مرحباً خواتي ،،،
بدخل بالموضوع مباشره ،،،
عندي عشاء كبير الخميس الجاي بإذن الله 20 / 8 وودي اسوي سفره ماحصلتش لأن ضيوفي هم أهل زوجي وهم ماخذين فكره عني من عزايمي الأوله واللي جلسوا يتكلمون بها شهور ولله الحمد وودي بأشياء جديده وغريبه وحلوة وتخطيطي :
4 أنواع مقليات ( ملينا من السمبوسه والرولات والكبه )
4 أنواع سلطات
3 أنواع حلى وأفضل التشيز كيك ،،،
ياليت تكفون تساعدوني باقتراحاتكم والأفضل بالصور علشان أضبط الطبخه صح ،،،
نسيت أذكر إني بصلح بعد جريش والحمد لله أنا شااااطره فيه ،،،
وش رأيكم أصلح ورق عنب سبق وصلحته كذا مره وأعجبهم ؟
*** زوجي يقول نجيب كل شي جاهز أريح لك وأنا ودي أنا اصلح العشاء طبعاً المقليات والسلطات والحلى بس ،،،
انتظر ردودكم على أحر من الجمر ،،،
مواقع النشر