ترى الكلام اللي حكيته وصلني ... ويا للاسف مدري وشلي جرى لك
شلي جرى لعقلك يفكر يضرني ... انا اهينك وابتعد عن مجالك
انا صحيح اني صغيره بسني ...بس انتبه حبي ترى حيل هالك
لا لا تخليني احطك بظني... والله لعزي فيك عمك وخالك
دام العذاب فنون اخضع لفني... عندي العذاب اشكال ماهي فبالك
نصيحتي ابعد بعيد وخلني... اخترت انا الفرقا وبنهي وصالك
احذرك ماهو بتهديد مني... ماينفعك لو قلت كلي حلالك
شفتك قدرت تعيش عني متهني... ولا ذكرته قلب عزك وشالك
مااقنع بكذبك ولا وهو يهمني... تكذب على نفسك وتتبع خيالك
لاتعتقد اني اصدق تحبني... حتى عيونك تفضحك وانفعالك
بدري عليك انك تهين وتذلني...انا عزيزة النفس والذل فالك
اعشق منو تعشق ترى ما تحرني...انا لقيت اللي يحبني بدالك
واذا لمحت الهم بعينك يسرني... تبعد عن العالم وعايش لحالك
تذكر كلام قلته العام عني... منت اللي قده واحسن اللي جرالك
مماراق لـي ..
تقبلو تحياتي
رد مع اقتباس
مواقع النشر