نفسي اولاً .. ثم زوجي واطفالي ..

[اكفان الوفا]

اسمحي لي ابدي اعجابي بقلمك وتميزك واسلوبك الراقي وتالقك ...شكرا أختي

تسلمين حبيبتي من ذوووقك الله يحفظك ويخلي لك اولادك يارب ..

دمــــتي بود ..

[الجودها]

كلامك صحيح وسليم مئه بالمئه لكن هاتي اللي ينفذه

بصراحه بقول كلام واقعي ينطبق على المراة الخليجيه بصفه عامه والسعوديه بصفه خاصه

الرجل يقصص جناحها ويقول لها طيري

لان كل شيء عنده ممنوع فكيف المراة تنعم بحياتها واستقرارها واذا سافر زوجها تطلع روحها

لانها بدونه لاتعيش

اسمحيلي لقول لك قصه وحده زوجها مسافر وهي بيت اهلها ويقول لها اذا جيتي تخرجين كلميني

استاذني قالت مكالمه دوليه قال تكلميني ولا تطلقين (يعني شين وقوي عين)

وحده ثانيه تركها زوجها وراح البر مع ربعه 3 ايام وقالت له خلني اروح بيت اهلي ورفض وقال

لها الشقه هذي ماتطلعين منها لين اجي

ووحدة ثالثه زوجها ساافر وقالت له اهلي بيروحون مكه خلني اروح معهم قال لا قعدي محلك وقالت اذا على الفلوس ابوي بيتكفل فيني

طبعاا رفض وراح جنوب شرق اسيا مع ربعه وهي حرمها من اطهر بقعه على وجه الارض

فتشاهدين هالمراة وحده ضعيفه لاتستطيع ان تدبر نفسها ولاتعيش بدونه كل شيء ممنوع الذهاب بيت

صحباتها ممنوع والذهاب للسوق ممنوع الا معه حتى تقص شعرها ممنوع انا شاهدت وحده بام عيني في المشغل

وهي جايه تصبغ شهرها طبعا بعد الاستئذان واشتهت تقص شعرها وكلمت زوجها تستاذنه مع دهشت الجميع

فالعيب مو بالمراة اللي شخصيتها ماتت مع زوجها

العيب في بعض الرجال اللي يفكر نفسه شراها لما دفع لها مهرها ووضعها اثاث في منزله

وطبعا هم مع الاسف الغالبيه ولكنهم ليس الكل الا من رحم ربي

وشكرا ياكفونه موضوعك حساس جدا واطلت عليك وفي بالي المزيد

لكن ماودي بالاطاله

وتقبلي مروووووور خيتك الجودها

[اجوورري]

انا اتفق مع اختي الجودها في كلامها عنجد الكلام الي ذكرتيه حلووووو بس مووووووووو في مجتمعنااااا

[هتاف المجد]

حبايبي اسمحولي أقول لكم ..

إنا إحنا الحريم اللي سمحنا لهم يتحكمون في كل حياتنا ..

من أول ليلة والزوجة تعطي لزوجها إيحاء أنا تبعك في كل شيء ..

لو إنها من اول مرة عودته على اللي تبغاه .. وكانت واااضحة وصريحة له ...

وحددت له خطوط حمراء ما يتعداها في معاملته لها ... وكانت صارمة في التعامل مع اخطاءه ...لرأينا الرجل كما نريده ,,,

يمكن الصفات اللي ذكرتوها تنطبق على جيل الآباء والأمهات ..

أما الجيل الجديد ... الحمد لله منفتح شوي ... وراحت القسوة والشدة الماضية ..


ولو كل زوجة عرفت قدر نفسها.. ماتجرأ الزوج أن يعاملها كتابعة له ...

ومشكلتنا أن الزوجة تستحي أو تخجل .. من باب العيب الاجتماعي ... لو غلط عليها مثلاً بالضرب .. تصبر وتسكت ..

وبكذا يتجرأ يكررها مرة ثانية ... لكن لو وقفت في وجهه كان الزوج عرف حدوده ... ولو كررها ممكن أقرب مركز شرطة وتشتكي عليه..

صدقوني .. ماراح نلقى زوجة تشتكي من زوجها ..

العيب فينا بالمقام الأول... خلينا الزواج هو الحياة ... والزوج هو الكل في الكل ... وهذا أكبر غلط نرتكبه في حق أنفسنا

يمكن بعضكم يستغرب كلامي ...

بس الحياة تغيرت عن زمان أول ... وصارت الزوجة تعرف حقوقها .. وتعرف كيف تآخذها ...


هذي وجهة نظري ... ومن واقع أراه حولي وأقرأه ...



مع خالص حبي ..............................