببت
ميثا: حسني خطج .. هيه الحين تبا تخلص بسرعه يالسه وتخربط
ظبيه: شوه احسن خطي .. خطي جيه
ميثا: لا خطج حلو .. واحسن عن جيه .. كتبي عدل يالله
حمدان: زين يوم اني خلصت المدرسه وافتكيت ..
ظبيه: هيه والله حظك
حمدان ( رد راسه ورا ) : هيه حظي .. والا جان امج كفختني كل يوم .. تصبحني بطراق وتمسيني بطراق
ميثا: شوه قالوا لك خبله
حمدان ( رده زياده) : هذا الذي نراه
ميثا ( اطالعته بنظره ): والله ؟؟!!
حمدان: ههههه آسفين عن تفرينا بالاوراق اللي في ايدج الحين ..
ميثا: العقل زينه
حمدان: خلينا العقل حقكن يالحريم

ومره وحده ينجلب من عالكرسي

ظبيه: آآآآآآآآآآآآآآآآآي
ميثا: تستاهل ..
حمدان: من عيييييييييييينج
ميثا: انا شيخصني ؟؟ والله انته ما تعرف تيلس عدل شرات الناس
ظبيه: حرام عليج امايه
ميثا: بلاج انتي ؟؟
ظبيه: يعور
ميثا: شوه يعور ؟؟
ظبيه: طيحة خالي حمداني تعووووووووور
حمدان ( نش): مالت عليج
ميثا: مب راده عليك
ظبيه: عمي حمدانييي تعورت ؟؟
حمدان: لا عيل مثلج انتي الوحش
ظبيه: وين ؟؟
حمدان: ما يخصج كملي مذاكرتج ويا امج
ظبيه: انزين
ميثا: صدق تعورت ؟؟
حمدان: مب راد عليج .. انزين

وقام من مكانه وهو ماسك ايده .. وسار حجرته .. مثل كل مره .. يرقد !!


هند: انزين خبريني
وجدان: شوه اخبرج ؟؟
هند: عن المستشفى
وجدان: والله ممشين الحال فالمستشفى
هند: جد دخلتي غرفة عمليات
وجدان: للأسف لا
هند: لييييييييش؟؟
وجدان: شوه قالوا لج .. صدقتي اني دكتوره .. الا انا ممرضه عاديه
هند: انزين وشوه يعني
وجدان: شوه شوه يعني ؟؟ وين ادخل غرفة العمليات شسوي ؟؟
هند: تساعدين الدكتور ... تعطينه مقص .. مشرط .. خرابيط
وجدان: شكلج وايد متأثره بالأفلام
هند: انزين ما علينا
وجدان: خير آنسه هند
هند: فيصل
فيصل: شوه ؟؟
هند: حبيبي متى بنتزوج .. بس تعبت انا من كثر ما اتريا
وجدان: ايه الله ياخذ عدوج .. شوه هالرمسه الماصخه بعد
هند: ههههه فديته والله يعيبني
وجدان: ههههههههه بس لو ابوه يسمعج
هند: ذليتينا ويا ابوووووووه واخوووج ذليتينا

وفجأه يظهر جاسم من الحجره .. لفت هند شيلتها واعتدلت في يلستها ..

جاسم: السلام عليكم
هند + وجدان: وعليكم السلام
جاسم: شحالج هند
هند: بخير الحمدلله .. شحالك انته ؟؟
جاسم: الحمدلله .. انا ظاهر تبغون شي؟
علي: ويييييييييين بتسير؟؟
جاسم: عند عمي هلال
علي: اللله ودني وياك
جاسم: لا اليوم ما بوديكم .. يوم ثاني
فيصل: ليش؟
جاسم: لان اليوم انا وعمي هلال عندنا شغل .. فيوم ثاني بتفق وياه وبظهركم
علي: انزين ..
فيصل: سلم عليه ..
جاسم ( ابتسم .. بالغصب عياله يسوون عمارهم كبار ): الله يسلمك .. فمان الله .

وجدان: بلاج ؟
هند: زيغنيييييييييي
وجدان: ههههههه تستاهلين محد قالج ترمسين عنه
هند: بسم الله
وجدان: اييب لج ماي
فيصل: شايفه اسد مب انسان ههههههه
وجدان : شفتي حتى الصغاريه يحطون عليج
هند: والله اخوج ..
وجدان: يالله .. تسير وترد على هالاخو .. خليه في حاله هو الوحييييييييد الله يخليه لنا
هند: الله يخليه لج .. ولحرمته وعياله .. وانا شوه يعورني ..
وجدان: ما ادري اسألي عمرج ..

وظهرت ام فيصل ..

ام فيصل: هلا هند شحالج ؟؟
هند: بخير انتي شحالج ؟؟
ام فيصل: بخير الحمدلله .. ما شاء الله اليوم عندنا
هند: ملينا من البيت ..
وجدان: يعني اطالعي الذكاء الناس يطلعون من البيت يسيرون مكان ثاني يرفهون عن نفسهم .. هاي تطلع من بيت وتيي بيت .. ههههههه
هند: محد طلب رايج
ام فيصل: حليلج يا هند ..
هند: المهم شحالج بعد ؟؟ وشحال البيبي
ام فيصل: بخير .. يسلم عليج
هند: هههه الله يسلمه ..

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)


زانــــت لـيـالـيـنـــا والــحــب يـهــلانا
الــكل فـــي سـعــد الــكـــل فرحانا
نجوم السماء تلئلئت من فرح فرحتنا
رسمـت عـلى الـحاضرين ربيعا خلابا


(*•.¸(`•.¸ الجزء السابع¸.•)¸.•*)


في بيت بو خليفه ...

يوم الاربعا .. محد مداوم في بيت سالم.. الكل مرتبش... فطيم فستانها ليموني .. بحركات بسيطه وحلوه روووووعه .. طالع جنااااااااان بس هي مب مقتنعه به .. تقول ان مب هذا الموديل اللي كان في بالها .. ومب نفسه اللي اختارته .. يعني كله على بعضه مب عايبنها .. وتقول ان المصمم خرب فستانها اما روضه فكانت فرحانه .. لانها قالت للمصمم يسوي لها اي موديل .. هو رسم وهي بس قالت : اوكي.. فستان روضه كان وردي بحركات بسيطه .. لان هي كانت ضعيفه ومب طويله وايد .. وتخيلت انها لابسه الفستان بشعرها الاشقر فقالت رهييييب .. ووافقت عالموديل.. وطلع مثل ما تباه ..
فطيم : افف شو هذا والله مب حلو
روضه: هذي المره الالف اللي تلبسين فيها الفستان خلاص والله حلو
فطيم: اطالعي بايخ .. والله بيظحكون عليه
روضه:لا ما بيظحكون.. فطيم الفستان موديله روووعه وطالع عليج اروع
فطيم: هيه قصي عليه
روضه: محد قالج تختارين موديل وتعرفين انه صعب عالمصمم .. مدامج سايره عند مصمم ،، مصمم .. ليش انتي اللي رسمتي الموديل.. جان خليتيه هو يرسمه
فطيم: اللي رسمته كان حلو بس هذا خرب لي اياه الله يقرده
روضه: كيفج .. انا بسير تحت اشوف امايه

تظهر روضه من الحجره بتسير عند امها .. وتشوف سيف في الممر..روضه قالت بتسأل سيف اي لون بيلبسون الليله .. ولازم شويه تتمصلح وياه
روضه: سيفاااان حبيبي
سيف: اففف يالمصلحه وشو تسوي .. نعم خير شو تبين
روضه: اي لون بتلبس الليله
سيف: ما يخصج
روضه: ابا اعرف انزين
سيف: قلت لج ما يخصج .. مب من اختصاصج
روضه: مالت عليك .. ثرني بعرف بعدين
سيف: عيل ليش يايه تسألين دامج بتعرفين
روضه: اسبق الاحداث
سيف: مب قايل لج اي لون
روضه: لا تقول .. بسير بسأل غيث
سيف: لو دخلتي الحجره وسألتيه .. بكسر لج ريلج
روضه: عيل انته قول لي .. اذا ما تباني اسأل غيث
سيف: ما بقول ولا تسيرين تسألين غيث
روضه: (وهي سايره) : بسير مب بكيفك
سيف: ثرني برد لج الظربه الحين لو دخلتي الحجره
روضه: ذليتني ويا هالظربه بخبر عليك خليفه
سيف: هيه كيفي .. وقلت لج بظربج

خالد طلع من حجرته على حشرة سيف وروضه

خالد: اش بلاكم انتوا .. ما تخلون الواحد يرتاح
سيف: هاي اختك الخبله
روضه: طالعه عليك
خالد: جب اثنينتكم .. ليش مسوين هالحشره
روضه : ابا اعرف اي لون بيلبسون وهو مب طايع يقول
سيف: كييييفييي ما بقول
خالد: ليش تبين تعرفين
روضه: بس جيه فضول
خالد : وانته ليش ما تخبرها
سيف: ما اباها تعرف .. وليش تعرف اصلا ؟؟
خالد : كل هالحشره عسب لون كندوره
روضه: انزين انته اي لون بتلبس
خالد : انا بلبس كندوره بيضه بعد اي لون
روضه: انزين وخليفه قال لي بيلبس بيج هو ومحمد
خالد: جيه محمد رد من السفر
سيف: خبر خيييير محمد من متى فالبلاد ..
خالد: والله توني ادري

وروضه تتسحب تبا تدخل حجرة غيث وسيف عسب تسأل غيث اي لون بيلبسون

سيف: روضوووه ثرني اشوفج .. ما تدخلين قلت لج
روضه: افففففف والله ما بتخسر شي لو عرفت
سيف: لا بخسر وبخسر وايد بعد
خالد: انزين انتي اي لون بتلبسين نحن لازم نسأل
روضه: وليش لازم يعني؟؟
خالد: لانج بنت وفي الوان وايده ..اما نحن الوان محدده
روضه: بلبس لون وردي
سيف: مااال اووووول وردي .. مال يهال
روضه: ما يخصك انا احب هاللون
خالد: هيه اكيد بيطلع حلو عليج
سيف: هيه طبعا بيطلع حلو عليها ويا شعرها هذا تقول بنت اللبنانيه
روضه: افففففففف بدا شغل الغيره هذا.. اخاف عن تصيبني بعين .. قل اعوذ برب الفلق
سيف: ههههههه من زينج الحين

وخالد يظحك على سوالف روضه وسيف.. تستغل روضه الموقف وتدخل الحجره وينتبه سيف
سيف: والله يا روضه ياينج الحين بظربج
خالد: يوز عنها
سيف: ليش كله تدافعون عنها ..بظربها (ويسير حجرتهم وهو ناوي يظرب روضه)

في بيت بو محمد ..

حليله محمد انطرد من الفله .. لان الريم وريسه ين فلة عمهن .. يتكشخن ويا بنات عمهن ..
فلازم ينطرد عسب ياخذن راحتهن البنات ..

ريسه: خليها تسوي لج لون ثاني
مهره: ما ادري والله .. موزه انتي شرايج ؟؟
موزه: خل تخلط لج سماوي ويا بنفسجي فاتح
مريم: مهره .. الحين هي روحها تعرف اي لون بيناسبج
مهره: لا لا .. شرات آخر مره .. لون الفستان صوب والميكب صوب
مريم: والله كيفج
موزه: قلت لج سماوي ويا بنفسجي فاتح
الريم: عيل وينها مطره ؟؟
مريم: في حجرتها
الريم: ما بتسير؟؟
مهره: هيه بكيفها جنه ما تسير
ريسه: ليش؟؟
مريم: هي قالت ما بتسير .. بس امايه هزبتها
ريسه: هههههههههه حليلها مطروه دوم تنهزب بسبة هالاعراس والعزايم
مريم: هالبنيه معقده
الريم: مب معقده بس ما تحب الشي جيه تسويه ؟؟
موزه: صح .. صدقج انتي .. هذيل الا مخبل
مريم: عدااااااااال
موزه: خلني اتصل في عليا اشوفها شوه سوت ؟؟
مريم: انتي كيف تخلين بناتج الوحوش ويا عليا حليلها فالصالون رواحهن
موزه: هي قالت .. بتوديهن
مهره: اي صالون ودتهن ؟؟
موزه: ما ادري .. قالت بتوديهن صالون وحده من ربيعاتها
مريم: الله يعينهاااااااااااااااا الثنائي المرح وياها
موزه: والله روحها .. وبعدين عمتهن .. عاديييييييييييي
مريم: عادي انزين جان ما سهيل اتصل الحين ..

وعقب 5 دقايق اتصل سهيل ..

موزه: مريوم يالساااااااااااااحره .. صدق نحاسه فيج
ريسه: ههههههههههههه حليلج يا موزه
الريم: عادي انزين ويا عمتهن
موزه: الو .. وعليكم السلام

سهيل: شوه الاخبار عندكم ؟
موزه: تمام
سهيل: وين البنات ؟؟
موزه: ويا عليا فالصالون
سهيل: شوه ؟؟ قصدج عليا والعنود ومزنه ومزون فالصالون ؟؟
موزه: هيه هيه
سهيل: مواز .. تعرفين انتي بناتج .. كيف اطرشينهن ويا عليا
موزه: هي قالت ..
سهيل: وانت وياها
موزه: عادي سهييييييييل .. يعني شوه بيسون ..
سهيل: انزين انتي فالبيت وراعيات الصالون يايات .. جيه تطرشينهن صالون غيره بعد ؟
موزه: هي قالت .. موزه انا بودي بناتج اقول لها لا ؟ وبعدين نحن ما شاء الله 6 اشخاص ما بيمديها راعية الصالون تخلصنا
سهيل: انزين خلاص
موزه: فهد وين ؟
سهيل: ويايه ..
موزه: قبل المغرب ييبه هني بيت ابويه .. لان كندورته هني
سهيل: يالله ما تريدين شي؟؟
موزه: لا سلامتك
سهيل: الله يسلمج مع السلامه
موزه: فمان الله ..

في بيت بو مبارك ..

الشباب يالسين فالصاله .. وعاد لمة الشباب حلوه .. سلطان وعبدالله يالسين ويحطون ع محمد اللي حليله انطرد من البيت .. مبارك يالس ويظحك على سوالفهم .. غانم شوي يرمس وشوي يظحك .. منصور كأنه مب يالس .. لا يهش ولا ينش .. بس اذا سمع شي يظحك ظحك والا غيره ما شي .. وحمد يالس مستانس عليهم ..

سلطان: يالله يالله سر سر برع
محمد: استح عويهج
عبدالله: هههههههه صدق قاصات عليك .. والله لو انا منك ما ظهرت من البيت
محمد: شوه نسوي
سلطان: الريم وريسه بعد وياهن ؟؟
محمد: عيل ليش مظهريني اصلا .. خواتك حتى ظهرن خاينات
عبدالله: ما عليه ما عليه .. تعرس وتنسى
محمد: آآآآآآآآآآآآآآميييييييين
سلطان: بععععععد ؟؟ ما يقول لا .. وما ادري شوه
عبدالله :شاف ربيعه تحمس ..

[عذبة الإحساس]

ظهرت ساره من داخل وهي مسويه تسريحتها خالصه ..

حمد: اونه اونه .. شوفوا هني
سلطان: شهالزييييييين شهالزييييييين
محمد: لا لا ما نروم عليج اليوم يا ساره بنت مبارك
ساره ( قفطت): وين حمّود
عبدالله ( وهو يقلدها): وين حمّود .. حمّود عند يدوه
ساره: وين يدّوه
عبدالله ( بعد يقلدها): وين يدّوه .. يدّوه فحجرتها
ساره: اووووووه
مبارك: سااااااره
ساره: انزين شوفه كيف يعلق .. انا من الصبح ساكته
عبدالله: ويه عدال خفت .. زيغتيني
مبارك: سيري يدوه داخل ... ماما بعدها ؟؟
ساره: هيه
سلطان: والله الحريم حاله .. يلس فبيت ابوك ولا تعرس .. احسن بوايد لا مخاسير ولا شي. . صح منصور
منصور: شوه ؟؟
محمد: مب ويانا
غانم: خلصوا من الكل يو ع عمي بعد
سلطان: محد عنده عم غييييييييرك ومحد عنده اخو
محمد: لا تكمل .. ومحد عنده اخو غير مهره
سلطان: سبحان الله .. انا ما قلت .. هو روحه قااااااااااال
منصور: شوه تبون انتوا؟؟
عبدالله: ما نبا شي سلامتك .. حرمتك داخل كاشخه تقولك تعال شوف كشختي
منصور ( اطالعه بنظره): نعم؟؟ !!
غانم:ههههههههههههههههههههه عاد ما لقيت الا عمي منصور .. خلينا العرس حقك وحق عمي سلطان ومايد
سلطان: خلينا العرس .. جيه يوم منصور بيعرس انته وياه ؟
غانم: يمكن شدراك
منصور: هيه ما بعرس .. لين غانم يعرس ..
عبدالله: لو جيه عيل .. تم ياااااااالس .. ما بترياك انا .. بعرس عطووووول
سلطان: والله مخبل .. يبون يعرسون بسرعه ميانين
محمد: شراتك ..


سيف حاول يظرب روضه بس ما قدر لانها مندسه ورى غيث .. وغيث يدافع عنها..
غيث: سيفان انته مب ياهل الحين
سيف: ما يخصني قلت لها ما تدخل الحجره ولا تسألك
روضه: ما استوى شي انزين.. يعني الا هو لون كندوه ياريت لو كان حلو بعد .. بني عاااد وين تبا؟؟
غيث: ياللي ما تستحين وانا اللي من الصبح ادافع عنج خوزي من ورايه يالله
روضه: لااااا بيظربني
غيث: سيف عليك بها .. وايد عطيتها ويه
وينقز سيف يدح روضه على ظهرها.. بس عالخفيف..
روضه. وايد عليك ما يعور
سيف: لا تخليني الحين صدق اظربج.. هذي عن حلفتي .. والا انتي اهف عليج اتطيرين هناك
روضه: انا بسير حجرتي احسن
سيف: فككككه
روضه: انتوا اللي فكه منكم ..

وتسمع روضه صريخ فطيم اختها كانت تزقرها .. وامها يت ..

ام خليفه: رويض نشي يالله بسرعه
Okey :روضه
سيف: سيري ويا كشتخ .. الناس بيسيرون الخيمه وهاي يالسه هني
it’s not your buissnesروضه:
غيث: امايه الغتر وين حطيتيهن ؟؟
ام خليفه: هني يبتها .. فالكبت شوف جان ما هاي الحرمه حطتهن
غيث: ما شي .. تعالي انتي شوفي
ام خليفه: بلى يا غيث فالكبت
غيث: انتي تعالي ..
ام خليفه: لا اله الا الله ..
سيف: جيه تعطينها هي تييبهن
ام خليفه: ما عطيتها .. حطيتهن على الشبريه .. بس هي متعنيه في كل شي
سيف: امايه وين خليفه ؟
ام خليفه: ما ادري عنه ظاهر من الصبح
غيث: هيه منوه قده معرس
روضه: لييييش تغاروووووووون؟؟
سيف: خل خالد يعرس وعقب افراااااااااااج
ام خليفه: انتوا خلصوا الكليه قبل
غيث: انا ما ابا اعرس
سيف: مب بكيفك .. امايه دوري لنا توم .. والا ما بنعرس
ام خليفه: من وين اظهر لكم توم
سيف: كيفج
ام خليفه: انزين .. روييييييييييييض
روضه : بسم الله .. شوه ؟؟
ام خليفه: فطيم ما زقرتج ؟؟ سيري خلصي
Okey I’m going now روضه:

الساعه 9 ..
الناس فالعرس .. ومستانسين .. الوحيد اللي تعبان الدكتور .. مايد ..

مايد كان يالس في مكتبه .. واتصل به محمد ..

مايد: الو .. هلا محمد
محمد: اهلين .. وينك ؟؟
مايد: والله استسمح من خليفه ولد خالتك ما اقدر ايي
محمد: ليييييييييييييييش؟؟
مايد: ورايه شغل وايد فالمستشفى
محمد: حرام عليك .. بيزعل .. بيحط فخاطره
مايد: والله ما اقدر .. اسمحوا لي
محمد :شوه هالحركات .. خليفه يسأل عنك
مايد: محمد.. تدري بشغل المستشفى
محمد: العمر يخلص والشغل ما يخلص
مايد: عاد شوه نسوي الحين ..
محمد: يعني مب ياي
مايد: للأسف لا
محمد: خلاص عيل ..
مايد: قول حق خليفه .. وخل يسمح لييييييييييييييييي صدق مفتشل
محمد: ما عليه .. يالله مع السلامه

صكر مايد عن محمد .. وهو صدق متلوم .. انه ما سار عرس خليفه .. هذا هو شغل المستشفيات .. مب ع كيفك متى تظهر وتدخل .. وبعض الاوقات .. ما تقدر تادي الواجب .. بسبة هالشغله ..

كان آخر يوم تدريب لوجدان وحصه .. ويا مايد .. ومن عقبها .. مايد ما يخصه فيهن .. مثل ما دربهن يسون وبس .. يأدن واجبهن ..

سمع صوت الباب .. ورفع راسه ..

مايد: هلا .. تفضلن
حصه: خلصنا
مايد: ما شاء الله اليوم من وقت
حصه: سهله الشغله
مايد: زين زين .. خلاص عرفتن كيف بتكون طبيعة الشغل هني
حصه: الحمدلله
مايد: و وجدان ؟؟
وجدان: هيه الحمدلله
مايد: خلاص عيل .. برمس الدكتور حمد خل يرمس المسؤول.. وتمسكن الشغل من باجر رواحكن ..
حصه: ليش من باجر .. خلوها عقب اسبوع اسبوعين راحه
مايد: هههه شغل المستشفيات ما فيه راحه
حصه: الله يعينا .. اخاف فالعيد والا المناسبات جذه تسوون فينا
مايد : عادي توقعي اي شي
حصه: صدق ؟؟
مايد: هيه .. صدق ..
حصه: الله يعييناااااااااااااااااااا
مايد: يالله اسمحن لي .. بسير الحين .. عندي شغل
حصه: مسموح ..

ظهر مايد من مكتبه و ظهرن حصه ووجدان .. سايرات المكتب اللي معطينهن هن الثنتين يشتغلن فيه ..

حصه: يالله نطلب عشا
وجدان: طلبي
حصه: يوعااااااااااانه
وجدان: هههههه كل يوم على هالموال حفظناه
حصه: ابا اعرف الدكتور مايد معرس ؟
وجدان ( مستغربه): نعم ؟؟ وانتي شدخلج ؟؟
حصه: بس جذه فضول .. الدكتور حمد لا .. مش معرس .. يقولون خاطب وما ادري شوه .. اما مايد محد يدري
وجدان: لا اكيد في حد يدري .. بس مب لازم تعرفين
حصه: لا لازم اعرف ..
وجدان: استغفر الله .. الله يعين من باجر بتبدئين عيل شغلج
حصه: هيه .. وبستكشف كل المستشفى .. واحوال الدكاتره ..
وجدان: صدق ما عندج سالفه
حصه: انزين انزين .. قولي من وين تبين ؟؟

خلص عرس الرياييل .. خليفه والشياب اللي وياه ساروا .. ما بقى فالساحه غير الشباب .. وهم مرتبشين .. وغيث وسيف صاكييييييييين عالكل .. وما ساروا ويا خليفه .. قالوا ما يبون .. يودرون الربشه اللي هني ويسيرون صوب الحريم ليش؟؟

غيث: محمد يالله عاد
محمد: ما ابا
سيف: عسب خاطر ربيعك
محمد: ههههههههه انزين انتوا كفايه انا بعد ليش؟؟

غيث وسيف يحاولون ويا محمد ينش اييول وياهم .. و هو مب طايع ..

سلطان: قم وفكنا
محمد: يا سلام وانته جيه ما تقوم
سلطان: والله ولد خالتك
محمد: وشوه يعني
غيث: قوموا قوموا
سلطان: سر عند عبدالله من غير عزيمه نش
سيف: هيه عيل .. كشخه جذه
محمد: انا فهود بيول بدالي .. قم فهد
سيف: تعال

نش فهد .. و بحركاته اللي الكل متعود عليها .. ورزيفه الحلو ..

