السلام عليكم ورحمة الله وبركاتة
آآآآآآآآآآآآآآه ما اقسي الحياة بعد الزواج
اول دلع ولعب ولا مشاكل ولا غيرها
وبعد الزواج يتغير الحال من المحال
خواتي بصراحه جيت اطلب مساعدتكم ومشورتكم بعد الله تعالي
بدخل بالموضوع بسرعه حتي اطلع كل الا في خاطري لعل وعسي ارتاح نفسياء
تزوجت من شخص اكبر مني يعني في عمر ابوي ويمكن اكبر شوي
متزوج من قبل من اثنتين بعد الملكه قررت اغير رقم جوالي خوافا من الازعاج من احد ولان رقمي معروف وسهل الوصول اليه لمعرفتي الكبيره بالناس
ولاكن بعد ما طلعت رقم جديد ولا عطيت الرقم الا بس اهلي من اخواني واخوتي وعيالهم وصديقتي المقربه بس
طلعت الرقم يوم الثلاثاء ويوم السبت جاني اتصال من رقم غريب قلت ياعسي خير اخذت وقت ورديت عليه وكانت المتصله حرمه تسلم وتسال عن احوالي وش سويت بخصوص تجهيزي قلت في نفسي ربما هذي احدي اخواتي زوجي تبي تعرف خلصت او باقي حتي يتم تحديد الزواج
لاني ما حبيت احددالموعد قبل لا اخلص لانهم مستعجلين ابوي اكثر من زوجي
وصارت تتكلم عن زوجي بكلام غير مصدق انه بخيل وانه ما يشتغل وانه ياخذ مكافئت عياله من مدارس التحفيظ وانه مايصرف وبيته حالته حاله وسيارته عاديه جدا هايلوكس وانه يحب زوجتة وانه وانه انا ساكته بس اسمع واطالع في زوجة اخوي باستغراب واقول لها هذي تذم في الرجال
واشرت لها تتكلم هي عني لاني انا مومستوعبه الا يصير ولا عرفت اقول شي
وصارت مكامله طويله عريضه والمضحك في الامر انها تقول تطلقي منه قالت زوجة اخوي كيف تتطلق وهي حتي ما دخل عليها تحمل اسم مطلقه ماصار شي قالت عادي وتقفل وكل شوي ترجع تتصل وصارت زوجة اخوي هي انا وهي وربي ما حست ابدا انه مو انا وتتجادل معها وبعدين قررت اسجل مكالمه لها حتي اكشفها اذا احتاج الامر وفعلا سجلت كلام بسيط بس اهم شي يكون صوتها مو شرط طويل وللحين محتفظه فيه عندي
ولما عرفت اني مسجله صوتها صارت ترسل مسجات وانا ما ارد عليها ابدا ابدا كل شوي مسج وكل شوي مسج كل دقيقه او اكثر مسج الصبح والظهر الليل وصاروا خواتي يردن من جوالتهن مو بس خواتي حتي اخواني والكل يدعي ويسب عليها ويتحسب عليها والقهر انه ما ترد الا علي جوالي مع اني ما ارد ابدا
وصاروا كل وقت يرسلون لها دعاوئ عليها ويتحسبون
حتي يوم الزواج ترسل تقول انا بستقبل الضيوف وحنا نضحك عليها وننرفزها وشكلها عرفت ان المهر قليل وانا كنت راضيه بهذا الشي وقالت في احد ياخذ مهر قليل راح تشوفين الناس كيف تتكلم وتضحك عليك
واختي ترد عليها من جوالها قلت لها قولي حنا ما تهمنا الفلوس يهمنا الرجال الطيب والحساب مليان فلوس ما همتنا ابدا
بعدها ما ردت
ويوم الصباحيه ارسلت لي تهدد وانها راح تفضح امري واني اكلم شباب وان البيت مو فاضي سياره رايحه وجايه وارسلت علي زوجي تخيلوا بس ترسل عليه وتحاول تشككه فيني بس الحمد لله ما قدرت لاني واثقه من نفسي قبل كل شي لدرجة اني خليت زوجي واثق فيني حيل
كلمت اخوي وشوي وبصيح
نسيت اقولكم اني ماخذه وعد علي نفسي ما تطلع دمعه علي شانها والحمد لله ما صحت بس خوف وتوتر
