ياويل قلبي منه وش كثر مغليه
من زود حبه صار للقلب نايب
ياويل حالي آه لي حل طاريه
لي شفت زوله بي غدى القلب ذايب
أجلس بوسط الخلق لازم أطريه
من كثر حبه بي غدى الراس شايب
لي مرني طيفه أفز ابناديه
من هو نصحني بالعواقيب صايب
ياعين هلي أزرق الدمع هليه
اليوم قلبي بالهوى صار تايب
والمشكله للحين مقدر أخليه
لكن ظني بالهوا صار خايب
هذي جروحي في غلاه و تغليه
لكن بعد هالحب ماني بطايب
يامر خفوقي يرد له ضلع لبيه
الواحد اللي شفت منه العجايب
مواقع النشر