غيث: سلطان يالله دورك
سلطان:جيه بالدور هههههههه
سيف: قم ..
سلطان: انا حمد بينش بدالي
غيث: حمد قم
حمد: لالا .. انا ما يخصني
سلطان: هيه قول ما تعرف وان فهد يعرف احسن منك
حمد: والله ؟!!
سلطان: هيه هيه .. قول .. ان الظبياني غلبك
حمد: انزين بتشوف


ونش حمد بس غياظا حق سلطان .. وهو مب اقل من فهد .. لانه الاثنين يوم ما عندهم شغله فالبيت .. دايما يحطون اي شريط ويتمون يرزفون واييولون فالحجره .. ومحد يدري بهم ..

مبارك: انا برد البيت .. حد بي
غانم: هيه انا
منصور: انا بعد
مبارك: على ما ايي السايق .. غانم سر اسأل حمد
سلطان: خله .. مرتبش الحين .. عقب بيي ويانا ..
منصور: ليش بعد السايق ؟؟ انا هني .. اتصل به لا ايي
غانم: هيه ابويه .. عمي منصور ياي بسيارته
مبارك: خلاص عيل ونحن سايرين السياره بتصل به ..
منصور: يالله ؟؟
مبارك: يالله ..

خلص عرس خليفة .. وخلصت الربشة .. وبدا رمضان .. واللي مب متفيج يداوم في رمضان .. وومتفيج يسهر لين الفير ويا ربعه .. واللي بيهتم في عبادته اكثر .. واللي بيهتم فالمسلسلات اكثر !!!

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)


رمضان شهر الصيام .. رمضان شهر القيام
بــدمــوع وخــشــوع وخــضـــوع احـضنوه
لرضى المولى العـــزيز انتهزوه واستقبلوه

(*•.¸(`•.¸ الجزء الثامن ¸.•)¸.•*)


يوم السبت الصبح .. فالدوام .. استوت الساعه 8 وحمدان توه ياي ..

مانع: جان ما داومت
حمدان: السلام عليكم
مانع: وعليك السلام
حمدان: ما كنت بداوم
مانع: هيه انته ع كيفك متى تداوم ومتى لا
حمدان: ملل ياخي
مانع: وليش ياي هني ؟؟ سر سر مكتبك
حمدان: منّوع قم ويايه يوعان
مانع: نعم نعم ؟؟
حمدان: مب متريق
مانع: والله ؟؟!
حمدان: هيه والله .. نسير نتريق ونرد
مانع: انته ناسي ان نحن في رمضان ؟؟!!
حمدان: اوه نسييييييييييت
مانع: يا سلام عليك
حمدان: ايهيييي نسينا شوه فيها ..
مانع: ما فيها شي
حمدان: والله يوعان
مانع: سر مكتبك وجابل شغلك تنسى اليوع .. وعقب الساعه 10 بنظهر نسير عند طارق
حمدان: يااااااا الله اتريا لين الساعه 10
مانع: ما بتموت
حمدان: شدراك
مانع: استغفر الله .. انته تييب سوالف مب زينه ها
حمدان: ههههههههه نش انزين
مانع: قلت لك .. ما بقوم الا الساعه 10 ..الا اذا خلصت من وقت هذا شي ثاني عاد
حمدان: انزين انزين ..
مانع: يالله سر مكتبك
حمدان: ما عندي شي
مانع: جنك سرت وشفت اذا عندك والا .. على طول اول ما وصلت .. ييت هني
حمدان: ادري ان ما عندي شي
مانع: اباه الشغل يظهر عقب واتم لين العصر هني
حمدان: لا يا حبيبي .. في مليون وحده فالمؤسسه ( وغمز له ) .. سر عندهن عطهن الشغل وقول لها بييب لج رصيد باجر وخلاص
مانع: ههههههه جنك عارف عقدة البنات هني
حمدان: عفانا الله .. دوم ما عندهن رصيد .. اسمعهن يحتشرن
مانع: هيه والله
حمدان: انزين عالساعه 10 تكون مخلص .. لو 9.30 بعد زين
مانع: ان شاء الله عمي
حمدان: بعدني ما استويت عم ههههه
مانع: بتستوي ان شاء الله
حمدان: لا ارجوك كفايه اني خال الوحش اللي عندنا
مانع: هههه منوه تقصد بالوحش ؟؟ بنت اختك ؟
حمدان: هيه ظبوي الوحش
مانع: حليلها والله فنانه
حمدان: فنانه اونه .. ترفع الضغط
مانع: انته ما تعرف تتعامل ويا الصغاريه
حمدان: هاي مب من الصغاااااريه ... انا عادنها من الوحوش مب من الصغاريه
مانع: ههه انزين الله يخليك سر عن ايي الحين المسؤول
حمدان: بااااااااااااي

مطره كانت يالسه فالكلاس تتريا ريسه .. فظهرت المبايل واتصلت فيها ..

مطره: الو وييييينج؟؟
ريسه: الحين يايه
مطره :بسرعه .. لو يشوفون المبايل زين بيسوون بي
ريسه: انزين بندي يالله ..باي

ومرت 3 دقايق ووصلت ريسه ..

مطره: اهلا وسهلا
ريسه: وين مهره ؟
مطره: مهره عندها كلاس الحين
ريسه: اها
مطره: سلمتي البروجكت ؟
ريسه: هيه
مطره: كم تتوقعين تعطيج عليه؟
ريسه: ما ادري بس هي زطيه ..
مطره: الله
ريسه ( مستغربه): شوه الله ؟؟ انها زطيه ؟؟
مطره: لا شوفي هناك

ريسه صدت ورا شافت وحده لابسه عباه عالراس ونقاب وقفاز .. ولا يبين منها ولا شي ..

ريسه: عن تختنق
مطره: حرام عليج .. والله حلو
ريسه: شوه حلو .. صعب .. كيف تقدرين تيلسين فالكلاس طول الوقت جذه
مطره: عادي
ريسه: لا صعب
مطره: صعب حق اللي يقولون صعب
ريسه: انزين انا اقول صعب
مطره: اقولج قومي قومي .. نسير
ريسه: وين؟؟
مطره :اي مكان
ريسه: نسير المكتبه
مطره (تنهدت):انزين سيري
ريسه: وانتي ؟؟
مطره: ما ابا خلاص غيرت رايي .. ثرني برد البيت عقب هالبريك
ريسه: انتي قلتي حق امج ؟؟
مطره: هيه قلت لها الساعه 10 اطرش لي السايق
ريسه: برد وياج
مطره: انزين ..

في بيت بو مبارك ..

خلص الاستاذ وراح .. وظهر غانم من الميلس .. دخل الفله ..

عاشه : خلصت ؟؟
غانم: هيه اليوم بس امتحني
عاشه: شووه سويت فالامتحان ؟
غانم: زين كان
عاشه: افف بهدلتني انته شكثر تصيح ( وهي تقصد محمد ولدها)
غانم:ههههههه فديته
عاشه: حمد وساره معودينه ع الشّل ..
غانم: وين يدوه ؟
عاشه: سارت المطبخ ما ادري شوه تسوي
غانم: انزين بسير اودي اغراضي فوق وبرد
عاشه: انزين يا ربييييييييييي
غانم: اقولج ييبيه ييبيه
عاشه: سر ود اغراضك وتعال
غانم: بشله ويايه وانا ساير
عاشه: واغراضك
غانم:امايه الا هو قلم ازرق وقلم رصاص
عاشه: انزين خذه

شل غانم اخوه وسار فوق حجرته .. وسكت محمد عنده ..

غانم: يالعيااااااااااااااار .. تبغي بس حد يشلك ويدور بك في هالبيت .. زين نييب لك خدامه حقك روحك .. تشلك وتحوطك .. ههههههه حبيبي والله

وسمع صوت الباب

عاشه: سكت؟
غانم: هيه ..
عاشه: حد شالنه ما بيسكت
غانم: خليه هني
عاشه: انته شوه عندك الحين ؟؟
غانم: ما شي
عاشه: بسير اسبحه
غانم: عقب
عاشه: لا لا عقب ساره وحمد بيييون وبيلعوزوني وابوك بيحتشر ويا صياحه
غانم:خلاص وديه ..

ظهرت عاشه .. وتم غانم ملان .. يلس يجلب في كتبه .. مل من المذاكره .. كل يوم يمسك له كتاب ويقرا فيه .. كل اللي عنده خلّصهم .. الصبح البيت يكون هادييييييي .. سار صوب الدريشه .. شاف سيارة محمد داخله .. استغرب .. شوه رادنه من وقت ..

محمد لين شل اغراضه والكتب .. ونزل من السياره شاف غانم ياي صوبه ..

محمد: هلا غانم
غانم: راد من وقت
محمد: هيه .. استأذنت وظهرت
غانم: عسى ما شر
محمد: ههههههه بسير المعرض
غانم( استغرب ): المعررررررض؟؟
محمد: هيه .. بتيي ويايه
غانم:شوه تسوي فالمعرض ؟؟ معرض شوه ؟؟
محمد: بسير اشوف الدراجات اليديده
غانم: الحين انته ماخذ اجاااااازه عسب تسير تشوف الدراجات ؟؟!!
محمد: شفت عاد
غانم: صدق متفيج
محمد: بتييي؟؟
غانم: والله ما ادري
محمد: تعال ..
غانم:ويا منوه بتسير؟؟
محمد:روحي
غانم: متى بتسير؟؟
محمد: الحين بس بسير ابدل .. وبنزل
غانم: انزين .. انا بسير اتلبس وبيي بعد
محمد: خلاص اترياك ..
غانم: انزين

في شركة الاتصالات ..

واحد دمه حار .. وياي وحاشر الدنيا فوق راس سلطان .. وسطان ميت من الظحك عليه!!!!

سلطان: ياخي انزين ظهرت لك رقم حلو انته ما بغيت
........: لا لا شوه هالرقم .. مب حلو
سلطان: والله حلو
.......: ظهر ظهر رقم ثاني
سلطان: الباقي كله منقع
.......: انته دور دور .. منقع اونه ..هيه ادري بكم انتوا .. تاخذون الارقام الحلوه حقكم
سلطان: ههههههه نحن شوه نبغي بالارقام .. ارقامنا حلوه
......: طبعا لازم بتكون حلوه لانكم ماخذين قبل
سلطان: اقول الحبيب تعرف سر المكتب اللي هناك .. بيظهر لك اللي يالس ارقام روعه ..
..........: انزين بسير وبشوف .. بس اذا ما ظهر لي ارقام حلوه .. بجلب اتصالاتكم فوق تحت
سلطان: جنك ما جلبتها للحين
......: نعم شوه قلت ؟؟
سلطان: ما قلت شي .. بس سر سر هناك ارقام احلى بيظهرون لك .. مع السلامه فمان الله عندي شغل .. باي


ونش سلطان بسرعه .. وسار .. وهو يظحك .. في دربه شاف ربيعه زايد ..

زايد: دومك جذه .. حواطه
سلطان: شوه حواطته .. من حلات المكان احوط فيه ههههههه
زايد: يعني وايد يظحك ؟؟
سلطان: اوه تعال .. انا طرشت الريال صوبك .. وانته هني ههههههه
زايد: اي ريال؟؟
سلطان: واحد احتشر عليه ظهرت له رقم حلو اونه مب حلو .. ما ادري ما يسمع عدل .. ما ادري والله .. قلت له خل يسير مكتبك وانته بتظهر له ارقام حلوه
زايد: قم قم .. اللي ايي عندك جيه اطرشه عندي
سلطان: اطرش اللي دمهم حار .. لان اذا لا سمح الله بدا الهجوم يكون عليك مب عليه
زايد: الحين هو في مكتبي؟؟
سلطان: هيه
زايد: قم نسير مكتب بدر
سلطان: ههههههه تشرد ؟؟
زايد: ما بسير المكتب دام دمه حار .. يدور له واحد ثاني ..



حمدان مندمج في شغله عالكمبيوتر .. كل مره يأجل ويأجل لين ما يتراكم عليه الشغل ..
دخلت وحده من الموظفات ..

صالحه : لو سمحت
حمدان: خير ؟
صالحه: هالشغل شغلك وانا مب مسوتنه

ودر حمدان اللي فايده .. وتم يطالعها ..

حمدان: نعم شوه قلتي؟؟
صالحه: هذا شغلك وانا مب مخلصتنه
حمدان: وليش ان شاء الله شغلي؟؟ آسف آسف انتي خلصي الملفات
صالحه: لا والله ؟؟ تيي الصبح متأخر .. ومب متفيج تشتغل .. عيل جيه تداوم
حمدان: اظن مب انتي المدير عسب تسأليني هالاسئله
صالحه: انزين خلاص عيل تتحمل
حمدان: انتي شوه تألفين
صالحه : ما أألف شي بس ما يخصني في هالملفات
حمدان: لييييش شغليييي؟؟
صالحه: لان الموظف ياب لي هالملفات .. وقال المدير يقولج خلصيهن بدل حمدان.. جيه اشتغل عندك انا
حمدان: مدام المدير قالج .. خلاص .. تخلصينهن
صالحه: ما يخصنييييييييي
حمدان: وانا بعد ما يخصني
صالحه: لا والله ؟؟
حمدان: هيه والله
صالحه: انزين بنشوف يا انا يا انته
حمدان: سيري شوفي .. يا انتي يا انا
صالحه: اففففففف


سارت صالحه عند المدير .. ورمسته .. والمدير زقر حمدان ..

حمدان: نعم ..
المدير: حمدان هاي ملفاتك .. ولازم تخلصها
حمدان: الله يخليك اخويه احمد ورايه شغل وايد
المدير: الا هي 3 ملفات اللي عندك وبتخلصهن .. والدوام باجي عليه ساعه ونص .. بتخلص هالملفات ان شاء الله
حمدان ( بعد يعرف كم ملف عندي ): انزين الـ 3 ملفات يبالهن وايد
المدير: لا ما يبالهن .. يالله خذ هالملفات .. وسر مكتبك .. عسب تلحق تخلص
حمدان: ما في حد ياخذهن ..
المدير: لا .. وهيه صح نسيت اقولك .. ابغيك انته تخلصهن مب تعطي حد ثاني
حمدان ( حاس ثمه): ان شاء الله

وظهر من مكتبه وسار عطول عند مكتب صالحه .. تساند عالباب ..

حمدان: ارتحتي ؟
صالحه: وايد
حمدان: شكلج فاضيه .. وما عندج شي خلصيهن
صالحه: صح فاضيه .. وما عندي شي .. بس ما بخصلهن
حمدان: جيه ؟؟
صالحه: كيفي
حمدان: انزين خلصيهن
صالحه: مب انته المدير عسب اسمع رمستك .. وبعدين انته خلصهن ملفاتك
حمدان: انا جدامي 3 ملفات ..
صالحه: خل عليهن ملفين زياده
حمدان: يعني ما بتاخذين هالملفين ؟؟
صالحه ( وقفت): لا ما باخذ .. واسمح لي الحين برد البيت ..

وشلت صالحه شنطتها .. وظهرت .. وتم حمدان يطالعها منقهر من حركتها .. ومنقهر من اسلوبها وياه ..

محمد كان يالس فالصاله .. ومهره يالسه وياه ومندمجه فالقيم بوي !!!!!!

محمد: استحي ع ويهج
مهره: شوووووه؟؟
محمد: هههههه ياهل والله
مهره :انزين انا ياهل ..
محمد: تظحكين ههههه
مهره: حمّووووووود
محمد: انزين انزين خلاص .. وينها مريم عنج ؟؟
مهره: في حجرتها
محمد: ومطره ؟
مهره: مطره هالزلمه في حجرتها بعد
محمد: لا تقولين عن اختي زلمه
مهره ( اطالعته من طرف عينها): نعم نعم ؟؟ اشوفك قمت تدافع عنها
محمد:مب اختيه ؟؟
مهره: يا سلااااااام وانا
محمد: انتي بعد اختيه .. بس هي ما غلطت عليج انتي غلطتي
مهره: بععععد ؟؟ انزين انزين .. ما عليه
محمد: خيبه .. زعلت .. وانا شوه قلت الحين
مهره: ما قلت شي .. بس لو سمحت لا ترمسني
محمد: مهارييييييييييييييييييي من صدقج
مهره :لا من جذبي .. هيه ارمس جد
محمد: ط هاي والله

وما عبرته مهره ... وهو انتبه ان في سياره دخلت حوشهم ..

محمد: منوه ياي الحين ؟؟

صدت مهره تشوف سيارة منوه ؟؟

مهره: اويييييييه
محمد:بلاج ؟
مهره: هاي روضووووه بنت خالوه .. فضيحه
محمد: شوه فضيحته ؟؟
مهره: قالت لي بتيي اليوم .. وانا يالسه للحين بكشتيه ..
محمد: ههههههههه لا عادي مب كشه شعرج زين
مهره: ولابسه بجامه
محمد: ههههه عادي انزييييين
مهره: قم قم .. بسير ابدل

ونشت من مكانها .. ومسكها محمد من ايدها

مهره: محمد والله تودر
محمد: اول شي قولي زعلانه
مهره :ودرنييييييي
محمد: قولي ما بخليج تسيرين .. ولو ما قلتي .. وروضه بتدخل وبتشوفج جذه
مهره: وغاااااااده
محمد: متعلمنها منج
مهره: ودر ايدي
محمد: ما بودر الا يوم بتقولين مب زعلانه
مهره: مب زعلااااااااااااااااانه خلاص ودر ..

ومن ودرها محمد ركظت فوق .. وتم يظحك عليها ..

دخلت روضه .. وعقت غشوتها ..

روضه: السلام عليكم
محمد: هلا وعليكم السلاااااااااام والرحمه
روضه: وي وي حر حر حر .. فتحوا المكيفات
محمد: هههههه فاتحين المكيفات بس انتي شكلج وايد حرانه
how are U روضه: اوه محمد
محمد ( وكأنه يدور على شي ثاني وما رد على روضه)
روضه: محمممممممد
محمد: شوه نعم ؟؟
روضه: تدور على شي ؟؟
محمد: انتي يايه روحج ؟؟
روضه: هيه يعني منوه تبغيني اييب ويايه ؟؟ .. قلت لك اشحالك
محمد:انا بخير . .انتي شحالج ؟؟
I’m Ok . I didn’t see U for a long timeروضه:
محمد: تصدقين انا بعد ( ويقول فخاطره :: انتي عادي ما اشوفج .. بس وينها اختج السخيفه جيه ما يت ) .. اقولج لا ترمسين انجليزي
Why ?روضه:
محمد: بس
U R like my bro saif روضه: اووه محمد
محمد: انا مثل سيييييف؟؟ الحمدلله والشكر صدق انج اخت سيف عيل ..
روضه: اوكي اوكي وين البنات ؟؟
محمد: فوق كل وحده في حجرتها
روضه: سر ازقرهن
محمد: نعم ؟؟
روضه: سر ازقرهن ..
محمد: ان شاء الله عموه رويض
روضه: ههههههه حلوه منك
محمد: تآمريني بشي ثاني ؟؟
No thanx روضه:

روضه تمت يالسه روحها فالصاله .. ونزلت لها مطره ..

مطره: هلا وغلا ..
روضه: اهلييييين
مطره: شحالج شخبارج ؟؟ عاش من شافج
روضه: عاشت ايامج ..
مطره: وينج ما تبينين
روضه: والله موجوده بس انتن خاينات من عقب العرس ما اتصلتن
مطره: هههههه والله مشغولين ودراسه وحاله
روضه: عاد انتي لا ترمسين عن الدراسه
مطره: ليش آنسه روضه .. ثرج شراتي
صح اني اذاكر بس مب بهالطريقه الفظيعه اللي انتي تذاكرين فيها No no noروضه :
مطره: شوه قصدج ؟؟
.. وين خواتج ؟؟Nothingروضه:
مطره: هذي مهره يت ..

مهره: مرحبا بروييييض .. تو ما نور البيت
روضه: مرحبتين .. وينج انتي
مهره: هني موجوده .. الا وينها فطيم ما يت وياج ؟
روضه: لا فطيم ما يت
مطره: جيه ما يت ؟
روضه: فالبيت .. يالسه ويا حمده حرمت خليفه اخويه
مهره: صح حمده شحالها ؟
روضه: بخير الحمدلله
مهره: تعالي انتي من متى مركبه تقويييييييم؟؟
روضه: حلو ؟؟ ( وهي شاقه ثمها)
مهره: مستانسه على عمرج ؟
روضه: لا تقولين شكلي بايخ
مطره: ههههههه لا مب بايخ عادي .. مركبه سماوي بعد
روضه: خالد قالي
مهره: اونه خالد بعد ظهر له حس
روضه: ايييه شوه تتحسبين اخويه ..
مهره: ولا شي ولا شي


مريم واقفه فوق .. وتسمع صوت بس ما تدري منوه .. فكانت تشوف من فوق منوه ؟؟ وياها محمد شوي شوي ودزها عالخفيف .. بغت اطيح مسكها ..

محمد: ههههههههه
مريم: محممممممد ما يظحك .. بغيت تطيحني
محمد: والله آسف .. شدراني جنج ريشه
مريم: الحين لو كنت متشوهه
محمد: عادي ثرج للحين عندنا .. يعني ما بنبلي عيال الناس بج
مريم: انزين ما عليه .. الله يسامحك .. لو كانت مهره
محمد: لاااا كله ولا مهره
مريم: هيه طبعا مهره ما ترضى عليها
محمد: طبعا
مريم: يزاك الله خير
محمد:ههههه واقفه شوه تسوين هني؟
مريم: اشوف منوه تحت
محمد: وما تدرين ان عيب تسمعين الناس شوه يقولون
مريم: اي ناس الله يخليك .. الا مهره ومطره وما ادري منوه ... ابا اعررررررف
محمد: روضه بنت خالتيه تحت
مريم: رويض ؟؟ ما غيرها .. بنت اللبنانيه
محمد: هيه
مريم: هههههه الحين مطيحه انجليزي وياهن
محمد: هيه والله هالبنيه لسانها مفتر
مريم: غلطة عمرها خالتيه اعتقد انها يوم دخلت روضه مدرسه خاصه
محمد: انا بعد حاس جذه ..
مريم: بتصل فالريم وريسه اييون .. وتكتمل الشله
محمد: ما بتكتمل
مريم: ليش؟؟
محمد ( وهو نازل): لان فطيم مب وياها
مريم: عادي شوه يعني .. روضه بس حشره ويانا فطيم خلها هاي راقده
محمد: لو سمحتي
مريم: شوه لو سمحتي ؟؟ والله فطيم .. مب ربشه
محمد: انزين انزين.. بسج رمسه هالكثر .. ونزلي يالله
مريم: انزين بسير اتصل فالريييييييييييم

في بيت بو خليفه ..

حمده وفطيم يالسات فالصاله ويا غيث وسيف اللي يسولفون وهن يظحكن على سوالفهن..

حمده: ههههه وعقب ؟؟ شوه سوت ؟
سيف: ما سوت شي .. شوه بتسوي يعني
فطيم: انتوا مجرميييييين
سيف: شوه مجرمين .. تستاهل محد يدانيها هالمس
حمده: الله يعينها
غيث: وين رويض؟
فطيم:سارت بيت خالتييييييييه
سيف: قولي والله
فطيم: والله
سيف: ط الخااااااااااينه
غيث: قامت تظهر من ورانا
فطيم: شوه قامت تظهر من وراكم .. جيه انتوا منوه؟؟
غيث: يا سلام ؟؟
سيف: اخوانها الكبار
فطيم: والله هي قايله حق ابويه وخالد .. وخلاص
غيث: ونحن ؟؟
فطيم: انتوا مب مهم عندها .. انتوا تعرفون انها يوم تبغي شي والا تظهر مكان .. تستأذن من خالد وابويه بس .. حتى خليفه ما تقوله

وخليفه ياي من فوق ..

