موضوع شامل عن الغسالات الاؤتوماتيك00

[قلوب مسلمه]

1) شوفي ياقلبي عندك ميتاج و اندست
بس اندست احسن لانك تحطين فيها الصابون والكمفورت والنيل في درج وانسيها ولاتجين الااذابغيت تنشرينها واذاشغلتي عليها قبل لاتنامين ونسيتيها وماذكرت الاالفجر او الصباح ماتطلع فيها ريحة ابددددد وماتتعفط وسعرها مررررررره حلو 1200وصناعتها المانيه او ايطاليه والله ماني متذكرة زين




2) انا عندي انديست
غساله ونشافه
راااااااااااائعه
ماشاء الله تبارك الرحمن
مشكلتها صغيره ماادري اذا فيه مقاس كبير
بس ادخل الملابس وانساها واذا نشفت اطلعها للدولاب او احيان اكويها اذا رسميه وكوي خفيف
وفيها اختياراتكثيييييييييير
اسالي عنها

ترى تشيل 4 كيلو
وتتعبأ منالامام








1 ) اناعندي فرقدير اللي دورين المجفف فوق الغساله تنظف وذا خليتيها مفتوحه ماتكب الصابون
بس انها صغيره على البطانيات النفرين!!
2) غساله مع نشافه فوقها والغساله تفتح من فوق وسالت عنها قالي البائع ان النشافه تنشف 100%وحجما 10 كيلو واي صناعه امريكيه واسمها فريجيدير وكيلها الغانم واعتقد انا اللي تبينها بس ما ادري عن نظافتها

3 ) فريديجير


تجي دورين


يعني غسالة وفوقها المجفف

رائعة بكل ما تعنيه هذه الكلمة

إذا قررتِ تشترين اسألي إذا كان ممكن تفتحين الباب أثناء الغسل وتتوقف وإلا لازم تكمّل غسيلها وبعدين ينفتح الباب


الأفضل إللي إذا فتحت يبابها تتوقف ..




4 ) انا عندي فريجدير ممتازة وماتفرغ الصابون اذا كان الباب مفتوح

وعيبها الوحيد انها امريكية< < < < قاطعوهم.





الـــــــــــرجاء عدم الرد

[قلوب مسلمه]

1) انصحك باادميرال اوميتاج سعة عشرة كيلو فيها ثلاث سرعات - وتغسل المفارش والبطانيات هي غطاها من فوق وممكن تفرينها اكثر من مره لين تنظف ملابسك



ميزتها انها تشتغل وانتي فاتحتها يعني تقدرين تعيدين عالغسيل ثانيه او تطلعين اللي فيها وتحطين غيرهم



واذا تبين تعيدين على غسيل خليها مفتوحه لانك اذا سكرتيها تنصرف المويه اذا خلصت دورتها



بعد ماتعبي الموية أحط المقدار وأشغلها والبابمفتوح


بعدين أرجع أفرها ثانية و أسكر الباب

سعرها 1400هي امريكيه

2) ادميرال 10 كيلو أو هوفر 10 كيلو وبس والباقي خس عن تجربة







3) أحسن الغسالات ميتاج 00 وأدميرال 00
4) انا عندى ادميرال امريكى 10 كيلو وبعمود من النصف وباب من فوق و من يوم ما جبتها من سنتين وهى تعبانى جداجدا انا جربت جميع انواع الصابون وبافتح الباب واكرر الغسيل







1) انا غسالتي كالفنيتور



النشاف مفصول عن الغساله




وتنشيفها100% ورررروعه




والغساله تنظيفها كويس بعمود بس مشكلتها




اني انتظرها لين تعبي بعدين احط الصابون




يعني مافيها درج للصابون والمنعم تقفلينه وخلاص زيالLG




وشي ثاني فيها 3 درجات لتعبية المويه قليل وسط وكبير




الLG خياراتها اكبر بس تنظيفها مو زين ( اهلي عندهم زيها)




والي عندي فيها برضه مشكله بعد 20 دقيقه تكب المويه




بدون ماتشاور يعني ماتوقف وانا مااحب اضيع الصابون والمويه




لازم احسب لها واوقفها قبل لاتكب المويه يعني شغلانه




بس تنظيفها حلو وعلى فكره لازم تستخدمين معها صابون كويس




عشان ماتخرب ,,, واي سؤال انا حاضره










2) كلفيناتور ممتازة.عنداهلي وزوجات اخواني كلهم اشتروها ويمدحوا فيها.



3) عندي كلفينيتور حلوه مره وتغسل والباب مفتوح لكن ماتكب الماء حتى تغلقي الباب ولها عدة دورات للغسيل




لو ما تبغينها تكب الموية اختاري من ازار الغسالة ( غسييييل) بس بدون شطف وتجفيف



وهي اتوماتيكيا بتوقف لما تغسل بدون ما تنزل الموية









4) أنا عندي غسالة(كلفنيتور) وفوقها النشافة


سعتها 10 كيلو

أمريكية

سعرها 4000وشوي

روووووووووووووووووووووووووووعه
من جد تنظف لأن فيها العمود اللي في الوسط مو مثل LG وسامسونج وطقتها

النشافة تخرجين الملابس منها وعلقيها تطلع مكويه

5) عندي شركة كلفنيتور ممتازه ماشا ءالله وتنظف والنشافه الملابس تخرج على الدولاب ناشفه

بس على طول طبقيها علشان ماتتطعج


الــــــــــــرجاء عدم الرد

[قلوب مسلمه]

1) اناغسالتي (سبيد كوين) ام عامود فيها ثلاث برامج للغسل ناعم صوف ووسط يوم جيت اشتريها درت على كل المحلات وكلهم يمدحونها .

