السلا م عليكم ورحمة الله وبركاته
وكل عام وانتم بخير جميعاً
رمضااان كريم
اللهم أجعلنا من صوامه وقوامه يارب ...
مشكورين يا دانة وأم نونا على الموضوع الحلووووو هذا
ذكرتوني بالسنة الماااضية مع أم دحومي الله يسعدهاااااا ^_^ كنااااااااا مرررة مستاااانسين
المهم شكل أنا أول واحدة بتحط لكم سفرتهاااااا
أمس كان فطورنا عادي
شوربة وسمبوسة وهذي شي أساسي كل يوووووووووم
قهوة وتمر وحلى قهوة سويت كيكة نسكافيه ( كااان نفسي في كيكتك النسكافيه ياهنودة بس ماكان عندي حليب نستله ولا جبنة كيري ,, قلت مرة ثانية أسويها إن شاء الله
هذي صورة الكيكة
وهذي طريقتها :
كيكة النسكافيه بالكريما البيضا....
المقادير:
كوب وربع طحين
كوب سكر ناعم
كوب زبدة سايحة
3 بيضات
ملعقة كبيرة بيكنج بودر
نص ملعقة شاي فانيلا
2 ملعقة كبيرة نسكافية
التزيين:
نص كوب ويبينج كريم
مغلف واحد دريم ويب
ملعقة كبيرة سكر
فستق مطحون
الطريقة:
* نخلط البيض مع السكر بسرعة ولفترة لين يتضاعف حجمه ويستوي لونه ابيض
*نضيف المقادير الباقية كلها ونخلطها حتى تتجانس ونصب الخليط في طبق كيك دائري
*ندخله الفرن في درجة حرارة 180 درجة لمدة 30 دقيقة (يمكن أكثر شوي)
*اذا استوت الكيكة نقلبها على طبق ونتركها تبرد شوي (مش ضروري غذا كنتي مستعجلة)
*نجهز الكريمة بخلط جميع مقاديرها (الويبينج كريم والدريم ويب والسكر) حتى تتجانس وتاخذ شكل الكريمة
* صبي الكريمة على الكيكة بشكل عشوائي وبواسطة السكين مرريها على كل الكيكة، وزيني سطحها بالفستق المبشور ...
وكمان سويت هذي الصينية وطلعت مرة حلوووة ولعلمكم تراهاااااااااا جديدددددددددددة ( تصويري وإخراجي
هذي صورتها :
وهذي طريقتها ( إن شاء الله بأحطها في موضوع لحالها ..
صينيه بطاطس بالبرغل لذيذه
الطريقه نأخذ
3 بطاطس وسط مسلوق ومهروس
نصف كاس برغل منقوع في ماء لمدة ساعة
2جزر مبشور
قليل بقدونس مفروم شبث إن وجد
نصف بصل مفروم
علبة جبنة تشدر مبشور
عصير ليمونة
قليل كرنب مفروم
ملح / بهار / كمون / فلفل.
صدور دجاج مقطعه صغيرة ومكشنه مع بصل وثوم وبهار وملح وبصل أخضر
نأخذ كل المقادير ما عدا الدجاج ونخلطها مع بعضها باليد وتدهن صينيه وسط بايريكس بالزيت ويوضع نصف الخلطه تحت ثم الدجاج ثم النصف الاخر وتقطع ثم يسكب فوقها بيالة زيت ثم تدخل الفرن حتى تتحمر من تحت ثم من فوق
وبالهناء والعافيه.
