الدنيا قسمة ونصيب(مشاركتي في مسابقة حكايتك مع متغيرات حياتك)
السلام عليكم ورحمة الله وبركاته
لدي صديقة انخطبت وكانت مبسوطة بخطبتها كتير وأحبت خطيبها وتعلقت فيه ومرة رن التليفون عندا ردت الأم طلعت لها وحدة قالتلها حضرتك مخطبة بنتك للشب فلان قالتلها الأم اي قالتلها المتصلة أنا حبيت أنصحك انو تفسخي هالخطبة لأنو مو من مصلحتك بنتك تناسبون قالتلها الأم ليش خير قالتلها المتصلة هدول الجماعة يالطيف بيشتغلو بالسحر وبيحكو على أعراض العالم وبيحكو عالعالم شي كان وشي ما كان المهم الأم سكرت واتصلت ببيت خطيب بنتها ردت عليها الحماية قالتلها الأم انو هلا اتصلت وحدة فينا وقالتلنا انو أنتو بتشتفلو بالسحر وحبيت اتاكد قامت الحماية قالتلها اي وين المشكلة يعني اذا كنا منشغل بالسحر قالتلها الأم نحنا منعتذر بس والله ما بناسبنا هيك وما في نصيب قام الحماية صارت تصرخ وتقلها نحنا يلي ما بشرفنا وبنتك قليلة أدب وما فيها شرف ومن هالحكي قالتلها الأم لو سمحتي ما بسمحلك أبدا تحكي عن بنتي وسكرت السماعة مرت الأيام ورجعت انخطبت رفيقتي لابن خالتها وبعد الخطبة بفترة جابو شجرة العائلة ولقو مكتوب عليها من ورا انو أم البنت مرضعة ابن أختها يلي هو خطيب بنتها لأنو العادة عندون اذا وحدة رضعت حدا من العيلة يسجلو حتى ما ينسو يعني طلع العريس أخوها بالرضاعة للبنت فورا فسخو الخطبة وبعد فترة كمان انخطبت لشب وهو بفترة الخطبة أجا عقد عمل على دبي قلها رح سافر وبعد سنتين برجع بتزوجك قالتلو بس أنا ما بدي معقول تتركني وتسافر قلها ما بقدر لازم سافر قالتلو اختار يا أنا يا عقد العمل قام قلها لا عقد العمل طبعا ورجعت المسكينة فسخت الخطبة وصارت تخجل من أهلها والعالم قام تقدم لخطبتها ابن عم أبوها وهية ما بتحبو أبدا بس قبلت من خجلها من أهلها وحكي العالم وبوقت الخطبة حاولت تحبو تتقرب منو بس ما قدرت صارت تقول أنا ما بحبك يقلها بس أنا بحبك قالتلو شو بالزور لك أنا ما بدياك ما حبيتك ولا بدي اتزوجك وهو يقلها أنا بحبك تقول لك ما عندك كرامة انت المهم فسخت الخطبة والشب الخامس بقا أجا تقدم لخطبتها ما بتعرفو بس حبتو وتعلقت فيه وهو حبها كتير وكانو كتييييييير مبسوطين والحمد الله اتزوجو وأجاهون ولد متل القمر الله يخليهون لبعض امين يارب
سبحان الله بعد كل هالخطب طلع الخامس من نصيبها
والدنيا قسمة ونصيب
رد مع اقتباس
مواقع النشر