2 ) غسالتي اوتوماتيك من "سبيد كوين" مستقلة عن المجفف ونوعه "ميتاج" و ما أعرف غسالة أتوماتيك تطلع اللبس حار و لوفيه فانا ما افضلها .. لان الملابس محتاجة تصنيف على حسب اقمشتها قبل التنشيف ، بعضها تجفينه على الحاااااار ويصير كانه مكوي وبعضها يصغر حجمه بعد الغسل ولازم يجفف على أبرد درجة أو تتركينه ينشف بالهواء.




1) أشتريها ومراح تندمي الأتوماتيكيه مريحه كثير

أنا عندي هاير وشوفها ممتازه
2) غساله هاير .. مع انى اكره هالماركه كره العمى بس بصراحه مع الغساله صايره شى خيالى

تنظف ورهيبه ..
سعتها 5 كيلو .. الملابس تطلع حلوه ..

3)

واللي عندي جنرال طيعي شوري وخوذي هوفر لانه لوانشغلتي والباب مفتوح ماتكب المويه


او سبييد كويك


الــــــــــــرجاء عدم الرد

[قلوب مسلمه]

1 - اللي عند امي ومرت خالي تشتغل وبابها مفتوح وصراحه ندمت اني مااخذتها اسم الماركه هوفر الظاهر الماني


2- حنا عندنا بالبيت هوفر مرة مريحة ومافي اسراف فالموية انتي لا تسكرالباب ولاتكب الموية
خلاص تقدرين تخلين الباب مفتوح وتحطيت دفعة ثانية وبعد كذاسكري الباب وتطهر الملابس وتنشفهم
حنا عندنا لها اكثر من عشر سنوات وخربت مرة واتصلنا على الشركة جوا واخذها وصلحوها ورجعوها
المجفف مرة مريح حتى الصوف معالغسيل احيانا بحبب المجفف يشيل الاشياء هاذي

متفرقات :


1

توشيبا :-

غسالتي تعبت لين لقيت عليها

وهي توشيبا توماتيك 10 كيلو

تغسل المفارش الكبيرة والغسيل يطلع شي تفرين قد ماتبغين أو تنقعين
قيمتها 1500 ريال ومو كبيرة تتورطين في

مكانها شكلها حلو وأزارير من فوق أماأتنشيف حلو



2

ناشونال:-



ثانيا احسن غسالة اتوماتيك شفتهاوتنفتح من فوق هي نا شونال يابانية تعيش ما شاء الله زين وتنظف الملابس زين




باناسونيك:-




أحسن غسالة عن تجربةباناسونيك تعيش ونظافتها روعة خذت بدالها فرجدير مالها كم شهر وطلع خرابها

3

ماي تاغ :-

غسالة اتوماتيك شركتها امريكية ماي تاغ خطيييييييييييره حتى اهلي وسلفاتي عندهم مثلها لها صيت ولك وللزمن بالنبة للنظافة رووووعه بالتنظيف وهي حلزونيه وفيها درجات التنظيف وفيها قياس كميات الماء

4

جبسون :-

1- عندي ماركه جبسون وخيال بس اول ماشريتها ماكانت تجفف زين دقينا على الصيانه وجو رفعوا على حرارتها والحين تمام التمام



2- انا عندي جيبسون اللي فوق بعض حلوه اخلي الغطاء مفتوح وتوقف لحد ما اسكره وتكمل شغلها

الصراحه مريحتني كثييييير




3- انا عندي جبسون كمان كويسة




5


كنمور :-

انا عندي بس منكنمور
وبصراحه مرتاحه معاها بالمرة


6


ماجك شيف :-

عندي ما جيك شيف مرييييييييحه ما شاء الله 10 كيلو كل شي اغسله فيها تتعبى من فوق اقدر اتحكم فيها واعيد تشغيلها وفيها عمود في الوسط

وعندي بعد مجفف حراري نفس الماركه


7





هوم كوين :-


انا استعمل هوم كوين ثمانيه كيلو ونصف فتح من اعلى احط الملابس واجلس واجى القاهم جاهزين ولاصوت ولا ازعاج

8

سانيو :-

انصحكي من كل قلبي انتشتري فل اوتوماتيك وتتحول الى عادي رائعة جدا انا شريتها فبل عشر سنين والى الان ما شكيت منها وبغسل بطانيات ومناسبة الى العائلة الصغير والكبيرة ومن شركة سانيو وزنها خمس كيلو بابها من فوق ازرارها كبس وسعرها الف وخمس ماية قبل عش سنوات


9


فالكون :-

عندي نشافة ( فالكون )تطلع الملااابس حاره وكأنها مكويه بصرااااحه روعه خصوصا للملابس الداخليه وملابس الاطفاااال

10


دورا :-



واختي عندها دوراو13كيلو تستوعب ومفتوحة من فوق وفيها انظمة كثيرة وحلوة انصحك تستخدمينها


______________________________ ______________________

زبدة هالموضوع أني أحترت

ودي أخذهم كلهم وأجربهن ههههههه
عقبه أعطي رأيي

بس بإذن الله
برسي
ع
وحده من هالماركات
ميتاج ...بول ...جنرال ...ارستون
المرتبه الثانيه
سامسونج ...ال جي

بدون مجفف لأني ما احتاجه ...