قال اخوي قفلي جوالك واخذي شريحه من احد واخذت شريحه من اخوي ما ستخدمها الا نادر استخدمتها يمكن شهرين وهي معي وبكذا كنت مرتاحه نفسيا
لا ازعاج ولا شي
الي يوم من الايام كنت اسوي العشاء لان زوجي بيوديه للاستراحه وكنت مندمجه في الشغل
اووه نسيت اقولكم انت اليت ما حوله احد في وسط الشارع موقع استراتيجي جدا وكانت شقه دور ارضي وكان فوقي مصاريه لاكنهم غيروا البيت وجحلست لحالي في العماره الكبيره
المهم وانا اسوي العشاء ورحت اصلي العشاء الا واسمع رجم علي الباب بسم الله يمكن الجن لان ما فوق احد واسمي واتعوذ من ابليس واكمل شغل العادي
يعني كان الرجم مره قوي قوي
نسيت السالفه
ومره كنت بطلع مع الباب كان باب مع جهه اخري يطلع علي الحوش من الجهه الثانيه واشوف الحجر صغير كبير يؤؤؤؤؤ وش هذا ويجي زوجي ويشوف قال وش هذا قلت مدري
من مسوي هذا قال يمكن العمال لان في جهتها تبني استراحه قلت مستحيل يكونوا العمال شوف اصلا هم ما قربوا بناهم من عند البيت كانوا بس من عند السور الكبير
ما عطيتها اهتمام كثير طنشت
ومره كنت جالسه علي النت قلت بروح اصلي العشاء وتوني مكبره الا اسمع صوت رجم انا هنا خلاص ايقنت انهم اشخاص يرجموني واكمل صلاتي علي عجل وانا رجولي خلاص مو شايلتني
واركض اقفل الابواب كلها واكلم زوجي ويجي بسرعه ويدور حول البيت ما لقي احد وفي الصبح راح ويشوف اثار اقدام يقول هذا مو عيال هذا اما بنت صغيره او حرمه رججلها مو كبيره
قال يمكن الجيران قلت مستحيل ومن سابع المستحيلات لان الجيران كل الا حولي اعرفهم عز المعرفه الا قرايب والا اصداقء الاهل وقرايب من بعيد قلت من المسحيل قال لي علي كم عايله تقرب لزوجته قلت مستحيل هذولا اعرفهم زين ما زين مستحيل قال وش يعرفك قلت واثقه فيهم زين ومستحيل يحبون يضرون احد وبعدين هم يعرفون اهلي زين وسبق زاروهم كم مره وبينهم محبه
انسي مستحيل
المهم صار بين فتره وفتره لما اشغل مكيف الصاله يرجموني الظهر والعصر المغرب بعد العشاء
وانا اتحسب عليهم
وكسروا زجاج سيارة زوجي وسرق منه استبنه ( عجل السياره) واليوم دق علي يقول ان احد كسر مرايتة الجانبيه الثنيتين
ومره كسروا اللمبه الا برا البيت
وانها تدعي علي اني ما احمل حسبي الله عليها ونعم الوكيل
مدري وش مصبر زوجي عليها وهو مو طايقها ابدا
ويقولي عشان العيال ما بي يتشتتون في الشوارع
وكل هذا وهذا من فعل زوجة الثانيه لانها تكهرني ومو طايقتني
وجاني كلام انها تحاول تبعدني عن زوجي وانها بتشككه فيني وانها تبعدني عن زوجة الاولي لان علاقتي معهم سمن علي عسل وما يرضون علي بشي يضرني فديتهم بس
والله اني اعتبر زوجة الاولي امي الثانيه وعياله اخواني وقلت لهم هذا الكام من قبل واذا ما جيتهم ازوهم يزعلون علي
لاكن زوجة الثانيه وش اسوي معها
وربي الحين حالتي النفسيه زفت
وقلت له ابي البيت بعيد عن بيتها وهو رافض ليش مدري لاكن وربي ما اجلس فيه الحي كله
انا بيصير فيني شي والسببب هي
تكفون وش اسوي انصحوني وجهوني فهموني
ترا دموعي علي وشك الانهيار
كنت انام في البيت لحالي عادي والحين مستحيل وربي صرت اخاف لا ينطون من فوق السور
الابواب مقفله
وجبت التلفزيون لغرفة النوم صارت واقفل الباب
مواقع النشر