السلام عليكم ورحمة الله وبركاته
حبيت أنزل طريقة غدانا البارحة , وبسم الله نبدأ:
أول شي نجيب عظام وريش الخروف ونغليهم بالماء مع البهار لمدة 5 الى 10 دقائق ونتخلص من الماء ونضع العظام في قعر القدر
هلأ نخرج لب الكوسا ونحضر الحشو المكون من:
رز مصري مغسول-لحم مفروم-بهار-فلفل أسود-ملح-بندورة مضروبة في الخلاط
ونحشي الكوسا ونرصه فوق العظم. (أنا ما بحب أحشيهم كتير يعني تلت المحشية من بعد خضها)
هلأ نعمل الفاصولية بقدر ثاني. ننظف الفاصولية ونقطعها.
نقلي الثوم (كمية منيحة) بالسمن حتى يذبل ثم نضيف الكزبرة اليابسة المطحونة ونقلب, ثم نضيف اللحم المفروم ورشة بهار ورشة فلفل أسود ونقلبهم حتى يصبح لون اللحم داكن.
نضيف الفاصولية ونضل نقلبها حتى يتغير لونها
نضعها فوق الكوسا نضع (بندورة مطحونة-حوالي نصف كمية المرق- وماء) ونترك القدر يغلي حوالي نصف ساعة ثم نضيف رب البندورة والملح وعصرة ليمونة للنكهة فقط _مو نكتر ونعملها حامضة!) ونتركها تكمل غلي.
رح يستوي المحشي قبل الفاصولية مشان هيك نطي وجيبي ملعقة وطالعي الكوسايات من القدر وخلي الفاصولية تكمل لتستوي.
ولما تستوي اسكبيها بصحن التقديم
ممكن نقدم الكوسا مع الفاصولية بصحن واحد ويؤكلوا مع بعض
أو نقدم الكوسا لوحده والفاصولية بجانب الرز مع الشعيرية.
[IMG][/IMG]
وصحتين وهنا على قلوبكن.
لحظة لحظة لسا ما خلصت لا تروحوا....
ان شاء الله رميتوا لب الكوسا؟؟؟
لا تكبيه واعمليه طبق اسمو : المتومة وهو سهل وبسيط
حطي كمية منيحة من زيت الزيتون في قدر وحطي بصل مفروم ناعم لحتى يدبل
ولما يدبل جيبي لب الكوسا بس يكون ناعم , يعني اذا لاقيتي لب طويل فرميه ناعم
حطيه فوق البصل وقليهم مع التحريك, ولما يدبل لب الكوسا جيبي كمية جيدة من الثوم مطحون (هون أنا حطيت ملعقتين كبار) واتركيهم على النار لحتى تنشف الماء اللي رح تطلع من الكوسا. واذا ما طلع منه ماء كتير ضيفيله شويييييية ماء ولما يستوي ملحيه وحطي فليفلة حمراء مطحونة ناعمة وقدمي الطبق مع وضع زيت زيتون على وجه الطبق وصحتين وألف هنا.
(يؤكل غمس بالخبز العربي)
رد مع اقتباس
المشاركة الأصلية كتبت بواسطة قلب زوجي وحبيبي
مواقع النشر