صباااحكم ورد وفل وجوري ..
اما امس يابنات طبخت رز ودجاج عالبخار شي .. وربي الطعم خياااال فوق ماتتخيلون
فقلت حبيباتي بنات منتدانا ماتغلى عليهم الطبخه .. مع اني كنت متضايقه قبل فتره وقلت في نفسي ماعاد بنزل شي للمنتدى والسبب ان واحده ماتخاف الله تقلت احد مواضيعي لمنتدى ثاني ولم تذكر انه منقول ..
تخيلوا تعبي راح هدر بس ام يوسف الله يسعدها جبرت خاطري بكلامها ...
المهم ...خلونا نشوف طبقنا لليوم <<<<<<<<< صدقت نفسها انها شيف
اول شي تبلي الدجاجه من قبل بنص ساعه ( حطي في الخلاط شوي مويه +زيت+كركم+صفارزعفران+ملح+بقدونس+ بهارات+ شوي صويا صوص +شوي صلصه +فص ثوم+اوريغانو)
راح نستخدم للرز (جزر+فلفل رومي ثوم صغير+بصل )
بالنسبه للرز انا استخدمت بنجابي فما يحتاج تنقيع في الماء ولكن لو استخدمتي رز ابو كاس او ابو بنت فلازم يبقى نص ساعه في الماء قبل طبخه ..
هنا حطيت في القدر ماء + بهارات _كاري _ملح _ليمون اسود _شوي زيت _عود قرفه وخليتها لحد ماغليت
ثم وضعت الطبقه الثانيه من القدر وهي المخرمه ..
وضعت الرز في الاطراف عشان الدجاج يكون في الوسط..
تركته ساعه ونص بس كل شوي اشيك على المويه عشان لاتخلص ..بالاضافه اني وضعت على الرز وهو شبه استواء كم شريحه زبده ورشة صفار زعفران ..كمان حبيت اقولكم زوجي مايحب الدجاج الا وهو متحمر فطلعته بعد ماستوا ودخلته الفرن شوي ثم اعدته للقدر عشان لايبرد ..
آآآآآه تعبت وانا انزل الصور
واخيرا دعواتكم لي
كما اني اتمنى اشوف ...
احلى ردود وتقييم وتطبيق
مواقع النشر