خليفه: سمعت اسمي
سيف: هيه تعااااااااااااال
حمده: حرام عليك .. سييف ( وهي تدري بخليفه بيعصب لو قالوا له)
سيف: خل تتادب
خليفه: شوه ؟؟ منوه تتأدب
غيث: لا لا تقول
سيف: بقوله
فطيم: والله كيفكم
خليفه: شوه السالفه ؟؟
سيف: روووووضه ...
خليفه: بلاها؟؟ صدق ما اشوفها هني
سيف: سايره بيت خالتيه
غيث: سخيف .. قلنا لك اسكت
خليفه: ويا منوه سايره ؟؟
فطيم: ويا الساااااايق

وخليفه رن مبايله .. فظهر برع ..

[عذبة الإحساس]

حمده: سيييييف
سيف: نعم ؟؟
حمده: حرام عليك جيه تخبر ..
سيف: عادي عادي جنه عاد روضه يهمها
غيث: ما تدري به خليفه بعد اذا عصب
سيف: احسن خل يعصب عليها .. جيه تظهر وما تخبر
فطيم: انته مسوي عمرك واااااايد عوووود
سيف: نعم نعم ؟؟ آنسه فطيم .. عيل انا شوه ؟
فطيم: لو سمحت .. انا اختك العوده .. يعني يوم بستأذن بستأذن من ابويه واخواني الكبار .. وبس
سيف: عاااااشووووو تعالوا اسمعوا خواتي تعالوا
غيث: انته الصراحه .. ما ادري شقول عنك
سيف: ابغي مره ثانيه رويض تظهر وما تخبر .. زين بسوي فيها

خليفه: يقولون رويض عندكم
محمد: هيه .. ليش؟؟
خليفه: السخيفه .. ظاهره ما خبرتني
محمد: اووووووونه هههههههههههه
خليفه: على شوه تظحك ؟؟ قلت شي يظحك انا ؟؟
محمد: لا ابد
خليفه: قم قم الشرهه مب عليك .. عليه انا اللي معطنك ويه
محمد:ههههه خليييييييييفه
خليفه: خير؟
محمد: بلاك يا ريال
خليفه: ما فيني شي
محمد: ههههه والله انزين انته تظحكني
خليفه: شوه اقولك اختيه ظاهره وما خبرتني .. وانته تظحك
محمد: ظاهره يعني وين سايره .. الا بيت خالتها
خليفه: انزين وانا شوه هني ؟؟
محمد:اكيد خبرت ابوك ..
خليفه: انزين ما علينا من رويض .. برويها بس خل ترد
محمد:حرام عليك
خليفه: قول وينك انته الحين ؟؟
محمد: والله فالسياره
خليفه: وين ساير؟
محمد: احوط .. بس جذه .. ساير اشتري غرض حق مهره اختيه وبرد البيت
خليفه: عيل مر عليه
محمد:وين تبا تسير؟؟
خليفه: ملان من البيت
محمد: واااااااو المعرس مل من العروس في اول شهر
خليفه: فعييييييينك .. حد يمل من هالغزال اللي عنده
محمد: يا عيني يا عيني
خليفه: انزين بنشوفك يوم بتعرس

محمد فخاطره ( الله يسمع منك يا خليييييييييييفه .. قول آمين .. والله ما اهدها يوم واحد روحها .. )

حمدان كان نازل من فوق .. ومثل كل مره مسبح بالعطر .. ويغني .. وظبيه واقفه عالدري ..

ظبيه: خالي حمدانيييييييييييييي
حمدان: اففففف .. نعم ؟؟
ظبيه: وين بتسير؟
حمدان: ظبّوي حبيبتيه
ظبيه: هلا
حمدان: ممكن تجلبين ويهج وتسيرين عند امج تذاكرين
ظبيه: خالي حمداني جيه كله تقفطني كله تقفطني
حمدان: ايهيييييي علينا ..
ظبيه: يعني انته بتسير اسألك وين بتسير
حمدان: ما يخصج انزين
ظبيه: خلاص انزين ..

وركظت ظبيه سارت حجرتها .. وعرف حمدان انها زعلت بس ظهر من البيت وسار صوب سيارته .. ركب السياره وشغلها ..

حمدان: يااااااا هالظبيه .. زعلت .. اسير ما اسير اسير ما اسير .. قلبي عورني عليها .. بنرد بنراضيها ما فينا اتم مبرطمه لين نص الليل وترقد وهي زعلانه وتسير المدرسه وهي زعلانه .. والا تخبر عليه احمد بعد .. هاي عادي عندها ما تستحي .. بسير لها وامري لله ..

نزل ودخل الصاله .. امه كانت يالسه ..

حمدان: مرحباااااااااااااااا
ام احمد : توك راد؟؟
حمدان: وين توني راد يالغاليه .. توني ظاهر قولي
ام احمد: ولين الساعه كم ان شاء الله بتم برع
حمدان: اماااااايه الله يخليج لي .. يعني شوه يناسبج 11 زين ؟؟ والا 10 اوكييييك
ام احمد: تطنز ؟
حمدان: يعني يا حبيييبتيييييه .. هذا سؤال تسألينه ولدج حمداني ..
ام احمد: هيه وانته الصاج هذا سؤال اسئله واحد ما عنده غير الهياته فالشوارع .. سر سر الله يحفظك
حمدان: فديييييييتج .. زعلت عيوزتيه .. لا لا ما نروم على زعلج انتي الثانيه
ام احمد: ومنوه الاولى ؟
حمدان: ظبّوي
ام احمد: جيه فديتك تزعلها .. والله البنيه فقيره وما عندها غيرنا
حمدان: عرفنا والله عرفنا يا اميييييه .. بس هي ساعات تقهر ..
ام احمد:هي ياهل
حمدان: ساير اراضيهاااا ساير ..
ام احمد: سر سر شوفها
حمدان: ان شااااء الله .. من عيوني .. تآمريني ع شي ثاني ؟؟
ام احمد: لا سلامتك .. بس قم سر شوف البنيه ..
حمدان: ان شااااااء الله .. بسير الحين
ام احمد: الله يهديك حد يظهر في رمضان
حمدان: هيه .. حمدان يظهر في رمضان ..

صعد حمدان فوق قبل ما امه تحط عليه زيادة .. وهو صاعد يتحرطم .. وسار لين حجرة ظبيه .. فتح الباب .. وشافها حاطه راسها عالطاوله وتصيح ..

حمدان ( هذا وقته تصيحين .. وايد دلوعه .. الحين انا شوه قلت لج برطمتي عليه ؟؟ )

حمدان: ظبّوووووي

وهي ما ترد عليه ..

حمدان: ظبيه قومي
ظبيه: ما ابا
حمدان: انا الحين شوه قلت لج ؟؟
ظبيه: ما قلت شي
حمدان: عيل جيه تصيحين ؟
ظبيه: ما فيني شي ...
حمدان ( فصخ نظارته الشمسيه ويلس حذالها): ظبيه قومي بس خلاص
ظبيه: قم قم عني .. عقب يوم تخيس كندورتك بعد بتحرج عليه
حمدان ( وكاتم ظحكته): قالوا لج قحط ما عندي كنادير ثانيه
ظبيه: ما ادري
حمدان: ظبييييه
ظبيه: شوه ؟
حمدان: قومي عاد .. بس خلاص لا تصيحين
ظبيه: انته شوه تبا مني ؟؟ مب كنت بتطلع سرسر .. منّوع ربيعك يترياك .. عقب تتاخر عليه .. وتقوله بنت اختيه الوحش أخرتني .. قم سيييير

حمدان ( ما شاء الله حافظه الرمسه بالحرف الواحد .. بس صدق كاسره خاطريه تصيح وتتحرطم .. ) ورن مبايله .. وكان المتصل مانع

حمدان: وينك انته ؟؟
مانع: بعدني فالبيت انته وين ؟؟
حمدان: انا بعد
مانع: ما ظني بقدر اظهر اليوم
حمدان: ليش؟
مانع: يقولك .. في هنتين يالسات ع جبدي اليوم .. يقولن ما بيخلوني اظهر
حمدان: منوه ؟
مانع: بنات اخويه
حمدان: اي اخو ؟
مانع: سالم ..
حمدان: الحين هن عندك ؟؟
مانع: هيه .. انتي ايه ايه .. هدي هذا
حمدان: ههههههه اكيد مبهدلينك
مانع: مبهدليني وبس .. الا قول مذله ..
حمدان: والحين ؟
مانع: ما ادري
حمدان: انا بعد شراتك
مانع: شوه فيك ؟؟
حمدان: ظبيه بنت اختيه .. تصيح اونها وزعلانه وما ادري شوه ..

ظبيه: هيه قلت لك سر .. انته ما طعت .. والحين تحط عليه ( وترد تصيح)

مانع: هاي اللي عندك تصيييييح
حمدان: ههههههه هيه
مانع: حرام عليك
حمدان: هي روحها صاحت انا ما سويت لها شي
مانع: اييك شور
حمدان:شوه ؟
مانع: نظهرهن اليوم
حمدان: نعم نعم ؟؟
مانع: هيه والله .. هذيل ما بيخلوني اقولك انا .. والصراحه بنت اختك والله حرام تصيح ..
حمدان: هي مب عسب تبا تظهر
مانع:انزين ما عليه .. بتسكت
حمدان: ماااااانع .. انا اظهر اليهال .. هاي مصيبه
مانع: ههههههه .. ما عليه شوه نسوي .. حرام والله
حمدان: يعني جيه تقول
مانع:هيه
حمدان: انزين بقول حق امها ..
مانع: يالله يوم بتخلص مر عليه نسير بسياره وحده ..
حمدان: خلاص عيل .. باي

حمدان: يالله قومي .. بنسير
ظبيه: ما ابا
حمدان: ظبيه قومي عاد عن الدلع ..
ظبيه: ما ابا انزييين
حمدان: مانع بيودي بنات اخوه
ظبيه: وين ؟
حمدان: ما ادري .. بس قومي بتستانسين وياهن
ظبيه: بنات اخوه كباااار والا يهال صغار
حمدان: عداااااااال يالعيوز انتي .. كبرج كبرج
ظبيه: شوه اساميهن ؟
حمدان: ما اعرف يوم بنسير بتعرفين
ظبيه: امايه ما بتخليني لان باجر مدرسه
حمدان :انا بسير ارمسها .. وانتي نشي سيري غسلي ويهج وبدلي ثيابج ( ونش حمدان بيظهر من الحجره)
ظبيه: خالي حمدانيييي
حمدان: هلا
ظبيه: احبك
حمدان ( تم يطالع فوق .. وعقب ابتسم): ظبّوي حبيبتيه لو سمحتي لا تسوين ويايه هالحركات .. ( وغمز لها .. ولبس نظارته وظهر برع)

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

بنـشوة الـعبـادة وعـزة الشهادة
نخط فيها احرفا عنوانها السعادة

(*•.¸(`•.¸ الجزء التاسع ¸.•)¸.•*)



البنات كلهن يالسات في صالة بيت بو محمد ..

دخل عليهن واااااحد وكان يبا يزيغهن ..

سلطان: واهاهاهاها
مريم: هاهاها ما تخوف .. شفناك وانته ياي
سلطان: محد رمسج انتي
مريم: انته رمستنا ونحن ردينا
سلطان: حاطينج محامي دفاع عنهن
مريم: هيه .. تغاااااااار
سلطان: من شوه اغار ؟؟
مريم: والله حاله
سلطان: هيه والله حاله .. آل مهره

ومهره تنقع من الظحك ..

سلطان: بلاج ؟
ريسه: يعني لو سمحت
سلطان: بلاج انتي الثانيه

سلطان كان واقف وعاطي ظهره حق روضه .. اللي كانت قافطه من وين دخل هذا ؟؟!! ولا معبرنها ولا جنه هي يالسه .. بس شكله الريال مب منتبه !!! وريسه كانت تطالع وراه وتأشر ..

ريسه: يعني افهمها ياخي
سلطان : شوه وين الدريول ؟؟ والا محمد ؟؟ وين تبا تسير هاي ؟

وهو يتحسب ان مطره هي اللي لابسه عباتها وشيلتها ويالسه فالصاله .. تبا تسير مكان .. وصد صوبها ..

سلطان : وين تبـ

قفط سلطان من الخاطر .. وتغير ويهه ..

سلطان: آسف

وظهر على طول من الصاله .. ومريم وريسه ينقعن عليه من الظحك .. ومهره وياهن ..

مطره: ههه حرام عليكن
الريم: لا تظحكن على اخووووويه
مهره: ههههههه يعني صدق صدق يباله نظاره
مريم: الا قولي تلسكوب عسب يشوف
ريسه: واااااي بطني .. ههههههههه شكله يظحك
مطره: ايه سكتن البنيه قفطت بعد
مريم: رويض قفطتي
روضه: منوه هذا؟
ريسه: اخويه
روضه: ما يشوف ؟؟
مريم: هههههههههههههه لا
الريم: كان يتحسبج مطاري
مهره: وين مطره ووين روضه
الريم: ما انتبه
مريم: هو اعتقد انصدم يوم شاف وحده لبنانيه يالسه
روضه ( اطالعتها بنظره): شوه قصدج
مريم: هههههه ولا شي ولا شي
الريم: شكله مايد وصل
مهره: سيري سأليه بسرعه
الريم: الحين بسير ..

في فلة بو مبارك ..

مايد منهد حيله خلاص تعب اليوم .. عمليتين ورا بعض .. استأذن عقبها ورجع البيت ..
سمع صوت الباب ..

مايد فتح عينه وشاف منوه اللي دخل .. ورد بندها ..

مايد: هلا الريم
الريم: شحالك ؟؟
مايد: تعباااااااااااااااااان
الريم: سلامات .. من شوه ؟؟
مايد: الله يسلمج .. ما شي بس اليوم كانت عندي عمليتين ورا بعض
الريم: الله يهديك ما في يعني دكتور ثاني فالمستشفى غيرك
مايد: هذا شغلي .. وبعدين .. تتحسبين الدكاتره الباقين ييلسون جذه .. يمكن في اللي منهم يسوون 4 و 5 عمليات هم شوه يقولون عيل ؟
الريم: والله ما ادري بشغلكم ...
مايد: احسن يوم ما تدرين لو انا منكن جان فرحت .. والله لا شغل ولا عوار راس
الريم: انزين عيل خلونا نشتغل عقب
مايد: نعم نعم .. شوه قلتي
الريم: مب انتوا تتمنون تكونون مكانا نحن بعد نتمنى
مايد: نحن ما نتمنى !!
الريم: توك قلت
مايد: متى ؟؟
الريم: توك تقول لو انا منكن جان فرحت وما ادري شوه
مايد: آآآآآه منكن يالبنات .. ما ينسن شي ولا يطوفن
الريم: هيه عيل ...
مايد: والله الريم فديتج .. بس تسوين خير وانتي طالعه تبندين الليت والباب .. وتقولين حق ساروه الحشره تسكت ..
الريم: انزين .. ان شاء الله ..

ظهرت الريم من الحجرة وشافت سارة تركظ جدامها مسكتها ..

الريم: وين وين وين ؟؟
ساره: بسير عند بابا
الريم: شوه هالحشره كلها ؟؟ سيري عند ابوج بس من غير صوت
ساره: يعني كيف من غير صوت؟؟
الريم: يعني لا ترمسين ولا تركظين
ساره: ليش؟
الريم: عمي مايد تعبان ويبا يرقد
ساره: انزين بسير عند حمّود
الريم: انتي من وين يايه ؟؟
ساره: من عند غانم وحمد
الريم: خلاص يالله سيري
ساره: اوكييييييييييي

وركظت ساره مره ثانيه .. وتمت الريم تطالعها .. ولا جنه توني مرمستنها !!!

عقب صلاة العشا ..

غانم : يالله بسرعه منوه بيي ؟؟
الريم: انته منوه بيي وياك
غانم: للحين بس مطره
ريسه: مطروه بتيي ؟؟
غانم:شي اكيد عيل شراتكن
ريسه: شوه تقصد ؟؟ بعدين انته واخوك كم مره اذكركم ان نحن عماتكن
غانم: هههههه انزين خلاص عموه ريسه .. بتيين ؟؟
ريسه: بفكر
غانم: فكري يوم بتخلصين خل سايق اليران اييبج انزين
ريسه: جيه عاد ؟؟
غانم: الخيمة زحمه وايد ..
ريسه: هييييييييه انتوا الحين بتسيرون خيمة الطوار ؟؟
غانم: هيه
ريسه: خيمة المحاظرات ؟؟
غانم: هيه عيل خيمة شوه .؟؟
ريسه: الله عيل بيي انا .. اليوم منوه ؟؟
غانم: الجبير يقولج اليوم آخر يوم ..
ريسه: قول والله
غانم:تو الناس .. نحن من بداية رمضان نسير ... توكن نشيتن من الرقاد
ريسه: هيه ادري .. بس يعني
غانم: شوه يعني ؟؟ مطره كانت تيي ويايه كل يوم
ريسه: غنّوم والله لو كنت اكبر من مطاري جان الحين لقت عليها
الريم: شوه شوه ؟؟ شوه بعد لقت عليها انتي ايه رمسي عربي
ريسه: اقصد يعني جان خذها .. يليقون ع بعض

احمر ويه غانم واصفر واخضر .. اشارات مرور استوى ؟...

غانم: بلا رمسة زايدة .. بتيييين .. حياج الله ما بتيييييين نحن سايرين
ريسه: انته ومنوه سايرين ؟؟
غانم ( عرف قصدها): مع السلامه

ريسه تمت تظحك ..

الريم: حرام عليج
ريسه: هههههههه
الريم: الحين شوه يظحك
ريسه: والله انا ما قلت شي .. يليق عليها وبس .. لو اصغر منها بسنة بعد اوكي .. كنت بمهد لهم الطريج
الريم: انتي فاضيه
ريسه: اويه ساروااااا؟؟
الريم :لا والله ؟؟
ريسه: ابا اسير وياهم والله
الريم: بيسيرون الحين .. اكيد يتريا مطاري تظهر وبيسيرون

ومسكت ريسه التيلفون واتصلت في غانم ..

غانم: هلا
ريسه: سرتوا ؟؟
غانم: لا نتريا مطره الحين بتيي .. وهذي يايه
ريسه: اتريوني
غانم:لا والله
ريسه: هيه والله... الله يخليك بييييي
غانم:نحن متأخرين
ريسه: دقيقه
غانم: خل سايق ابويه اييبج
ريسه: تدري بغلاسة ابوك انته بعد .. ما بيخليني اسير ويا السايق روحي
غانم:شي اكيد
ريسه: ومحد بيطيع ايي ويايه .. والخدامة مشغوله الحين
غانم: محد قالج تيلسين من الصبح وترمسين عالفاضي
ريسه: انزين آسفه .. يالله عااااااد
غانم: بسرعه .. 5 دقايق ما ييتي نحن بنسير عنج
ريسه: ان شاء الله بس بلبس عباتي .. وشيلتي وبييييييييييييي... باي

ركبت مطره ..

مطره: السلام عليكم
غانم: وعليج السلام والرحمة
مطره اخرتكم صح اسمح لي
غانم: لا والله مب انتي اللي اخرتينا .. عموه ريسه هالمره اللي بتأخرنا
مطره: وينها ؟؟
غانم: بتيي اليوم .. وسارت تلبس عباتها وشيلتها
مطره: هههه يالله زين
غانم: اسمي متوله عالجبيييييير
مطره: هيه والله حلوه محاظراته كشخه
غانم: حلوه قصصه
مطره: بس هو ما شاء الله خلص كل المحاظرات قبل رمضان ..
غانم: هيه وايد حاظر .. في ارجاء الامارات كلها ههههههههه

ويت ريسه ..

ريسه: ها تأخرت
غانم: الحين تأخرتي والا ما تأخرتي .. المهم ييتيي .. يالله أمير حرك
ريسه: شحالج مطروه
مطره: حياج الله .. اوه ما نروم عليج بتيين اليوم الخيمة
ريسه: انا ديكور الخيمة عايبني .. ديكور عرس
مطره: ههههههههه اسمييييييج والله ما عندج سالفة
ريسه: والله صدق .. بييب هالخيمة يوم عرسي ..
غانم: يوم اقول انج فاضيه .. ما تصدقين
ريسه: اوووووه غنّوم عاد ذليتني انته اليوم ما ادري شوه ياينك عليه بس لاني قلت

رد غانم ورا واطالعها بنظرة .. ذكرتها هالنظرة بنظرة منصور اللي تجتل الواحد ... يخليه صدق يرتجف ..

ريسه: خلاص بسكت
غانم: هيه جيه زين ..

ورن مبايله وكان عمه منصور وتم يسولف وياه ..

فالمستشفى .. مايد اسمي منقهر .. كان خاطره يسير محاظرة الجبير .. بس للأسف .. تعيبه محاظراته وخاصة انه دكتور قلب .. فيقول اشيا غريبه سبحان الله ..

يالس في مكتبه ملان .. ما عنده شي .. دخل عليه حمد ..

حمد: مرحبا
مايد ( من دون نفس): هلا
حمد: شحالك
مايد: بخير
حمد:بلاك ؟؟
مايد: ملان
حمد:خلاص ملان نسير الكافتيريا
مايد: انته بقولك من زين الكافتيريا كل ما قلت لك ملان قلت لي الكافتيريا
حمد: شسوي في مكان ثاني احلى من الكافتيريا .. انزين تعال بوديك غرفة العمليات شكلك ما ترتاح الا هناك
مايد: متفيييييييج وايد
حمد:بلاك يا ريال اليوم
مايد: فخاطريه اسير محاظرة الجبير اليوم
حمد:اونه قول والله اليوم ؟؟
مايد: هيه
حمد: جيه ما خبرتني
مايد: ويعني شوه بتسوي .. دوامك ؟؟
حمد: طنش تعش متى المحاظره ؟؟
مايد: عقب نص ساعه
حمد:احلف
مايد: والله
حمد: فـ وين المحاظره ؟؟
مايد: فالطوار
حمد: بناخذ ساعه والا ساعه الا ربع .. لان الشوارع زحمه الحين
مايد (فاتح عيونه ): شوه قصدك ؟؟ بتسير ؟؟
حمد:عيل ما بسير
مايد: ودوامك ؟؟
حمد: لحظه تبا تيي والا ؟؟
مايد: ياريت ..
حمد: خلاص عيل .. سر اركب موترك
مايد: انته مينون
حمد: هيه مينون محاظرات ومحاظرين مش مينون عمليات
مايد: هههههه وياويهك
حمد:نش والله
مايد: مب متفيج
حمد: شوف انا بسير اخلص الشغل .. وانته سر اركب موتري و بنسير المحاظرة ..
مايد: و موتري
حمد: اممممم عيل انزين .. سر اركب موترك وبنسير المحاظرة رباعه وموتري .. بقص ع احمد اخويه ايي يشلها ..
مايد: ههههه حرام عليك
حمد: عادي والله .. هو يحوط ويا ربعه .. بقوله يمر هني ويا واحد منهم ويشل موتري
مايد: بيرضى ؟؟
حمد: مب بكيفه .. يالله سر
مايد: بسير ان شاء الله عمي حمد
حمد: هيه جيه اباك

فالخيمة ..

ظلااااااام وحررررر .. الناس يظهرون من الخيمة ويشوفون بنور الموبايل .. ومطره حاطه ع ريسه انها هي السبب .. من نحاستها اليوم يت وجيه استوى .. بس طبعا تتغشمر ..

