محاشي لعيونكم الحلوه
بسم الله الرحمن الرحيم
السلام عليكم ورحمه الله وبركاته
كيفكم حبيباتي ان شاء الله بخير وسعاده دايما يارب
اليوم شيلت الكسل من علي يدي وقلت يالا يا بنت خليني انزل الموضوع بلاش الكسل ده من اسبوع بدي اسويه وبس كسل طولتهاوهي قصيره
نبتدي حبايبي ندخل علي محشي الملفوف (كرنب )
مقاديره
بصل كبيره مقطعه صغير -زيت -طماطم معصوره ملي كاس الخلاط - ملعقتين صلصه طماطم -
بقدونس -كسبره -شبت-بهارات مشكله -كمون -قرفه ناعمه-نعناع ناشف -كسبره مطحونه-وشطه حسب الرغبه -ورز طبعا
الطريقه
نضغ القدر علي النار ونحط الزيت والبصل وقلب حتي يدبل البصل ويصفر شوي لا يتحمر
نضع عصير الطماطم والصلصه علي البصل ونقلب جيدا
نتركها حتي تتسبك كويس وده شكلها بعد ما اتسبكت
نبدا بوضع البهارات علي الصلصه ونظبط الملح طبعا ونضع الرز والخضره ونقلب جيدا
انا يا بنات بسوي حاجه بعد ما بخلص حشوه المحشي بتعطي طعم وريحه للمحشي خرافي
بسويها مع كل انواع المحاشي يعني الطريقه دي معتمده عندي لمحشي الكرنب والكوسه والفلفل والبدنجان
وهي بعد ما بخلص خلط المقادير كلها بكون مجهزه فنجان صغير فيه شويه زيت مع نصف ماعقه سمن وجمره فحم واحط الفنجان في وسط الخلطه واحط الفحمه واسكر القدر شويه حتي ياخد ريحه الشوي مثل ما بنسوي مع المندي وبعد خمس دقايق تقريبا بفتح غطاء القدر وبحط شويه من الزيت اللي في الفنجان علي الخلطه بس انتبوا لا تنزلوا فيها رواسب من الفحم اللي في الزيت
جربوا الطريقه دي يا بنات وادعولي علي الطعم والريحه ودي شكل الخلطه يعد ما جهزت
وهنا المقادير كلها مع بعض الخلطه وورق الكرنب ووالكوسه والفلفل
بالنسبه للكرنب انا ما بسلقه من حوالي3سنين شفت في برنامج مع اسامه اطيب معلومه عن الكرنب اننا نحطه في الفريزر ولما نحتاجه نطلعه ونسيبه لغايه ما يسيح التلج خالص بيصر سهل مره عن السلق وتعبه بصراحه من وقتها بطلت اسلق واتبعت الطريقه دي من وقتها
انا بحط في قاع القدر بواقي ورق الكرنب اللي بتكون صغير او الزوائد اللي بتطلع وانا بقطعه
ونبدا في لف الكرنب اخد ورقه علي راحه يدي واضع عليها شويه من الخلطه والفها علي شكل رول معروف طبعا
وهنا خلصت لف الكميه كلها ما بتاخد مني وقت خالص اقل من 10 دقايق
انا ما بحط اي شيء من فوق المحشي ما حط فوقه طبق او شيء بصراحه ما بيفك مني خالص
بس بخي مساحه من فوق في القدر حوالي 2سم علشان ياخد راحته وهو بيستوي
وهنا الكوسه والفلفل وبرضه بسيب مساحه صغيره علشان لما يستوي ما يخرج منه رز بره ويستوي براحته
بالنسبه للشوربه اللي هانسقي بيها المحشي
انا بشيل من الصلصه بعد ما تتسبك ملعقتين علي جنب بخلطه مع شوربه الدجاج او لو ما في ممكن ماجي مع مويه بس انا بصراحه بحط شوربه لاني دايما بشيل اي كميه شوربه تفيض عندي سواء لحم او دجاج في الفريز لوقت الحاجه
اخلط ملعقتين الصلصه مع الشوربه بعد ما اسخنها طبعا واظبط الملح احط علي الكرنب يادوب يتغطي
والكوسه والفلفل يادوب بعد النصف بشويه
ونحطه القدور علي النار وتكون النار هاديه جدا انا بحطه واسيبهم علي نار هاديه جدا حتي يستوا براحتهم
شوفوا ماشاء الله كرنب بعد ما استوي كيف مثل ماهو لا اتفكك ولا اي شيء
وهنا لما سيبته هدي شويه بس من الحراره غرفته في الطبق حلاوته يتاكل وهو سخن طبعا
وهنا الكوسه والفلفل
الف هنا وعافيه علي قلوبكم
ان شاء الله عجبتكم طريقتي حبيباتي
في امان الله وحفظه
لا تنسونا من صالح دعائكم
محبتي واحترامي للجميع
اختكم ام يوسف
رد مع اقتباس
المشاركة الأصلية كتبت بواسطة زهرة حلب
مواقع النشر