تفضلي يا خانم عالصبحية الشامية.....شرفي

السلام عليكن ورحمة الله وبركاته والصلاة والسلام على اشرف المرسلين وخاتم الانبياء والمرسلين سيدنا ونبينا محمد عليه اشرف الصلاة واتم التسليم

يا شام ... ياشامة الدنيا , ووردتها
يــا من بحسنك أوجعت الأزاميــــلا

وددت لو زرعوني فيك مئذنــــــــة
أو علقوني على الأبواب قنديـــــلا

يا بلدة السبعة الأنهار ... يا بلـــدي
ويا قميصا بزهر الخوخ مشغـــــولا

ويـــــا حصانا تخلى عن أعنتــــــــه
وراح يفتح معلومـــــا , ومجهـــــولا

هواك يابردى, كالسيف يسكننـــي
وما ملكت لأمر الحب تبديــــــــــــلا

يسعد صباحكم ومساكم أحبتي هاهو فنجان القهوة الساخن ينادينا هلمو بنا لنرتشفه معا في رحاب منتدانا الذي نشم منه عبق بلادنا الحبيبة برائحة زهورها الندية وعبق ترابها الطاهر وصوت خرير مياه ينابيعها المتدفقة من جبالها الشامخة وضحكات الاطفال في الازقة وأصوات الباعة المتجولين في حاراتها وعزيمة الجارات على قهوة الصبح
تفضلي يا خانم عالقهوة لسى سخنة
شرفي.....

يسعد صباحاتكم يا صبايا الشام
والف مبروك ام منير .. رولا خانم على الافتتاح الجديد للقهوة السورية الشامية الحموية الحلبية

يسعد صباحكم ومساكم ومبروك التجمع الجديد

مساكم قشطة وعسل بدون نحل ههههههههه
كيفكم يا حلوين ؟ شوو وينكم؟؟؟؟؟؟؟؟
يمكن غيب عنكم يومين لأنو بكرا نازلة على دبي ماما وبابا راجعين من الشام رايحة شوفهم وسلم عليهم
لو ما طلعت عليكم اعذروني واشربو القهوة عني
طبوش كيف صار عمورة الله يحميه وسلامة قلبو
تصبحو على خيييييييييير

رولا بداية شكرا على هذه المقدمة الحلوة ومبرووووووووك الكافيه الجديد وتروحي وترجعي بالسلامة رح نفتقدك كتير لا تطولي الغيبة
عمورة اليوم مصبح رشح وسعلة وحالته حالة
شكرا لسؤالك عنه

يسعد صباحكم يا صبايا الورد والياسمين
هي فايقة من صلاة الصبح
رولا تروحي وترجعي بالسلامة سلمي على أهلك
طبوش سلامته عمورة .. الجو عنا متقلب ونفس الحكاية انا فايقة على التعطيس من الصبح
ويييييييييييييييييييييييييييييييييييييييييييييييين كم يا باقي البنات
ام عمرو مية السلامة لا تطولي الغيبة

يسعد صباحك نغوووم أكيد ارجعتي نمتي شو اللي مفيقك من بكير
شو أخبارك وسلامة قلبك
اليوم الجو عندنا كتير بشع غبرة وهوا وشي مزعج كتير بكره هل جو لأنو بسببلي كآبة
كيف أولادك طمنينا عنهم وكيف المدارس والدراسة الله يحفظهم لك

أم عمرو صباح الخير كيف حالك وشلون الجو عندك وكيف صارت نفسيتك شو ايمت الهمة للنزلة على سوريا
جهزتي أغراض البيبيااااات ولا لسه
أخترتي أسمااااء لهم ولا بعدك ماقررتي الله ييسرلك وتقومي بخير وسلامة ونجي ونباركلك

أم أحمد اشتقنالك
طمنينا شو صار معك بين شو وضعكم ولا لسه الله يخترلكم الخير عم ننتظر طلتك ومشاركتك معنا

بسبوسة وين هل غيبة من زمان ما شفناكي معنا شو الظاهر لسه ما شفتوا الكافي الجديد خبرينا كيف السعودية وكيف الجو عندكم وكيف المدينة
خبرينا شوي عنك شو هواياتك وشو بتحبي

باتي ايش أخبارك خيت هل جامعة مبعدتك عنا يالله الله يوفقك وييسرلك وتتخرجي بتقدير عالي وتعزمينا على حفل تخرجك باذن الله

غرووووووب الشاام نستك الحبايب طبعا مين شاف أحبابه نسي أصحاابه
كيفك وكيف الشاام وأهلها أن شاء الله مبسوطة ايمت راجعة على السعودية

