بنات قصة عجييييبه دوبني سمعتها .. تعالو تعالو ...

[آرمن]

السلام عليكم ورحمة الله وبركاته


اللهم صل على محمد وعلى آله وصحبه أجمعين


بنات قبل شوية كنت في مكالمة مع وحده من صديقاتي ... جالسة اسألها عن اخبارها
وأخبار بقية الصاحبات ...

فاجأتني بحدث غريييييب ما أظن انه قد مر عليه في حياتي

اسردلكم القصة من ناحيتي وبعدين اقولكم ايش قالتلي صديقتي ...

هذا يا طويلات العمر .. كانت معاية في نفس المدرسة بنت مؤدبه خلوقة حلوة كل
الصفات الطيبة فيها , واتفرقنا بعد الثانوي ورجعنا التقينا بالجامعه بس انا في قسم وهيه في قسم
ثاني .. وكانت بيننا صداقة اخوية قوية جدا ..
وسبحان الله رجعنا والتقينا في الوظيفه وصارت ايامنا كلها مع بعض ...

بعدها نقلت أنا ونقلت هيه وبقينا على اتصال بالإيميلات من فترة لفترة ...

المهم

استغيبتها لمدة ثلاثة شهور بس الصراحة ما دققت في الموضوع , صاحبتي هاذي
عايشة مع اب وأم ولها اخ وحيد في الثلاثين على ماأعتقد , وهوه موظف في منطقة
ثانية غير المنطقة الي هما عايشيين فيها ...

اتذكر انها قبل فترة كلمتني وقالت انهم طالعين لأخوها يقضوا عنده الإجازة وبعدها
لآ حس و لآ خبر ... الصراحة الدنيا لآهيتنا وما اتذكر اني رجعت سألت عنها , بس مجرد
ارسلها ايميلات وما استنى الرد ....



نرجع لصاحبتي الي كلمتني قبل شوية ....وهيه على فكرة قريبة لصاحبتي
الأولى بس قرابة من بعييييد ...

اتصلت عليه وقالتلي انو البنت صارلهم حادث هيه وأمها وأبوها وهما مسافرين
والأم والأب ماتوا (لا حول ولا قوة الا بالله )
والبنت كانت في حالة حرجة بس ربي سبحانه نجّاها...
وكان اخوها زي المجنون بين والدينه الي اتوفوا وبين أخته الي بين الحيا والموت ...
وقد ايش فرح على رجعتها بالسلامة ...


بس تخيلوا ايش الي صار



جا عمهم الكبير والبنت في المستشفى لساتها على السرير .. وجنبها اخوها
وقالهم ...



أنو هاذي البنت مهي بنتهم الحقيقية


وانو أخوه ( الله يرحمه ) وزوجته ( الله يرحمها )أخذوها من ميتم وخلوا وحده من اخوات
الأب ترضعها حتى تعيش عندهم على انها بنت أخت أبوها وبنت عمة أخوها .. ان شاء الله
تكونوا فهمتوا

وكمل العم انه البنت ما لها حق في الميراث والميراث كله للولد وانه لو ما يبا
يعقد عليها ويتزوجها راح يرجعوها للميتم ثاني

!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!


تخيلوا يا بنات البنت انهاااارت واتمنت الموت وما صارت قادرة تمسك يد
أخوها او حتى تطالع فيه .. وحده من العمات ( الي رضعتها الظاهر ) قالتلها
اتزوجيه احسنلك ولا ترا اهلي بيرموكي في الشارع , والولد يقول يا ناااااس طول
عمري اشوفها أختي , كيييف اتزوجها ....

تقول صاحبتي انه الأخو واقف في وجهه اهله كلهم ويقول راح تبقى أختي وتبقى
وحده من عيلتي وراح اعطيها حقها في الورث وانتوا ما لكم دخل ...

والأهل قايمين قاعدين عليه يقولوا يا تتزوجها يا تطلع برااااااااااا

والبنت في حاااله ثاااانيه في المستشفى , ما في الا يغمى عليها ويفوقوها
وتتمنى لو انها ماتتت وطول الوقت تنادي على أبوها وأمها زي المجنونه ....





آآآآه يا بناات قلبي اتقطع عليها , البنت اخلاق وهدوء وجمال وذكاء , لو يا خذها
الأخو ويريحها بس حتى هيه ما راح تقدر تعييش معاه ,حسبنا الله ونعم الوكيل .....


تقول صديقتي انو البنت قالتلها دقي على آرمن وقوليلها الي صار فيه
خليها تدعيلي وتشوفلي حل ,تكلم أحد يشوفلي حل ..أي شي بس لا تسيبوني ,

سمعوني رأيكم وراح ابلغكم بالتطورات إن صارت ...

ادعوا لصاحبتي انه ربي يتولاها برحمته ....

[sweetnoona]

سبحان الله الله يشفيها ويرزقها ابن الحلال بس كان المفروض الاب

والام يقولوا من الاول انها مو بنتهم لانه الدنياة مامضمونة يعنى اتبهدلت فى النهاية واسلاميا ما

يجوز تكون فى بيتهم وهى حرمة بالغة لو كانت الام المتوفى ارضعتها كانت حاتكون مع "اخوها"بس

الان كيف تقعد معه فى نفس البيت غلط طبعا وبالنسبة لاخ هو معذور لو قال ما يبغى يتزوجها بس

كمان ما يقول انها اخته والله اعلم

[زوجي في عيوني]

الله يشفيها ويشفي جميع مرضى المسلمين
اسال الله العظيم رب العرش العظيم ان يشفيها شفاء لا يغادر سقمه

[روح الامل.]

اسئل الله العلي العظيم القدير ان يتولانا واياها برحمة من رحماته ويفرج علينا كرباتنا وييسر امورناويجعلها كل ماضاقت فرجت يااارب