~القلب ينـــــــزف [ ردّاً على قصيدة القلب يحزن ]

[الأميرة الحسنآآآء]

بسم الله الرحمن الرحيم

والصلاه والسلام على خير الأنام

السلام عليكم ورحمة الله وبركاته


قصيدتي هذه ردا ً على قصيدة ( يمه ) للمنشد / سعد الطلعه

اليكم قصيدتي المتواضعه عسى ان تنال أعجابكم



[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب يحـزن والجـوارح سعيـره = من شاف دمعي قال وش بك تباكيت
والروح تبكي والخواطـر مريـره = مسكين حالي كان بالهـم عانيـت
ابكي على اللي فاقـدن لـه اميـره = اميرة الكون ونجـم داخـل البيـت
ابكي على اللي جالس في جزيـره = يقول عقب امي عن الناس حاذيـت
مالوم من يبكـي وعينـه سهيـره = عقب الهنا صار يتباكى على ميـت
الأم شمعـه مـن حنانـه تنيـره = بلسم شفاء يبري جروح التناهيـت
في فقدها تظلم حيـاة(ن) سفيـره = ياغادرت اصبح بهالكـون تشتيـت
وش كان لو حالك طفل في سريره = من يحضنك من هو بحضنه تسليت
اشكر إلهـك واحمـده واستخيـره = واكثر لها الدعوات لاقمت صليـت
ياخوي دنيانـا سفـر او مسيـره = والدايـم الله عالـم(ن) بالمواقيـت
حياتنا لو طالـت اصـلا قصيـره = يبي يجي يوم البكـى لـو تهنيـت
القلب ينـزف والجـوارح كثيـره = والروح تحزن يوم للدمـع هليـت
ياربـي اجمعنـا بيـوم النشيـره = مع النبي في جنـة الخلـد ياليـت [/poem]



الشاعرة / الجوهرة عبد الله > تباشير

[ورده وقمر]

الله يعطيك العافيه امورتي

وتسلم ايدك

[الأميرة الحسنآآآء]

الله يعطيك العافيه امورتي

وتسلم ايدك

الله يعافيكـ ياغلا وعساكِ بألف خير

تسلمين على حضوركـ الغالي ومروركـ الميمون


القصيدة منقولة عن الشاعرة خلود وليست مني والمقدمة أيضاً على لِسانها ياغالية

أتمنى يكون التوضيح وصل ياعســــــــــــل


محبتي لكِ ورووووودتي وصدق وداااااااادي

[الأميرة الحسنآآآء]

للتنويه :

المنشد سعد الطلعة <الطلحة >> خطأ مطبعي في الكتابة

أعتذر للجميع القصيدة للشاعرة المذكورة أعلاه / الجوهرة عبد الله > تباشير


وليست خلــــــــــــــــود !!!



الفيوزات ضاربة عندي السموووووووووووووحة !!!!!!!!