الكشك المصري " مشاركتي في مسابقة : : طبق من بلادي "
اخواتي وصديقاتي حبيت اشارك معكم بطبق كل المصريين بيحبوه جدا وطريقته سهله جدا جدا
وهو الكشك ويارب طريقتي تعجبكوا 000
بالنسبه للمقادير هي تقديريه علي حسب الكميه اللي هتعمليها .
والمقادير اللي عملتها كانت عبارة عن :-
2 ملعقة دقيق أبيض " طحين "
2/1 كوب لبن " حليب "
2/1 كوب زبادي
بصله محمره
ازر ابيض
وطبعاً مش هننسي الشوربه ولازم تكون شوربه دسمه " مثل : شوربة البط " ولو كانت شوربة دجاج زوديلها مكعب مرقه علشان تظبطلك الطعم .
* نحط المقادير السابقه " الدقيق + اللبن + الزبادي " ونخلطهم كويس بالمضرب السلك اليدوي علشان ما يبقاش فيه كتل " ونسيبهم في الثلاجه حوالي ساعه او اكثر " بعملها من الصبح واسيبها لحد ما ابتدي طبخ " .
* نسلق الرز اوي " بس بدون ما نزودله ملح او مرقه " .
* وبعدين نغلي الشوربه ونضيف ليها الرز والملح ونسيبهم يغلوا شويه علي النار .
* وعلي بال ما الشوربه والرز يغلوا نبشر بصله متوسطه ونحمرها " نصها نخرجه فاتح شويه والنص التاني نسيبه يتحمر كويس " .
* وبعد الشوربه والرز ما يغلوا نضيف نصف البصله الفاتح وبعدين نضع الخليط " الدقيق + اللبن + الزبادي " عليه مع التقليب في نفس الوقت .
بمعني : انك تحطي الخليط باليد الشمال وتقلبي باليد اليمين
* ويغرف ويزين بنصف البصله المتحمر وبالف هنا وشفا 000
اتفضلــــــــــــــــوا معانــــــــــــــــــا 000
يارب تكون طريقتي عجبتكوا
ولا تنسوني انا وامة محمد عليه السلام بالدعاء الصالح
اختكم // أم أحمـــــد
رد مع اقتباس
المشاركة الأصلية كتبت بواسطة ام سبابل
مواقع النشر