بسم الله الرحمن الرحيم
العربجي:- شخص يتمتع بخشونة عالية, واذا مشى تلقه يسحب نعالة ولو نظر لك بطرف ودك تنحاش,شخصيته دايما بكاريه( بشماغ بنت البكار) ولا يحب اليونه والنعومة وعدوه الدود دائما الولد الناعم(خكري),
ومن الكلمات الي تجري على لسانه دائما(وش عندك بحارتنا,هي انت, ياحليوه), لو تسال له ماهي هواياتك قال لك:- بلوت, كشته ,صيد.<<<<<يسمع بالهوايات الادمي هذا.
ملحوس(مرجوج):- شخص عليه شطحات مضحكه وعفويه تخرج منه والبعض قد يظن أنه رايح فيها.
جزوم:- راعي صملات يعني مايعرف شيء أسمه ريوس كل شيء قدام تقول له أمش ناصل للمريخ ونرجع يقولك قدام مافي مشاكل.
خكري:- شخص يتمتع بنعومة, لو تقبصه جائه شد عضلي في يده وقام يبكي وأكثر كلمات التي على لسانه تجري هي (ياربيه, متوحش,عنيف, مدمر,سخيف , تافه, سفاح) هههههههههههههههههههه <<<< مفروض يحطونه من قائمة النساء.
مهايطي:- شخص مسكين يدعي القوة والهيبه ولسانه أطول من لسان( بعض النساء لاحد يفهمني غلط) لو تنزل وتعطيه كف على وجه ركب سيارته وهو يجر اذيال الهزيمة النكراء.
هاجتن فيه:- شخص عليه طلعات ماهي لم جاده ماهي لم طريق يعني, مثلا تلقاء معه جوال مافي أحسن منه يروح يبيعه بس علشان يشتري جوال قديم داخل مزاجه.( العقل نعمة ولله نعمة) هههههههههههههه.
رد مع اقتباس
مواقع النشر