بلادي بلادي اليمن..احييك يا موطني مدى الزمن الملف 264لبنات اليمن الحبيب

[طعون الاحاسيس]

كلك ذوق ونظر جزاك الله خير

[m..w]

انا هذا السمك الي سويت به هامور لكن السلمون مادري والله

[قلوب مسلمه]

الهامور لذييييييذ وطرررري انا احبه مررره

[ملكةبيتها]

[hide]السلام عليكم
اشتي افضفض لكم و استشيركم بس اللي ترد تخلي كلامها مخفي عشان الملاقيف >>>سمعتي يا قلوب ههههههههههه
اليوم الصباح كنت نايمه و جوالي رن صحيت و جاوبت طلعت اختي قالت لي ان ابوي من امس يحاول يتصل بي بس الخطوط ما مسكت معه
و هي من اول جالسه تحاول لما مسك الخط
قلت لها خير ايش في ؟؟ قالت ان ابوي جلس معاهم و قال لهم ايش رايكم بتزوج؟؟؟ و اشتي انتو اللي تختارو لي الحرمه ما اشتي حد غيركم يختار لي اشتي تكونو مقتنعين فيها و متاكدين انها بنت حلال و تخاف الله و ما بتاذيكم
و قال انه يشتي يكلمني و يقول لي على الموضوع بس الخط ما مسك معه
اني طبعا كنت اكلمها و اني على السرير و الله قفزت للصاله بدون ما احس
اني عارفه انه هذا حقه و اني و اخواني ماعندنا مانع و بالذات ان ابوي مش كبير بالسن
و احترمته لما اخذ راينا و قال يشتينا احنا نختار له و نكون مقتنعين فيها
بس مهما كان حسيت بحزن ما اتخيل واحده تجي مكان امي الله يرحمها
و احنا كنا متوقعين انه بيتزوج الان و الا بعدين بعني ما كان الخبر مفاجاه و الا صدمه
و كمان خايفه من الايام القادمه خايفه تطلع شريره و تقسي قلب ابوي و ندخل في مشاكل و خلافات
و اخوي كمان كلمني اليوم مع اختي قال لي لازم نحترم قرار ابوي و نكسبه ما نخليه ينفر مننا باعتراضنا
المهم اخواني قالو لي انتي عليك تختاري الحرمه و اني حسيت بالمسؤليه اخاف اختار واحده و تطلع اعووووووووووووذ بالله و احس بالذنب طول عمري
و ما اعرف اختارها على اي اساس لان المظاهر مش كل شي في حريم متدينات و طيبات و بعدين يطلعو شريرات و اصحاب مشاكل
مش عارفه ايش اسوي محتااااااااااااااااااااااااااااااره
و عادني ما قدرت اتصل بابوي اليوم طول الوقت اقول بتصل به بس ماقدرت مدري ليش تاثرت كثير
و في الاخير اقولكم لا تصدقو الرجال كلهم زي بعض ابوي كان يحب امي حب كبير و امي ضحت عشانه و وقفت جنبه بمواقف كثيييييييييير و في الاخير بعدما ماتت يشتي يتزوج
اليوم طول الوقت و امي ما فارقت تفكيري تذكرت مواقف كثير و اشياء كثير و تذكرت لما كنا نجلس نتغدى كلنا اني و ابوي و امي و اخواني و نضحك و تذكرت مواقف امي مع ابوي
احس اني متاثره كثيييييييييير بس ما بينت لاخواني حتى اخواني احسهم متاثرين بس ما بينو لي كل واحد فينا يظهر انه قوي عشان يقوي الباقي
محتاره و متاثره و خايفه و ملخبطه الله يعين [/hide]