حلوتي ...
نصيحه لوجه الله ... لا تستخدمينها ابدا ..
الاشياء اللي زي كذا ضررها في الغالب اكثر من نفعها ... وانا سمعت وحده تقول استخدمت شيء كذا وبعدبن صارت لي تقرحات بالمهبل ومشاكل ..
اذا تبين النظافة والضيق ..
اولا :
بعد الولادة وانت بالمستشفى لسا بعد كل حمام نشفي المنطقة بلطف واستخدمي مرهم ((ميبو )) رووووعه للخيوط والجروح ... وهو شوي غالي يعني 75 مل ب 95 ريال لكن مفعوله جدا رائع وهو من مواد طبيعية ..
وممكن تستبدلينه بمرهم بيتادين كذلك الدكتورة قالت لي عنه ..
وبين فترة وفترة وانت ع السرير او جالسة اعملي تمارين كيجل اللي هي تشدين نفسك من تحت كانك تمسكين نفسك عن التبول .. لكن ابدا لا تسوينها وانت تقضين حاجتك ...
كذلك ممكن تستخدمين غسول الشاي ( تجمعين ورق الشاي المستخدم طول اليوم بعدين تغلينه من جديد وتستخدمين كدش خارجي )
ولا تنسين الحلبه عشان تقويك والرشاد
وقهوة قشر القهوة مررره يمدحونها وتطريقتها
قشر قهوة مطحون خشن + زنجبيل طازج + شوي قرفة + شوب مسمار + ممكن يانسون ... تغلينها وتشربينها بالكوب ... وفيه ناس تحط معها تمر تحليها .. لكن انا استخدمها اللحين بدون تمر وحلوه ..
تلاحظين فيها مسمار وهو جدا مفيد للخياط ..
وبعد يا حلوة كثري سوايل عشان الحليب ...
وش بعد ؟؟
احس اني طولت عليك مررررررررررره ..
بس الصراحة خفت عليك .. خصوصا اني هاه توي والده لي 4 ايام واكتب لك وانا على الفراش ..
ايه تذكرت ..
الجلسه مهمه جدا عشان الخياط لا ينحاس ... اقصد طريقة الجلوس اذا احتجتي والا حاولي ما تكثرين جلوس اول الايام ..
تقول لي اختي عن دكتورتها
اجلسي كانك حاطه رجل على رجل وحطي على جنبك مخده وتكي غليها عشان تكون جلستك على جنب وتكونين من تحت ملمومه وتصيرين تضغطين على الفخذ مو المقعد .. اتمنى تكون الطريقة وضحت ..
تالدين وتقومين بالسلامة ان شاء الله
مواقع النشر