اذا كنتي معلمة اوموظفة ومتزوجة الرجاء الدخول ..

[التفاحة الخضراء]

بسم الله الرحمن الرحيم

السلام عليكم ورحمة الله وبركاتة ..

بداية الموضوع باذكر لكم قصة أعز صديقاااااتي :

(صديقتي تزوجت وراحت سكنت بالمدينه اللي يعمل فيها زوجها انجبت ولدها الأول وبعدين توظفت معلمة وكانت تداوم بمدرستها وبالبيت ماتقصر اخذت لها شغالة علشان تعتني بأولادها وهذا بعد ماانجبت بنتها وكان الطبخ عليها ماتخلي الشغالة تطبخ حرصا على زوجها وعيالها وكان تتعب كثير وهي الحقيقة ماتحب تشكي كثير فماادري في هذي المدة هل كانت سعيدة ام لا ؟
المهم في هذي الأيام تطلقت والسبب ان زوجها فصل من وظيفته ويبغى يعتمد على فلوس زوجته ,, طبعا صديقتي مارضيت بهذا الحال ,,ليش يتبدل الحال ,,على مين النفقة ؟الزوج او الزوجة !!
لما رفضت ماتعطيه فلوس ضربها إما تعطيه او يضربها ..اتصلت بأهلها وراحوا جابوها وخلوه يطلقه ,,ألحين يطالب بعياله بس طبعا ماله حق والحق يجلسوا بحضانتها ,,وهو خسر الوظيفة والزوجة والأولاد ...)

نبغى نتاقش في حياة الموظفات في بيوتهم مع ازواجهم هل المعاملة تختلف وهل دائما تحدث مشاكل بسبب الفلوس ..
هل يتغير الزوج بعد ماتتوظف الزوجة ؟هل يعاملها بقسوة لأنها لاتنفق على البيت ؟

أسئلة كثيرة تدور بخااااطري ولكن ان شاءالله مع النقاش سنتحاور اكثر واتمنى ايضا ان نجد الحلول ..

انا موموظفة بس انا مقدمة شهادتي بالديوان واخاف يجيني تعييين وتتغير حياتنااااا ..وعلشان كذا نبغى نتحاور كلنا علشان اذا في مشاكل نتجنبها انا وغيري اللي يمكن مصيرهم يتوظفوا ومشكوووووورين..

[فصول السنة]

الله يعين اغلب الموظفات مو مرتاحين في بيوتهم والله العالم......... والله اني خايفه تجيني الوظيفه وتطيح المصايب على راسي خصوصا اني انا وزوجي المشاكل عرفت طريقنا وماهي راضيه تبعد عنا الله يصلح الحال بس .

[الماسه33]

انا ماني موظفه بس بأشارك معكم الحين ليه ما تصرف ؟؟ طيب النفقه صح على الزوج ... تساعده وين المشكله ليه تكبر الموضوع وتخليه طلاق وكلام فاضي وعيالها تخسرهم ويتشتتون عشان فلوس !!!
اذا كان هو عاقل مو حق خرابيط تساعده الين يحصل وظيفه .. حرام تضيع عيالها عشان وسخ دنيا
انا اذا كان عندي فلوس اساعده ...الفلوس تروح وتجي والله بكره محد فاضي لعيالها ..

[هتاف المجد]

يالغلا .. نصيييحة .. إذا ماكنتي في حاجة للوظيفة .. لا تقدمي عليها ..


للأسف في هذا الزمن اغلب المشاكل على المادة ..


أنا عشت فترة اسابيع بين المعلمات .. أحس إن بينهم وبين أزواجهم غموووض ..

واللي تسلم من زوجها وما يآخذ بطاقتها ( بطاقة الصراف ) تلاقيها عايشة في قلق عشان زوجها ما يعرف كم في حسابها ..


حياتهم ماتخلو من القلق بسبب المادة .. إلا من رحم الله ..


وأغلب الرجال إذا كانت زوجته موظفة .. يبدأ التنازل عن بعض واجباته .. يصير يطلب منها أكثر من مقدرتها ...



وشرعاً .. لو كان عمل المرأة يأثر على واجباتها المنزلية .. أو تقصر في حقوق زوجها لأجل الوظيفة .. لها أن تدفع لزوجها عوض عن خروجها للوظيفة و تقصيرها ..


لكن مين اللي يتعامل بالشرع في هالزمن ؟؟؟ ( إلا من رحم ربي )




هو الزوج المسؤول عن النفقة ... لا تبادري بمساعدته ماديا .. وإلا يبدأ بالاستغلال .. والقصص شاااهدة على ذلك ....




قبل فترة كنا في جلسة عند زوجة خالي .. وهي جاها عقد تدريس لمدة سنة في فترة ماضية ..

وكنا نتناقش عن الوظيفة .. وإن هذا الزمن لاازم تكون الزوجة موظفة عشان تساعد زوجها ...

قلت لها .. هو رجال على أيش ؟؟؟ خليه يصرف عليكم ... وإلا بكرا لما تتوظفي يكون التعب عليك .. والدفع كمان .. ويمكن ما تتهني بالراتب اللي يجيك ...





تخيلوا وحده من المعلمات إذا وصلها زوجه لأي مشوار .. يآخذ عليها قيمة هالمشوار ..




يازيننا في بيوتنا ... وخلوا الوظايف للي في حاجتها .. مطلقة وإلا أرملة .. وإلا بنت تعيل أسرة ...


يمكن يكون كلامي متشااائم ... لكن الواقع شااااهد بالقصص المؤلمة ...




والرجال واحد من أثنين .. إما رجال أصيل .. لو ساعدتيه مادياً تجرحيه وكأنك تقولي له إنت مقصر .. ومايرضى تقدمي له ريال واحد ..

أو واحد استغلالي .. لو قدمتي له ريال .. يطالبك بعشرة .. ويكلفك بقروض و طلبات .. ويمكن ينكر معروفك بعدين ...




وياااارب يبعد عنا وعنكم كل شر ...






مع وافرحبي .....................