كلام الاخت صاحبة الموضوع فعلا صحيح وانا عن نفسي غالبا ما اشتري الا وقت التخفيضات ولا يهمني وقت موضة وخرابيط لاني ادري انهم يضحكون علينا
سبحان الله يوم الواحد يسافر للخارج والله الغرب اكثرهم ما يهتمون للموضة ولا للصرف زينا
تلاقي الواحد يالله مشتري له 3 او 4 بناطيل جنز خامتها كويسة و4 او 5 بلايز عشان يغير بس فيها
وتقعد اللين تقول اعتقني
واحنا الواحد دولابه بينفجر من الملابس اللي ما انلبست الا مرة وحدة
يعني لمتى على هالحال في هالغفلة
ومن رايي الشخصي ان كلها امور احنا آمنا فيها وابتكرناها
يعني لو وحدة بين 100 طلعت مريضة بالموضة وهالخرابيط الكل يتبعها!
والله حالنا محزن
قسم بالله لي صديقات اجانب الوحدة منهم تستلف اللبس من صاحباتها
ولا تشتريه او تشتري مستعمل نظيف
المشكلة انها تشتغل ليل نهار ويوم اسألها ليش ما تشتري
تقول ليش اشتري ويروح بالزبالة آخرته
خليني اوفر فلوسي عشان لا جت الاجازة اروح اجازة لاي مكان واستانس واسوي لي
مساج ومن هالخرابيط
لا وهي ببيت ملك وعندها كل شئ وان لم يكن ما عندها لا زوج ولا اولاد
لمن اجلس في قعدة وتكون سوالفهم كلها عن هالاشياء والله تنسد نفسي
من سوالف هالناقصات وانا اعبرها نقص في الانسان هالعادة
يقولون يؤيؤ لو تشوفين فلانة اشترت بلوزة 2500 ريال, يؤيؤ شريت طقم الماس بلا بلا بلا
يؤيؤ ....................
لا ولا شفت هالبلوزة ودي آخذها ممسحة للارض عزكم الله
ياليت الكل يصحى من هالغفوة او السبات (الموضة)
نلبس حلو ويكون مرتب ونظيف ومناسب لنا
انا اشوف هذا اللي يرضي ربي
وفي مثل يقول مد لحافك على قد رجليك
الحريم ماعاد فكرت بظروف ازواجهم او عالقليل مستقبل اولادها او غيره من الامور الاساسية
مو بشرط اكون غنية او فقيرة عشان افكر هالتفكير بس العقل ماعليه اختلاف
والله واحد من اصحاب زوجي جاء عنده مستحي يقوله بطلبك طلب
قال زوجي آمر
قاله ابي تسلفني مبلغ وقدره
قاله زوجي عسا ما شر انت ياخي عليك ديون كثير ولا بتقدر تسد
قال ابي اشتري لزوجتي ذهب ومن هالسوالف عندنا مناسبة حق واحد من الجماعة
وتدري
قاله زوجي لا والله ما ادري
ولمن قالي زوجي قلت له ولا تسلفه خليه يحوس محد مسلفه انشاء الله
مو لازم تحضر المناسبة لو ما يبونها زي ما هي بظروف زوجها المسكين
الكلام في هالموضوع فعلا يطول لكن ما اقول الا
الله المستعان
مواقع النشر