اليوم بقولكم قصه صارت لزوجى بالليل يوم الخميس
بس الحمدلله ان زوجى سلم ولا جاه شي هذا اهم شي فديته
المهم
كان زوجي رايح يتسوق مع صديقه بيشري حاجه وكانت هالحاجه ابيها من زماااااااااان ومستنيتها
بس الحمدلله على كل حال قدرالله وماشاء فعل
طبعا انا ماكنت ادري وينه رايح او ش بيجيب اصلا
كنت معزومه حطنى بالعزيمه وراح
بعد الساعه 12 كلم علي رقم غريب يوووووومه وشذا
استغربت الرقم وكان حوالي اربع مكالمات اذا كذا عادى ارداربع اكيد احد يبانى
رديت عليه اذا هو زوجى
ضحكت هااااااه وشذا الرقم اسوي خفه دم ( تعرفون اتميلح عند المعازيم هههههههه)
ضحك قال هذا رقم ثاتى مخبيه عنك
قلت لا عاد وش فيك
قالى ان شريحتى احترقت
افا ليه وانا اضحك عليه
قال عاد هذا اللي صار وهذا رقمى الجديد
جاء وخذنى وصارحنى بالحقيقه اللى ماكنت ابد متخيلتها
قال اصلا رقمي وجهازى انسرق منى وانا بالسوق
هاها لااله الاالله ليه كيف وش جاك ومن هذا
تحقيق
قال كنت متفق مع راعي المحل انه يجينى باكر العصر وبعطيه العربون شوي جاتني مكالمه وطلعت اكلم وكنت امشي وناوي اجلس باقرب مكان
مادريت الا واحد ضربنى على راسي يدي اللى كنت ماسك الجوال بها
وتوقعت احد يمزح عارفنى
بس حسيت بقوه الضربه والشماغ طاح وحاله وكانى دايخ وشذا اللى يمزح
الا الجوال اختفى
انادي على صديقى الجوال الجوال
والناس يناظرون
ولحقته انا وصديقى
وحجزناه خلاص هو بالوسط وانا قباله وصديقى وراه يعنى المفروض يستسلم
الا هو بسم الله قرد ركض من بينا و نط من الى حضن صديقه اللى كان ينتظره بالسياره تخيلوا دخل مع الشباك
على صديقه
ويضغط صديقه جعل ضغطه يرتفع ( لاتلوموني حييييل متضايقه )
يضغط على البنزين ولاشفنا الاغبرته المغبر ولحقناه بس وييييين هم بالسياره واحنا رجليه
وراااااااح الجوال ويقول زوجى (والله انه طيب وعلى نياته )
كلمناه على طول لعله يرد بس يترك الذاكره والشريحه والجوال ياخذه
جعله الاخذه بس على طول قفله هو خبل حتى يتركه طبعا زوجى
على طول احرق الشريحه ومن بكره الصبح الجمعه احرق الجهاز بس
ماقول الا حسبي الله عليه والحمدلله سلم زوجى واللى كان معه تعرفون بعض التكارنه تعرفونهم اذا بخاطره شي بيسويه والضرب والهواش اسهل شي عندهم استغفرالله
لذا ياخوات انتبهو من كذا وياما صارت وحتى لو الرجال يكلم بالسياره يسرقونه صارت مع اخوى كان كذا يكلم والجوال مع الجهه الثانيه اللى من الشباك وهو يسوق
مادرى الا ذاك الزاروق صاحب دبااااب ويختفى الجوال الله حسبه والله مسكين اخوي تخيلت شكله رحمته والله
(تو حست باخوها يوم صار لرجلها هههههه)
والحمدلله ماكان بالجوال اللى تبع زوجى ششي من الصور اوكذا الله يسترنا بستره
لان البعض يصورون انفسهم او الاطفال يصورون والام ماتدرى وتروح بجهازها لاى مكان لا يااخوات الدنيا سلامات الا ساعه خذوها منى
حبيت اقولكم هاالقصه اللى صارت بس والله شي يضيق الصدر
وانقهرررررت مررررره وتحسبت عليه جعله مايتهنا فيه يارب
المشكله هاللوح الجهاز موديله قديييم والله قديم بس ان شاءالله انه يخرب عليه ولايستفيد منه
وبس سلامتكم وامسكو جوالاتكم زين ولاتكلمون احد وانتو تمشون وحده منصدمه
واستودعو الله اسركم وانفسكم ومن احببتم
استودعتكم الله
عاد لاتدخلون وماتردون
ترى بدعى عليكم مع ذا اللى سرق جوالنا وترانى ضاااااايقه مره عاد لاتصير الضيقه فيكم هههههههه
مواقع النشر