ريسه: والله صدق اني نحسه
مطره: هههههه شفتي عاد .. يوم انتي ييتي الكهربا بندت
ريسه: حليلي
مطره: عادي شوه ورانا
ريسه: نرد البيت حر
مطره: وين حر .. حلو الجو
ريسه: اونه حلو فعييييينج بايخ
مطره: هههههه والله عادي
ريسه: اتصلي في غانم قولي له
مطره: وانتي جيه ما تتصلين ..
ريسه: مب متفيجه اذا اتصلت بعصب عليه .. لاني صدق حرانه
مطره: هههههه بتصل فيه بسأله عن الاوضاع اما انج تردين الحين مستحيل .. انا ما يايه هني عسب ارد البيت
ريسه: انزين يمكن خلاص ما بيحاظر
مطره: لا بيحاظر ... ألو هلا غانم

غانم: اهلين ..
مطره: شوه السالفه ؟؟
غانم: ما ادري والله ..
مطره: انزين والجبير الحين وينه ؟؟
غانم: يالس هني
مطره: يحاظر ؟؟
غانم: هيه
مطره: احلللللللف
غانم :هههه لا لا ما يحاظر .. جيه يرمس شلة شباب صوبه ساروا ..
مطره: هيه اتحسبت .. . بيحاظر الحين والا ؟؟
غانم: والله ما ادري .. يمكن يحاظر بس الوقت بيتأخر .. بتردن البيت ؟؟
مطره: لا لا .. ما برد انا ما برررد
ريسه: قولي له ريسه بترد
مطره: ما شي
غانم: تبا ترد اللي وياج ها
مطره: كيفها والله .. ترد بروحها
غانم: انزين نرد وعقب اذا حاظر ربيعي هني وبيتصل بي
مطره: ليش هالعباله كلها .. ما برد .. والله حرام عليك .. ما ابا ارد
غانم: يتمين يالسه فالحر ؟؟
مطره: عادي والله عادي
غانم: يعني ؟؟
مطره: ما ابا ارد الله يخليك
غانم: خيبه خيبه كل هذا عسب الجبير ههههههه خلاص ما بنردج البيت بس لا تصيحين ..
مطره: هيه خلاص .. انزين يوم بيبدأ او اذا حاظر اتصل بي قولي
غانم: ان شاء الله ..

[عذبة الإحساس]

--------------------------------------------------------------------------------

(*•.¸(`•.¸ وسمانا أظلمت بعد التماعي¸.•)¸.•*)

الوا حزنت فما دهاك تقهـقر .. قلت المصيبة فوق ما تتصور
مات الحبيب الـ................... بدولة .. كاد الفؤاد لفقده يتفطر

(*•.¸(`•.¸ الجزء العاشر ¸.•)¸.•*)


منصور كان يالس في حجرته روحه .. يسترجع الماضي .. ويذكر ..

في جامعة الشارجه ..

منصور: والله تدري مب متفيج ابداً حق الدراسة
غانم: لا والله ؟؟ احلف انته بس .. شوه مب متفيج حق الدراسة .. واللي اتفقنا عليه
منصور: ما عليه بخون العهد قبلك هههههه
غانم: افااااااا .. والله ما هقيتها منك
منصور: هههه شوه صدقت
غانم: هيه صدقت عيل
منصور: شوه اخون العهد .. لا ابويه بيننا عهد لو حد منا خان الثاني وما كمل الطريج .. فبيننا المحاكم
غانم:ههههههه محاكم خييييييبه مره وحده
منصور: هيه مره وحده .. واخويه مبارك بيدافع عني
غانم: انته الظالم .. وبعد لقيت من يدافع عنك
منصور: يمكن انته تكون الظالم
غانم: بخلي صالح يدافع عني
منصور: ههههههه عيل ابشر .. غلبتك من الحين اقولك
غانم: يالله اشوفك بعد هالكلاس
منصور: جيه ما بتحضر ؟؟
غانم: لا ما بحضره
منصور ( عقد حياته ) :ليش؟؟
غانم: عندي شغل وبرد

منصور استغرب اول مره غانم يفوت كلاس من كلاساته .. واول مره يقوله عندي شغل وما يقوله شوه هو ؟؟ فخلاه على راحته .. واكيد غانم روحه عقب بيقول ..

عقب ما خلص الكلاس .. منصور تم يتريا غانم .. بس غانم مب مبين .. اتصل به كذا مره وما يرد عليه ..

سعيد: هلا منصور ..
منصور: اهلين .. اقولك ما شفت غانم؟؟
سعيد: بلى غانم صوب موتره
منصور: شوه ؟؟
سعيد: هيه
منصور: انزين مشكور
سعيد: شوه السالفه ؟؟
منصور: ما شي .. بس عقب بقولك ..

وسار منصور صوب المواقف .. وشاف غانم كان ماسك السويج فايد وغرشة الماي .. وحاط الايد الثانيه على جامة سيارته وحاط راسه عليها ..

منصور: غانم
غانم ( بسرعه شل راسه ومسح ويهه ) : هلا هلا منصور
منصور: بلاك ؟
غانم: ما بلاي شي ..
منصور: جيه ما تصد صوبي
غانم: ما شي
منصور: انزين اشوف ويهك
غانم ( لف صوب منصور والابتسامه عويهه): شوه تشوف فيه
منصور ( منصدم): غاااااااااانم
غانم: شوووووووووه
منصور: غانم ويهك غادي اصفر انته شفته
غانم: عادي
منصور: شوه عادي ؟؟
غانم: منصور لا تسوي لي سالفة الحين .. تعبان شويه وخلاص .. جيه شوه قالوا لك ملك من السما ما امرض
منصور: بس اظن في مستشفيات
غانم: هيه ادري ... ان شاء الله عمي بسير اليوم .. بعد اي اوامر ثانيه
منصور: هيه ..
غانم: آمر
منصور: انا بوصلك
غانم: نعم ؟؟!! لا اسمح لي
منصور: انته اللي اسمح لي
غانم: منصور شوه توصلني .. ياهل انا
منصور: ما يخصني
غانم: وموتري
منصور: خله هني .. وعطني السويج عقب انا وسلطان بنيي ناخذه
غانم: وان شاء الله بتخلي سلطان يسوق
منصور: لا تخاف انا بسوق موترك وهو يسوق موتري
غانم: ما ابا
منصور: والله ؟؟!!
غانم:هههههه خلني اسير البيت والله اريح
منصور: كيف انزين بتسوق وانته حالك جذه
غانم: ما فيني شي .. بسوق بسوق ( وفتح الباب وركب ) يالله ما تباني اوصلك
منصور: احلف انته ع هالحركه
غانم:ههههههه شسوي انزييييييييييييييين .. والا نسيت اني خذت الليسن قبلك بيوم
منصور: ذليتنا على هالسالفه .. سر سر البيت .. واول ما توصل ترمسني ..
غانم: ان شاء الله .. نشوفك العصر
منصور: لا المغرب .. لانك العصر بتسير المستشفى
غانم: مب العيادة بعد المستشفى
منصور: هيه
غانم: ان شاء الله .. فمان الله ..
منصور: الله وياك ..

لبس منصور نظارته الشمسيه عقبها .. وركب موتره .. و حرك ساير بيتهم ..

منصور وغانم ربع من يوم هم صغار .. صح افترقوا في مراحل الدراسه .. وفالثانويه افترقوا .. بس لانها آخر سنه ما سكتوا يوم فرقوهم .. وساروا لين عند الناظر يبدلون صفوفهم .. ويكونون ويا بعض .. وآخر شي نالوا اللي يبونه .. وبالفعل منصور وغانم فالثانويه العامه كانوا في نفس الصف .. وعقب قرروا يدخلون جامعة الشارجة اللي هي حلم الاثنين .. ويكملون فيها .. ويتخصصون ادارة اعمال .. ويوم سالفة المواتر نفس الشي بعد .. يلسوا على رووس اهلهم لين خذوا الليسن .. وعقب اشتروا اكس فايف .. اللون اسود .. والرقم ثلاثي .. ورقم منصور وغانم نفس الشي بالضبط بس آخر رقم يختلف .. يعني مميزين هالاثنين في كل شي .. وبين ربعهم .. لو شافوا غانم من دون منصور يستغربون والعكس ..

وصل منصور البيت ودخل..

منصور: السلااااااااااام عليكم
ام مبارك: مرحبا بالغالي
منصور: مرحبتيييييييين بامايه حبيبتيه
ام مبارك: يالله بسرعه اصعد حجرتك .. تغسل وبدل ثيابك وانزل تغدا
منصور: امااااااااايه مب يوعان
ام مبارك: شوه مب يوعان ؟؟
منصور: خل سلطان ياكل عني
سلطان: كلت الحمدلله .. شبعان .. ما ابا غدا حد
منصور: ههههههه بلاك اليوم
سلطان: ما فيه شي ..
منصور: ههههه شكلك كشخه
ام مبارك: الحين انته يوم ينصحونك .. تزعل
سلطان: لا اله الا الله .. انا الحين قلت اني زعلان
منصور: دون لا تقول .. مبين ع ويهك
سلطان: شكرا
منصور: عفوا كل يوم تعال
ام مبارك: مايد ما اتصل فيك ؟
منصور: انا امس اتصلت به
ام مبارك: متى قالك بيرجع ؟
منصور: ما ادري خلال هالاسبوع
سلطان: صدقيني امايه .. يدري بس يستهبل
منصور: ما يخصك
سلطان: جيه ما تقول
منصور: كيفييييييييييي .. الغاليه تبين شي ؟؟ لاني بصعد حجرتيه
ام مبارك: لا فديتك ..
منصور: وين غنّوم ؟
ام مبارك: في حجرة ابوه
منصور: ما عليه عقب ما اريح شويه بنزل اشوفه
سلطان: يسير ويرد على هالغانم .. جنه ما في حد فالبيت غيره يسأل عنه كل يوم
منصور: على اسم الغالي
سلطان: احيد ابويه الغالي ..
منصور: انته اقولك .. تفتح سواااااااالف
سلطان: هههههههههه بلاك ؟؟
منصور: ما شي .. مع السلامه ..

صعد منصور فوق .. دخل حجرته .. تذكر ان غانم ربيعه ما اتصل به .. مب معقوله بعده ما وصل البيت .. فظهر مبايله واتصل به ..

منصور: الوووووووو
غانم ( بصوت تعبان): هلا منصور
منصور ( حس ان في شي): غانم وينك ؟
غانم:انا هني
منصور: هيه وين هني ؟؟
غانم: منصور تعال ويلكير
منصور: شوه ؟؟
غانم: انا في مستشفى ويلكير تعال
منصور: انته تستهبل ؟؟
غانم: مب انته قلت لي سر المستشفى .. سرت .. يالله تعال الحين .. لاني يمكن اظهر وياك ..
منصور: خلاص دقايق واكون عندك
غانم: لا تسرع
منصور: انزين انزين ...

بسرعه بسرعه .. منصور نزل واخوه سلطان استغرب بلاه هالانسان اليوووووووم ؟؟!!

فالمستشفى ..

صالح: بتقوله ؟
غانم: افكر فالموضوع
صالح: شوه تفكر .. لازم تقوله
غانم: صالح انته تدري منصور اذا درى شوه بيسوي
صالح: يسوي اللي يسويه الحين .. مب عقب ما يدري من برع
غانم: ما ادري
صالح: تبا شوري .. قوله .. واذا تخاف عليه من الصدمه .. قول حق اخوه العود وهو بيقوله
غانم: هاي اصعب .. اخوه العود روحه في حاله .. وين اقوله بعد
صالح: قول حق مايد هو وياكم
غانم: مايد منشغل بدراسته ..
صالح: اوهووووووو يعني وبعديييييين ؟؟
غانم: ما ادري روحي ما ادريييييي شسوي بعمريه يا صالح .. ولا ادري كيف اخبره .. كيف اقوله اني خلاص ما بكمل وياك المشوار اللي بديناه وكمله روحك ..

نفس الوقت دخل منصور ..

منصور: ويه ويه .. حجرة روحه .. وحالته حاله .. ليش ان شاء الله استاذ غانم .. تدلع ؟؟
غانم ( والابتسامه عويهه): تغااااااار
منصور: لحظه بنتفاهم .. شحالك صالح ؟
صالح: الحمدلله .. انته شحالك ؟؟ ربك الا بخير
منصور: بخير ونعمه ..
صالح: انا بسير الحين زين يوم ييت .. جابل حبيب قلبك
منصور: هههههههه اسميه اذيه صح
صالح: هههه ( وهو يرمس غانم) شفت ربيعك قال انا ما قلت شي
غانم: منصور عنده تصريح يقول اللي يباه عني .. بس انتوا لا طبعا
صالح: انتوا الاثنين خياااااااااااااااااااانه قويه ارتكبتوها في حق الاخوان
منصور: رب اخ لم تلده امك
صالح: انا بسير .. ما فيه احجز حجرة ثانيه حقك
منصور: ههههههههه اذا السالفة جذه .. عيل الله وياك .. ورانا دوامات .. ودراسه وامتحانات
صالح: غانم ( وأشر له)
غانم: ان شاء الله ..

ظهر صالح .. وغانم مرتبك ما يعرف شوه يسوي وشوه يقول .. ومنصور صح انصدم يوم عرف ان غانم حاجزين له حجرة .. بس ما حب يكدره زياده .. فقال شوي شوي بيعرف السالفه وغانم شوه فيه عسب يرقدونه ..

منصور: هاااا غوينم
غانم: غوينم بعد استويت
منصور: ههههههه اسمح لنا الغالي .. بس بلاك ؟؟ شوه فيك ؟؟
غانم: منصور بقولك شي بس
منصور: شوه بس ؟؟ قول بسرعه .. لحظه لحظه
غانم: شوه ؟
منصور: خلني اتّخذ موقع اوكي ويلسه عجيبه .. عسب الخبر الحلو اللي بتقولي اياه
غانم: وشدراك انه خبر حلو
منصور ( يلس عالكرسي اللي حذال راس غانم وحط ريل على ريل): لانه مستحيل يكون خبر شين
غانم: وليش مستحيل ؟
منصور: يااااااااا اللللللله .. يعني شوه ؟؟ انته اصلا تدلع .. لانك اصغر ولد .. فعسب جيه لاااااااازم يحجزون لك حجرة وحالتك حاله ودلع .. ومكيف .. الا هو زجام والا حمى بسيطه وبتروح
غانم: عيل مستعد للخبر ؟
منصور: مستعد
غانم: خلاص اقول ؟؟
منصور: قول ولو سمحت بسرعه .. هالحركات ما تعيبني
غانم ( رفع راسه فوق وغمض عينه) : انا فيه سرطان فالدم
منصور : آآآآآآآآآآآآآآآآآآه يا قلبي .. الصراحه مرض خطييييييير

وتم يظحك منصور

غانم: منصور ارمسك صدق

و ظحك منصور بصوت عالي .. ومن الخاطر .. وغانم يشوفه ومنصدم ..

غانم: منصور بلاك ؟؟
منصور: هههههههه ما شي
غانم: منصور انا ارمسك جد .. انا فيه سرطان فالدم

وهني تم يعلى صوت منصور زياده .. ودمعت عينه .. وغانم صدق منصدم .. انا اقوله سرطان فالدم وهو يظحك ؟؟!!!

قرب منصور من غانم .. و قال في اذنه ..

منصور: يوم تبا تظحكني دور نكته تظحكني صدق .. مب تظحكني وتصيحني في نفس الوقت .. فمان الله ..

ظهر منصور من الحجرة .. وغانم يزقره .. بس هو ما عبره .. وسار ......................


----------------

حد يدق الباب !!! الباب بينكسر !!!!!!!! منوه هالمتفيج ؟؟!!

فتح منصور الباب .. كانت ريسه ..

منصور: هلا
ريسه: اوه سوري كنت راقد ؟؟!!
منصور: لا مب راقد
ريسه: وينك انته ؟؟
منصور: موجود .. بغيتي شي ؟
ريسه: لا بس يسألون عنك تحت .. ما شفناك طول اليوم ..
منصور: عقب شويه بنزل
ريسه:انزين

ريسه وهي ماشيه ترمس وما تدري ان للحين منصور ما صك الباب ..

ريسه: والله يصكون الباب وييلسون خاطريه اعرف شوه يسوون ؟؟ والله احيد هاي سوالف العشاق والمغرمين ..

منصور: انا مب عاااااااااشق

من سمعت ريسه صوته .. ما صدت ورا بعد .. ع طول نزلت تحت .. ومنصور تم يظحك عليها .. ريسه عجيبه !!

------------------



دخل حمدان البيت وهو مستانس .. وظبيه مستانسه اكثر منه .. وفرحانه ..

بس من شافوا شكل ميثا .. حمدان بعين وحده اطالع الساعه ..


حمدان ( بصوت واطي) : امج شابه ضو
ظبيه: عمي حمداني بتظربني
حمدان: احسن
ظبيه: شوه احسن
حمدان : تظربج ولا تهزبني
ظبيه: حرام عليك
حمدان: اصبري عندي خطه ..
ظبيه: يالله شوه ؟؟

رفع ايده وظرب ع يبهته ..

حمدان: سوري
ميثا: انته تشوف الساعه كم الحين ؟؟
حمدان: هيه والله اشوف
ميثا: وباجر دوامات
حمدان: يا ميثا شوه يعني .. خال ظاهر ويا ولد اخته عادي
ظبيه: عمي حمداني شوووه ولد بنت بنت
حمدان: اوه نسينا انج بنيه .. عادي عادي ميثا
ميثا: حمدان جانك مره ثانيه بتظهرها هالظهرات اللي ما لها معنى .. خلاص .. خلك بعيد .. ما اباك تظهرها ..
حمدان: بلاج بسم الله
ميثا: هيه ... تتأخر لين الساعه 1.30 وين انتوا ؟؟ وتغلق مبايلك
حمدان: حشرتينا غلقنا مبايلاتنا
ميثا: يا سلام
حمدان ( وما حب يطول) : يالله يالله ظبوي نسير نرقد باجر ورانا نشه ( ومشى)
ميثا: والله ؟؟ انا ارمس
حمدان( يتثاوب): انتي وايد ترمسين .. باجر ورانا دوامات ..
ميثا: نعم ؟؟!! حمدااااااااااااااااااااااان

بس جد حمدان وظبيه صعدوا فوق بسرعه ..

ظبيه: تعبتني .. ركظت
حمدان: احمدي ربج .. سيري الحين بسرعه حجرتج .. وتغسلي وبدلي ورقدي .. لان امج لو يتج وانتي واعيه .. والله تكسر الخيزرانه اللي تحت ع ظهرج
ظبيه: لالا ما ابا .. كله منك
حمدان: كله مني ها .. انتي وامج مب ويه حد يعبركن قومي عني
ظبيه: بتظربني
حمدان: خل تكسر راسج بعد
ظبيه: عمي حمداني والله حرام عليك ..
حمدان: انزين قلت لج سيري حجرتج بسرعه .. ركظي اسمع صوت امج يايه

وركظت ظبيه بسرعه .. وحمدان تم يظحك عليها .. لاعب لعب في هالبيت وقاص عالكل ..

ريسه: سلطااااااااااااااااااااااااااااااااااااااااااااااا اااااااااان

وسلطان ناقع من الظحك ..

ريسه: والله يوز والا بحشر البيت كله الحين يقومون
سلطان: هههههههههههه قوميهم .. جنج عاد ما حشرتيهم
ريسه: بسير حجرة ابويه الحين وازقره
سلطان: زقريه .. جان خلتج العيوز تدخلين بس
ريسه: تأدّب
سلطان: متأدب

ونزل مايد من فوق ..

مايد: انتوا ايه .. شوه هالحشره .. استحوا ع ويوهكم الناس رقود .. الساعه 2 الحين
سلطان: هاي اختك
مايد: وبعدين ما وراكم دوامات
ريسه: انا لا .. اما اخوك هيه
مايد: وانتي ليش لا ؟؟
ريسه: باجر ما عندنا شي
مايد: والله؟؟!!
سلطان: جامعة مطوره .. طالباتها كل يوم فوق ال50 وحده غايبه .. ويا ريت لو اصلا جامعتهن تشل بنات وايد ... الا 100 بنيه .. يعني 50 حضور و 50 غياب
ريسه: مب جنك وايد علقت ؟؟
سلطان: جني وايد علقت
مايد: انا ساير الدوام تبون شي ؟
سلطان: انته تشوف الساعه كم ؟؟ شوه نبا يعني ؟؟ قبل ما يأذن الفير بنوعيهم حق السحور ووعقب بنسير نرقد
مايد: والله ع هواكم .. سلام
سلطان: مع السلامه بسير ارقد
ريسه: احسن ... بس توك تقول بتسحر وبسير ارقد
سلطان: غيرت رايي .. يالله انتي بعد نشي رقدي
ريسه: ما فيه رقاد
سلطان: مب ع كيفج .. ما عندنا بنات يسهرون لين انصاف الليالي
ريسه: لا ارجوووووووووك
سلطان: نشي احسن لج .. والا اسير اوعي منصور .. والا مبارك الله يا مبارك يوم توعينه من الرقاد .. يكوووون مفوّووووول كشخه ينزل بالخيزرانه ع ظهرج
ريسه: سخييييييف
سلطان: مب اسخف منج
ريسه: اففففففف
سلطان: ما شي اففف .. نشي بسرعه

نشت ريسه غضبا عنها سايره ترقد .. لان سلطان عادي عنده ويسويها يسير يوعي مبارك .. ومبارك يحشر الدنيا وكل البيت ينش !!

الصبح ..

نشت وهي كلها نشاط وحيويه شرات كل يوم .. لمت شعرها ولفته .. ودخلت الحمام غسلت ويها وفرشت اسنانها وظهرت ..

سارت حجرة عيال اخوها ..

وجدان: فصّووووول نش يالله .. علاوي علاوييييييييييي
علي: عمووو ه
وجدان: شوه ؟؟
علي: فينا رقاد
وجدان: محد يقول لكم تسهرون يالله نشوا
علي: انزين بس شويه بنرقد
وجدان: ما في لا شويه ولا وايد ورايه دوام انا ما ابا اتأخر
علي: انزين انزين عموه بابا هو اللي بيودينا
وجدان: يعني عندك حد ثاني
فيصل ( نش وفراللحاف): شوه هذا ما يخلون الواحد يرقد
وجدان: ما شاء الله عليك يا سيد فيصل .. قم قم ..

ظهرت وجدان برع .. وكانت مرت اخوها ترتب اللي خربوه عيالها نص الليل

وجدان: ما ادقين شي ..
ام فيصل: بسم الله زيغتيني
وجدان: حطي .. حطي كل شي وسيري ريحي في حجرتج
ام فيصل: توني ناشه .. شوه اريح ؟
وجدان: لا والله ما تسوين شي
ام فيصل: وليش؟؟
وجدان: تدرين انج جريب بتربين .. جيه تلعوزين عمرج خلي كل شي
ام فيصل : لا اله الا الله عليج يا وجدان .. شرات اخوج
وجدان ( ابتسمت): افتخر
ام فيصل: هالعفاريت نشوا ؟؟
وجدان: فيصل هيه .. اما علي لا .. بس خل فيصل يظهر من الحمام وبقومه ...
ام فيصل: هالولد ما له فالدراسه
وجدان: هههههه في وايد يهال شراته
ام فيصل: الله يعينا لين يوصل الثانويه
وجدان: ويييه وصلتيه الثانويه بعد .. شوي شوي عليه ... خليه يخلص الابتدائيه ويدخل الاعدايه وعقب فكري فالثانويه

[عذبة الإحساس]

روضه نازله من فوق .. ولابسة عباتها وحاطه شيلتها ع جتفها ..

روضه:
Good morning
غيث: صباح النور
Where is my mam روضه:
بو خليفه: شوه هالرمسه المخبقه

من خلص بو خليفه جملته .. الا وسيف ينقع من الظحك ..

That is not funnyروضه:
سيف: هههههههههههه يعني بعد قفطوها وترمس عندك اياها ابويه
بو خليفه: عدلي رمستج
Oh dady , I don’t like speak arabicروضه:
غيث: رويض صباح الله خير .. قصري الشر وارمسي عربي
روضه ( تنهدت): عسب خاطرك وخاطر ابويه بس
سيف: شوه قصدج ؟؟ والا شوه يعني ؟؟ انا شوه بخسر
غيث: افففففف .. الحمدلله .. سيف ممكن تنش نسير الكليه
سيف: وهالحشره توها نازله
غيث: كيفك انا بسير
سيف: ياي وياك

فطيم كانت نازله من فوق ومب متلبسه ..

