الاثنين 22 صفر 1433
بسم الله الرحمن الرحيم
السلام عليكم ورحمة الله وبركاته
صباحكم ومساءكم خيييير ان شاءالله وطاعة ورضى رحمن
هذا ياطويلات العمر لي سنييين ماسويت المرقوووق
بس جاء على بالي فجأة قلت يابنت اقصد ياحرمة قومي سوي لكي وللبزران اللي مايعرفون اكلاتهم الشعبية مرقوق
عشان يعرفون ان امهم سنعه وتعرف تسوي مرقوق وعصيدة وغيره من هالاكلات المفيدة
ذبحنا البيض والجبن والاكلات السريعه والبروست وغيرة من الدهوووون القاتلة
المهم ترى المقدمة طويلة لكن اسهل من الطريقة حقتي ماكو وازيدكم من الشعر بيت مافيها ولا نقطة زيت
بسم الله نبدأ
المقادير"
بصل + معجون طماطم + جزر + دجاج مقطع ارباع + مكعب ماجي + بطاطس
فلفل رومي + كوسة + باذنجان + بزار + ملح + كمون + فلفل اسود
طحين بر الاسمر ويعجن بالماء لين يصير وسط
الطريقة "
نقطع البصل والدجاج والجزر والبطاطس والفلفل البارد في قدر مع بعض
ونضيف لها البزار والماجي والملح والكمون ومعجون الطماطم والماء المغلي نخليه يطبخ مدة 10
دقايق ثم نضيف الكوسة وبعد 10 دقايق نضيف الباذنجان وبعد 4دقايق نرق المرقوق
في صحن وفيه شوية دقيق عشان العجين مايلصق في اليدين ونسوي كور
وبعدين نفردها ونحطها في القدر وطبعآ لازم التحريك كل شوي عشان العجين مايتكتل
ومايضبط يعني بعد كل وحده تحركين بالملعقة لين تخلص الكمية اللي تبونها
وترا هذي آخر مرحلة وماتطول بس اهم شي ماتروحون عن القدر تجلسون عنده لين يخلص
ملاحظة" الدجاج مايكون مجمد لازم تطلعونه لين يذوب الثلج عشان تكسبون وقت ويخلص بدري
وهذي الصور
يلا وبالهنا والعافية عليكم ان شاءالله موضوعي اعجبكم يالحبيبات انتظر مرووكم العطر وتقييماتكم الحلوة ياحلوات
مواقع النشر