في أغلب الأوقات بنحتاج نخرج من الموقف بروح الدعابة، ممكن نكتة أو ألش بسيط أوي يغير الحالة النفسية ويرسم الابتسامة من جديد، اجمل النكت المضحكة القصيرة ما هي إلا مواقف تخيّلية بطريقة مختلفة عن الواقع! ولذلك أتينا لكم ب نكت مضحكة جدا
مصري وياباني في لجنة امتحان.. المصري شاف الياباني بيحط ايده على ودنه كل شوية قاله بتعمل اي؟! قاله اتطورنا لدرجة اننا بنتكلم عن طريق الدورة الدموية.. المصري قام مطلع ورقة من الجزمة وقاله وأنا وصلني فاكس.
واحد زعّل مراته قالتله أنا هسيبلك البيت واروح عند أهلي.. قالها أهلي ولا زمالك؟ قالتله طلقني.. قالها طب بس اسماعيلي شوية.
زوجة تسأل زوجها يعني ايه البرنامج الانتخابي ده ؟ قالها فاكرة لما كنا مخطوبين ووعدتك بحاجات كتير كده.. قالتله ايوه بس مفيش حاجة حصلت! قالها هو دا بقى البرنامج الانتخابي.
واحدة جميلة اوي واقفة هي ووالدتها.. ولد شافهم قالها اتفضلي يا حاجة اقعدي مكاني وقام وقف وبيقولها بنتك دي؟ قالتله اه بنتي مستنية خطيبها.. قالها خلاص قومي من مكاني خلي خطيب بنتك يقعدك.
منوفي جاب شغالة سألها الناس اللي كنتي عندهم كانو بيدفعولك كام؟ قالتله كنت باكل وبشرب بس.. المهم بعد ساعتين فصال اتفقو أنها هتصوم اتنين وخميس.
واحد فرفور دخل الجيش بيسألوه هتعمل اي لما العدو يقابلك؟ قالهم هرمي السلاح في وشه واقوله بكرهك بكرهك.