بسبوستي أطيب من بسبوسة الطازج
السلام عليكم ورحمة الله وبركاته
هي أول مشاركة إلي في هذا القسم , وبدي رأيكم ياخبيرات أعيدها مرة تانية ولا أطلع من المطبخ بريحة طيبة .
ويالا تعالوا ادخلوا معي مطبخي المتواضع لنعمل بسبوسة أطيب من بسبوسة الطازج ع رأي أبو محمد .
بسم الله نبدأ بالمقادير
علبتين قشطة
كاسة حليب بودرة
ثلاث أرباع كوب سكر
نصف كاسة زيت
كاسة ونص سميد
ملعقة صغيرة باكنج بودر
ثلاث أرباع حليب نستله
يالا نبدأ في التحضير بسم الله :
منخلط القشطة مع السكرحتى يدوب السكر وبعدين منضيف الزيت
وبعدين منضيف السميدوالباكنج بودر ونخفق جيدا
وبعدين منصب الخليط في صينية مدهونة سمنة ويكون القوام ثخين
وندخلها الفرن وبس تنضج منطلعها من الفرن ومنقطعهاومنصب عليها 3 أرباع حليب نستله
أنا قال بدي صير كريمة فحطيت العلبة كلها فما غبت البسبوسة كل العلبة وهيك طلعت معي
بس طعمتها رووووووووعة
اي لساتكن معي ,بعد ما حطيت حليب نستله رجعت دخلتها الفرن خمس دقايق من دون ما اشعل الفرن, وبس
والي عندا لوز أوأي نوع من المكسرات تزين هالبسبوسة الحلوة فيه .
وهي أحلى صحن بسبوسة جمبه فنجان قهوة لأول وحدة بترد ع موضوعي
جربوها ما بتندموا وبتنسوا بسبوسة الطازج
وصحتين وألف هناء
رد مع اقتباس
مواقع النشر