[align=center]مسائكم سكر
.......................
حبيت اقول لكم قصه صارت معي ايام الدراسه
و القصه و ما فيها أني في يوم من الايام
كنت اتابع التلفزيون
و شفت إعلانات عن ( ديتول )
اللي يقولون فيها
( أحمد عبدالله لم يغب يومٌ واحد عن المدرسه )
و يقولون
( العائله التي تستعمل ديتول قليلاً ما تمرض)
عاد أنا ايام الدراسه ما احبها
و كثيرة الغياب
قلت ليش ما اجرب هالدواء<< دواء ؟؟!!
و اشووووف النتيجه
المهم أني رحت لأقرب صيدلي و قلت له هات واحد ديتول كبير
و بالله أكتب لي عليه كم مره في اليوم
قال لي استعمليه في اي وقت يعجبك
عاد أنا رجعت للبيت و جاء يوم الجمعه و طبعاً نويت أنام لأن بكره السبت قلت ابدأ الاسبوع من بدايته
و آخذ الديتول و آخذ كأس ماء و ملعقه كبيره
طبعاً شفت الملعقه ما تكفي لأني غيابي كثير و حالتي مستعصيه
آخذت الغطاء حق علبة الديتول و أعبيها مرتين و أشربها
و أشرب بعدها كأس الماء
و أحط راسي بأنام
عاد أنا حسيت بحاجات غريبه في بطني
و أقووم أصحي أخوي
قلت له بطني يعورني قال وش اكلتي قلت له ما اكلت شيء بس شربت من علاج الغياب
قال علاج الغياب!! وش هو علاج الغياب
عاد أنا ما قدرت أتكلم و مديت يدي على الديتول و طحت على راسي
ما صحيت إلا و أنا في المستشفى و المغذي في يدي و جنبي اجهزه
قلت أكيد أني كثرت من الجرعه لو أني منقصه شوي ما صار لي شيء
عاد التختور ( الدكتور ) جا يسألني عن حالتي
قلت الحمدلله تمام بس انا وش فيني
قال أنتي متسممة بسبب معقم
قلت معقم!! وش هو المعقم قال انتي شاربه معقم شيء؟
قلت له لا ما شربت لا معقم و لا شيء بس شربت علاج الغياب
عاد هو استغرب كلامي
و سحب اخوي على جنب و قاله اختك يمكن فاقده الذاكره
طبعاً اخوي فاهم الموضوع
قال له لا هي شاربة ديتول
رجع التختور سألني قال ليش شربتي الديتول ؟؟
قلت عشان ما ابغى أغيب عن المدرسه
و قلت له سالفة الاعلان اللي شفته
و بعدها فهمني التختور أنه هذا معقم
و قال لي أني فاهمة الاعلان خطأ
و فهمني الصح
و الحين أنا بخير و صحه و سلامه
و انصحكم ما احد يستخدم ديتول لأنه هو المرض
نصابين أو أنهم يوزعوون ديتول مغشوش<< للحين فاهمه غلط
نسيت أقول لكم أن شركة ديتول
بعد ما عرفوا بقصتي طلبوني و شكروني
لأني أحسن وحده عرفت كيف تستخدم الديتول
و قبل الاخير اقول لكم
( هذه القصه ليس لها صله بالحقيقه ) << أحلفي
و في الاخير اقول لكم
لا يكثر بس
تحياتو و و و
إن شاء الله تعجبكم قصتي ترى ما أكذب <<<<<< الاخت مصدقة انها قصتها
[/align]
مواقع النشر