مضار المبيدات الحشرية(مشاركتي في مسابقة حكايتك مع متغيرات حياتك)
السلام عليكم ورحة الله وبركاته
قصتي اليوم عن عيلة في بيننا وبينهم معرفة
وكانت الزوجة عمرها 25 سنة وعندها ولدين اعمارهون سنتين وثلاث سنين
يوم من الأيام رجع الزوج على بيتو ومعو مبيد حشرات لأنو بالبيت عندون كان في كتير صراصير
وبعد كم يوم اجت المرة بدها تستعمل مبيد الحشرات وبالفعل استعملتو وهية عم تحط منو كانت عم تستنشق الريحة بس المشكلة والغلط انو ما قرات التعلمات علو العلبة وللأسف كان مبيد الحشرات هاد من النوع التقيل جداً لدرجة انو لازم ينضاف الو ماء وقت الاستعمال ومو لازم انو يستعمل لوحدو
وهالمسكينة وقت استعملتو بنفس اللحظة وقف قلبها أخدوها فورا إسعاف عالمشفى عمل لها ضربات كهربائية اشتغل القلب بس نتيجة توقف القلب لفترة اثر على العقل اشتغل القلب بس عقلها وقف وصارو يقولو الدكاترة انو هية ميتة سريريا يعني بس قلبها يلي عم يشتغل ولا اي شي تاني وما في أمل منها ومن علاجها وزوجها ما عاد عرف شو يعمل مرتو بالمشفى وولادو صغار وهو بالغربة وين بدو يحطون قام راح وطلب تقديم زيارة لحماتو بس للأسف ما وافقولو عليها شرحلون انو الوضع إنساني وحماتو رح تموت بدها تشوف بنتها صرلها زمان مو شايفتا هية ببلد وبنتها ببلد والبنت عم تموت وما عم تقدر تطلع تشوفها بس للأسف ما حدا اقتنع واقبل يطلعلو حماتو قام الأب راح خبر أهلو يطلعو على مصر ويحط ولادو عند أهلو لبين ما تتحسن مرتو نزل الأب حط ولادو بمصر عند أهلو ورجع لعند مرتو ويا حرام كم يوم وكانت الفاجعة بانو الأم ماتت وهي ببداية حياتها ( لا اعتراض على حكم الله) تاركة ورآها زوجها وولدين صغار بيحرقو القلب
وهلا العيلة صارت انو الأم ميتة والأب ببلاد الخليج عم يشتغل وولادو بمصر عند أهلو
لا حول ولا قوة إلا بالله العلي العظيم
فعلا شي محزن جداً والله يصبر الأولاد على فراق أمون ويصبر زوجها وأهلها
لهيك نصيحة انتبهو للمبيدات الحشرية والأفضل انو ما حدا يستخدمها
رد مع اقتباس
مواقع النشر