اخواتي الحبيبات حبيت النهارده اقولكوا على سر من اسراري العسكريه و هو طبق الكشري الى محدش داقه من ايدي الا و اتجنن عليه يلا نبدأ بالمقادير:
كوب رز ابيض مصري (حبة قصيره)
1/2 كوب عدس أسود منقوع في ماء ساعتينن على الاقل
1/2 كوب مكرونه مسلوقه في ماء و ملح
1/2 كوب حمص الشام مسلوق في ماء و ملح و كمون (اختياري)
بصله صغيره مبشوره
بصلتين كبار مقطعين ريش أو حلقات و نرش عليهم رشق دقيق
3 فصوص ثوم مبشورين
صلصة طماطم
خل
ملح و فلفل اسود و كمون و شطه
زيت
الطريقه:
في انء غويط نضع شوية زيت و لما يسخن نرش عليه رشة فلفل اسود ثم نضيف البصله المبشوره و نقلب بس تصفر البصله ثم نضيف العدس و نشوحه دقيقه ثم نحطله 2 كوب ماء و ملح حسب الرغبه و معلقه كبيره كمون و نغطي و نسيبه يغلي حوالي 10 دقائق ثم أضيف الرز و اقلب الخليط و اسيبه يستوي على نار هاديه.
لتحضير الصلصه اسخن زيت في اناء و اقلب فيه الثوم لحد ما يصفر خفيف اضيف خل و ماء بنسبة 1 ل1 و صلصة الطماطم و ملح و فلفل و الشطه حسب الرغبه بس في مصر ناكله حامي ناااااااااااااارو اسيب الصلصه تتسبك على النار
في طاسه و على نار عاليه احط زيت و اضف شرائح البصل الي مرشوش عليها الدقيق خفيف بس يديها طعم راااااااائع و اقلب باستمرار لما احس ان البصل حيبتدي يحمر اوطي النار و استمر بالتقليب لحد ما لونه يبقى بني فاتح.
بس نغرف بأه في طبق كبير غويط نحط الاول الرز مع العدس ثم طبقة الحمص للي حابب يحط حمص ثم طبقة المكرونه المسلوقه و نغطي الكل بالصلصه و لازم الصلصه تكون كتير و اخيرا ازين بطبقه من البصل المحمر و بالهنا و الشفا بس خدوا بالكوا من صوابعكوا و انتوا بتاكلوا.
رد مع اقتباس
مواقع النشر