روايه عشق ابدوي يابنت ماتفهمينه رررررررررررروعه - الصفحة 3
صفحة 3 من 5 الأولىالأولى 12345 الأخيرةالأخيرة
النتائج 9 إلى 12 من 20

الموضوع: روايه عشق ابدوي يابنت ماتفهمينه رررررررررررروعه

  1. #9
    كوكب الشبكة الصورة الرمزية دمعه حزن 22
    تاريخ التسجيل
    Nov 2009
    المشاركات
    1,478
    معدل تقييم المستوى
    13



    الفصل الأخير:
    وربي ضاقت فيني الأرض..وين أروح..مصيبه لاكنت بين حبيب وصديق..آه وش أسوي..بس لا لازم أدور حل وأقنع محمد يتفهم موقفي..أنا ماأبي أخسر محمد ولاأقدر أنكر عشرته بهالسهوله..ياالله أحس إني مشتت..ضايع..أشتكي لمن..لمحمد وأقول له إنك سبب همي..وألا لك يالمى وأقول أعز البشر مايبيك..
    (( تنداس دنيا الحب بتراب تنداس..
    وينداس قلب ما وفى مع خويه))

    ياناس كانت هالفتره أصعب فتره في حياتي..وهذي حالتي تعبت من كثر ماأفكر وقلت لنفسي لازم يامساعد تواجه الموقف بشجاعه..وتسوي شي وألا راح يمشي الوقت وأخسرهم كلهم..
    الأيام قاعده تمر..وشهر كامل ماغير ذابح نفسي بالهواجيس والأفكار على قلة سنع..لكن يشاء الإنسان أن يفعل شي ولكن مشئية الله فوق كل شي.لأن اللي صار كسر ظهر الجميع..بيوم كذا على وقت العصر كنت قاعد بحديقة بيتنا وشايل هموم الدنيا فوق رأسي..وشوي إلا أسمع
    (دف.دف.دف)
    فتحت الباب إلا هذا محمد..
    محمد وبجنون:مساعد إلحقني يامساعد خلاص إنتهت حياتي.
    (أنا إنصدمت مدري وش فيه محمد وبصراحه ماقدرت أتحرك..بعدها ضمني ضمه لدرجه حسيت إن ضلوغي بتطلع..وقعد يبكي..هنا أنا إستخفيت محمد يبكي..محمد الإنسان اللي يضرب فيه المثل بالصبر والرجوله قاعد يبكي..بغيت أنجن)
    مساعد:محمد تكفى أحلفك برب البيت المعمور وش فيك؟
    محمد وهو منهار:آه إذبحني أبي أموت..إذبحوني تكفى ياموت خذ روحي.
    مساعد ودم وجهه نشف:ياأخوك تعوذ من إبليس وخلنا ندخل وربي إن معدتي قامت علي من الخرعه.
    محمد وهومثل المجنون: آه يالقهر والله لأذبحه..والله لأخليه عبره الواطي الحقير.
    مساعد:الله يرحم أمك وأبوك اللي في قبرهم وش السالفه؟
    محمد ودموعه أربع أربع:أحمد النذل.
    مساعد بإستغراب:من أحمد؟
    محمد وخلاص بغى يموت: رئيس مجلس إدارة شركتنا السافل.
    مساعد:وش هو مسوي؟
    محمد وهومتقطع من الصياح:تذكر ذيك الليله الله لايذكرها بالخير..يوم عزمناه عندنا بالبيت.

