مشروعي على قدي

[كل الحلى فيني]

السلام عليكم
ومساء الخير وعساكم من عواده
والله حبيت ابدا بمشروع الحين مع بداية المدارس وهو اني اسوي ساندوتشات وابيعها عالمقاصف
بس تتوقعون بيمشي حالي وكيف ابداء ياليت لو احد عنده فكرة ويقدر يساعدني
وبصراحه وما امدح نفسي شغلي كثير نظيف ومرتب فياليت الي تقدر تساعدني واكون شاكره
اقصد تساعدني بأفكار اقدر اوصل لمعلمات مثلا ماسكات المقاصف ويبون يجيبو شي جديد

[الدريشة الحزينة]

فكرتك حلووووه

طيب انت روحي للمدرسه اللي تبين تتعاملين معاهم واطرحي فكرتك على مشرفة المقصف
واهم حاجه توصلين طلبك بوقت الفسحه تماما
وبكذا راح تكون سمعتك حلووووه وراح يزيد الطلب اكثر

وشوي شوي وسعي مشروعك لحلى ومعجنات للمعلمات

واتمنى اكون ساعدتك وبالتووووفيق

[ام سليم]

طيب اختي أنت من اى منطقة عشان نقدر نساعدك؟

[طموح يعانق السماء]

فكرة رائعة روحي للمدرسة وخذي عينة من شغلك واكيد اذا اعجبهم شغلك يطلبون منكِ ...

في واحدة كانت تبيع اكلات شعبية و حلويات وتعرض بضاعتها على المديرة والمعلمات ويشترون منها ...

اهم شيء تخلينهم اشوفون شغلك وتحرصين ان الطلبية توصل قبل الوقت المحدد...

توكلي على الله وحددي المدارس اللي بتروحين لها وبالتوفيق ان شاء الله