نارنينا كيف حالك ترى كتير طولتي الغيبة وينك يابنت الحلال ولا خبر ولا شي عنك ايمت راجعة
طمنينا كيف لارا الأمورة وكيف حاسة حالك بعد ما صرتي أم
الله يخليلك اياها والله البنات ما في أحلى منهم

جودي شو قصتك عزيزتي من يوم ما حملتي ما عدنا عرفنا عنك شي أنت بقطر ولا بسوريا اشتقنالك معنا واشتقنا لحكياتك الحلوة
أن شاء الله تكوني بخير وصحة جيدة

أخت شام صبحك الله بالخير كيف الحال والأحوال عم شوفك تكتبي مواضيع بالمنتدى بس ما عم تفوتي على الكافي ليش هل مقاطعة أختي
خبرينا عنك وعن الصحة والأولاد ونرجو أن نراكي بيننا عما قريب

عاشقة سورية شفتك كنت موجودة بالصفحة بس ما كتبتي ولا شي ومن زمان ما شاركتينا الحديث
شو القصة ليش هل غيبة
يالله عم نستنا مشاركتك يا غالية والقهوة بتحلى بوجودك

بناات ساعدوني ابني صار عمره سنة وسبع شهور تقريبا وللحين ما يحكي بس بكروت كلمات مو مفهومة وبقله لجوزي ابنك كأنه معاشر الهنود كلامه نفسهم(هههه)
خبروني شو الحل مع أني بحاول دائما ردد أمامه كلمات حتى يقولها ورائي بس ما عم بستفيد شي

ولا يهمك طبوش محمد حمزة حكى عمره سنتين الا شهر بس كلشي صار يحكي وماعاد لحقله بالكلمات الجميلة عقبال عمورة

بس كتير شو بدي استنى لهل وقت والله مليت
صحي صباح الخير منورة
شو عاملة اليوم غدا اليوم أنا عاملة عدس بحصرم بتحبيه

ياي شو طيب العدس بحصرم ابعتيلي صحن .. انا اليوم ماني طابخة بيت اهل جوزي عندهم عزيمة رجال بون يبعتوا لي فريكة وكبب
اتفضلي

طبوش انا الحمد لله الحمل هلكني وماعم بقدر ضل واقفة لاني عاملة ربط لعنق الرحم وبس وقف بحس القطب لح تنفك يالله هانت اليوم دخلت بالثامن عقبالك
دكتوري بسوريا نصحني انزل بنصف الثامن بس انا بدي انزل بأخرو وجهاز البيبيات خلص تقريبا بس انا اخدتو كلو قطن لازم اخد مخمل مالي عرفانة

وانتي طبوش كيف الحمل معك والله يكون بعونك ابنك صغير انابنتي 3سنوات وشهرين ومن دون حفوضة ومجننتني كيف انتي الله يحميلك ابنك

نغووووووم صحتين وهنا مافي احلى من العزايم

تكرم عينك نغووووووم وأحلى صحن عدس بحصرم خاصة أنو طالع طيب كتير مع هل خبز المقلي
وأنت كمان صحتين على الفريكة والكبه

ام أحمد يالله هانت كلها كم يوم وبتشوفيهم حولك الله ييسرلك وتقومي بالسلا مة
بالنسبة للديارة لابد من كم قطعة مخمل بس ما تكتري باعتبار ولادتك على صيف مو شتوية
بس كبري قطع المخمل لأنو يوم رح تلبسيهم اياهم رح يكونوا بحوالي عمر الخمس شهور

سلام يا صبايا .. انا فايقة على صلاة الصبح تهجدت وتسحرت ونويت صيام لوجه الله .. يسلموا طبوش على العدس بحصرم
أم عمرو الله يتمم لك على خير وتكملي شهورك وتقومي بالسلامة
بظن بدل واحد محمل بكفي لانه ولادتك ستكون اخر ايار وبكون الشوب بلش
بس امانة يوم بدك تولدي قوليلي مشان اتصل وابارك لك

شو وين باقي الصبايا

صباح الخير نغووووووم
الله يتقبل منك الصيام والله ما قصرتي شو بتحبي نبعتلك عشا أكيد بتكوني تعبانة ومو جاية على بالك تطبخي شي

رولا كيف حالك طمنينا عنك وعن منير الظاهر اللابتوب مو معك مشان هيك ما عم تطلي علينا
كيف الأهل شو أجاكي هدايا من سوريا
ياالله عم نستناكي مشان تحكيلنا الأخبار كلها

صباح الخير ياصبايا شو وينكم مو مبينييييييين
طمنونا عنكم مافي حده عم يدخل ليش شو صايريين كلكم كسولين

اليوم أنا فايقة من السبعة ونص لأني رحت المستوصف عموري عنده اليوم تطعيم
ولما رجعت قلت لـأطمن عليكم وشوف أخباركم بس الظاهر الكل نايم
يالله نوووووووم العوافي

شوو صباااايا للحين نايميين
والله قلقت عليكم ولا حده من الصبح للحين
شو القصة ياحبايب عساكم بخير كلكم

مرحبااااااااااااااااااااا انا رجعت كتير انبسطت والجو بالشام غير شكل

كيفكم يا احلى صباااااياااااااااااا شو اخباركم ؟ اشتقتلكم كتير
شو شايفة مافي حدا غير نغوم وطبوش وبعدين طلت ام عمرو اهلا وسهلا فيكم بالكافيه الجديد
ام تالا الحمدلله عالسلامة - قال الجو بالشام حلو بس يوم شوب ويوم برد!!!!!!