    مساعد:إيه أذكر طيب وش المشكله؟
    محمد وقد إنهار:إختي عبير فتحت له الباب وشافها وإستخف عليها وإنت عارف إنها ماتغطى؟
    مساعد:إيه هي موب عمرها 12 سنه..طيب وش لون إستخف عليها مافهمت؟
    محمد: هالحقير إذا ضمن إني وصلت الشركه جاء للبيت وجاب لها هدايا وحلويات وكان يوصيها إنه إذا علمت ماراح يجيب له شي وغير كذا كان يخوفها مني؟
    مساعد:يلعن شكله الواطي وبعدين وش صار؟
    محمد وبصياح:أمس أخذها من البيت وكذب عليها وقال لها محمد بالمستشفى يبي يشوفك قبل مايموت وراح أخذها لشقته.
    مساعد مصعوق:تكفى قل غير هالحكي ..لشقته؟؟
    محمد:أنا من الصبح كان ناغزني قلبي مدري ليش..يامساعد عبير مثل بنتي ماكأنها أخت..أنا اللي ربيتها بعد ماتوفوا أهلي بس للأسف ماأجيد التربيه.
    مساعد:تعوذ من إبليس..أختك توه صغيره..بعدين وش صار؟
    (محمد خلاص إنهار وقعد يضمني بقوه وهو يصيح)
    محمد:إتصلت بالبيت ومحد يرد..تذكرت إني أدق على جوال الخدامه..ردت وقالت إنها ماتدري عن عبير..وإنتظرت عند باب الشارع إلين ماجاء الفجر..ومادريت إلا هو بكل ثقه وجرأه منزلها وهي تبكي وملابسها مشققه وحالتها تخرع..وعلمتني بكل شي..يامساعد أحمد إغتصبها..ورحت ثبت الحاله بالمستشفى وهذاني جيتك.
    مساعد كأنه أصاب بشلل :السافل وصلت فيه كذا.
    محمد وشياطينه كلها طلعت:والله لأخلي جنازته علي يدي..لأذبحه الواطي ..دمر هالمسكينه ودمر سمعتي.
    (محمد فقد السيطره على نفسه وقعد يضرب في نفسه الجدار مثل المجنون)
    مساعد:مافيه حل إلا الشرطه..يعني وش بتستفيد لاذبحته.
    محمد وهو ميت من القهر:واحد مثله يمشي ويغتصب وهو واثق وعارف إن الواسطه بتطلعه بعد شهرين وإن كثرت ست شهور..اللي مثله حرام يعيش.
    مساعد:تعوذ من إبليس..ياأخوي ماراح تستفيد غير إنك تدمر مستقبلك وعبير راح تضيع من بعدك وألا راح تخليها عاله على الناس.
    محمد:ياليتني مت قبل هالفضيحه..بذبح نفسي وبذبحها معي ونفتك.
    مساعد:إسمع تدخل النار علشان واحد حقيرمثله بس القضيه لازم نثبتها بمحضر.
    ((بيني وبينكم والله موب إنقهرت وربي إني نويت أرتكب جريمه..بس مابغيت أزيد على محمد)
    مساعد:أبوحميد توكل على الله وماراح يضيع حق وراه مطالب..والله لانوريه نجوم القوايل لكن تكفى لاتجيب الفضايح لأختك المسكينه.
    محمد:وهذا اللي قاهرني إن مالها ذنب.
    مساعد:خلنا نروح للشرطه هالحين.
    وهذا اللي سويناه رحنا وثبتنا القضيه..وماقدرت أخلي محمد بهالحاله علشان كذا خليته ينام عندي وقفلت باب البيت خفت إنه يطلع..وعبير خليتها تنام عند نوف أختي.
    إتخذت المحكمه إجرآتها بس ماقدرت تعوض محمد عن شعور الألم.
    لموي دقت علي لأن فعلا قطعتها..علمت لمى بالسالفه..لمى يوم درت عصبت وراحت إستأذنت محمد إنها تبي تفضحهم وعلى قولتها ليش على بالهم بنات الناس ماوراهم أحد..محمد وافق مع إنه موب مقتنع لأن على قولته هالبنت وش بتسوي إذا حنا يارجال ماقدرنا نسوي شي..بس لمى طلعت عن عشر رجال..لمى كتبت تقرير كامل وخطير سوى ضجه إعلاميه وخلت شريحه كبيره من الناس يتفاعلون مع القضيه لدرجةإن محمد يوم قعد يقرأ ردود القراء والمسؤولين الكبار تأثر وإرتاح..
    لمى كتبت مقال بعنوان"عندما يغتصب والدك إبنتك ياترى ماذا ستفعل"
    والمقال كان يتكلم عن قصة محمد وأخته..وبدأتها بطريقه بقوه مؤثره..ماذا تفعل لو والدك الذي تثق فيه واللي تحمل مسؤولية تربيتك وأمانة المسؤوليه كيف لو خانها وإغتصب إبنتك اللي أمنتها بين يديه..وشبهت الوالد بالمسؤول الكبير الذي حمل على عاتقه أمانة المسؤوليه لمن هم يتعبونه وكيف يخونها ويطعنك بشرفك ماذا ستفعل حينها؟