غيث: ط هاي الثانيه بعد
سيف: يا بوي نحن بنسير بنسير
فطيم: سيروا
بو خليفه: سيروا انا بوديها الجامعه اليوم
فطيم: لا ابويه ما بداوم اليوم
بو خليفه: ليش؟
فطيم: تعبانه اليوم
غيث: نحن سايرين
بو خليفه: فطيم بويه شوه فيج ؟؟ نوديج المستشفى
فطيم: لا ابويه راسي يعورني شوي .. بريح .. برد ارقد وخلاص
بو خليفه: انزين اذا بغيتي شي امج هني وحرمت اخوج
فطيم: ان شاء الله
بو خليفه: واتصلوا بي
فطيم ( ابتسمت): ان شاء الله


غانم: احلف ..
منصور: هههههههه شوه احلف
غانم: ما بتسير الدوام اليوم
منصور: هيه ما عندي شي
غانم: ما عندك شي والا خذت اجازه
منصور: تبا الصراحه الاثنين
غانم: هيه عرفت عيل ليش ماخذ اجازه
منصور: لا جيه انته منوه عسب آخذ عشانك اجازه
غانم( اطالعه بنظره): صدق ؟
منصور: هههه والله مب عسبك خذت اجازه لاني مليت وتعبت .. وابا اريح اسبوع فالبيت .. خلاص
غانم: صدقتك
منصور: معناها انك تجذبني
غانم: ههههه لا افاااااا .. انا اجذّب عمي حبيبي
منصور: خلاص عيل .. فارج .. فيه رقاد
غانم:نعم ؟؟
منصور: ظني سمعت

وتلحف منصور عدل .. وغانم يطالعه باستغراب ..

غانم: سبحان مغير الاحوال
منصور: بلاك ؟؟
غانم: ما شي ..
منصور: بترقد ؟؟!!
غانم: لا ما فيه رقاد .. بسير اشوف حمّود
منصور: سر عيل .. وبند الليت وراك ..
غانم: يعني طرده ؟
منصور: لاااااااا .. بس قلت لك فيه رقاد
غانم: انزين ما عليه .. عقب بتدورني
منصور: شوه ادورك ؟؟
غانم: يوم بمووووووت عقـ
منصور: اسكت

تذكر غانم انه فتح لعمه جرح .. بعده طري .. ما برا .. عمه منصور تعقد من سالفة الموت .. وتعقد من سالفة الفراق .. والوداع .. عقب ما توفى ربيعه غانم ..

غانم: آسف
منصور: بس سر برع وبند الباب ..

ظهر غانم لانه يدري بعمه الحين خلاص محد يقدر يرمسه .. فهو ما بيقدر يسوي شي ..

-------------

من سمع منصور الخبر .. ما تم يرد على اتصالات غانم.. ولا يرمسه .. ويسير ويرد الجامعة روحه .. والحاله يمكن استمرت اسبوع وكم يوم ..

هذاك اليوم وهو كان يزهب عسب يروح الجامعه .. الصبح الساعه 8 .. مبايله رن ..

منصور .. افففففف هالانسان ليش يبا يعذبني جذه .. خلاص يخليني روحي يوم بغفر له اللي سواه ويايه عقب برد عليه .. بس يسخف عليه بنكته بايخه .. ( ويتردد صوت غانم في اذنه ) " انا مريض فيه سرطان الدم " آآآآآآه شوه هالمصخره .. بس تصدقووووون تولهت علييييييييييييييييييييه .. ما اقدر اعاقب عمريه واعاقبه اكثر من جذه .. برد عليه ..

منصور: ألو ... مرحبا
صالح: شحالك منصور ؟
منصور: صالح ؟؟!! اظني اللي ظاهر عندي رقم غانم
صالح: هيه
منصور: وين غانم ؟؟
صالح: اقول منصور تعال الحين المستشفى بسرعه
منصور: صالح .. قولي وين غانم
صالح: غانم موجود .. بس انته تعال
منصور: غانم فيه شي؟
صالح: انته تعال وبتعرف ..
منصور: ياينك .. مسافة الطريج ..
صالح: شوي شوي ع عمرك ..

بس منصور صك وما كمل ويا صالح .. وبسرعه ظهر من البيت ساير المستشفى ....


غانم: امايه الريال الحين ياي
ام صالح: انزين نحن بنسير فالانتظار
غانم: انزين سيرن .. بس أخافه يتأخر
ام صالح: ما عليه ..
شما: غنّوم
غانم: هلا
شما: ابا هالكاكاو والله يوعانه مب ماكله شي
غانم: انتي جيه ما سرتي الجامعه اليوم ؟؟
شما: بس مب متفيجه
غانم: ما شاء الله عليج
شما: هاهاهاها شكرا .. كلكم تخافون عليه من الحسد
صالح: يالله شما سيري ويا امايه
شما: انزين بعده ما يا
صالح: الحين بيوصل
شما: يوم بيوصل بظهر
غانم: شمامي .. قومي سيري الله يخليج
شما: لا لا لا .. لا تقول الله يخليج ما احبك يوم تقولي الله يخليج
غانم: يعني شقول ؟؟
شما: الله لا يخليني .. هاهاها .. نكته بايخه صح
صالح: صح .. يالله نشي
شما: انزيييييييييين
غانم: شلي السله كلها .. شلي كل السلل يوم بتسيرين البيت
شما: لا لا .. بس ابا باتشي .. وفواله .. واممممم
غانم: عقب اختاري
صالح: انتي ما منج فايده بسير انا اشوف امايه .. واباج تلحقيني
شما: ان شااااااء الله الحين يايه .. بس انته سر ..

وتمت شما تشوف السلل وتقرا البطاقات .. وتمثل ... وغانم مستانس على اخته ..

شما عمرها 19 سنه .. وهي كيوت .. تحب السوالف .. وخاصة ويا غانم .. ومن درت بمرضه .. ما حبت تضايق به .. وتخليه يحس انه خلاص انسان عاجز .. معاملتها ما تغيرت ويا اخوها .. ومدام انه صالح مزوج وعنده بيته الخاص .. فهي وغانم رواحهم فالبيت ويا امهم .. فكانت علاقتها بغانم قويه وايد .. وما تتخيل فيوم انه تفارقه ..

غانم: شمامي بس بس ههههههههه
شما: و ما ادري شوه .. كلهم عايدين الرمسه
غانم: يعني شوه تبينهم يكتبون ؟؟
شما: شي حلو .. قصيده حلوه ..
غانم: ما ادري يايين امسية شعرية مب مستشفى
شما: هاهاهاها حلوه حلوه .. ذكرتني بأمسية فزاااااااع .. ما خليتني اسيرها
غانم: مب لازم تسيرينها
شما: ما احبك
غانم: انا احبج .. ( وظهر لها لسانه )
شما: اففففففف تقهر
غانم: تعالي هني شويه
شما: ما بيي
غانم: والله تيين شويه بس شمامي
شما: زعلانه منك
غانم:اهون عليج عالفراش مسدحيني تقولين ما ادري شوه .. واطلبج وترديني انتي بعد
شما: نعم شوه بغيت ؟؟

ومط خشمها .... حركة متعود عليها غانم كل ما يشوف شما .. يمط خشمها .. ومرات اذا كان منقهر منها يمطه بالقو .. ومرات عادي ..

شما:آآآآآي يعور
غانم: احسن

وردت شما تقرا البطايق ..

مره وحده انفتح الباب ..

منصور ( تغير ويهه واحمر وتقفط): آسف

ورد مره ثانيه برع وصك الباب ..

غانم: الله ياخذ عدوج
شما ( وهي ميته من الزياغ عادي ينش غانم ويعطيها كف محترم): بسير عند امايه
غانم: وين بتسيرين وييييييييييييين.. اتريي
شما: شوه اتريا .. وصل ربيعك
غانم: من الصبح نقولج سيري
شما: اوهووووو الحين لا تصرخ عليه والله بصيح
غانم: هيه صيحي وشوفي شوه بسوي فيج
شما: يعني اذا ما صحت ما بتسوي فيه شي
غانم: انزين تعرفين وين امايه وصالح
شما: تبا الصراحه لا ..
غانم: مالت عليج
شما: غاااااااااااااانم
غانم: لا تصرخيييييييين شوه تبين ؟؟
شما: لا تخليني احس بتأنيب الضمير
غانم: احسن حسي
شما: غنّوم
غانم: خلاص انزين سكتي ..
شما: اتصل بصالح ..
غانم: ظهري من هني .. وسيري سيده .. عقب لفي يمين وامشي الحـــ

ازرق ويه غانم .. شما واقفه مصدومه شوه استوى ؟؟


شما: غانم .. غانم ارمس .. غانم كمل .. غانم

ويعلى صوتها شوي شوي شوي لين قامت تنزل دموعها ..

منصور .. هاي متى بتظهر ؟؟ يا الله .. خل تظهر بسرعه .. ما اقدر اتحمل اكثر من جيه .. خل تظظظظظظظظهر .. ابا اشوفه .. والله متوله عليه ..

رن مبايل غانم .. شما ما تعرف شوه تسوي .. ردت على اللي متصل على اساس انه صالح ..


شما: صاااااااااالح صاااااالح تعاااااااال غانم ما ادري شبلاه ؟؟ ما ادري شوه فيه ؟؟ ما يرد عليه .. تعال بسرعه .. ( وبندت)


ما استوت دقيقتين .. الا وانفتح الباب وكان منصور ..

منصور روحه كان مرتبك وما يعرف شوه يسوي .. بس يوم شاف ويه شما .. تذكر ان مهما يكون ومهما كان وضع غانم .. ما بيسمح له انه يشوف اخته .. فنزل راسه ..

منصور: اختيه ممكن تقومين من هناك .. وسيري زقري اخوج صالح ..

رن مبايل غانم .. بس شما هالمره انتبهت للاسم .. وردت عليه ..

شما: صالح ..
صالح: شما ثرني مودي الوالده البيت .. فأنتي سيري يلسي فالانتظار .. خالتيه بتييج عقب شوي
شما: صالح ...... انته وين ساير .. رد المستشفى بسرعه
صالح: شما بلاج ؟؟ شوه فيج ؟؟
شما: غانم . ...

وشافت ان منصور يأشر لها لا تخبره .. وشكله هو درا شوه السالفه .. وان صالح ظهر من المستشفى ..

شما: ما .... ما فيه شي
صالح: شما الوضع عندكم عادي ؟؟ كل شي طبيعي
شما: هيه
صالح: بس صوتج متغير ..
شما: غانم مط خشمي ( وغمضت عينها ونزلت الدمعه) .. وتعورت
صالح: انزين .. مثل ما قلت لج اذا ربيع غانم وصل .. يلسي فالانتظار .. وخالتيه بتييج
شما: ان شاء الله
صالح: فمان الله ..

بندت شما .. وشافت ان السسترات والدكتور وصلوا .. يطالعون غانم ...

وطلب الدكتور منهم يظهرون برع ..

ظهرت شما ... يارب شسوي في هالمصيبه .. صالح سار عني ... وغانم فديته اخويه .. كيف استوى .. رحمتك يا رب ..

ظهر منصور وشاف شما واقفه صوب الباب روحها ..

منصور: سيري فالانتظار
شما: لا .. لا ما عليه
منصور: هني وايد بتتعبين .. توه الدكتور داخل عليه ويمكن يطول شوي
شما: ما اقدر اسير
منصور: سيري واذا استوى شي لا سمح الله .. بيي ازقرج

ترددت شما وما عرفت شوه تسوي .. تخاف تسير روحها وتبا توقف حذال حجرة اخوها عسب تحس ان في حد قريب منها .. وتخاف توقف هني لان ربيع اخوها موجود وصالح لو درى بيذبحها ..

منصور: اقول
شما ( انتبهت): نعم
منصور: سيري فالانتظار
شما: وغانم
منصور: ما عليه شر قلت لج .. بييج وازقرج لو ظهر الدكتور ...

سارت شما ..

ظهر الدكتور وسأله منصور عن حال غانم قال ان تعبان زياده .. ولازم ما يتعبونه هم ويرمسون وياه ..

دخل منصور .. وتم يالس حذاله ..

مرت ساعه كامله وغانم راقد .. ما نش .. ومنصور يالس حذاله ..

آآآآه يا غانم .. يا ريت لو انا مكانك .. وياريت لو اقدر اشل عنك هالتعب كله يا ريت .. والله لو كان بايدي ما خليتك تتعب ثانيه وحده بس .. الله يشفيك ويردك لي سالم ..

فتح غانم عينه ..

منصور ( غير ملامح ويهه الحزين على طول وابتسم): مرحبا ..

صد غانم صوبه ويوم شاف ويه منصور المبتسم ارتاح وهو الثاني ابتسم

غانم: انته هني
منصور: شحالك الحين ؟؟
غانم: الحمدلله.. بس احس بتعب
منصور: يالله عاد غنّوم لا تدلع وايد .. شوية تعب
غانم : ما اقدر اسوي شي
منصور: انته باجر والا اللي عقبه بالكثير بتظهر من هني
غانم ( نزلت دموعه): والله تعبان .. ما اقدر استحمل اكثر .. خلاص .. 4 شهور بطولها وانا جذه .. خل يعطوني اي شي ويريحوني .. خل يفكوني

منصور انصدم .. ربيعه يتألم .. وهالمره الألم خلى دموع ربيعه تنزل !!! ويقول 4 شهور بطولهن وهو جذه .. ومنصور وين عنه ؟؟ ليش ما خبره ؟؟ كيف منصور ما لاحظ هالشي ؟؟

منصور: غانم احيدك اقوى من جذه .. الله يخليك لا تسوي بعمرك جذه .. هذا ابتلاء من رب العالمين .. والله بيشفيك ان شاء الله .. وبترد الجامعه .. وانته احسن من قبل ( ومسح دمعته اللي نزلت من عقب ما شاف غانم جذه)

غانم ( رد ابتسم وابتسامته مختلطه بالدموع): تذكر يوم تعبت علينا هذاك اليوم .. واتصلنا بـ مبارك .. وخبرناه .. هزبك عقبها ..
منصور: وتذكر يوم ترييناك فالجامعه واسمي عصبت انا عليك لانك اخرتنا وفوق هذا كله اتصلت وقلت ما بتيي
غانم: كان نفس اليوم اللي بشروني فيه بالخبر السار .. اني مريض
منصور: غانم خلاص اسكت

منصور ما قدر يتم اكثر .. يعرف ان غانم الحين فباله شي واحد وبس المرض .. وبيتم يرمس عنه وبس .. ومنصور ما يقدر يسمع هذا كله .. ما يقدر يستحمل يسمع من ربيعه متى مرض ؟؟ وشوه المعاناة اللي لقاها من يوم ما مرض للحين ؟؟ وينصدم اكثر ..

---------------

يالله هالبيت كله حشره .. اول مره دقوا بس الباب والحين فتحوه من دون ما يدقونه !!!

منصور: مبارك ؟؟!!
مبارك: هيه مبارك .. رحب فيني فحجرتك عاد
منصور: هلا تعال ادخل
مبارك:وينك انته ؟؟
منصور: جيه الحين الساعه كم انته راد البيت ؟؟
مبارك: الحين الساعه 2
منصور: احلف
مبارك: والله
منصور: ويييييييه ولا حاس بعمريه من الصبح يالس هني .. قريت كتاب وعقب ييت اوني برقد شوي
مبارك: واي كتاب قريت
منصور: مب كتاب .. دفتر
مبارك: دفتر شوه ؟؟
منصور: خلاص مب لازم تعرف
مبارك: عرفته
منصور: انزين يوم انك عرفته خلاص
مبارك: منصور
منصور: هلا .. آمر
مبارك: لين متى بتم جذه ؟؟!!
منصور: مبارك .. ما ابا حد يرمسني ويذكرني بالسالفه
مبارك: خلاص .. شي استوى وراح .. كل حد يفقد انسان عزيز وغالي بس ما يسوي سواتك
منصور: انا شوه سويت الحين ؟؟
مبارك: تحبس عمرك فالحجره وتقول شوه سويت ؟؟ ما تطلع وايد .. ربعك قطعتهم وتقول شوه سويت ؟؟ محد يشوفك الا فالمناسبات وتقول شوه سويت ؟؟
منصور: عندي وايد اشغال
مبارك: شوه من اشغال الله يخليك انا اللي محامي .. وما اشتغل كثرك
منصور: انزين الحين شوه المطلوب ؟؟
مبارك: انك ترد منصور الجديم
منصور( ظحك باستهزاء): تطلب المستحيل
مبارك: وليش مستحيل
منصور: مبارك ... منصور هو نسخه من غانم .. وغانم هو نسخه من منصور .. غانم راح يعني منصور راح ..
مبارك: بس منصور ما راح .. ومنصور نسخه من غانم .. تعتقد غانم كان بيسوي شراتك ؟؟؟ انزين نفرض كان بيسوي شراتك .. انته كنت بترتاح ؟؟!!

سكت منصور وما رد .. وتم مبارك يطالعه .. ومره وحده صاح منصور .. مبارك اول وآخر مره شايف منصور بهالحاله يوم غانم توفى .. والحين يصيح كأنه توه سمع بان غانم توفى .. توه واصل له الخبر .. توهم متصلين به وقالوا له تعال المستشفى ان غانم توفى .. كأنه يالس حذال غانم بس فات الوقت وراح غانم ..


منصور:غانم نش .. لا تودرني وتروح .. غانم ويا منوه بظهر مره ثانيه... ويا منو بروح الجامعه .. ويا منوه بذاكر وبسهر.. غانم الله يخليك قوم .. تبغيني اسمع رمستك بسمعها .. تبغيني
اخسس في سعود ومانع بنخسس تبغيني اظهر اكس فايف بيضا بظهر انته بس نش .. وبتشوف كل شي جدامك .. غانم واللي يرحم والديك نش يا غانم
غانم لا تخوني الحين وتودرني بروحي ما عندي غيرك ..غاااااانم غااااانم ..



راح غانم وراحت ايامه .. وذكرى غانم للحين في بال منصور .. وشكله وابتسامته الشفافه اللي كانت تسعد الكل.. غانم كان حرك هو اللي خلى منصور حرك مثله .. يوم يغيب غانم فترة عن البيت .. البيت يكون ممل مثل ما مسمينه فاكهة البيت كان غانم .. يوم يختفي عن منصور يوم واحد منصور يحس بالفراغ ..اذا منصور بس قال آه على طول من غير اي مقدمات وداه المستشفى ومن دون ما يسمع رايه ولاموافقته ورفضه .. كان يخاف على منصور خوف شديد .. والشي اللي تذكره منصور بعد .. ان غانم كان مرمس من قبل اخوه صالح وموصنه على منصور..


مبارك: منصور
منصور: خلني بروحي الحين
مبارك: بخليك بروحك .. بس تأكد من يوم توفى غانم وانا انصحك .. وبتم انصحك لين ترد منصور الجديم ..

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

(*•.¸(`•.¸ الجزء الـ 11 ¸.•)¸.•*)


ما باجي شي على أذان المغرب ..

مهره: يوعاااااااااانه
ام محمد : باجي 10 دقايق ..
مهره: يالله متى بيأذن
مطره: هههههه مهاري تظحكين
مهره: امايه سويتي معكرونه بالبشمل
مريم: يا سلااااااام بعد مشرطه
ام محمد: هيه سويت
مهره: يسسس .. عيل بسير ازقر سلطان يفطر عندنا
مريم: نعم نعم .. يلسي مكانج يالله
مهره: هو قايل يبغيها .. واذا امج سوتها ازقريني
مريم: شوفي اذا زقرتي سلطان ما بيلس وياكم ولا بفطر
مهره: جيه انزين ..
مريم: قلت لج .. ولا تزقرينه يا مهروه احسن لج

محمد ( وهو نازل من فوق): هالبيت كله ظرايب
مطره: خواتك
محمد:بلاكن؟
مريم: هاي السخيفه تبغي تزقر سلطان يفطر ويانا
مهره: محمد الريال طالب الاكله .. حرام
محمد:انزين وشوه فيها
مريم: انا مب متفيجه حق سخافات سلطان .. وابغي افطر عدل .. وهو لو يا بيتم يتناقر ويايه .. وبعدين يوم بيي لازم نلبس الشيل الصراحه مليت
محمد: عيل ليكون تبين تيلسين جذه من دون شيله
مريم: هيه
محمد: يا سلام
مريم: هيه لا تزقره ونيلس من دون شيل والله محمد تعبانين نحن من الصبح لافين الشيله ويالسين
محمد: خلاص انزين .. مهاري عقب ودي له .. الحين خلينا نفطر ونحن مرتاحين ..
مهره ( حايسه ثمها): انزين ..

عقب المغرب .. عاد كل واحد والشغل اللي يلهيه ..

اللي طايح جدام التلفزيون ومسلسلات .. واللي يرمس ربيعه فالمبايل .. واللي عنده شغل الجامعه والمدرسه ..

مطره كانت فحجرتها وتقرا .. دخلت عليها مريم ..

مريم: مطاري
مطره: هلا
مريم: ابا كتابج
مطره: اي واحد ؟؟
مريم: هذاك حذائق ذات بهجة
مطره: شي جميل ان اختيه تقرا كتاب
مريم: هاهاها ما يظحك .. ويا راسج شوه قصدج
مطره: ما شي
مريم: شوه نسوي ملل .. قلنا بنقرا
مطره: فالسّده خذيه
مريم: مهروه ما يت صوبج
مطره: بلى يت هني .. وعقب قالت بتسير بيت عمي
مريم: بيت عمي منوه هناك ؟؟
مطره: شدراني !
مريم: مب متفيجه اسير لهم الحين .. عقب بسير
مطره:امايه سارت المسيد ؟؟
مريم: بعدها . ليش؟
مطره: بسير وياها
مريم: عيل بيي
مطره: تعالي .. حد قالج لا تيين ..

في بيت بو مبارك ..

مهره وريسه يالسات فالصاله .. ويطالعن مسلسل وساره وياهن..

مهره : طولوا عالصوت
ريسه: قومي قومي نسير نصلي والله ما بنستفيد شي الحين
مهره: وين عاشه ؟؟
ريسه: فالمسيد
مهره: يا حيها والله ..
ريسه: انتي روحج قلتي ما بتسيرين ..
مهره: شفتج انتي حليلج يالسه روحج هني
ريسه: سارونه
ساره: شوه ؟
ريسه: سيري شوفي حمّود راقد ؟
ساره: هيه
ريسه: انتي شدراج .. سيري شوفي
ساره: انا اعرف راقد
ريسه: ساااااااره
ساره: عموووووووه ريسه قلت لج انا اعرف انه راقد .. لو قام صياحه بيوصل لين هني
مهره: ههههههه صدقها جيه تتفلسفين
ريسه: لسانج يباله قص
ساره: انزين بشوف المسلسل يوم بيخلص قصيه ..

روضه: اففففففف ما بداوم باجر ..
حمده: ليش؟
روضه: تعبت خلاص لازم في رمضان اصلا يعطونا اجازه
حمده: ههههههههه
فطيم: سيري السعوديه ..يعطونهم اجازة فـ رمضان
حمده: ما عليه ما باقي شي وبتفتكين من المدرسه بكبرها
روضه: هيه والله ياريت
فطيم: وعقب بتملين من الجامعه.. والله ان المدرسه احلى
روضه: قومي زين .. انتي ما اعرف كيف عايشه
فطيم: شوه بعد كيف عايشه .. شكلها صدق رمستج اختربت .. ايه اميه عدلي رمستج والا والله بتفشلينا جدام العرب
روضه: اي عرب الحين اي عرب
حمده: رويض متى مجلس الامهات عندكن
روضه:ليش؟؟
حمده: اسأل
روضه: ما اعرف بعدهم ما قالوا
حمده: يوم بيسوون انا بيي
روضه: قولي والله ؟؟
حمده: ليش هاي بعد يبالها حلف ؟؟
روضه: اللله كشخه
فطيم: الحمدلله والشكر ما ادري عاد كم بتطلعين والا كم بتييبين .. مب تسودين ويوهنا
روضه: محد مسود ويوهكم غير سواف
فطيم: والله هو ولد
روضه: ولد والا بنيه .. this is not my bussnis
فطيم: والله حاله

فالمسيد ..

