السلام عليكم حبيباتي
اقولكم معاناتي وهي صموت زوجي
ماادري وش اقول لكم بالمختصر مايحب يتكلم كثييير ماأدري في زوج مثل زوجي
تخيلو اسولف معاه وابيه يرد اذا بيتكلم كلمتين وبعدها ينتهي كلامه كذا مرة اقوله انت ماتتكلم كثير يقولي وش تبغين اقولك
احاول اتحاور معاه وابين له ان الحرمه تحب زوجها يشاركها الحديث بس مافي فايدة
زوجي يحب يقرا كتب والانترنت حتى اوقات الاجازة يصحى من نومه يقرا كتب
والله تعبت معاه نفسي اعرف اللي بنفسه مادري عنه
بس لما يكون زعلان يعطيني كلام قوي والله ماتحمله يعني لو بيتكلم فيجرح مايعرف يقول كلام سهل على قدي
بس لما يكون راضي يكون رومنسي بحركاته وهمساته بأذني
والله احبه وحياتي بدونه ماتسوى وكريم ومهذب ومو منقص على شي
ياليت اللي زوجها مثل زوجي تقولي كيف تتعامل معاه
مع العلم اني قرات كتب وحاولت بس مافي فاييدة
اللي يقهرني ان زوجي مثقف ومتعلم ويقرا كتب عن الحياة الزوجيه بس مشكلته مايسولف معي ولا يسالني وين تبينا نطلع اليوم
دائما انا اللي ابدا بالموضوع وانا اللي اقوله خلنا نطلع اليوم يعني زوجي يحب البيت ويحب الكتب والله تعبت
ساعدوني اخواتي اللي مثل حالتي تقول على الاقل احس ان وحدة تعيش نفس حالتي
ادعولي ان ربي يسهل امورنا
مواقع النشر