    مقال لمى كان رائع وشرحت كل شي بالتفصيل والطريقه اللي شرحت فيها لمى القضيه تدمي القلب...والحمدالله ردود رجال الدين والناس المثقفه والأطباءالمتخصصين أعطت محمد عزم وثبات إنه يعالج المشكله اللي صارت بوعي وتدارك للموقف بإيمان أن الله مع المظلوم..وأي ردود من القراء كانت لمى ترسلها على طول لمحمد إلين ماإستعاد محمد عقله وإتزانه..
    وذاك اليوم جاني محمد في البيت..
    محمد:واللي خلقني من العدم مافيه شي يوفيك إنت ولمى هالإنسانه العظيمه.
    مساعد:أقول إنثبر مافيه هالخرابيط بين الأخوان.
    محمد وبإبتسامه:الله يوفقكم..وربي ماراح أنسى لها وقفتها طول حياتي.
    مساعد: لاحول ماله داعي هالهرج ..لمى ماسوت غير الواجب.
    محمد:مساعد إلا بغيت أقولك خبر ومدري وش لون بأقوله بس لازم تفهم موقفي.
    مساعد وبترقب:عسى ماشر؟
    محمد:قررت أهاجر لأمريكا أنا وإختي..ودي أعالجها بصراحه يامساعد جاها إضطراب نفسي وموب حلو وهي طفله أشوفها تعاني وتكون ضحيه لشي هي مالها ذنب فيه..وإذا تبي الصراحه أكثر أنا ودي أكمل دراستي الجامعيه هناك وأبي أدخل محاماه.
    مساعد وبتردد:محمد لكن...
    (بصراحه ماقدرت أكمل كلامي.. خنقتني العبره وودي أقول يامحمد حياتي بدونك ماتسوى..لكن حرام أصير أناني خله يشوف مستقبله وغير كذا إخته في حاجته أكثر مني)
    محمد:تكفى يالغالي قدر موقفي.
    مساعد وبشهامه:بموقفك هذا أثبت لي إنك ولد رجل وشهم..الله يسهل دروبك وأنا وإنت يامحمد مايفرقنا إلا الموت..بس ودي أطلب طلب.
    محمد وبفرح:إنت تأمر أمر ياأخوي.
    مساعد:ودي أخطبك لأختي نوف.
    محمد وبذهول:أنا...نوف..
    مساعد:إيه يامحمد أنا شاورتها وهي ماعندها مانع وتقول ماراح تلاقي أحسن منك..بس بقى رأيك.
    محمد وهو متشقق من الوناسه: نوف مره وحده ..تكفى قل إني أحلم.
    مساعد وبضحك:إذا ماتبي إعتبره سراب بالصيف.
    محمد وهو معصب:إسمع لاتمزح معي بهالسوالف.
    مساعد وهو ميت من الضحك: وربي ماأمزح لو تبينا نملك هالحين.
    محمد نط من الفرحه وحب رأس مساعد: تفداك روحي ياأبو جرح.
    مساعد:ليش ماقلت لي إنك تحب نوف..أنا داري من زمان بس كنت أبيك تعلمن.
    محمد وهو متفشل:والله من زمان كان ودي أقول لك بس ماكنت أبيك تفهم علاقتي بك غلط وتتوقع إني صادقتك علشان أختك.
    مساعد:والله إنك يوم عن يوم تكبر بعيني وتثبت لي إنك أصيل ومعدنك ذهب.
    محمد:الله يخلينا مع بعض ياأخوي.
    مساعد وبسخريه: آمين يارب..بس مدري يامحمد إنت موافق أتزوج لمى؟
    محمد بضحكه:والله لو ماتزوجتها إنت لأتزوجها أنا.
    مساعد وبتهكم:بس تراها صحفيه.
    محمد:تدري ياإني كنت حاقد على الصحافه بشكل جنوني..بس غيرت رأيي بعد ماتعاملت مع لمى.
    مساعد:دعواتي لك بالتوفيق.
    محمد:الله لايحرمنا من بعض.
    (أنا ومحمد تزوجنا بليله وحده..وراح قضى شهر العسل بأمريكا..أما أنا ولمى قضينا شهر العسل في بيتنا الشعبي القديم بقريتنا..كانت من أجمل سنين حياتي..صار عندي بنت وعمرها 4 سنوات وسميتها بنان..أما محمد فزوجته توها حامل..والخبر اللي مره يفرح عبير أخت محمد ملكت على صديق محمد بالجامعه وهو إنسان مره خلوق وواعي وعرف سالفتها وتقبل الموضوع لأن عارف إنها مظلومه..هذي قصتي قصة مساعد العاشق البدوي)
    بقلم/ستيفانه الطائيه