نغووووووووم كيفك شو اخبارك الله يتقبل صيامك يارب ولا تنسينا من الدعاء فهو مقبول للصايم
طبوش كيفك وكيف صار عمورة ؟ الله يتمملك الحل على خير
ام عمرو الله ييسرلك الحمل هلأ اصعب شهر ولسى الجاية أصعب خصوصي مع التوأم - انشالله بتمي حملك على خير وتقومي بالسلامة انتي والببياااااااات شو اخبار فرح مع الببرونة ؟ لسى عم تاخدها ولا نسيتها؟؟؟؟

اي والله اللاب توب ماكان معي بدبي مشان هيك ماطليت عليكم
الحمدلله اهلي رجعوا بالسلامة شكرا لسؤالكم وجابتلي ماما تنورة وبيجاما وكلونيا زهر الشام (توصاية) وشحاطة ( لأني كتير بحب الشحاطات والقباقيب)ههههه وجابت لمنورة أفرولات وتي شيرت وكم غرض وعوجة بس نسيت آخدها وبقيت بدبي اهئ اهئ اهئ بس خلص

طبوش ونغوم شلون بيصير العدس بحصرم؟؟ بسمع عنو بس ما بعرف شلون بيصير!!!!
بدي آخد رأيكم بموضوع؟؟ شو رأيكم اذا كنا بغير منتدى ضمن منتديات بيت حوا وشفنا عضوة سورية نبعتلها رسالة عالخاص ونعزمها لهون مشان نكتر الاعضاء ولا خلينا لحالنا؟؟؟
لأني بشوف كتير عضوات وعلمهم سوري بس مامنشوفهم هون

صباحكم ورد وريحان ونرجس وفل وجوري
كيف الصبايا اليوم؟ والله شايفة انو الصبايا صايرين بيحبوا النوم شو القصة؟؟؟؟؟؟؟
ام احمد شو صار معك؟ الله يختارلك الخير يارب
بسبوسة وينك؟ شو رجعتي تنامي الصبح وتسهري بالليل؟؟؟؟؟
باتي الحبوبة شو الظاهر الجامعة اخدتك منا الله يوفقك وتنجحي بس لو تطلي علينا سلام بس ما رح نعطلك
نغوم وطبوش وينكم اليوووووووووم عم اشرب القهوة لحالي!!!!!!!
ام عمرو و ام تالا شو حبيباتي عم تتأخروا علينا وعم نشتقلكم

سلام معطر بالصلاة على رسول الله صلى الله عليه وسلم
الحمدلله على السلامة رولا .. ويهنيك جية امك بالسلامة .. ومبرووووووووووووووووك ع الهدايا
كيف منورة وشو اخباركم
طبووووووووش كيفك وشو اخبارك انشاء الله عم تطمني ع البيبي الله يتمم لك بخير
وباقي البنات والله اشتقت لكم
ماعدنا شفناكم
العدس بحصرم رولا بكتب لك طريقته السهلة كأس عدس برتقالي اللون صغير مع 3 كأس ماء وملح حسب الذوق بيغلوا على النار حتى ينضج ويبقة متجانس مع بعضه
تضعي له حمض حصرم او ليمون أو ملح الليمون اللي متوفر.. وحسب ماتحبي درجة الحموض .. ثم تقشري الثوم لانه بلا تقشير مابيصير وتهرسيه وتقليه بزيت الزيتون وكمية الزيت فنجان قهوة سورية وتضيفيه فوق العدس وتحركيه قليلا على النار وبعدين بتصبيه بزبدية وبجيبي الكبجة بتصب الك ولجوزك بزبادي صفغار وتكسري عليه الخبز المحمص بالزيت وبالصحة والهنا
تنوووووووويه .. بحماه بيضيفوا مع قليل بقدونس مفروم .. بحلب لا يضعوا

ياعيب الشوم يارولا عم تقولي شحاط .. لازم تحكي متل بيت احماكي وتقولي .. باااااااااااااااااااااااااااااااابوووووووووووووووو وووووووووووووج
ههههههههههههه
انا بكره كلمة بابوج