أما اليوم فكان فطورنا كالأتي :
غير لشوربة والسمبوسة
سويت صينية الأعشاش بالشعيرية
بس أنا سويتها بالمكرونة الفيتوشيني وطلعت حلووة
هذي صورتها :
وهذي طريقتها :
صينية الاعشاش بالشعيريه روعه وسهلة
راح ابدأ بالطريقه والمقادير مع بعض
1#نحضر شعيرية قودي((هذي اللي انا استخدمها)) ونصفها بالصينيه على نفس شكلها من غير تكسير ونجيب كاس ماء حار مذوب فيه مكعب ماجي+قليل من الزيت+ملح ونضعه فوق الشعيريه الى ان يغطي نصفها فقط ثم نغلفها بالقصدير ونضعها بالفرن بدرجة حراره متوسطه الى ان تنضج الشعيريه
#اثناء نضج الشعيريه بالفرن نكون قد حضرنا حشوة دجاج مفروم مضاف اليه الفلفل الاخضر بنوعيه الحار والبارد والبهارات المفضله
3#عند اخراج الصينيه من الفرن نتركها لتبرد قليلا ثم نفتح القصدير ونبدأ بتوسيع فتحات الشعيريه لتتسع لحشوة الدجاج ثم نبدأ بحشو جميع الاعشاش في الصينيه
مع الضغط عليها بالملعقه
4#نحضر علبة قشطه او قشطة خفق +2ملعقه مايونيز+2ملعقه قشطهونخلطهم ونضعهم على الاعشاش بحيث تغطي الحشوه واطراف الشعيريه الجافه حتى تلين قليلا
5#ثم ندخل الصينيه الى الفرن من الأعلى فقط قبل التقديم بعشر دقائق حتى تتحمر ..
ومع القهوة عملت حلى اسمه
معمول بسبع تمرات بس .. مو معقوووول !!!
كان حلو شوي
ماعجبني مرة بس أعجب بناااتي
سويته في صينية كاملة وممكن عمله في قوالب ورقية صغيرة ..
هذي صورته :
وهذي طريقته :
والحلى كان كريم كراميل حلووووومعمول بسبع تمرات بس .. مو معقوووول !!!
المقااااادير:
3 بيضات ..
ثلثين كأس زيت .. أستخدم البلاستيك دائماً ..عشان أرميه ..بلا غسيل بلا هم ..
1 كأس سكر ..
7 حبات تمر ..(اللي تبين ) كنيز ..فريزر << بس يفضل اللي بالفريزر ويكون
لين مو قاسي ..
2 م ك حليب بودرة ..
شوي فانيلا ..
ذرة ملح ..
م ك بيكنج بودر ..
دقيق ..
للزينه .. حبه سوداء << ممكن تستغنين عنها ..
الطـريقـــة :
تخلط جميع المقادير بالخلاط الكهربائي ( الكاس ) عدا البكنج بودر والدقيق ..
تخلينها بالخلاط ألييييين تدوووخ يعني تنخلط زيييين
تصبين الخليط في زبديه عميقه وتحطين البيكنج بودر و الدقيق تحطينه شوي
وتخلطين يدوي ألين يصير قوامه مثل قوام عجينة الكيك الوسط ..
تصب في صينيه ..أو في قوالب ورقيه << أفضل ..
وتزين بالحبه السوداء ..
وتدخل الفرن في درجة حراره منخفضه نسبياً 155
وتتحمر من فوق وبالعافيه ..
هذي صورته:
يالله دوركم يالحلوااااااااااااااااااااااتوهذي طريقته :
بيضه\ فانيلا
2باكيت كريم كارميل
علبة قشطه
10 ملاعق حليب بودره
ملعقتين اكل سكر
2كاس ماء
تذوبين سكر في قالب الكريمه المفتوح من الوسط وخليه على جنب اخلطي جميع المقدير مع بعض من غير الماء بعدين ضعي عليها كاس الماء الاول ويكون عادي ماهو حار وخلطيها حتى حتا تذوب بعدين حطي كاس الماء الثاني ويكون حار حركي ثم ضعيها على النار مع التحريك المستمر حتى تفور بعدين اسكبيها في القالب وضعيهافي الثلاجه حتى تبرد وهي ماتاخذ وقت طويل ..
ونراكم غداً إن شااااء الله ^_^
تصبحون على خيرررررررر ..
مواقع النشر