غانم دوم ع ويهه الابتسامه .. ما تفارقه ابد .. كل اللي فالمسيد حافظينه وحافيظن شكله وعارفينه زين .. ويتمنون من الله ان يطول بعمره ويشفيه لان صدق ولد ونادر وجوده !!

غانم كان يالس حذال ابوه ..

مبارك: غانم
غانم: هلا
مبارك: رد المصحف مكانه
غانم: ان شاء الله
مبارك: وشوف وين حمد ازقره من ورا خل ايي
غانم: حمد ويا عمي منصور يالس
مبارك: وينهم ؟؟
غانم: هناك
مبارك: ازقرهم .. لان الصف الأول بيكتمل .. خل يلقون لهم مكان ..
غانم: انزين ..

الله أكبر ..

الكل وقف .. بترتيب .. تحس يوم تشوفهم باحساس غريب .. تحس ان الكل متساوي .. الحركات كلها نفس الشي .. سبحان الله !! يتغلغل في عروقك شعور عجيب ..

حطوا دعايه .. يعني قطعوا المسلسل .. مره وحده فزت ساره ..

ساره: لالالا ما نبا
ريسه: ايه انتي .. يالينيه .. تخوفين الواحد
ساره ( تثاوب): شوه هذا .. كل يوم دوام كل يوم مدرسه .. خل يعطونا اجازه
مهره: شرايكن باجر نغيب
ساره ( من سمعت طاري الغياب يلست عدل وتربعت وصدت صوب مهره): الللللله حلفي ..
ريسه: لا والله ؟؟؟ نغيب وعقب ؟؟
مهره: وعقب ما شي
ريسه: هيه انتي والله تقصين على ابوج ومحمد وامج عادي .. انا شوه اسوي
مهره: احم احم قل اعوذ برب الفلق
ريسه: لازم آل مهره منوه ما بيعبرها ؟؟ اصلا في حد يروم ؟؟
مهره: يالحسووووووده .. هيه في حد يروم .. لكن في واحد للحين ما معبرني ..
ريسه: تبين الصراحه رمستج هاي ما دخلت عقلي .. كيف ما عبرج هالواحد ؟؟ مستحييييييييل ما يقدر .. وانتي جيه للحين ما قدرتي عليه .. نو نو نو اللي تقولينه ما يدخل العقل .. بعدين تعالي منوه هالواحد ؟؟
مهره: اخووووووج
ريسه: اخويه ؟؟ اي واحد فيهم .. مبارك احيده يعبرج .. ويوقف وياج ودوم يأيد افكارج .. مايد صح يقهر بج ساعات بس طيب وحبوب ومن تقولين شي يسويه .. سلطاااااااان هذا اول واحد يعبرج .. اصلا يخاف يسوي بج شي وعقب محمد يرد له الصاع صاعين .. عبّود فديته والله ما تشوفينه الا الاربعا والخميس ونص اليمعه وما احيده ما يعبرج .. خلصوا اخواني
ساره: هاي عموه ريسه دووووم تنسى
مهره: شفتي عاد .. بس فالحه ترمس وتبلع نص الرمسه
ريسه: صح بعد شوه ؟؟ ما في حد
مهره: فلم الرعب المتنقل .. بس خل يصبر عليه .. ما اكون مهره بنت محمد اخت محمد جان ما خليته يصطلب ويايه
ساره: خيييييييييييييييييييييييبه .. حشى مب بنيه ولد .. شوي شوي ع عمي
ريسه: هههههههه ردت عليج بنت اخوه
مهره: مثل ما يقولون تصطفلي انتي وعمج
ساره: ط هاي والله .. ايه ايه .. عن الغلط .. انزين بتشوفين جان ما خبرته
مهره: انتي .. بأي حق تزقريني ايييه ؟؟
ساره: اوه نسيت
ريسه: خلاص سكتن حطوا المسلسل ..

السلام عليكم ورحمة الله ..... السلام عليكم ورحمة الله .....

حمد: وايد يطول
منصور:اسكت فضحتنا
محمد: انته اونك كل يوم تيي بعد
حمد: شسوي
منصور: والله مب ويه مسايد لا انته ولا عمامك
حمد:يالله عاد عمي مايد ايي ماشاء الله عليه يوم يكون فالبيت .. وعمي سلطان ايي بعد .. وعمي عبدالله يعني اذا رد ويكون وقت الصلاة ما ايي المسيد لانه يكون تعبان وواصل حده .. منوه بعد تم ؟؟؟ الا ابويه وغانم وهم مزروعين فالمسيد
محمد: خيبه تخيب العدو .. مب لسان
حمد:قول ما شاء الله
محمد:على شوه ؟؟ عاللسان الطويل ؟
حمد:ينفع ساعات
محمد: الله يعين غانم اللي وياك فحجره وحده
منصور: جيه هو يقدر يرمّس غانم جذه ..
حمد: هيه والله .. غانم الـ FBI كلهم حوليه .. يراقبونه الحراسه مشدده عليه ..
منصور: الله يغربل ابليسك .. اسكت اسكت .. بتودينا فداهيه انته اليوم

وتم محمد يظحك على رمسة حمد ..

بسم الله الرحمن الرحيم ..

من سمع محمد صوت الامام .. قال ان في شي .. وحمد ومنصور وكل اللي فالمسيد شرواه ..

تم اعلان خبر .. وفاة ( ويصيح الامام هني ) .. الوالد زايد بن بن سلطان ..............


مهره: طولي طولي
ريسه: ساره طولي
ساره: اوهووو شوه هذا بعد حاطين اخبار وما ادري شوه خل نطالع المسلسل عقب حطوا اللي بتحطونه
ريسه: ساروه صخيييييييييي
ساره: انزيييييييييييييييين

بين غمضة عين واجهت الخبر ..
م الاذاعــه والاهــالي حاضرين ..

مهره: يتمصخرون هذيل بدلي بسرعه حطي اي مكان
ريسه: ساره بددددلي
ساره : لحظه لحظه .. شوه مستوي ؟؟
مهره: بدلي بسرعه ..
ساره: انزييييييييين
مهره: لا مستحيل .. والله انهم يجذبون .. جذب هالخبر جذب

ريسه علامات الاستفهام ع ويها .. شوه مستوي ؟؟ شوه السالفه ؟؟ بلاها الدنيا قايمه فوق تحت ؟؟!!
والكل مصدوم .. يسمعون مره وحده صوت صياح من الخاطر ..


مهره: جذب صدقوني جذب .. والله جذب .. ( وتصيح)
ريسه ( وعيونها ادمع): الحين صدق والا شوه ؟؟
ساره: انتوا ايه بلاكم محتشرين .. اصلا هالتلفزيون دوم يجذبون .. ( وتظحك)
ريسه: سكتيييييييي
ساره: عموه والله جذب .. تتحرين صدق ؟؟ دوم يذيعون اخبار جذب .. اصلا انا ما احب الاخبار يوم اقولكم لا اتابعونها
ريسه: ساروه والله لو ما سكتي الحين .. والله اقوم لج
ساره: اووووووه شوه كل ما رمست تسكتيني .. تصيحون على شوه ؟؟ جذب كله جذب والله جذب .. لا تصدقوووووون تعورون قلوبكم عالفاضي
ريسه: ترحمي عليه يا مهره
مهره :الله يرحمه .. ويغمد روحه الجنه ..

وركظت سارت حجرتها ..

مثل سهم صابني وسـط الظـهر ..
وقـمت اشوف الواحدٍ كنه اثنين..

درت وجهي وقلت صدق الخـبر ..
قالت شروى مايقول الناصحـين ..
بالصبر داوي جروحك بالصــبر ..
وبالصـبر يجـزاك رب العـالميـن


المسيد انجلب مناحه .. انجلب فوق تحت .. والأمام يصلي ومن صوته يبين انه يصيح .. والمصلين وراه كل واحد ما يدري شوه يقول فصلاته .. كل واحد يفكر فالخبر اللي وصله .. والمسجات والاتصالات من طرف ثاني ..

في مصلى الحريم .. اللي ما قدرت تصلي .. واللي تواسي الثانيه وكل واحد يعزي الثاني ..
وهو روحه شال هم كبر الجبل ع قلبه .. كيف ؟؟ ومتى ؟؟ وليش هو بالتحديد ؟؟ بس حكمة وارادة ربنا فوق كل شي ..

فالمستشفى ..

مايد كان في مكتبه .. قال بيسير يشوف البنات وشوه يسون .. وبيسلم عليهن المره .. لان افتقد التدريب .. كانت تجربه حلوه بالنسبه له ....

وهو يمشي يشوف الوضع مش طبيعي ؟؟ شوه السالفه ؟؟ بلاهم خلق الله مرتبشين ؟؟

دق الباب ..

..........: ادخل

بس اول ما دخل مايد اللي واقفه صدت الصوب الثاني ..

مايد: اظن انننننج اممممممم
وجدان: انا وجدان .. مرحبا دكتور مايد تفضل ..
مايد ( حس ان في شي): ييت فـ وقت مش مناسب ؟؟
وجدان: لا عادي
مايد: بس كنت مار من هني وقلت بسلم !!
وجدان: الله يسلمك .. حياك
مايد: خلاص بسير .. بس وين حصه ؟؟
وجدان( وصاحت): حصـ
مايد: بلاج ؟؟
وجدان: حصه ردت البيت
مايد: وانتي شوه فيج ؟؟

وجدان.... شوه هالاحساس المتبلد.. شوه هالبرود اللي فيك .. ما توقعتك جذه يا دكتور مايد .. ابد ما توقعتك جذه .. خلني فحالي وفكني من شرك وفكني من برودك هذا ..

مايد: وجدان ..

ونفس الوقت .. دخل حمد وجنه راكظ مسافة 100 كيلو ..

مايد: بسم الله بلاك ؟؟ بلاكم انتوا اليوم ..
حمد: مايد
مايد: شوه فيييييييييييك؟؟ ارمس انطق
حمد: دريت بالخبر ؟؟
مايد: اي خبر
حمد: بو خليفه
مايد ( انقبض قلبه )
حمد: عطاك عمره

وانفجرت هني وجدان تصيح .. ويلست عالأرض .. ومايد يطالعها وهو منصدم .. وحمد روحه فحاله وعيونه غرقانه بالدموع ..

مايد: منوه خبرك ؟؟

وحمد ما يرد عليه

مايد: منوه خبرك

حمد ( وهو يصرخ): ما تشوف الدنيا كلها منجلبه فوق تحت ؟؟ فالتلفزيون فالاذاعه .. المسجات والاتصالات شغاله ..
وجدان ( وهي تصيح ): ترحم عليييييه .. وهذا قضاء وقدر ..

مايد ريوله ما قدرت تشله .. و يلس على اقرب كرسي ...

مايد : الله يرحمه ( وهو الثاني يصيح صياح .. محد كان يتوقعه !! )

ويــوم يـيت استوعـب هالـخبـر ..
قلت ..لا.. مستحيل انتي تكذبين ..


قالت : آمني بالقدر خيرٍ وشـر ..
شخينا راح ونحـنا مثله رايحـين..


فالعاصمه بوظبي ..

شوارع خاليه من السيايير .. مظلمه .. لكن !! كل الناس برع .. ما في اكسجين فالبيوت ؟؟!! والا شوه السالفه ؟؟

فهد كان اول واحد عند الباب .. وصل سهيل ..

سهيل: فهد تعال داخل
فهد: ما اريد
سهيل: شوه واقف تسوي هني
فهد: ما شي.. بس ما اقدر والله ما اقدر ادخل البيت .. احس بعمريه بختنق .. احس بعمريه بموت .. والله بموت ..

وما قدر سهيل ع ولده .. فسار داخل وهده روحه ..

دخل فهد الحديقه .. ويلس عالكرسي .. وحط ايده ع ويهه وتم يصيح ..

العنود .. جلبت البيت فوق تحت .. اكبر مناحه مسوينها في بيت سهيل والسبه العنود .. محد يقدر يرمسها .. محد يقدر يقرب صوبها .. خلوها تكسر .. خلوها تفر الرمسه عليكم .. خلوها فحالها .. محد يقدر يلومها !!

بالمثل روضه ..

روضه ( تصيح) : الله يغربلهم ع هالخبر .. هذا خبر يذيعونه .. هذا خبر يحطونه الحين .. مالت عليهم ..
ام خليفه: استهدي بالله يا بنيه اذكري ربج واستغفري .. ترحمي عليه ..
روضه: والله ما يعرفون شي .. والله انهم جذاذيب ..

عقب صلاة التراويح .. في اثنين اتصلوا في بعض وحسوا انهم يحتاجون يشوفون بعض الحين بسرعه .. قالوا بيسيرون صوب البحر ..

سلطان: أحسن الله عزاك ..

زايد ما قدر ايود عمره

سلطان ( والدموع في عينه بس مبتسم ويحاول يخفف على نفسه وعلى ربيعه): افا والله يا زايد .. ما هقيتها منك .. ما هقيتها منك يا زايد .. هذا وانته اسمك زايد

هني سلطان يوم قال زايد .. روحه صاح ..

أعزيهم على زايد وزايد ساكن الوجدان .. واعزيني على زايد وفي الوجدان ساكني


وحضنوا بعض هم الاثنين ويصيحون .. يصيحون كأنهم يهال .. كأن كل واحد فيهم ياهل خذوا عنه احلى شي عنده .. واعز شي ع قلبه .. الخبر نزل على كل واحد في الامارات وبرع الامارات شرات الصاعقة ..

حمدان دخل البيت .. بس على غير عادته .. كل مره يدخل ويحشر الدنيا ويظارب ويا ظبيه .. وامه تهزبه شويه ويقص عليها بكم كلمة حلوه وترضى .. ويسير عند اخته ميثا ويتم يرمسها ويرمسها ويرمسها ويرمسها .. بس هالمره ساكت !! كل مره يدخل وهو كاشخ ريحة عطره تفوح البيت بكبره .. والغتره والعقال اللي يخلون الواحد يشك انه انسان عادي !! هذا ولد شيوخ ..

ظبيه: عمي حمداني .. يقولون ان بابا زايـ

وقبل ما تكمل ظبيه نش حمدان وصعد فوق .. ولا عبر ظبيه ..

ظبيه صدت صوب امها ..

ظبيه ( تصيح) : امايه شفتي .. شفتي قلت لج .. حتى خالي حمداني ما يرد عليه .. صدق الخبر .. يعني طلع صدق .. صدق اللي قالوه ..
ام احمد ( والدموع مغرقتنها): لا حول ولا قوة الا بالله

مـن بعد ماشفت دموعهم تخر ..
اكتشفت ان الخـبر صدق ويقــين ..
وانكسر قلبي من الداخل كسر ..
والكسر سبـب لي آهــات وانيــن..
شيخنا ماغاب في القلب انحفر ..
شيخنــــا مامــــات .. ياسامعـين ..
شيخنا موجود في قلوب البشر ..
واشهد ان العالم بعد موته حزين ..
يعـل ربــي يـنور بـنوره القبــر ..
قبر بو خـليفـة عساه م الخـالـدين ..
ويغـسل اذنــوبه بميــات النـهر ...
من جنات الخــلد رب المـسلميــن ..


الفريج كان هادييييييييييييييييييييييي على غير عادته .. كل واحد في بيته .. ولا صوت ولا حس فالفريج .. وكل اللي فبيوتهم .. كل واحد فحجرته ..

في بيت بو مبارك ..

مبارك كان ويا عاشه في حجرتهم ..

مبارك: وين اليهال؟
عاشه( وهي تمش دموعها): ما ادري .. كل واحد في حجرته ..
مبارك: ساره ما شفتها ..

نفس الوقت .. انفتح الباب .. وكانت ساره .. ركظت و ويلست عالأرض .. وحطت راسها عريل ابوها ..

ساره: ابويه .. الخبر صدق ؟؟ قول جذب ؟؟ رد عليه قولي اي شي .. بس لا تقولي انه صدق .. لا تقولي ان بابا زايد راح وما بنشوفه بعد .. لا تقول ان بيحطونه تحت التراب .. لا تقول .. ابويه الله يخليك .. بس رد عليه وقول ان جذب .. بابا قوووووول شي .. قول ارمس .. رد عليه .. بس لا تقول انه صدق ..


انطفت الأنوار .. ورحلت البسمة .. و نسينا الفرح .. وخيم الحزن عالإمارات .. وحل الظلام .. و عم الصمت في كل بقعة من امنا الإمارات .. حزن وأسى وحداد للمغفور له باذن الله سبحانه ... الوالد / زايد بن سلطان آل نهيان .. رحمة الله عليه .. وجنة الفردوس مثواه ...

منصور .. استغفر الله العظيم .. بس ليش يا رب ؟؟ ليش تاخذ اغلى البشر وأقربهم لقلبي ليش ؟؟ ليش تختارهم من بد هالناس كلهم ؟؟ استحملت فراق غانم .. وكتمته في قلبي كل هالسنين .. استحملت وداعه .. بس هالمره خذت من هو غلاه فقلبي وقلب غانم اكبر ..
خذت من هو غلاه يكبر ويكبر كل يوم اكثر .. وبيتم يكبر حتى آخر يوم فحياتي ..

وتم منصور منسدح عالشبريه ودموعه تنزل .. يصيح زايد .. يصيح ابوه .. ويذكر ربيعه .. وحبيب قلبه .. شخصين يرحلون عنه .. شي صعب عالواحد !!!


يالله ياللي لك تحل التسابيح .. يا حي يا قيوم يا رب الأرواح
حل ظلام من بعد نور المصابيح .. قايد فريد بحكمته من البشر راح
جفون عيني من بكاهن مجاريح .. تنطح علوم الهم والهم نطاح
جانا الخبر بعد انتهو من التراويح .. ثارت عقول الناس يوم الخبر باح
صدمه كبيره واتركتنا مطاريح .. الكل يبكي في البلد نوح وصياح
القايد اللي به بلاده تها اريح .. قالوا توفى يا عرب والدمع طاح
والله كن جوفي غدو به مذابيح .. من حرقتي فزيت بالعلم صياح
ترحم زعيم في سمانا مصابيح .. وتعوض بنجله لنا كل مصباح

اليوم الثاني كان أصعب من اليوم الاول ومحد متفيج صح ان في رمضان .. في الشهر المبارك .. لكن نصهم كانوا يصومون مب مشتهين ياكلون .. ونصهم كانوا يصومون لان واجب .. والنص الثاني عبادة وطمع في رضى الله سبحانه ..

العصر .. محمد كان يالس فالصاله .. ويت مريم .. ولا واحد فيهم رمس .. وتموا ساكتين .. ويتهم ام محمد ..

ام محمد: وين مطره ؟؟
مريم: في حجرتها ..
ام محمد: ومهره ؟
مريم: راقده
ام محمد: مريم حبيبتيه قومي سيري شوفي الخدامه شوه تسوي ؟؟
مريم: ان شاء الله ..

نزلت مطره من فوق ..

مطره .. غير هالمره !!! كل مره تنزل هاديه تسلم وتيلس مكانها .. بس اليوم نازله وتبين على ويها الثقه .. وتحس بها قويه .. ناويه ع شي هالبنيه !!

ام محمد تشوف التلفزيون وتصيح ..

مطره: والله يا ام محمد ان دموعج غاليه عندنا .. لا تصيحين ..
ام محمد: وكيف ما تبيني اصيح ؟؟
مطره: ترحمي عليه ..
ام محمد: الله يرحمه .. هيه والله يا بو خليفه خليتنا وسرت .. الله خذ امانته .. بس فراقه صعب
مطره: افا الغاليه .. تصيحين ( ودمعت عين مطره ) .. وتصيحين دلوعتج مطره وياج ..
ام محمد: والله ان دموعي تنزل غصب
مطره: مشّيهن .. والله لو بو خليفه حي .. جان ما حب يشوف هالدموع من عياله ..

ووخت وحبت راس امها .. وحطت راسها على ريل امها .. ودموعها تنزل ..

رن مبايل محمد ..

محمد: هلا خليفه
خليفه: شحالك ؟؟
محمد: الحمدلله .. انته ؟
خليفه: زين
محمد: وين دارك ؟؟
خليفه: بوظبي
محمد: شوه ؟؟
خليفه: بوظبي ما تسمع ؟
محمد:لا تقول انك ؟؟
خليفه: هيه هيه سرت
محمد:فذمتك
خليفه: فذمتيه
محمد: لا يالخاين
خليفه: شوه خاين ؟؟
محمد: انزين جان اتصلت .. كنت بروح وياك
خليفه: والله تبا الصراحه انا ما كنت بسير .. بس في اثنين يلسوا ع راسي .. الا نسير ونسير وسرنا
محمد: ومنوه وياك ؟؟
خليفه: انا وخالد .. وغيث وسيف
محمد: ما شاء الله ..
خليفه: انته وين ؟؟
محمد: انا فالبيت
خليفه: شحال الوالده ؟؟
محمد: ما تشكي باس ..
خليفه: يالله ببند عنك الحين
محمد: خلنا نشوفك
خليفه: ان شاء الله ..
محمد: فمان الله ..

أذن المغرب .. وفطروا خلق الله .. وفي وحده ما نزلت .. ولا شافوها اهلها طول اليوم .. او بالأصح ثنيتن ..

الأولى ..

ساره .. ما نزلت .. ولا ظهرت من الحجره .. وريسه والريم يحاولن وياها ما اطيع ... ويتها امها ولا طاعت .. ويتها يدتها ولا طاعت بعد .. بس هم يعرفون يخبرون منوه ؟

ريسه: شفتي .. شوه قلت لج ؟؟
ساره: ما بنزل
الريم: سارونه نزلي حبيبتيه لا تعاندين .. ابوج يباج
ساره: ما بسير
ريسه: ساره والله انه معصب
الريم: وانتي تدري به ابوج لو عصب
ساره: ما بسير له
ريسه: انزين نييب لج الاكل هني
ساره: مابا

عاشه شاله محمد ولدها ويايه ..

عاشه: ساره ما تسمعين ابوج يزقرج
الريم: ليش خبرتوه ؟؟
عاشه: والله هو ما شايفنها من الصبح .. فسألني عنها وقلت له انها فالحجره ومب طايعه تنزل
ريسه: ساروه ابوج يحاتيج نزلي
ساره: ما با ما با .. شوه غصب ياكل الواحد ؟؟
عاشه: انزين انزين تمي هني .. ساره اقولج انا قصري الشر ونزلي ولا تفورين اعصاب ابوج زياده
ساره: ما بنزل .. خلاص
عاشه: يالمبزايه تمي هني .. والله ليكسر اليوم ابوج الخيزرانه ع ظهرج .. صبري انتي بس .. دلع وبزا ونعطيهم اي شي يبون وعقب يركبون على راس الواحد ..

سلطان وصل .. وكان واقف عند باب الحجره ..

سلطان: حوه حرمت اخويه .. شحالج
عاشه: انته بعد قم قم ..
سلطان: الحين معصبه ع بنتها وتطلع حرتها فيني .. سيري طلعي حرتج فريلج ..
عاشه: خذ هذا ( وعطته حمّود)
سلطان: انزين وبعدين
عاشه: يوم بتنزل نزله
سلطان ( ابتسم): كله تفر عيالها علينا .. ولا تدري بهم
عاشه: هيه من جذه ظاهرين وحوش انتوا مربينهم
سلطان: قويه قويه في حقنا ..
عاشه: محد قالك تراددني
سلطان: ما عليه يا عاشة اخويه .. ما عليه
عاشه: حلوه هاي عاشة اخوك .. مقبوله منك .. بسير اشوف اخوك وانته شوف بنت اخوك ..
سلطان: افا عليج .. فالج طيب

دخل سلطان وفر حمّود حليله على ريسه .. ويلس عالأرض حذال شبرية ساره اللي كانت منسدحه عالشبريه ومتلحفه اونها بترقد ...

