معاناة الزوجة الثانية

[الفرح بس لحظات]

معاناة الزوجة الثانية أدخلي و قولي رايك


السلام على الاخوات عضوات المنتدى


اللي أشوفه ان الكل دائما يهاجم الزوجة الثانية ويصفها بالظالمة والساحرة والمتمردة و..............؟

ويقولون انها هي اللي سرقت زوجها ؟

هو بس سؤال ليش يعني الرجال صارت بضاعة تنسرق ولا شو ؟

هو الرجل ما راح خطب وتزوج وطلع شهر العسل بعد

كيف انسرق ؟
بس بالرغم من كل شي لازم نتعاطف مع الزوجة الثانية لانها هي بعد شرعية ولها حقوقها مثل ما عليها

بس ليش مجتمعنا بعده ينظرلها نظرة ثانية بس يا ترى الزوج ينظر لها نفس الشي ؟

ومن اللي تشكل خطر على الثانية يا ترى الزوجة الاولى ام الثانية ؟

ومن اللي تظل بالنهاية ؟ومن تفوز بقلب الرجل منهما؟

ومن المسيطرة أكثر ؟

[قـمر الكون]

وعليكم السلام ورحمة الله وبركاته

الزوجة الثانيه مافيها شي

واذا الزوجه الاوله تبي تحقد هي مالها ذنب ماراحت لرجال تقول له تعال اخطبني هو بنفسه خطبها وبرضى من نفسه وقناعه

الله يكون بالعون بس الحين وين الي تفهم

صح ننقهر لمن زوجنا يتزوج ثانيه

بس تيب ليه يتزوج اكيد الزوجه الاوله مقصره معه او ماتحقق له مطالبه

اسفه ع الاطاله

كل الشكر قموووره

[AUM ODAY]

انا زوجة ثانية وكثير انظلمت و ماعندي احد افضفضله واشكي له

[منية النفس]

اشوف الثنتين في وضع لاييحسدون عليه الاولى تحس انها انظلمت وماقصرت ومافيها عيب لكن لايجوز لها ان تدعي الكمال لان الكمال لله وحده والرجل يحب التغيير والتنويع طالما ذلك مباح بشرط العدل يعني لما يتزوج راح يتزوج وحده بشكل آخر ولها صفات ثانيه غير عن الاولى ومو شرط ان الاولى ماتتعجبه بالعكس يمكن يحبها ويغليها وكل شي بس حاجه في نفسه الرجال ميضحون زينا ودائما نشوف اغلب الرجال يدفع لزوجته مبلغ مالي ويشري لها ذهب وهو رايح يتزوج عليها وبعضهم يستمرون وبعضهم يرجعون لزوجاتهم الاوليات
والزوجه الثانيه عاد هذي اللي ماتنلام لانو حتما فيه ظروف اجبرتها على القبول بنصف رجل من بداية حياتها والا لو متقدم لها شاب اعزب مقتدر راح ترفضه وتاخذ متزوج! الا حالات نادره جدا واعتقد اللي تفوز بقلب الرجل هي اللي تفهمه وتعرف مفتاحه سواء الاولى او الثانيه وهنا تكمن الخطوره لان هنا مركز الجاذبيه