philips معلومات مهمة عن جهاز الليزر المنزلي فيليبس لوميا
سألت الخبيرة حقة الشركة عن مميزاته و من اسألتي لها
هل يستخدمه اكثر من شخص
جوابها نعم عادي بعد ما تستخدميه امسحيه بمسحة معقمة و بس و اعطيه للي تبغي
اعجبتني هالمعلومة عشان مثلا الوحدة مع اخواتها يشترو لانه مو رخيص و الفائدة تعم الجميع
و قريتكم هنا تقولو الجهاز لشخص واحد بس
و مسكت الكرتون و قريت كل اللي عليه ما في اي كلمة تدل انه لشخص واحد بس
يعني عادي الجماعة كلها تقط <<تفكير اقتصادي ههههههه
و كم عدد الجلسات اللي نحتاجها
يختلف من وحدة لوحدة يعني ممكن ناس من تسعة جلسات بس و في ناس اقل و في اكثر
و اقصى عدد تقول لي 12 جلسة
طبعا الجلسة كل اسبوعين مرة
و يعتمد درجة استخدامك على لون البشرة بحيث انه ما يستخدم مع البشرة الغامقة جدا او الفاتحة جدا
و يعتمد كمان على كثر الشعر
سعر الجهاز تقريبا 2450 ريال و حاليا مخفض نوعاً ما و السعر الاساسي 3000 ريال
طيب سألتها مين اللي ممنوع يستخدمو الجهاز
اجابتها الحامل و اللي ترضع و اللي عندها مشاكل في المبايض زي التكيس لانه يلخبط الهرمونات و يكثر الشعر
و لو تستخدم الجهاز يوميا ما تستفيد
و الرجال ما يستخدموه على الوجه تقول مو كويس ابداً
مدري مين سألها عن الرجال بس هنا الرجال يسوو اي شي لا تستغربو اشوفهم احيانا وانا معدية قدام الصالونات و هم يسوو بالفتلة وينمصو حواجبهم الحمد لله الذي عافانا بس>>شطحححححة
المهم هذا اللي افتكر انها قالته ليا
منقووووووووووووووووول