سلطان: سارونه ..
ساره ( ودموعها تنزل): شوه
سلطان: قومي كلي
ساره: ما با
سلطان: لا لا لا ما نبا .. اليوم حوليها هيه هيه نبا
ساره: ما با
سلطان: قومي انزين انا ما فطرت عدل قومي نزلي ويايه افطري
ساره: ما بنزل
سلطان: ليش؟؟
ساره: ما با انزل .. برقد
سلطان: علينااااا .. ساره ترقد هالحزه ؟؟ من وين طالعه الشمس ؟؟ ولا بعد اجازه
ساره: ياريت لو ما عطونا هالاجازه .. لو انها جذه ما نباها

سلطان ... حزت فخاطره رمست ساره .. هيه والله يا بنت مبارك .. جان انها جذه الاجازه ما نباها .. ولا نتمناها .. علنا ما خذنا اجازه طول عمرنا ونكرف كراف ولا يعطونا عسب ابونا زايد توفى .. هيهأ يا بو خليفه الله يرحمك ..

[عذبة الإحساس]

سلطان: ساره انتي تحبين بابا زايد ؟؟
ساره: عيل ؟؟
سلطان: تعرفين لو بابا زايد يشوفج وانتي تصيحين بيزعل
ساره: عمي سلطان .. لا تصيحني زياده
سلطان: هيه انا اقولج الصدق .. فلا تخلينه يزعل منج .. وقومي كلي ..
ساره: انزين ما بصيح .. بس ما ابا آكل
سلطان: انزين بابا زايد راضيتيه .. وبابا مبارك ؟؟ ما بتراضينه وتاكلين
ساره: اصلا هو معصب عليه .. لو انزل عادي يظربني
سلطان: ما بيظربج .. من متى تحيدينه يظرب؟؟ جد مره ظربج ؟؟
ساره: لا .. بس يصرخ عليه
سلطان: خلاص عيل .. بيصرخ عليج شويه
ساره: انا ما اباه يصرخ عليه بعد
سلطان: خلاص يا سارونه .. ما بيصرخ عليج .. بس ننزل ..
ساره: واذا صرخ ؟؟
سلطان: اقولج ما بيصرخ .. اذا صرخ عليج .. انتي صرخي عليه انزين
ريسه: ساروه نزلي لا تتدلعين زياده
سلطان: من حقها ساره بنت مبارك تدلع .. وتتغلا بعد
ريسه: هيييييه طبعا .. ليش ييتي وخربتي عليه
سلطان: اصلا انتي روحج مخربه ع عمرج من زمان .. يالله شاااو

نزل سلطان ووياه ساره تحت .. ومبارك فوق الضيج اللي هو فيه .. كان معصب صدق على ساره .. لانها ما تسمع رمسته .. ودوم تعاند ..

سلطان: احم احم .. وصلنا وساره الحلوه نزلت
مبارك ( بصوت حاد): مرحبا العروس ..

ساره يوم سمعت صوت ابوها .. اندست ورا سلطان .. وسلطان تم يأشر حق مبارك ان يخف عليها ..

سلطان: اوه ساره قالوا لج عروس ما شاء الله ..
ساره ( بصوت واطي) : هالعروس الحين بيدفنها ابوها
سلطان: ساره سيري سلمي على ابوج .. ما شايفنج من امس
ساره :مابا
سلطان: سيريييي
ساره: ما با والله بيظرب
سلطان: لا تحلفين ما بيظربج سيري
ساره: ما با .. جيه نزلتني .. ( وبدت تصيح)..

ساره كانت خدودها محمره من كثر الصياح .. والحين تصيح بعد .. شكلها صدق يكسر الخاطر .. ويقطع القلب ..

مبارك ( مد ايده): سارونه حبيبتيه .. تعالي فحضني .. والله مشتاق لج من امس .. ( ابتسم).. يعني انا مب ابوج بعد .. يهون عليج تزعليني؟؟

ركظت ساره وفرت عمرها في حضن ابوها وتمت تصيح .. باسها مبارك على راسها ..

مبارك: حبيبتيه والله ..

سلطان: الحين انا منزلنها تاكل ويايه .. جيه تصيحونها
مبارك: فديتج .. سيري كلي الحين
ساره: مابا
سلطان: لا يالخاينه ..
ساره: والله مابا آكل .. ما اشتهي آكل .. وابويه زايد متوفي .. وحطوه تحت التراب خلاص .. ما اقدر ما اقدر..

كلهم صخوا .. ساره ترمس .. وما تدري انها بالرمسه اللي تقولها .. تذبح كل واحد فيهم .. تقطع قلبه .. تقوله رمسه وتطعن في قلبونهم ..


الثانيه ...

منوه هي ؟؟

مهره ..

عالأقل ساره قدروا يقصون عليها .. قدروا يدخلون الحجره لانها ترقد ويا ريسه والريم .. اما مهره اللي قافله الباب وما ترد ولا نزلت ولا عبرت منوه يقدر عليها ..

بو محمد وام محمد ومحمد ومريم كانوا فالصاله ..

بو محمد: وين مهره ؟؟
ام محمد: هالبنيه ما نازله من امس
بو محمد: ما نزلت تفطر بعد ؟؟
ام محمد: لا والله
بو محمد: كيف جذه تخلونها ؟؟
ام محمد: ما نقدر عليها .. وكل واحد شال هم اكبر من الثاني .. محد متفيج حق دلع مهره يا بو محمد
بو محمد: مريم سيري زقريها
مريم: ما بطيع
بو محمد: اقولج سيري زقريها
محمد: تمي يالسه مريم .. انا بسير

صعد محمد فوق .. وتم يدق الباب

محمد: مهاري فجي الباب .. انا محمد .. بطليه .. ما شايفنج من امس بطلي خلينا نشوفج ..

وعلى صريخ محمد ظهرت مطره ..

مطره: شوه تسوي ؟؟
محمد: هاي ما تفج الباب
مطره: ولا بتفجه
محمد: تتحدين ؟؟
مطره: لا ما اتحدى بس اقول يعني ما بتفجه
محمد: مهره .. فتحيه والله ابا اشوفج .. وبو محمد بيا يشوفج .. لا تردينا .. يالله مهاري

وفتحت الباب .. وردت عالشبريه رقدت وتلحفت ..

محمد: شفتي
مطره: يالله تفضل سر لها الحين
محمد: ادري انها بتقفطني بس في سبيل الله على قولت حمد
مطره: ويييه ذكرتني فيهم .. والله اني اشتقت لبيت عمي .. عفانا الله محد يانا اليوم ابد
محمد: لا تييبين طاري .. ولا حد متفيج الله يهديج
مطره: عيل اسير حجرتيه واقرا قرآن ابرك
محمد: انا بعد اقول جذه احسن ..

سارت مطره حجرتها .. ورد محمد صوب مهره .. دخل .. الحجرة كانت باااااااارده .. وظلاااام ..

سحب الكرسي وحطه حذال راس مهره .. وفتح الليت الصغير اللي حذالها .. وشاف ويها اللي غرقان بالدموع ..

محمد: لالا يا اخت محمد .. وبنت محمد .. لو كنت اعرف ان ويهج جذه غادي جان ما صعدت فوق واصريت اني اشوفج
مهره ( بندت الليت): خلاص عيل .. انزل تحت .. احسن
محمد ( فتح الليت): بس ما عليه حلوه .. تصيحين والا تظحكين حلوه
مهره ( بندت الليت) :ابا ارقد
محمد ( فتح الليت): بسج نشي .. مهاري ما شايفينج من امس فالليل .. مهره الحشره امس البيت صخه من دونج .. راقده من وقت بعد
مهره ( بندت الليت): سيروا بيت عمي استانسوا ..
محمد ( فتح الليت): لا والله بيت عمي بعد شرات بيتنا .. كل البيوت غاديه ممله .. اصلا البلاد بكبرها ظلام ..

مهره مدت ايدها بتبند الليت

محمد: خليه .. بس .. خليه مفتوح ابا اشوفج
مهره: شوه تشوف ؟؟ من حلات الويه عاد
محمد: اووووونه وينك يا سلطان تيي تسمع .. شوه سلطان .. الا وينكم يا ناس يا عالم .. مهره بنت محمد اخت محمد تقول انها مب حلوه
مهره: محمد والله والله اني تعبانه .. ومالي خلق ارمس
محمد: انزين مهاري والله اهون عليج ما اشوفج من امس
مهره: شوه تشوف فييييه شوه تشوف
محمد:انزين ابا ايلس وياج .. ارمسج .. نسولف
مهره: عقب ان شاء الله
محمد:وبو محمد
مهره: شبلاه ؟
محمد: يسأل عنج ..
مهره: عقب بنزل له
محمد: لا الحين .. هو عقب شويه بيسير يرقد .. خلاص أذن العشا وتعشى .. ييلس شوه يسوي ؟؟
مهره: الحين ما اقدر انزل
محمد:لا تقدرين .. نشي
مهره: محممممد
محمد:اقولج قومي
مهره ( تنهدت): انزين بس بسير اغسل ويهي

سارت مهره غسلت ويها ويوم ظهرت محمد كان فاتح الليت .. وبند المكيف .. وسارت مهرا صوب المنظره ..

مهره: وييييييييه شكلي يزيغ .. لا اسمح لي ما بنزل عيل
محمد:نعم نعم ؟؟
مهره: ما بنزل خلاص .. (وردت يلست ع شبريتها ) لو سمحت وانته طالع بند الليت وراك وشغل المكيف وبند الباب
محمد :تتمصخرين انتي .. نشي بسرعه
مهره: محمد شكلي يخوف .. بيشرد ابويه مني
محمد: لو انا قولي يمكن اسويها اما بو محمد ما ظنتييييييي
مهره: عيل بزعل منك
محمد: دخييييييييلج لا .. يكفيني اني ما شفتج اليوم بطوله بعد تزعلين
مهره : ههه خلاص انزين سامحتك هالمره
محمد:هيه جيه نباج .. يالله نزلي له
مهره: يعني ما بيشرد ؟؟
محمد: نو آي دونت ثينك سو
مهره: جلبت ع روضه بنت خالتيه
محمد: ايهيييي شوه ياب طاري رويض الحين قوميييييي
مهره: ان شاء الله
محمد:نزلي وانا بيي وراج .. بس بنزل مطاري
مهره: انزين


موزه: مزنه ومزون يالله رقاد
مزنه: ليش انزين
موزه: شوه هو اللي ليش؟؟
مزون: ليش نرقد ؟؟ ما في دوام اجازه
موزه: قومن قومن يالله بسرعه .. ما فيه انا عالحشره
مزنه: انزين ما نريد نرقد
موزه: شوفن .. لا تعاندوني .. لان ابوكن الحين بيي .. وانا اعرف ان مزاجه متعكر هالكم يوم .. فلا تزيدوني وتزيدونه
مزنه: امايه
موزه: ما شي امايه .. يالله
مزون:انزين بنسير عند عموه
مزنه: هيه ..
موزه: ما شي ..وبعدين أي عمه نص الليل.. يالله بسرعه .. وما ابا اسمع حسكن بعد
مزون: امايه ليش ما تقولين ما اريد .. ليش تقولين ما ابا
مزنه: مثل قوم خالوه مهره ومريم .. ويدوه حصه
موزه: اريد وما اريد .. هاي رمستكم انتوا ..
مزون:وانتوا رمستكم نبا
موزه: انا من دبي
مزنه:اخ
موزه: اخ فعييييينج .. نشن بسرعه ولا ابا اشوف رقعت ويوهكن هني بسرعه

نشن مزنه ومزون من الزياغ .. لان امهن عصبت عليهن .. دبي وبوظبي !! محد متفيج حق هالسوالف الحين ..


العنود طول اليوم ملل .. وتعب .. ومب متفيجه .. وما شافت اخوها نزل من حجرته .. الا وقت الفطور فطر .. وعقب ابد ما شافته .. قالت بتسير تشوفه وتسولف وياه شويه ..

فهد: منوه ؟؟
العنود: انا عنّوده
فهد: شوه تريدين ؟؟
العنود: اريد ايلس وياك
فهد: انا برقد
العنود: فهد شويه بس
فهد: فيه رقاد
العنود: الله يخليك
فهد: دخلي

دخلت العنود .. ويلست عطرف الشبريه ..

فهد:نعم خير؟ ؟
العنود: ما فيه رقاد
فهد:وانا فيه رقاد
العنود: لا ترقد الحين .. سولف ويايه وعقب ارقد
فهد: ما اقدر
العنود:شويه بس .. الله يخليك ..
فهد: انزين قولي شوه عندج ؟؟
العنود: امممم .. تعرف ان من 3 اسابيع هب رايحين دبي ؟
فهد:هيه اعرف
العنود:وما اشتقت لهم ؟
فهد: بلى اشتقت لهم
العنود: انزين
فهد: شوه انزين ؟؟
العنود: نقول حق ابويه يودينا
فهد: ما بيودينا الحين
العنود:ليش؟
فهد: الحين الوضع ما يسمح ان نطلع من بوظبي
العنود: والله الجو كئيب وما اقدر استحمل.. احس لو تميت هني اكثر بموت .. كله صياح .. وكله حزن .. وابويه ما عاد شرات قبل .. يسولف ويانا ويظحك .. ويسألنا عن حالنا من يومين وهو مب معبرنا ..
فهد: عنّوده .. انتي روحج تعرفين بالصدمه اللي تعرضنا لها كلنا .. فلا تزيدين علينا الله يخليج
العنود: ما يخصني .. وانا عسبت هالصدمه اريد اسير صوبهم .. اريد اشوف خالي محمد واسولف وياه اريد يدي محمد بعد .. دام انه ابويه هب معبرني .. حتى عموه عليا ما عادت شرات قبل ( وعيونها انترسن دموع)
فهد: كل واحد فيه اللي يكفيه ..
العنود: ما اريد .. اريد اروح دبي
فهد: عنّوده .. قصري الشر .. الحين الساعه 10 سيري رقدي وباجر الصبح يصير خير
العنود:توعدني ترمس ابويه
فهد: ما اوعد
العنود:لا توعدني
فهد: بحاول ان شاء الله
العنود: خلاص تصبح ع خير ..

فهد: العنود
العنود: شوه ؟
فهد: لا تصيحين .. ثرها خدودج تستوي حمرا .. وويهج يغدي بريء .. والبراءه ما تليق عليج ..
العنود ( مسحت دموعها اوبتسمت): يالسخيف
فهد: مع السلامه ..

[عذبة الإحساس]

(*•.¸(`•.¸ وسمانا أظلمت بعد التماعي¸.•)¸.•*)

فقدنا الــلي نحبه .. فقدنـــا اللي نوده .. فدنا اللي نعزه .. فقدنا اللــي نشوفه
رحل عنا رحل منا .. ويوم الموت فارقنا .. وصار اللي نحبه .. في قبر ما نشوفه

(*•.¸(`•.¸ الجزء الـ 12 ¸.•)¸.•*)



عيال بو خليفه متيمعين فالصاله .. ما عدا غيث وسيف ..

روضه: ما بداوم باجر
خليفه: جني سمعت شي غلط .. وليش ان شاء الله ؟؟؟
روضه: ما ابا اداوم
خليفه: جيه بكيفج هو
روضه: ما لي نفس اجابل ويوه المدرسات
خالد: انتي بتسيرين تجابلين دروسج .. مستقبلج
فطيم: انتوا صدقتوها ؟؟ هاي الزلمه ما تبونها اداوم ؟؟
روضه: هيه ما بداوم
حمده: لا سيري عسب ايي مجلس الامهات
روضه ( ابتسمت): وايد متحمسه حق هالمجلس .. من حلات الويوه اللي هناك عسب تجابلينهن وتسألين عني
فطيم: الا قولي من حلات درجاتج
روضه: فطيم لو سمحتي
فطيم: او او .. آسفين آنسه روضه .. ما بنرمس خلاص ..
روضه: وايد تحطين عليه
فطيم: شوه قلت الحين ..
روضه: ما قلتي شي
فطيم: ادري
روضه: تقهريييييين
فطيم: بلاج انتي ؟؟؟

ووصلوا سيف وغيث ..


خليفه: بس استحن ع ويوهكن .. كل وحده شطولها وتظاربن ؟؟
فطيم: انا شوه قلت ؟؟ اذا قلت شي خلاص اسمحي لي انزين
روضه: يقولون الكلمه ويخلصون عقب اسمحي لي
فطيم: روضه ما يستوي نرمسج انتي ولا نتغشمر وياج .. بلاج ؟؟
روضه: بلاني المرض قولي آمين انزين
حمده: صلوا عالنبي يا جماعه
فطيم: اللهم صلي وسلم عليه
روضه: بسير حجرتيه ( ونشت)
خليفه: اظن من الادب والاحترام ان يوم نحن كلنا نكون متيمعين فأنتي تنثبرين مكانج ..
روضه: افففف
خليفه: لا تتأففين .. واستحي على ويهج .. ويوم الكبار يرمسون انتي تصخين .. مب تردين عليهم بهالطريقه الخايسه
روضه: khalifa I don’t want to say some thing wrong , so leave me go to my room
سيف: قامت ترطن انجليزي .. هههههه والله تظحكين ..

ما عبرت روضه ولا حد .. وصعدت حجرتها ..

خليفه: والله انها قليلة أدب بس انا اعرف كيف اربيها من اول ويديد
خالد: خليفه شديت عليها شويه
خليفه: شوه شديت ؟؟ محد يقدر يرمسها
خالد: كلنا ما لنا خلق حق السوالف .. وكلنا زعلانين .. بس روضه حزنها ظاهر عليها .. فاضحنها في تصرفاتها ويانا بعد
خليفه: هذا مش مبرر
خالد: لا مبرر .. وروضه كبيرة مب صغيرة انك تصرخ عليها بهالطريقه
خليفه: والكبير يصرف شراتها ؟؟
سيف: هدوا هدوا .. حطوا اعصابكم فالفريزر
غيث ( بصوت واطي): والله يا سواف بتحصل هزبه محترمه الحين من خليفه والا خالد
سيف: متفيجين والله تعورون روسكم عسبت رويض .. حمده شحالج
حمده ( مستغربه): بخير
سيف: وشحال اخوج .. وشحال امج
حمده: الحمدلله
سيف: ووين سرتي ووين ييتي
غيث: ايه ايه ايه انته استح ع ويهك
سيف: اوه سوري والله آسف
حمده: ههههه والله انك عجيب ..
سيف: هيه شوفوا خلوكم مثل حرمت اخويه .. والله طيبه ورايقه .. حليلها هي الوحيده اللي تفهمني في هالبيت
غيث: واللللللللللله ؟؟ يعني شوه قصدك .. انزين يا سيفان ..
سيف: ويا ويهك ما اقصد شي
غيث: ما ترمسني قم عني قم ( ونش غيث سار فوق)
سيف ( صرخ ) :غييييييييييث غييييييييث .. افففف مب متفيج اصعد فوق
حمده: يالشيبه جيه تزعله ؟؟
سيف: والله شوه نسوي يا حرمت اخويه دمه ثجيل
حمده: زيد عليه ماي
سيف ( نقع من الظحك) : والله انتي جيه ( وسوا حركة بايده انها اوكي).. انتي اللي عجيبه .. شكرا .. والله انج رديتي عالأقل شوي من جو المرح فيني .. عقب الخبر الكئيب هذا ..


في حجرة روضه .. روضه يالسه ع شبريتها وتصيح ...

خالد: روييييييض
روضه: khalid plz don’t talk with me
خالد: الحين ليش كل هالصياح ؟؟
روضه: always what I say is wrong
خالد: الحين بس عسب خليفة شوي عصب عليج .. صحتي وما ادري شوه
روضه: It’s not the first time
خالد: انزين اخوج .. يعني طوفيها له .. هو عود ..
روضه: مش كل مره يصرخ عليه .. ويعدين انا مش غلطانه بعد .. فطيم هي اللي غلطانه
خالد: يعني تبينه يصرخ على فطيم
روضه: هيه ليش لا ؟؟ والا لانها اونه عوده .. انا ما عدت صغيره يصرخ عليه بهالطريقه
خالد: لا عاد ما يستوي .. فطيم الحين حرمه .. عيب نصرخ عليها
روضه: هيه طبعا فطيم العوده .. فطيم العاقله ..
خالد: وانتي الدلوعه
روضه: اي دلوعة .. خليفه من صوب يصرخ عليه .. وسيف من صوب كل مره يصرخ ويحط عليه بعد .. والله شوه هالحاله .. ( وتمت تصيح زياده)
خالد ( كسرت خاطره روضه): خلاص انزين رويض لا تصيحين .. ومشي دموعج .. والله ان شكلج مب حلو جذه .. ووعد مني .. خليفه مره ثانيه ما يصرخ عليج .. وسيف دواه عندي .. بس انتي سكتي ... وهدي اعصابج ..


حمدان: ما بظهر اليوم
مانع: يالله عاد حمدان .. ملينا في البيت كل يوم
حمدان: والله ما ابا اشوف الشارع ما ابا اشوف الناس ..
مانع: يعني لين متى ؟؟
حمدان: ما ادري
مانع: ما يستوي جذه .. حمدان ولد عبدالله يقول ما بظهر
حمدان: شفت عاد
مانع: اقولك اليوم انا بمر عليك وبنظهر
حمدان: ما ابااااااااااااااا
مانع: مب ع كيفك هالمره .. عقب صلاة المغرب ان شاء الله بشوفك
حمدان: مانع
مانع: ما شي لا مانع ولا ما ادري منوه .. قلت لك مب ع كيفك
حمدان: انزين انزين
مانع: هاها اول مره اغلبك
حمدان: لا تفرح وايد لاني للحين ما قلت لا ولا قلت هيه.. عادي تيي وتهرن برع واخيسك عند الباب .. وعقب اظهر لك بجلابيه واقولك ما بيي وياك
مانع: والله سوها هالمره وبتشوف
حمدان: والله ؟؟ يعني شوه بتسوي
مانع: انته بس جرب
حمدان: انزين يالله بصكر عنك الحين
مانع: ولا تنسى عقب المغرب
حمدان: انزين ..
مانع: فمان الله

حمدان ... لين متى يعني بتم جذه ؟؟ امايه ما شايفنها من 3 ايام او اكثر .. وظبوي فديتها اشتقت لها كسرت خاطريه هذاك اليوم يت لين هني ما ادري شوه تبا حرجت عليها وطردتها من الحجره .. وميثا آآآآآآآه .. لازم ارد حمدان الجديم .. البيت وايد كئيب .. كل العالم حزنوا .. كل العالم زعلانين .. بس هذا الشي غلط .. لازم نصبر .. وبعدين جنه الا بو خليفه بيسامحنا لو درى باللي نسويه ؟؟ والا جان سجلوا له محاظره طول وعرض حقنا نحن عياله .. وان لازم نقوي ايمانا وارادة الله فوق كل شي .. قم قم يا حمدان قم سر غير جو البيت .. لانك تدري محد بيرمس وبغير هالجو الا لو انته تحركت .. قم الله يخليك وعن الحركات ..

ظهر حمدان من الحجره .. ونزل تحت ما شاف حد .. وتم يحوط فالصاله ويحوس .. ومحد عبره ولا حد يا .. وينهم ؟؟!!

سار صوب المطبخ اللي برع .. وشاف امه هناك .. تعابل وتصرخ عالخدامه حليلها !!

حمدان: هدي اعصابج يا ام احمد


ام احمد .. افترت صوب حمدان .. ويوم شافته فرحت .. كأنها ما شايفتنه من شهور اي شهور ؟؟ الا سنين ..

