فيونكات ملبسه بالسكر مع فنجان قهوة امممم (مشاركه في ضيفيهم وابهريهم )
السلام عليكم ورحمه الله وبركاته
كل عام وانتم بالف خير
ويعيده عليكم اعوام عديده
حبيت اقدم لكم بسكوت
ملبس بالسكر
ومن زمان كان نفسي انزله لكن لم تسمح لي الضروف لطبخه
والان في العيد سويته وحبيت انزله
البسكوت مقديره بسيطه ولكن طعمه جدا حلو
والاحلى انه بينحفض معاك لعدت شهور اسوي وقت اكون فاضيه واخزنه للزنقات خخخ
الضيوف المفاجين ههه
ابدا اولا بالمقادير
خمسه كاسات ونصف دقيق ابيض
كاسه الا ربع زيت طبخ
بيضه
كاسه ماء
معلقه بكيج بودر
ربع كاسه سكر للعجينه
وكاسه ونصف للتلبيس
ربع معلقه ملح
4 ملاعق حليب بودره
زيت غزير للقلي
اولا
نحط الدقيق في وعاء كبير
وتسخني الزيت يكون حااار بس مومره
وتطيفيه له وتدعكيه وتخليه على جنب
وتانيا
نسوي ها الخلطه وهي
ربع الكاسه سكر +الحليب +البكيج بودر +ماء +
بيضه +ملح
اخلطيهم تمام بالمعلقه
واعجنيبه باالدقيق بالزيت السابق
واعجنيه كثير كل ماطولتي كل ماصار احلى
والعجينه بتكون مايله للقاسيه
وكذا افضل عشان لا تشرب زيت نهائيا
وعلى طوووول ابداي بالشغل
اقصمي العجينه قسمين وافردي الاوله كامل وماتكون مره نحيفه وتقصيه هاكذا
ثم مربعات صغيره هكذا
ثم اضغطي باصباعك من الجوانب الى الوسط
وتصير فيونكه
مثل كذا
اكملي القسم الاول من العجينه
ورشي في صحن شويه دقيق على خفيف
ووزعيه
وخليه على جنب وابداي بالقسم التاني مثل الاول
واول ماتبدي بالتاني حطي الزيت على النار حتى يسخن على مابال تخلصي
واسكبي كل الكميه الاول على الزيت دفعه وحده حتى لو كانت
كثيره
وخليه نار هاديه وقلبي باستمرار عشان يكون اللون موحد ذهبي وطلعي
وبعد ماتخلصي كل الكميه من القلي
حطي على النار كاسه ونصف سكر
وكاسه ونصف ماء في قدر كبير
عشان يسهل عليك تقبليب كل الكميه فيه
وهذي شكل السكر لما يكون خلاص جاهز
يكون ثقيييييل
ولما يصير شكله كذا هدي النار على الاخر
واسكبي كل الفيونكات دفعه وحده
وقلبي بهذوء حتى كل وحده تاخد نصيبه من السكر
ونتي بتقلبي بتلاحضي شويه صعوبه لانه اول مايجي السكر على البسكوت ينشف السكر بس حاولي انه يتلبس كامل
بعدكذا افرشيه في صحن كبير وخليه يبرد
وادا تلاصق افتحيه
وبس
وهذا شكله في النهايه
طعمه لذيد جدا مع القهوة
ومقرمش من برا وطري من جوا
وماافي اي اثر للزيت ولا كانك قليتيه اصلا
ملاحظه
زيت القلي مايصير له اي شي وممكن بعدكذا تحفضيه في علبه متطبخي منه عادي جدا اهم شي لا تكتري دقيق وانتي بتفردي
ياليت تجربوه ومارح تندمو
والسلام عليكم ورحمه الله وبركاته
اختكم ام ولييييييد
رد مع اقتباس
مواقع النشر