السلام عليكم ورحمة الله وبركاته
مع تاني مشاركة لية في المنتدى ...حبيت انها تكون مشاركة مميزة شوية ...هو طبعا طبق الحلى ده ما يجيش حاجة جمب اللي انتوا بتعملوه بس ان شاء الله هايعجبكم لأنه بجد طعمه رائع وخصوصا الكريمة اللي أنا حاشية بيها...بجد مميزة جدا جدا يا ريت تجربوا الجاتو ده لأني متأكده إنه إن شاء الله هايعجبكم
وده صورة للجاتو
ودلوقتي هقولكم على المقادير:
أولا :مقادير الكريمة:
أنا هحطلكم المقادير الأساسية...بس أنا بعمل نصها وبتبأة كمية كافية جدا...لكن لو إنتوا عايزين تستغلوها في أكتر من طبق استعملوا المقادير ده كلها:
400 جرام شوكولاتة خام ويكون نوعها حلو
6 أصفر بيض
1 معلقة كبيرة مليانة جيلاتين
150 جرام سكر
750 جرام فريش كريم(كريمة لباني)...اللي بتبأة سايلة ود هي السر في الطعم الجميل بس لازم تكون متلجة عشان تتماسك عند الخفق ...وخدوا بالكو قبل الخفق...لازم الكريمة تكون سايلة يعني مش زي القشطة كده
7 أو 6 بياض بيض ...بس خدوا بالكو استعملوا البيض اللي حجمه كبير
نيجي بأة للطريقة:
نضع الشوكولا على حمام مائي لحد ما تسيح
نضرب صفار البيض كويس أوي
نضع الشوكولاتة السايحة وهي لسة سخنة جدا على الصفار علشان يستوي ونقلب بسرعة ونخلطهم كويس
هنا بعد ما قلبت الصفار مع الشوكولا
وده بياض البيض...طريقته إن احنا بنضرب البياض لحد ما تتكو ن رغوة ...وبعدين نضيف عليه تدريجيا معلقة كبيرة مليانة سكر بودرة ...وده هايبأة شكله
وبعدين هنضيف البياض على خليط الصفار والشوكولا
ونقلب كويس
نضع الجيلاتين في نص كوب ماء ساخن جدا ....بس أنا بما إني عملت نص الكمية حطيت نصف معلقة جيلاتين مع ربع كوب ماء ساخن جدا
ننزل بالجيلاتين سرسوب على خليط البيض والشوكولا والمارينج مع التقليب
بعد كده نخفق الفريش كريم لحد ما يتماسك ويبأة شكله كده
بس خدوا بالكوا ما تزودوش في خفق الفريش كريم علشان ما يخربش...بمجرد إنه يتماسك توقفوا خفق على طول
بعد كده نضيف الفريش كريم على خليط(الشوكولا والصفار والمارينج والجيلاتين) ونقلب كويس
وبعد التقليب هايبأة الشكل كده
بعد كده نغطي الكريمة بأي كيس علشان ما تاخدش ريحة التلاجة ونحطها في التلاجة لحد ما نخلص عمايل الكيكة
تاااااااااااااااااااااااااااااابعي
مواقع النشر