ام احمد: مرحبا .. حيالله حمدان .. زين يوم نزلت فديتك
حمدان: الغاليه .. شوه تسوين انتي تصرخين وصوتج واصل لين ما ادري وين
ام احمد: الا هاي اقول لها ودي الاكل حق يرانا وما تعرف اونها اي بيت .. تباني اطلع الشارع وادليها مسودة الويه
حمدان: ههههه ووينها ميثا عنج ؟؟
ام احمد: ميثا والله ظهرت ما ادري وين سارت ..
حمدان: وظبيه؟؟
ام احمد: ظبيه اكيد تلقاها فالصاله ماسكه هالجهاز ومنسدحه وحاطه هذا mbc3 مالها
حمدان: لا مب فالصاله انا توني نازل ما شفتها
ام احمد: عيل في حجرتها ..
حمدان: بسير اطالعها .. اسمحي لي فديتج
ام احمد: مسموح حبيبي

وردت ام احمد تصرخ على الخدامه ..

حمدان: اقول
ام احمد: هلا
حمدان: لا تصارخين عليها زياده .. ترا ما يسوى عليج والله .. انا بسير اشوف ظبيه وبرد اودي الاكل وين ما تبين


ظهر حمدان .. وسار صوب حجرة ظبيه .. من دون ما يدق الباب ولا شي هالمره قال بيسوي اقتحام على حجرة ظبّوي

في فلة ثانية كان الاقتحام اكبر .. ودوم حجرة هالانسانه يقتحمونها ..

مهره: مطرووووووه
مطره: شوه ؟؟
مهره: قومي نسير بيت عمي
مطره: ما بسير
مهره: ليش؟
مطره: ما ابا اسير .. احس انهم ما بيعبرون شرات كل مره
مهره: لا لا .. شوه ما يعبرون ..
مطره:الجو كئيب
مهره: ما اعتقد .. اكيد سلطان ما مخلي حد فحاله .. ومسوي جو حلو هالانسان ما يقدر يعيش في جو حزين
مطره: انزين انتي سيري روحج
مهره: ما ابا .. اخاف منصور يكون هناك واكيد بيكون هناك .. مب متفيجه اسير روحي
مطره:منصور الحين شوه بيسوي بج ؟؟
مهره: الحين بتنشين والا ؟؟
مطره:انزين اتصلي فالريم وريسه اييون الحديقه .. وننزل الحديقه والله فخاطريه انزل الحديقه من زمان ما يلسنا فيها
مهره: يعني الحديقه ؟؟
مطره:هيه الله يخليج
مهره: انزين يالله نشي .. لاني بسير اتصل في ريسه بسرعه
مطره: انزييييين


حمدان: وين سارت امج ؟؟
ظبيه ( بارتباك) : ما ادري
حمدان: ظبّوي
ظبيه: شوه ؟؟
حمدان: وين سارت امج ؟؟
ظبيه: قلت لك ما ادري
حمدان: انزين ما عليه يا ظبيه
ظبيه: شوه بتسوي؟؟
حمدان: ما بسوي شي .. بس خل تيين مره ثانيه حجرتيه بصرخ عليج مثل ما صرخت عليج قبل اصبري انتي
ظبيه: لا الله يخليك
حمدان: عيل قولي وين سارت امج ؟؟
ظبيه: سارت .. بيت يدوه خلاص
حمدان: يدتج الثانيه ؟؟
ظبيه: هيه يعني منوه بعد
حمدان: وليش؟؟
ظبيه ( زايغه): ما ادري ما ادري
حمدان: ظبّوووووووي
ظبيه: خالي حمداني بلاك اليوم .. انا ما يخصني انته اتصل واسألها هي وين وليش طالعه
حمدان: انزين قومي يا ام لسان .. نسير عند امايه لانها تباني اودي الأكل بيت ما ادري منوه من يرانا .. بتيين ويايه ؟؟
ظبيه: اكييييييد .. دامك بتطلع برع البيت ليش ما ايي وياك
حمدان: ما ادري وين بسير الا هو هني البيت
ظبيه: عادي المهم اطلع ..

نزل حمدان وويايه ظبيه .. وشلوا الأكل وسار حمدان بيركب سيارته ..

ام احمد: جيه تركب السياره
حمدان: امايه عيل كيف تبيني اوصل الاكل ؟؟
ام احمد: سير مشي .. الا هو البيت اللي مجابل بيتنا
حمدان: والله ما سرت مشي
ام احمد: جرييييب البيت ..
حمدان: ولو ما بسير مشي ..
ام احمد: الحين تتعنى وتركب هالدبابه عسب تودي الأكل
ظبيه: ما عليج يدوه لا تخربين عليه .. بخليه يودينا الجمعيه
حمدان: وانتي ليش تبين تسيرين الجمعيه ؟؟
ظبيه: خالي حمدانيييييييي .. ابا حلويات الله يخليك .. صايمه والله ..
ام احمد: سر فديتك ودها
حمدان: انا لله وانا اليه راجعون .. ظبّوي تدرين اني كنت مرتاح منج
ظبيه :ادري
ام احمد: سر فديتك والله عسب خاطريه ودها .. دامك ركبت سيارتك
حمدان: ان شاء الله
ظبيه: فدييتك خالي حمداني
حمدان: بس بس سكتي يالمصلحجيه ..

ظهر حمدان ووقف جدام بيت بو محمد .. وتظارب ويا ظبيه تنزل وهي ما طاعت تنزل الا لو هو نزل .. وهو يقول لو انا نزلت جيه انتي تنزلين بعد ؟؟ بس هي ما طاعت ..

حمدان: والله لو نزلت ونزلتي ورايه يا ويلج
ظبيه: ابا اشوف بيتهم من داخل
حمدان: بتنظربين
ظبيه: انزين انا ابا
حمدان: عيل نزلي روحج
ظبيه: ما با
حمدان: عن السخافه
ظبيه: انزين شوه بيستوي فيك لو نزلت؟؟
حمدان: قولي شوه بيستوي فيني لو انتي نزلتي ويايه
ظبيه: طبعا ما بيستوي بك شي
حمدان ( ومد ايده وير ظبيه من كشتها) : والله اصبري جان ما خبرت عليج احمد
ظبيه: خالي حمدانيييييييييييييييي .. والله يعور
حمدان: انزين ما عليه يا ظبّوي
ظبيه: انزين والله ننزل ويا بعض
حمدان: جيييه عرس ؟؟
ظبيه: لا ملجه
حمدان: دمج خفيف
ظبيه: طالعه عليك .. يالله انزل يا ريال اخرتنا ( ونزلت قبله)
حمدان ( نزل الجامه): خذي ودقي الجرس
ظبيه: ما با انزل بسرعه انزل ..
حمدان ( عصب على ظبيه ونزل ومن القهر اللي فيه نزل عسب يكفخها مب يدق الجرس)

ساره :اوهوووووووووووووووو
ريسه: وعلج ان شاء الله الصمخ
مطره: حرام عليج
ريسه: هاي ما عندها غير الصريخ
مهره: سيري بطلي الباب حبيييبتيه ساره
ساره: ما يخصني
مهره :سيري والله هاي الدبه ما بتظهر الحين لانه بيأذن جريب
ساره: انتي سيري
مهره: تدرين انج سباله
ساره: لا والله ما ادري اني سباله .. انا انسانه
ريسه: والله ما ترومين عليها بنت مبارك .. اللي عمها سلطان
مريم :اففففففف شوه ياب هالطاري الحين
مطره: ساره حبيبتيه والله سيري
ساره:انزين الدرب طويل لين الباب .. وانا بمل لو سرت روحي
ريسه: والله ما تقهر ؟
مريم: واااااايد تقهر
مهره: يعني شوه الدرب طويل سيريييييييي
ساره: بمل والله .. ابا حد ايي عسب اسولف وياه
مطره: نسير بيي وياج .. بس مب تفتحين الباب وتخلين بيتنا مغارة علي بابا شوي شوي .. اخاف يكون حد غريب
ساره: اوجكييييي يالله نشي
ريسه: متفيجه
مطره: حليلها..

وسارت مطره ويا ساره .. وفالدرب الطويل على قولت ساره تمن يسولفن .. ويوم وصلن وقفت مطره ورا الباب ..

ساره ( وهي تفتح الباب): لا لا لا ما نبا ..

حمدان وظبيه قفطوا .. شوه لالالا ما نبا .. شوه السالفه ؟؟ من اول مره يردونا .. مالت على هاليران ..

ومطره اطالعتها بعين .. خل تسكت خلاص خلصت السالفه .. خل تجابل منوه ياي .. وساره ما شي ..

ساره: حيا الله من يانا
حمدان: الله يحييج
ظبيه ( بصوت واطي): هاي خبله
حمدان: جب
ساره: انته ايه ياي بيتنا .. اقصد بيت يدي محمد وتقول جب .. صدق مضيع مذهب .. يالله يالله مع السلامه .. ما نستقبل قليلين ادب

ومطره اطالعها وفاتحه عيونها عالاخيييييييير ومنصدمه .. وبندت ساره الباب ..

ساره: صدق ما يستحون
مطره: انتي ايه شوه سويتي ؟؟
ساره: قالي جب
مطره: جب فعييييييييينج فتحي الباب فتحييييه
ساره: ما بفتح .. هذا ريال قليل ادب
مطهره:تقولين ريال بعد .. وتقولين قليل ادب .. فتحيييييييييييييي
ساره: ما بفتح ..
مطره: فتحيه والله فتحيه .. والا بتنظربين
ساره: عاد منوه بيظربني ؟؟ انتي ... ما يهون عليج ادري تحبيني
مطره: سارونه فتحي الله يخليج فتحي والله ما فيه عالمشاكل عقب ..
ساره: انزين عسب خاطرج بفتحه .. اصلا ما يستحون لو هم للحين واقفين


وفتحت الباب ساره .. وصدق حمدان وظبيه دفان عندهم برع مثل ما ساره ومطره دفان عندهم داخل ..

ساره :شوه قلت لج ما يستحون
مطره ( عضت على شفايفها و قالت بتنقذ الموقف وبترمس): اقول منوه عند الباب
حمدان ( قفط يوم سمع صوت بنيه ): مرحبا الشيخه ..
مطره: حياك الله
حمدان ( مد ايده وعطا ساره الصحون): هذا من البيت اللي مجابلنكم
مطره: مشكور يزاك الله خير
ساره: ثجيييييل
مطره : حطيه عالأرض ..
ساره: بيطيح
حمدان: ييبي عنج

يوم قال حمدان ييبي عنج .. مطره زاغت .. شوه بيسوي بيدخل داخل ؟؟ لا ما يدخل .. شوه يدخل داخل .. وانا ما لابسه عباه .. يشوفني بجلابيه وشيله ..

وحمدان صدق دخل داخل بس كان منزل راسه .. وحط الصحون عالأرض وطلع ع طول

وركب سيارته وحرك ..

مطره كانت مصدومه هذا صدق دخل .. بس يوم وعت .. وادركت ان ساره السبب .. ما لحقت تعاتبها لان الشيخات كلهن ين يركظن صوبها ..

مهره: والله رااااااااااع الهمر
مريم: استحي ع ويهج والله
ريسه: نحن ما يهمنا راع الهمر .. نحن تهمنا الهمر
مريم: الله ياخذ عدوكن صدق ما تستحن والله
مهره: قومي انتي انزين ..

وسمعت صوت واحد .. كلهن ماااااتن يوم سمعن الصوت ..

مهره: ما بصد ورا قولن منوه
ريسه: وانا بعد ما يخصني
مريم: انا بسير الفله
مطره: صدن صدن .. سلطان

سلطان: شوه تسون ؟؟
مريم:يييييت
سلطان: لا يييييت
مريم: سلطان سلطان
سلطان: نعم .. خير .. ام لسان شوه تبين
مريم: احترم نفسك انا اكبر عنك
سلطان: وبكم اكبر منيييييييييي
مريم: سنه
سلطان: اكبر مني بالعمر لكن عقل ما شي
مريم: الله يسامحك
سلطان: لا تغيرن السالفه شوه تسون
ساره: عمي سلطان
سلطان: هلا
ساره: تعرف منوه يا
سلطان: منوه
مهره ( قطعت عليها ): اقول اقول سلطان والله بغيت شي بس يعني تعرف
سلطان: بلاج ؟؟
ريسه: هيه مهره انتي شوه كنتي تبين ؟؟
مهره: شوه يا ربي
مريم: هيه هيه كنتي تبين تسيرين الجمعيه
مهره: هيييييه صح كنت بسير الجمعيه

سلطان واقف وفاج ثمه .. شوه يألفن هذيل ؟؟ ومهره ومريم وريسه يغيرن السالفه لان ساره بتفضحهن .. ومطره ولا قالت ولا تحركت ولا رمست ..

[عذبة الإحساس]

سلطان: دريول ابوج انا
مهره: شوه بيستوي فيك ؟؟
سلطان: انتي جد ترمسين ؟؟
مهره: هيه
سلطان: والله خل محمد اخوج يوديج
مهره: يالله سلطان ودنا نحن كلنا .. تعرف به محمد ملل يوم نظهر وياه
سلطان ( مصدوم): شوووووووه ؟؟ اول مره تقولين شي مب زين عن اخوج هو مب انه مب زين بس اول مره تذمينه
مهره: ايه ايه لا تصدق
سلطان: لا خلااااااااااااص انتي روحج قلتي
ساره: انزين ما خليتوني اكمل
مريم: انتي ان ما سكتي الحين
سلطان: لحظه لحظه .. دام انكن تحرجن على ساره واحس انكن هه تدورن وتلفن .. وساره تبا تفضحكن .. ساره عمريه قولي رمسي
ريسه: اصلا ساره ما عندها سالفه
مهره: ساره تعالي تعالي امج تباج
سلطان: هديها بسرعه
مهره: ما بهدها امها تباها خلها
سلطان: هديها بنت اخويه
مهره: بنت ولد عمي
سلطان: آل مهره
مهره: بن سلطان

سلطان فج ثمه كأنه بيعظ ايد مهره .. ومهره سحبت ايدها على طول ..

سلطان: ساره قولي شوه كانن يسون ؟؟
ساره: في واحد يا ودق الباب .. وياب هالاكل .. ومطره رمسته .. وعقب كلهن ين هني .. يشوفن سيارة الريال ..

سلطان فاتح عيونه عالاخير .. وقبل ما يلحق عليهن .. ويرويهن العين الحمرا .. يوم صد ورا ما لقى ولا وحده فيهن .. الا مطره حليلها واقفه جدامه ..

سلطان: هاي سواياكن ؟؟
مطره: لا والله ساره ما قالت لك السالفه صح
سلطان: شوه تقول بعد ؟؟ انا اشوف ان صح اللي قالته .. انتي واقفه هني ؟ وكلهن بعد كانن هني بس ما عليه والله لأوريكن .. ما ربيناكن عدل
مطره: سلطان والله حرام عليك .. ما فهمت صح .. فهمت كل شي غلط
سلطان: شوه بعد افهم
مطره: دقوا الجرس و كانوا يايبين هالصحون .. وكان واحد .. وساره السخيفه
سلطان: شي جميل كملي
مطره: شوه شي جميل
سلطان: قلتي سخيفه عن ساره اول مره
مطره: انزين .. تمت تسخف وبندت الباب فويه الريال .. وقالت له قليل ادب
ساره : عموه مطررررررررررررررره
مطره: هيه جب
سلطان: شي رائع
مطره: شوه شي رائع ؟؟
سلطان: قلتي جب اول مره
مطره: وعقب انا قلت لها فتحي الباب و ..
سلطان: كملي
مطره ( سارت بعيد شويه ): ورمسته وقلت له يعطي الصحون حق ساره .. وعقب ساره ما قدرت تشل الصحون وهو شل الصحون عنها ودخلها
سلطان: مطرررررره .. صدق .. لا تخليني اسوي شي اندم عليه
مطره: والله .. بس بعد والله ما شاف والله كان منزل راسه .. والله كنت مندسه ورا الباب.. والله العظييييييييم

ساره: خيبه خيبه خيبه بس بس لا تحلفين هالكثر
مطره: والله ما شاف
ساره: انزين ما شاف صح
مطره: سلطان والله انه ما شاف .. لا اتم تطالعني جذه ..
سلطان ( ابتسم): واثق فيج .. وواثق في كل وحده فيكن ..

مطره ارتاحت من رمسة سلطان ..

سلطان: بس انتي يا ساروووووووه
ساره: ما يخصنيييييييييييييييييييييييييييييييييييييييييي

حط سلطان صبعه في اذنه من صريخ ساره .. وهي يوم خلصت صريخ ركظت سارت الفله ..

دخلت الصاله وشافت ابوها وغانم يالسين .. ونقزت على غانم ..

غانم: بلااااااج
ساره: عمي سلطان ياي
غانم:وخير يعني ؟؟
مبارك: نسوي حفله ؟؟
ساره: لا احفروا القبر
مبارك: فال الله ولا فالج .. قولي رمسة عدله .. اعوذ بالله
ساره: والله بيي يظربني
غانم: ليش شوه مسويه ؟؟
ساره: ما سويت شي ..
مبارك: سارونه شوه سويتي ؟؟
ساره: ما شي بس ريال سخيف يا بيت يدي وقالي جب .. وقلت له قليل ادب وبندت الباب فويهه بس
غانم:والله ؟؟ بس ؟؟
ساره: هيه بس .. شفت عادي
مبارك: ساره ما تستحين
ساره: هو قالي جب

ومنصور كان نازل من فوق ..

منصور: انتي جيه يالسه على ريله تتحسبين عمرج ضعيفه ؟؟
ساره: اخويه
منصور: قومي قومي .. ريله تعوره
ساره: هو قالك ؟؟
منصور: لا بس انا اعرف انج دبه
ساره: والله مب دبه ..
منصور: وليش اصلا يالسه على ريله
ساره: بس جيه ..
منصور: نشي
ساره: ما بقوم
منصور: قومي اقولج ( ويا يلس حذال غانم )
ساره : انزين

وبكل برود نشت ساره عن ريل غانم ويلست على ريل منصور .. وغانم يطالعها كأنه يقول لها بتحصلين صفعه من عمي منصور.. ومبارك يطالع منصور باستغراب مش ساره ..

منصور: حيالله بنت مبارك
ساره: الله يحييك
منصور: ومنوه سمح لج هالمره تيلسين على ريلي
ساره: اوه عمي كيفي ريل عمي
منصور:ههههههه انتي عجيبه
ساره: ادري .. طالعه على ابويه حبيبي
مبارك: هههههه اسميج انتي
ساره: شوفوا شوفوا انا طالعه على ابويه .. وغانم على امايه .. وحمد على ابويه وحمود فديته بعده
غانم: منوه قالج طالع على امايه
ساره: انا اعرف
غانم:فديتها العاش يوم اني ظهرت عليها
مبارك: نعم نعم ؟؟
غانم:ههههههه ما قلنا .. بسم الله .. بس قلنا العاش
مبارك: لا لو سمحت .. حقوق الطبع محفوظه
غانم: خلاص .. فديتها عوشه يوم اني ظهرت عليها
مبارك:ولا عوشه
غانم:عواش
مبارك: ولا عواااااااش
غانم:عيل شوه ؟؟
مبارك: ما ادلعها
غانم: حشى .. اميه انزين
مبارك:لا ما ادلعها
منصور: والعثره .. هههههههههه مثل ما هي حرمتك هي امه بعد .. والله انته صدقها ساره .. طالعه عليك ..

ودخل سلطان .. وهو واقف عند الباب مصدوم ..

ساره: عمي سلطان اليوم كله مصدوم كله مصدوم .. تقولون بقره شايفه حريجه
منصور: ههههههههههههههههههههههههههههه تشبيه بليغ
مبارك: سااااااااااره عيب
ساره: انزين والله صدق
غانم: عمي سلطان .. حياك تعال
سلطان: انا في حلم والا في علم ؟؟
غانم: في علم ليش؟؟
سلطان: انا صدق اشوف ساره يالسه على ريل منصور ومنصور ما يقول لها شي .. ويظحك بصوت عالي والا شوه بالضبط ؟؟

الكل سكت .. ومبارك يقول انصدمنا قبلك .. بس انته جيه ترمس وتخرب اليلسه ؟؟

منصور ( ابتسم): لا في علم .. وما تحلم .. وتعال يلس انته بعد ..

في حجرة البنات .. الريم وريسه كانن يالسات سوالف عقب ما شردت ريسه من سلطان .. والريم يالسه تعدل الحجرة وريسه تسولف وياها ..

الريم: عبود ما وصل ؟؟
ريسه: لا
الريم: وينه ؟؟ بيأذن الحين
ريسه: اصلا اليوم تاخر
الريم: هيه انا رمسته وقال بيرد متأخر
ريسه: شوه يبا بها جامعة العين من حلاتها
الريم: ليش تغارين ؟؟
ريسه: من شوه اغار الله يخليج .. وع لوعة جبد
الريم: بس بس .. من زين جامعة زايد الحين
ريسه: فديتهااااااااااااااااااااااااااااا جامعة زايد
الريم: انزين سكتي وقومي رتبي فراشج
ريسه: ومنوه خربه ؟؟
الريم: عاشه كانت هني وحطت حمّود على شبريتج
ريسه: شوه ؟؟ ليكون رجع عليها بعد ؟
الريم: لا لا .. عفانا الله .. شوه انتي
ريسه: انا بنيه حلوه واموره
الريم: بااااااااااااين ..

وسمعوا دق الباب ..

الريم: ادخل ..
حمد: السلاااااااااااااام على عماتي حبيباتي
ريسه: شوه نازل عليك اليوم ؟؟
حمد: ردي السلام
الريم: وعليك السلام
حمد: شحالكن؟؟
الريم: بخير .. وينك انته ؟؟
حمد: انا كنت فالحجره .. والحين قبل ما انزل سمعت اصواتكن قلت بيي اسولف وياكن شويه وعقب بنزل
الريم: حياك الله
ريسه: اقول حمد
حمد: قولي ..
ريسه: تعرف راع الهمر اللي ساكن جدام بيتنا ؟
حمد: اي واحد ؟؟
ريسه: راع الهمر الحمرا
حمد: وانتي من وين تعرفينه ؟؟
ريسه ( ارتبكت): انا ؟؟ لا لا .. ما اعرفه ولا شي
حمد: متاكده
ريسه: استح ع ويهك شوه بعد متأكده .. حق شوه تلمح انته .. جنك نسيت اني عمتك
حمد: عمتي اكبر مني بـ 5 ما ادري 6 سنوات
ريسه: عيل بكم تباني اكون كبيره بعد
حمد:قولي 15 قولي 20 سنه ..
ريسه: تباني اكون عيوووووووووووووووووز
حمد:اصلا انتي الحين عيوز
ريسه: هاهاها ما يظحك ..
حمد: ما قلت لج اظحكي
ريسه: اففففففف تقهر شرات سلطان
حمد: عمي طالع عليه
ريسه: بس بس اسكت
حمد:ههههههه بلاج عصبتي
ريسه: سلطان تحت
حمد:ما ادري
ريسه: سر شوفه
حمد:يا سلاااااااااااااام
الريم: يالله انا بنزل .. بسير ويا امايه وعاشه
حمد: هيه هالبنيه مب بعض الناس
ريسه: حمدووووووه قم عني احسن لك .. ترا واصله حدي من سلطان مب تيي تكملها عليه
حمد:هههههه انتي دوم معصبه هدي هدي .. بننزل اصلا ويا الريم شيخة الحريم
الريم ( ابتسمت): يالله نسير
حمد: يا ويييييييييييل حالي انا .. والله اففففففف تخبلين عموه الريم .. والله ... يا حظ اللي بياخذج ..
الريم: اسكت اسكت .. وبلا هالرمسه البايخه وننزل
ريسه: قالوا لها يا حظ اللي بياخذج قالت رمسة بايخه عيل لو قالوا الله يعين اللي بيبتلي بج
الريم: ما يخصج انتي انزين .. ونزلي .. لانج لو ما نزلتي بتسمعين صريخ مبارك
ريسه: لا كله ولا برّووووووووووووك يوم يعصب البركان الثائر والحمم تظهر مصيبه هاي الا كارثه
حمد:ههههههههه وينه ايي يسمعج ..
ريسه: لا تقول والله ما فيني ع حشرة ابوك
الريم: عيل نشي يالله .. ننزل نسير المطبخ