ريجيم الدكتور فاروق شاهين و الدكتور نبيل أيوب

**بنت مصريه** · 02-11-2007, 11:34 AM

بنات أنا عندي ريجيمات الدكتور فاروق شاهين التي تم نشرها من قبل في المنتدي و لم تكمل و دي منقوله
وعندي أيضا ريجيمات الدكتور نبيل أيوب و دي بقى متجربه مني و من غيري فأنا و قرايبي قبل الزواج كنا زباين دائمين عنده و ريجيماته تتميز بوجود كل الأكل حتى المحشي و البطاطس المحمره و ليا خالي خس معاه 35 كيلو في 17 أسبوع
يلا الى عايزه الريجيمات تتفضل و تطلب الريجيم الي عايزاه بس انا مش حكتب الا ريجيم واحد كل اسبوع نعمله كلنا سوا و نتناقش في النتايج في انتظار ردكم

**ضحى66** · 04-11-2007, 03:47 PM

ياريت يااختى تعرفينا برجيم الدكتور نبيل ايوب اللى بتقولى عليه ويارب يجيب نتيجه وجزاك الله كل خييييير

**هبوش** · 04-11-2007, 04:20 PM

يعطيكي الف عافية اختي يله نحن بأ نتظارك

**بنت مصريه** · 07-11-2007, 07:36 PM

الأسبوع الأول:
الافطار: 1/2 رغيف شامي أو بلدي+
2 بيضه بالبسطرمة
أو 2 شريحة جبن أو لانشون أو 10 زيتونه مع فنجان فول بالزيت

الغداء: 5 محشى خضار أو 10 محشي كرنب أو ورق عنب أو شريحة مكرونة بشامل أو 1/2 بيتزا صغيره
+ 1/4 فرخه أو ربع ارنب او شريحة لحمه او كبده حجم الكف او سمكه صغيره
+ فنجان سلطه خضراء

العشاء: ثمرتين فاكهه + 1 زبادي + خياره ( 4 ايام)
قطعة جاتوه او شكولاته صغيره + 1 زبادي + خياره ( 3 ايام)

يسمح ب3 شاي او قهوه يوميا + 1/2 كوب حليب
يمكن تبديل الوجبات

ملاحظات هامه جدا لكل الأسابيع:
يجب شرب 2 كوب ماء على الريق
مسموح بكل انواع الفاكهه ما عدا البلح
ثمرة الفاكهه = 1 مانجو صغيره = تفاحه = برتقاله = 2 خوخ = 2 برقوق = 1 موز = فنجان عنب أو كرز = 2 تين = 1 يوسفي = 1 جوافه = 1/8 بطيخه
يجب نزع جلد الدجاج قبل الطهي
يجب التقليل من البصل و الثوم بقدر الامكان
الاكل كله مطبوخ عادي و لكن يجب الالتزام بالكميات المحدده
عند الشعور بالجوع يمكن اكل خيار او خس
بين كل وجبه و اخري 4 ساعات على الافل
يجب شرب 8 اكواب ماء

يلا جربوه و قولواي ايه الاخبار