بسم الله الرحمن الرحيم
كيفكم يا حبيباتي ،، عسى أموركم طيبة
متى بس أولد و أكتب لكم قصة ولادتي هنا أهئ أهئ
الموضوع و ما فيه
أنا دخلت بالشهر التاسع ((قديمة أدري ))
و كل يوم تفكير بالولادة ،، أفكار تجيبني و أفكار توديني
حتى نومي مو مرتاحة فيه و أحس عندي أرق
أكيد طبيعي للحامل في التاسع يصير معاها أرق ^^
المهم أني أخذت من التاسع ثلاث أسابيع و باقيلي واحد يعني
خايفة متى أولد و هل زوجي بيكون جنبي و للا في الدوام و هل الشارع بيكون زحمة
و للا فاضي و من هالخرابيط
طبعاً لأن زوجي يشتغل دوامين ،، الأول في الخبر و الثاني في منطقتنا
و خايفة تجيني الآلام وهو بعيد عني و مشوار الخبر على بال ما يجي و يوديني المستشفى
اللي هو بالدمام و سالفة يعني
فكنت ادور عن محرضات الولادة و الأشياء اللي تبدي الطلق و تخلي الحامل تولد بسهالة
صراحة أنا مش من النوع اللي يؤمن بالأعشاب و الامور هاذي (( عذراً ))
بس أنا انسانة علمية و ما أحب أستند على تجارب الآخرين بدون دليل علمي
و صراحة هالبيبي جنني ،، ساعة ما أبيه يطلع بدري كثير و ساعة ما أبيه يطبع متأخر كثير
لأنني سمعت أنو إذا دخلتي شهرك العاشر و ما ولدتي
ممكن البيبي يتبرز في بطنك (( الله يكرمكم )) و يتسمم و يموت لا سمح الله
يعني بعد الهذرة الطويلة هاذي أقول يا بنت ليش ما أنتي تحددين لك يوم
و تسوين جهدك انك تولدين فيه ،، بشرط يكون يوم اجازة لزوجك و على نهاية التاسع
و قريت كثير كثير ،، اللي تقول زيت خروع و اللي تقول قرفة و يانسون و اللي تقول
كف مريم و للا حلتيتة
و بصراحة مرة خفت لأنو الشي اللي يمدحه بعض الحريم فيه ثانيين يذمون فيه
و اللي تقول شفت الموت و اللي تقول سبب لي أغلاق الرحم و تعسرت ولادتي
إلى آخره
و بالخلاصة شفت شي علمي و منطقي وهو
أولا: الاسترخاء
قريت ان هرمون التوتر يأخر حدوث تقلصات الرحم وبدء المخاض، فالاسترخاء والتنفس مهمين جدا مع راحة البال.
ثانيا: التخيل
اغماض العينين مع تخيل حدوث تقلصات الرحم ممكن انه فعلا يخلي الطلق يبدأ!! كثير مواقع قريت فيها هالشغلة.
ثالثاً: الجماع
و يجب أن يحصل انزال داخلي
لأن مني الرجل فيه مادة تحفز الطلق (( بروستاجلاندين ))
وكذلك العملية الجنسية نفسها تساعد على بدء المخاض لأن وصول المرأة للذة الجنسية
يطلق هرمون الاوكسيتوسين وهو نفس المادة الموجودة بالطلق الصناعي
رابعاً: الحركة
خصوصا المشي الكثير، التمرينات الخفيفة والرقص!!
خامسا: تحفيز حلمتي الثدي
الطريقة بالتفصيل انج تييبين فوطة صغيرة ناعمة جدا وتغمسينها في ماء دافي وتعصرينها وبعدين تحفزين فيها حلمة احدى الثديين يعني تحركين عليها الفوطة بخفة لمدة 15 دقيقة تقريبا،
وبعدين بأي وقت تحسين فيه بتقلصات في الرحم (حتى قبل لا تكملين ال 15 دقيقة) وقفي وريحي 5 دقايق، وبعدين كرري العملية على حلمة الثدي الثاني أيضا 15 دقيقة وريحي 5 دقايق،
وبعدين كرري هذي الخطوات كذا مرة وريحي وعيديها بعد 5 ساعات تقريبا، وبنفس اليوم ممكن يبدأ المخاض!!
وفية طريقة ثانية: تحفيز لمدة دقيقتين وبعدين تريحين لمدة 3 دقايق وتكررين هالعملية لمدة 20 دقيقة وتكون 4 إلى 6 مرات في اليوم.
باختصار تحسسين نفسك بالشهوة
سادساً: الأناناس
فيييه أنزيمات تحفز الطلق وخصوصا الأناناس الطبيعي وليس المعلب أو العصائر
سابعا: الأكل ال Spicy يعني المبهرخصوصا الأكل الهندي والمكسيكي والصيني أو أي أكل فيه بهارات وايد وفلفل
ثامناً: زيت الخروع
و هذا لازم بعد شور الطبيبة
و ابتعدي عنه قدر الامكان يقولون يسبب اسهال عالفاضي
تاخذين الطبي من الصيدلية وتحطين 3 ملاعق فقط مع كأس عصير (يفضل أناناس) وتشربينه
تاسعا: شاي الكمونتاخذين شوي كمون تغلينه مع ماي وبعدين قصري النار عليه وخليه يرتاح 5 دقايق وبعدين حليه بعسل واشربيه ( مكتوب كوب واحد باليوم فقط).
عاشراً: الحقنة الشرجية
مكتوب لأن أغلب الحوامل يعانون من الإمساك، وبما أن حركة الأمعاء تحفز حركة الطلق فالحقنة الشرجية تييب تكرمون الإسهال
اللي ممكن يحفز الطلق ( تقريبا نفس السبب مع زيت الخروع) ومكتوب ان أمعاء الحامل ممكن يكون فيها فضلات قديمة تؤخر بدء الطلق واذا طلعت تسهله.
احدى عشر: ركوب السيارة في طريق متعرج( كله مطبات مثلا)
مكتوب ان هالطريقة تخلي البيبي ينزل راسه تحت ويصير وضعه مناسب للولادة!!
و هذا أكثر شي أقتنعت فيه
يعني راح أمشي و ****** و بالاضافة إلى العسل و الانناس و التمر
و التساهيل كلها من رب العالمين
بس حبيت أفيدكم و حبيت أسمع رأيكم و تجاربكم في هذا الموضوع
يا ريت تفيدوني
مواقع النشر