بسم الله الرحمن الرحيم
السلام عليكم ورحمه الله وبركاته
كيفكم حبيباتي ان شاء الله بخير وفي احسن حال يارب
اليوم انا جايبالكم كفته رز روعه ماشاء الله
مقادير عجينه الكفته
نصف كيلو لحمه مفرومه بس لازم تكون حمرا من غير دهون -كوب رز مصري مغسول ومنقوع -بصله كبيره مفرومه ناعم -5فصوص ثوم -كسبره خضرا -بقدونس من كل نوع نصف ضمه مقطعين صغير والاحسن انك تخرطيهم بمخرطه الملوخيه -ملح-كمون- فلفل اسود -شطه -بهارات مشكله من كل نوع نصف ملعقه صغيره عدا الملح تظبطيه علي ذوقك
نفرم كل المقادير مع بعض في مفرمه اللحمه اكتر من مره حتي نحصل علي عجينه ناعمه
دي شكل العجينه
انا علي فكره بسويها وبقسمها في اكياس وبفرزنها لوقت الحاجه بطلع الكيس من الفريز قبل فتره واسيبها لغايه ما تفك خالص من التلج تكون اكنك لسه مسوياها
بعد ما تجهزي عجينه الكفته تشكليها مثل ما تبغي انا بشكلها علي شكل اصابع وكور صغيره مثل الصوره
بعد ما نخلص تشكيل كل الكميه نحمرها في زيت ساخن غزير
بعد ما تتحمر نطلعها علي ورق مطبخ حتي نتخلص من الزيت الزائد
اللحين بعد ما حمرنا الكفته نحمر حبه بطاطس مقطعه مكعبات صغيره
بالنسبه لصلصه الكفته اللي ها نطبخها فيها كالاتي
نحمر بصله صغيره مع فصين توم في شويه زيت علي النار
قبل ما يتغير لونها نكون عصير 3حبات طماطم في خلاط العصير ونحطهم علي البصل انا بصفي عصير الطماطم بالصفايه وانا بحطه علي البصل علشان قشر الطماطم
ثم نضع ملعقه معجون طماطم
ثم نتركها علي نار هادئه حتي تتسبك
بعد ما تتسبك الصلصه نزيد عليها مرقه لحم او لو ما عندك مويه حاره مع مكعب ماجي ونتركها حتي تغلي ونضيف عليها ملح ونظبط الطعم ونزيد شويه فلفل اسود -وبهار مشكل -وكمون بس مو كتير يادوب ربع ملعقه صغيره من كل نوع
بعد ما غلت نضيف الكفته مع البطاطس اللي حمرناها ونتركها حتي تنضج يمكن تاخد معاكي 10 دقايق بس او اكثر شويه
وهنا بعد ما استوت خلاص
قدمتها مع رز ابيض وسلطه
وهنا خليت شويه متحمرين علي جنب من غير صلصه
ان شاء الله عجبتكم
حبي وتقديري واحترامي للجميع
في امان الله وحفظه ورعايته
اختكم ام يوسف
مواقع النشر