بسكويت سابليه " امممممم " احلي من البتيفور : : بالصـــــور : :
اخواتي الكرام 00 كنت نزلت موضوع سابق بإسم بسكويت السابليه بس كان بدون صور
النهارده نزلتكوا الصور .
المقادير طبعا واحده بس غيرت في اشكاله شويه عملته مثل البيتيفور .
المقادير : 4/3 1 كوب دقيق + 2/1 كوب سكر بودرة + 4/3 كوب سمن ( بدرجة حرارة الغرفة ) + 1 بيضة + 2/1 1 ملعقة بيكنج بودر + رشة ملح + فانيليا
* يوضع كل الخليط السابق مع بعض ويعجن بخفه إلي ان تتماسك العجينه فقط " لا يعجن كتير " .
* ثم يغلف في بلاستيك ويترك في الثلاجة لمدة 2/1 ساعة .
* نرش علي الرخامة دقيق بسيط ثم نفرد العجينة بارتفاع 2/1 سم ويقطع علي حسب القطاعات المتوفرة لديك ويوضع في صواني غير مدهونه .
* يخبز في فرن حار بدرجة حرارة 200 حوالي 10 دقائق .
" يسوي لحد ما اسفله يحمر فقط وتطلعيه من الفرن هيكون لونه من فوق ابيض وهيكون طري ،سيبه في الصينيه لحد ما يبرد هتلاقيه نشف "
* ممكن تسيبيه بالشكل ده وبيكون مع الشاي حلو جدا ، بس انا حبيت اعمله زي البيتيفور سيحت شيكولاته علي حمام ماء وعليها ملعقة لبن " حليب " وملعقة زيت ، ولزقت كل بسكوتين بالمربي وزوقتهم بالشيكولاته السايحه .
" عملت جزء بالشيكولاته وجزء ساده وجزء مالزقتوش بالمربي خالص "
وبالف هنا وشفا 00
ياريت تجربوه وتقولولي رأيكوا 00
تقبلوا احترامي وتقديري
[/frame]
مواقع النشر