عروس جديدة بأزمة .. محتاجتكم قبل لا أخرب على روحي

[قمره الكويت]

بشاير الخير اثقلي شوي ولا تلاحقينه بعدين راح يمل
اتمنى لج حياة سعيده

[بشائر الخير]

أحبكم
على رايج صح احتمال كبير ان بعد ما ننتقل لبيتنا الوضع يتحسن و هذا انا ناطرة
وايد يقولون ان هذا وضع طبيعي بس ياربي مو قادره اتأقلم !

جنان ام علي
عدل انا كويتية لهجاتنا متقاربة وايد
معاج حق اهو قالي انه قاعد يضغط على روحه الحين عشان يتفرغ لبعدين .. مادري ليش أنسى كل هذا بس أعصب !!! كل الأسباب جدامي بس سبحان الله بلحظة وحده أتسرع و أنسى كل شي و يشتغل الهجوم
(و على فكرة مافيها شيء اذا انت تسوين اجواء رومانسية وهو مايبين عليه التجاوب
ترى هو يكون فرحان وسعيد من داخله بس مايبين عليه ) راح أحفظ هالجملة ههههههههه و الله خطيرة انتي ما شاء الله عليج

ايــمــووو
كلامج درر .. أهلي يسوولي اللي أبيه لكن زوجي بيفرض رايه هو .. اتصدقين ما فكرت فيها !!
الله يعينا و يسهل علينا

كبرياء فتات
حاااااضر
بصير نعومة و طيوبه .. و الله انا جذي لكن لما أشوف نفسي شلون أعطي أعطي أعطي و بعدين يقولي انا مو فاضي .. انقهرررر

الـ ع ـنود !!
يوم تغليت رحت عن باله !!! زوجي ما شاء الله عليه مدمن شغل الله يعطيه العافيه
مرات أقول لازم أتغلى بس بنفس الوقت أقول مدام هو بعيد لازم أنا اللي أتقرب منه .. و الله احترت

نوتيلا
بحاول أشغل وقتي .. انا كنت موظفة و استقلت من فترة قريبه و الحين قدمت بمكان ثاني و ان شاء الله الوظيفة بالطريج
أعتقد الفراغ اللي عايشة فيه هو اللي مسببلي هالمشكلة .. لو اني شاغلة وقتي يمكن لهيت عنه شوي

قمره الكويت
هههههههههه اي و الله الثقل زين .. بحاااااول
حسيت اني لزقة صج


جزاكم الله خير يا أحلى بنات .. ردودكم وايد ريحتني
مشكورين ما قصرتوا و بإذن الله بنفذ نصايحكم
ادعولي

[إنسانة عظيمة]

بشورا ......... هلا يالخير كلا

والله ترانا إحنا البنات غييييييير و نحب هالسوالف على طووووووول ما نزهق

و الله نفس المشاكل تصادفني

لكن على مين كل يوم إبداع و خطة و شي

بس حياتي ترا الرجل أول ما يملج يصير كذا طبيعي

لأنه خلاص ضمن (( تمليك خاص ))

لا تتهورين و الله و لا تكوني حنانة

بتخربي على روحش و الله

و بتخربي شخصيتك جداما بعد

و الأهم لا تستعجلين ....... و الله كل شي بيجي خطوة خطوة و بالعقل ياحبي

على فكرةأنا لا حظت أن البنات يفكرون الزواج حب و تسوق و طلعات و سفرات

و بعدين ينصدمون

خلج و اقعية

خلاص إنتي كبرتي

و صرتي مرت راجل و بتكوني مسؤلة عن بيت لا تمسكي على التفاهات ياعمري


و خلي ببالج أكثر حلات الطلاق تصير بالسنة الأولى لزواج

يعني بالراحة حياتي بس تتأقلموا على بعض و الله يوفقج يارب

[ونعم بالله]

ان شاء الله خير لاتكبرين الموضوع واخذيها قاعده لازم بالاول بيكون سوء تفاهم واخلاف بالاطباع اول سنه زواج وايد صعبه كله مشاكل سالي المجربات الله يوفقج يارب