    منقــــــــــــــــــول
    دمعــــــــ حزن 22ـــــــــــــــــــــه

  2. #10
    كوكب الشبكة الصورة الرمزية دمعه حزن 22
    تاريخ التسجيل
    Nov 2009
    المشاركات
    1,478
    معدل تقييم المستوى
    13
    اسفه نزلت جميع الباراتات بس افضل من استنئ الردود ومحد معبرني
    دمعــــــــ حزن 22ـــــــــــــــــــــه

  3. #11
    عضوة قمة الصورة الرمزية ضحكة أمل
    تاريخ التسجيل
    Jul 2008
    المشاركات
    479
    معدل تقييم المستوى
    14
    قصة رااااائعة جدا ...
    أبحرت معها لأيام غير أيامي .
    وعشت معها مشاعر نفتقدها في عالمنا الحالي ..
    قلم متألق يمتاز بسلاسة الأسلوب وانسياب الأحداث ويجبر القارئ على أن يكمل ما بدأه ..
    اهنئك على هذا الطرح وإلى الامام ..
    وأسطر إعجابي بما قرأت ..
    [fot1]لاتنسوا الصلاة على الحبيب المصطفى
    [/fot1]



  4. #12
    كوكب الشبكة الصورة الرمزية دمعه حزن 22
    تاريخ التسجيل
    Nov 2009
    المشاركات
    1,478
    معدل تقييم المستوى
    13
    مشكوره اختى على مرورك العطر وكلامك الاكثرمن رائع
    دمعــــــــ حزن 22ـــــــــــــــــــــه

صفحة 3 من 5 الأولىالأولى 12345 الأخيرةالأخيرة

المواضيع المتشابهه

  1. حلى الكدش...طعمه رررررررررررروعه
    بواسطة قمر الصباح07 في المنتدى المواضيع المنقولة
    مشاركات: 6
    آخر مشاركة: 31-12-2011, 04:25 PM
  2. حلى البيبسي رررررررررررروعه
    بواسطة عاشقة تبوك2010 في المنتدى الحلويات
    مشاركات: 34
    آخر مشاركة: 26-10-2010, 04:53 AM
  3. هذا شي ماتفهمينه؟؟!!
    بواسطة مروج الوفاء في المنتدى المجلس العام
    مشاركات: 7
    آخر مشاركة: 16-02-2009, 09:43 PM
  4. مكياج رررررررررررروعه
    بواسطة دانه جده في المنتدى تجهيز العروس
    مشاركات: 59
    آخر مشاركة: 27-01-2008, 01:40 AM

الكلمات الدلالية لهذا الموضوع

مواقع النشر

مواقع النشر

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهم المواضيع

المطبخ

من مواقعنا

صفحاتنا الاجتماعية

المنتديات

ازياء | العناية بالبشرة | رجيم | فساتين زفاف 2017 | سوق نسائي | طريقة عمل البيتزا | غرف نوم 2017 | ازياء محجبات | العناية بالشعر | انقاص الوزن | فساتين سهرة | اجهزة منزلية | غرف نوم اطفال | صور ورد | ازياء اطفال | شتاء | زيادة الوزن | جمالك | كروشيه | رسائل حب 2017 | صور مساء الخير | رسائل مساء الخير | لانجري | تمارين | وظائف نسائية | اكسسوارات | جمعة مباركة | مكياج | تسريحات | عروس | تفسير الاحلام | مطبخ | رسائل صباح الخير | صور صباح الخير | اسماء بنات | اسماء اولاد | اتيكيت | اشغال يدوية | الحياة الزوجية | العناية بالطفل | الحمل والولادة | ديكورات | صور حب | طريقة عمل القرصان | طريقة عمل الكريب | طريقة عمل المندي |